Kum sawm liam ta vel khan kan veng chhunga chhiatni that ni a kan intawiawm dan leh, a bik takin chhiatni a tlawmngaihna kan kalpui dan sawi hona neih a ni a. He tah hian kan veng parawn ve tak mai pakhat chuan thlanlai tura hlawhfa rawih a rawt a, mitinin an sawi a, an nuihzabur a ni deuh ber mai. Mahse, hun a lo liam zel a tunah chuan a mak vak tawh tlat lo. Kan nunphung leh khawsak dan te a lo danglam zel a, kan hnam dan leh khawsak phung pawh kan nunze mil a her rem zel a lo ngai ve thin a ni. Hmun tamtak a awlsam tak a la tih theih hi hmun thenkhatah chuan tih ngaihna awm lo a ni chho mek zel a ni.
Hmanni deuh khan kan nau pakhat chu lungnain a thi a, a thih hun hi zanlai a nih avangin buai pawh a thuah hnih hle a ni. An awmna lai hi khawpui lai li lai a ni a, in pawh a bit ve hle a, an in lah chu lian lem lo ve tak mai a ni si a. A ruang an han zalh a,a ruang kiltuten an han kil fel chuan an in chu a khat a ni deuh der mai a. Ruah a la tla deuh reng mai lehnghal a, tlawmngai a min tlaivar puitute an zahawm duh khawp mai.
He tihian ka ngaihtuah ta a, kan khawtlang a mitthi an awm hian kan buaiin mitin mai hian tihtur(duty) kan nei vek mai a ni ber a. A langsar zual te kan hriat hnu vek mah nise han tarlang ila,
- Mitthi inchhung thenfai leh an bungrua te hmun hima seng hawi.
- A rangthei ang bera vengchhung information atang a inhriattir.
- Chhiatni thatni bik a hman tur YMA bungraw lak .
- Thingpui lumna tur thingfak lak. (hmun thenkhatah chuan gas thuk leh cylinder a ni ang)
- Har, thingpui lumna tur buatsaih a ruahsur pawh a buai lo tura a chung zar hul.
- A rang lam a mitthi kuang a khung leh thuthleng rem fel.
- Khawhar hla saa zai. Tlaivar a ngaih leh tlaivarpui.
- Thlan laih leh thlan chhilh.
- Mitthi buhfai khawn.
- Mitthi vuina a kal.
- Zan thum chhung lenkhawm(YMA hun)
- An remchan hun leh an ngaimawh dan azirin lenpui(bithliah awm lo)
- Khawhar in riah.
A chung a kan sawi tak te khi a langsar zual tak tak chauh a ni a, khing bakah khian tihtur tamtak a la awm a ni tih kan hre theuh awm e. Tin, tunhma lam a kan lo hman thin tamtak zualko kal, thlan khaukhurh, thing khawn, adt te nen phei chuan tihtur a tam hle a ni. Mitthi pakhat an awm hian khawtlangin kan buai a, tlawmngaih chhuahin zanlai pawh sawi lovin, mahni hna kalsanin kan inbuaipui thin a, a dawngtu tan chuan a ropuiin rulh sen rual a ni ngai lovang.
Tiang tak mai a kan thih ni a kan inbuaipui leh kan insawngbawl ang tho si awlsam zawk ni a ka hriat chu veng tin hian mitthi in neih hi a ni. 
Chumi awmzia chu veng tin hian in lian tak mai pakhat nei ila, tah chuan mitthi kan neiha kan programe hman thin zawng zawng hi chu inah chuan hmang ta zawk ila tih hi a ni. Mitthi in kan neih chuan hetiang hian kan kan buaina tamtak a kiang ang.
- Mitthi inchhung thenfai leh an bungrua te hmun hima seng hawi ngai tawh lovin, mitthi inah ruang kan zawn lut theuh tawh mai ang.
- Vengchhung information dah a ni ang nga, awlsam takin kan hmang nghal thei ang.
- Chhiatni thatni bik a hman tur YMA bungraw lak buai a ngai tawh lovang a, a awm sa vek tawh ang.
- Thingpui lumna tur thingfak lak pawh a awm sa vek tawh dawn avangin hmun dang a mi lak buai a ngai tawh lovang. (hmun thenkhatah chuan gas thuk leh cylinder a ni ang)
- Har, thingpui lumna tur buatsaih a ruahsur pawh a buai lo tura a chung zar hul pawh ngai lovin a hmun a awm sa vek tawh ang.
- A rang lam a mitthi kuang a khung leh thuthleng rem fel pawh ngai lovin thuthleng rem sa, kuang pawh siam sa dah thlap a ni ang.
- Khawhar hla saa zai. Tlaivar a ngaih leh tlaivarpui dawn pawhin thuthleng nuam pangngai tak dah a nih dawn a vangin a hahdam sawt ang.
- Khawhar in riah erawh chu a neitu chhungten an duh chuan an in lamah riahna hmun tur an lo ruahman ang.
- Bungbel leh hmanraw senghawi leh pek hran a ngai tawh lovang.
- Mitthi chhungte in lian lo leh rem lo deuh a awm an nih pawhin lang lovin engkim remchang tak vek a tih a ni vek ang.
Awm ang lo pawh in ti viau maithei e. Ka ngaihdan leh kan awlsam dan tur ka rawn tarlang ve mai mai a ni e. 
Ka misual thiante eng nge in ngaihdan ve le?
tren tren
September 18th, 2012 at 12:26 pm
first…tren tren
Report this comment
September 18th, 2012 at 12:32 pm
tren tren tren
Report this comment
September 18th, 2012 at 12:35 pm
Mitthi in han neih ngawt mai chuh!
A rapawm dawn alawm le… tren tren
Report this comment
September 18th, 2012 at 12:40 pm
Va bei tha ve, khawhar-in riah chungchang a tel lem lova, khimi ah khi chuan that hmel khawp mai
Report this comment
September 18th, 2012 at 12:40 pm
Report this comment
September 18th, 2012 at 12:50 pm
A va chhuak rang teh phat ve.
tren tren
Report this comment
September 18th, 2012 at 12:54 pm
Hman hnufual tih takah mitthi tan hun kan seng nasa mah mah tihn, tih hi a sawi fo tawh. Chhuaklinga rawtna hi tha ka ti hkawp mai. YMA hall a vuina programme an nei ringawt pawh hi a zangkhai phah viau. Funeral home tak hi chu sumdawnna a hmang tur chuan kan la hlat. YMA tan real estate man to luat tak vangin khawpuiah neih theih ngawt ani si lo. Mahse post tu rawtna khi ka duh khawp mai.
Report this comment
September 18th, 2012 at 12:58 pm
Han ti dawn tak tak ila chu kan ti leh thei mai ang maw le. Mahse mipui mimir rilru hneh a, a thatna hmuhfiah tir tur chuan hun a la duh deuh ngeiin ka ring
Report this comment
September 18th, 2012 at 1:00 pm
malsta27@4,Khawhar in riah chung chang chu 8-naah khian ka sawi lang thuak, “Khawhar in riah erawh chu a neitu chhungten an duh chuan an in lamah riahna hmun tur an lo ruahman ang.”
tren tren
Report this comment
September 18th, 2012 at 1:06 pm
Awmtea@8, a dik khawp mai, hmun thenkhatah chuan mipui thutna chu sawi loh har(thingpui lumna) han siamna hmun tur takngial pawh hi a vang tawh khawp mai. Engtin emaw taka kan inherrem hi chu a la ngai ngei dawn niin a lang tlat a ni.
Report this comment
September 18th, 2012 at 1:10 pm
Tin, chhungkaw thenkhat hi chu mi in luaha awm an ni a, heng mite tan phei chuan chhiat/that hi phurrit tak meuh meuh a tling ngei ang. Tuna kan kaldanah hi chuan thenawmte kan ring ti ila a sual vak lo maithei.
Report this comment
September 18th, 2012 at 1:10 pm
Post changkang leh, hmathlir tha tak a niin ka hria…
Report this comment
September 18th, 2012 at 1:50 pm
Ni a, idea tha tak anih hi! YMA hall te hi hmang mai ila. Vuina hmun hi chu Biakin ani tur ani ka ti ve tlat. Biakin penhleh deuh emaw Biakin nei mumal lo emaw an nih chuan YMA hall hi ani leh mai a.
Ka awm ve tawhna ah hian kan thawhpui leh kan thawhpui pa (father) boral ka tawng tawh a. An inah kan kal lo! Privacy a tihnatna lam tak ani ve tlat. Biakin ah an vui ve ve bawk!
Report this comment
September 18th, 2012 at 2:08 pm
@CHhuaklinga: Khawhar-in khi han khel deuh teh a post dangah. Khiti ringawt lo deuh khian……
Report this comment
September 18th, 2012 at 2:16 pm
malsta27@14, Khawhar-in i tih khi mitthi chhungte IN i tihna nge khita Mitthi in ka tih zawk khi aw.?
Report this comment
September 18th, 2012 at 2:25 pm
@Chhuaklinga: khawhar-in riah chungchang ka tihna……..
Report this comment
September 18th, 2012 at 2:28 pm
Hei, Pu Chawngtinthanga pawh an veng YMA hall ah, kan vui zo chiah.
Rawtna thatak a ni e.
Report this comment
September 18th, 2012 at 2:54 pm
malsta27, khimi chungchangah khi chuan thutlukna felfai tak neih a har ka ti khawp mai. Rualkhai taka kal tur chuan kan Mizoram khaw hrang hrang dinhmun hi a inthlau tawh em mai. Nangman rawn post zawk la, kan sawiho ang chu mawle.
tren tren
Report this comment
September 18th, 2012 at 5:31 pm
Ngaihtuahna ṭha tak a ni.
Mahse veng tinin a hranpaa mitthi in neih ṭheuh chu a harsa viau thei. YMA Hall hman mai hi a fuh berin ka ring. An thih aṭangin an ruang YMA hall-ah kan dah nghal loh pawhin a vuina tal hi chu YMA Hall-a tih a hun tawh. Chuti lo zawng ngai pawimawhin kan han kal ve bawk a, an thenawm in thumna te vawkin bul kawm kar chep taka va tlingtlak tak ngawt te hi a awm ṭhin a, a hrehawm bakah kan kal chhan ber lusun chhungte nen pawh ka inhmu fumfe lo fo. Anni tan lah a inthlahrunawm bawk.
lrpa@13 sawi ang, biakina mitthi vui hi sap ram leh ram dang thenkhat, YMA Hall an neih ve lohnaa an tihdan a ni a. A hlu bik deuh pawhin ngai ila a awm lo lem lo. Mahse Mizorama kan khawpui lian deuhah te hian a buaithlak fu ang. Kohhran tlem deuh, khawpuiah pawh biakin tam tak nei lo chu an in aṭangin veng dang daiha an kohhran biakina va vuia vui zawha an veng thlanmual panpui leh an ngai ang a, a hautak khawp ang.
Report this comment
September 18th, 2012 at 6:33 pm
kapi (ka nu nu) hi 2010 feb. khan YMA hall-ah kan vui.. a rem chang hle. thlanmual kal tur ho an liam felah a in pangngaihah kan lut leh diah diah mai a, a tha ka ti khawp mai.. rem leh rem lova.in hnawh hung ai chuan a zangkhai hle..
Report this comment
September 18th, 2012 at 10:07 pm
Nikhat thil thu ah mithi pahnih pathum te nei ta i la..buaithlak viau lawng maw?? Te ka tia..tren2
Report this comment
September 18th, 2012 at 10:16 pm
Tren tre…ka support lutuk.
Report this comment
September 19th, 2012 at 2:37 am
21@phawkar, tuna kan kal dan hian a sin mitthi nikhata pahnih pathum neih chu buaithlak ni. Hmanrua a indaih loh mai bakah a buaipuitu leh lenpuitu chenin indaih a har khawp. Khita mi ang khi chuan kal ila, hmun khatah engkim kan ti vek mai dawn a, a fuh viau zawk lawng maw te ka tia.
tren tren
Report this comment
May 4th, 2013 at 8:57 pm
Zonet-ah tun mai khan he mi chungchang hi an sawi ho chiah. Veng thenkhat chuan lo practice te pawh an awm tawh a ni awm e.
tren tren
Report this comment