Facebook ah tam tak chuan kan hmu thovin ka ring a, mahse tam tak FaceBook ngailo an awm tih ka hria. Tin, he thil hi ka ngai pawimawh in a reh leh mai ang tih ka hlau em a ka rawn paste tawp e.
Source: FB Special Report
26th September : Naupang Adoption chungchangah nimin khan Aizawl PS-ah FIR thehluh a ni a, Police te chuan case hi file nghal lovin an zir chiang phawt dawn niin an sawi.
Champhai Rahsi venga hmeichhe naupang pahnih Lalruatmawii (Lalbawihi ti koh) kum 11 d/o Ralkapthanga leh Chhunglawmzuali kum 3 d/o Ramchhuankimi, Champhai Vengsang Project Veng te chu kum 2001 October ni 15 khan Pu C Sangchia Aizawl Zarkawt veng kaltlangin ramdangah thawn an ni a, An puitlin hnuah an chhungte nena in be leh thei tura hrilh an nihna chu, tunah kum 22 mi an nih thlengin an chin hriat zuina a awm tak loh avangin Lalruatmawii pa Ralkapthanga hian nimin khan Aizawl Police Station-ah a fanu chin hriat duhin FIR a thehlut ta a ni.
Lalbawihi pa Ralkapthanga hnen atanga thudawn danin a fanu Lalruatmawii hian Pu C Sangchia’n sap ramah naupang a thawn thin tih engtin emaw alo hria a. Sap rama kal a chak ve avangin Sangchia hi an zawt chiang ta niin a sawi. Pu Sangchia chuan an kal tir dan tur hetiang hian a hrilh niin a sawi “Sap ramah lehkha an lo zirtir ang a, an duh zawng mi an nih chuan a enkawltute chhungkua hian an ro pawh an khawm tir ang a. An puitlin hnuah erawh chuan an duh leh Mizoram-ah an haw leh thei ang. Kum an tlin hma chuan nu leh pate tan biak pawh phal an ni lo a, biak pawh an phal lohna chhan hi nu leh pa tam takin an fate an be lungleng a, hei hi an remti lo a ni” tiin a hrilh niin a sawi.
Pu Sangchi thuswi hi an rin tawk avangin an fanu chu kum 2011 Oct ni 15 khan C Sangchia kutah hian an hlan ta a, an fate hmakhua a tha dawn hlea a lan avang hian asawi hmuh ve lehchhawn hmeithai Ramchuankimi pawhin a fanu kum 3 mi Chhunglawmzuali a kal tir ve ta bawk niin Pu Ralkapthanga chuan a sawi.
Ralkapthanga’n a sawidan chuan kumin 2012 June thla khan Sangchia hi a hmu leh a, an fanu chu biak a duh thu sawiin a kum pawh 22 a tlin tawh thu a hrilh a, Sangchia hian “Engmah thu thar a awm lo” tiin a lo chhang niin a sawi. Pu Ralkapthanga mangang hian Aizawl-a CHAN hotute a pun ta a. CHAN a Human Trafficking lam buaipuitute chuan lo puiin Pu C.Sangchia an va dawr veleh ta a, Pu sangchia chuan “Khuangcherbo-a bo turin kan thawn a ni” tiin a lo hrilh niin thu dawnna chuan a sawi. Pu Sangchia chuan “naupang nu leh pa te hian chutiang tur chuan phalna an pek mai bakah Affidavit-ah pawh an sign ngei a, hetah hian hriatpuitute pawhin an sign” tiin CHAN hotute chu affidavit xerox copy a lo pe niin an sawi bawk.
Ralkapthanga hian Sangchia hmaah affidavit-ah engmah signature pek an neih loh thu leh, an fanu a hlan lai hian affidavit xerox copy Pu Sangchian a lo pek-a signature awm ve, a nupui Lalthannguri chu khatihlai khan a awm ve lo niin a sawi. Sangchia affidavit siama ama signature anga lang pawh chu ama sign ni lovin, a lem siamchawp nia a lan thu a sawi a. A finfiahna atan a signature dik tak, naupang a pek hmaa Bank Account a hawnnaa a sign copy te pawh FIR-ah hian a thehlut tel bawk. “Ka fanu hi a awmna chin hriat a, amah ngei hi biak ka duh a ni” tiin Pu Ralkapthanga chuan a sawi.
Pu C Sangchia hian kum 2003 khan naupang chin hriat loha thawnbo chungchangah MZP te leh naupang chhungte nen thawm lian tak an lo nei tawh a. Heta a thawnbote pawh hi tun thleng hian chin hriat zuina a la awm chuang lo niawmin Human Traffiking chhuitu CHAN hotute chuan an sawi.
Similar Posts:
- Mahni fanute pawngsual tam
- Tanpuitu Ngaiin…
- Sign a Petition: Stand With Burmese Protestors
- Mizorama Tual thihna thleng fo hi.
- Aizol Times Briefs
ps. Model ngawr2
September 27th, 2012 at 11:34 am
khai aw
Report this comment
September 27th, 2012 at 11:41 am
E he, a va mak ve! Hei hi thil namai lo tak a nih hi. Chhui chiana a tawp thleng raka bawhzui ngei ngei chi a nih hi!
Report this comment
September 27th, 2012 at 11:44 am
Sangchia chuan risk sang chi a la thin a ni maw?!
Ralkapthanga reng reng pawh chu, a dawntawithlak mai mai teh e… 
Patling leh patling, meng chungin an inbum chu a ni awm a. Mi tam tak nawmsak duh lutuk hian, kawng an hmu lo thin a ni, a pawi teh e…
Zirna tur seat, sawrkarin min pek fel thlap tawh zir tura kan kal pawh, kan nu leh pa te rilru a nuam lo a niaa(h). Mihring hi kan inang lo haih haih teh e..
Report this comment
September 27th, 2012 at 11:50 am
Mi ramah chuan serious case tur tak ani ang..mizoramah chuan vawkte ruk case aiin a serious vak chuang lo ang!!
Report this comment
September 27th, 2012 at 11:55 am
Hei hi fb lamah khan ka comment nual tawh a, an inremsiam dan khi a atthlak lutuk deuhvin ka hria a, a nu leh pa te an demawm ve thovin ka hria. Adoption lam anih phei chuan, ‘Khuangcher bo hmak’ tura thawn pawh kha thil awm thei tak tur a ni. Thil serious tak niin ka hria. Pu Sangchia te chu Aizawl pa nuamsa pawl anni tawh a, Lawyer ruaiin a intifihlim theih a rinawm viau a. Mahse, thil awmdan dik tak chhuichhuah dap erawh chu, sawrkar lam mawh liau liau a niin ka hria. Sap mihausa fa nei thei silo ten faah an lo nei tawh nge, Red light area lamah an lo hralh daih tawh? tih tal hi chu a chhuichhuah theih a rin awm.
Report this comment
September 27th, 2012 at 12:16 pm
A thinrim thlak khawp mai. Case serious takin han kalpui teh se
Report this comment
September 27th, 2012 at 12:23 pm
Thil awmzia hriat kim loh chuan comment a harsa ka ti.
Illegal adoption ngei ngei angin a chunga ziah chinah chuan ka hmu lo. Engmah hriat chian hmaa Pu Sangchia lo dem ngawt chi pawn a lang lo. Chhungkaw harsa tak tak tan chuan option dang a vang viau thei.
Dik chiah chuan kan rama adoption policy hi a strict angreng khawp mai a. Chu a chhapah policy an la enforce tha vak lo nen. Mahse helam ngawt ani lo tih chianna chu heng Mizo nupangte hian passport leh visa an mamawh a, dik lo hulhual ni sela Europe ramah visa an pe mai mai lovang.
Report this comment
September 27th, 2012 at 12:29 pm
Hetia lo inla-milian te pawh kan lo awm ve tawh a ni maw…?
Kan khawchhak lam unaute bawk an ni leh em? tih hi ka zawhna a ni.
Pu Sangchia hi ka hre deuh tak a hming chu… a hausak tawh phei chuan a va manganthlâk dawn êm…!
Report this comment
September 27th, 2012 at 12:55 pm
2003 lama boruak te pawh chu a thawnbo te chin an la hre lo a nih chuan ngatinge a reh ringawt le?? Mizo hi chu kan hetia, thil hi a chin chhuakin kan ti tha peih lo, thawk leh khatah a ri hluai a, a zuih ral leh ringawt zel!!! Ralkapthanga teh reng pawh chu!! Khawsak harsat vanga ti a nih chu a rinawm loh, bankah account te pawh a neih chuan
Report this comment
September 27th, 2012 at 1:18 pm
A in nei lian lian hi an buaithlak mai anih hi
Report this comment
September 27th, 2012 at 1:28 pm
#4
Report this comment
September 27th, 2012 at 1:33 pm
Sangchia, 80’s vel a tang a Aizawl a rawn pem, a rawn kalna lam ka hriatloh. Ka rin zawng a nilo. Chhui chiang mawlh teh se.
Report this comment
September 27th, 2012 at 2:16 pm
“Rawngbawlin ka kal e'” ti hian a vak a vak thinin ka hriat chu
Report this comment
September 27th, 2012 at 2:40 pm
Ngaihtuah chian chuan a rapthlak viauin ani. Sangchia hian a bum hlawm let tawp tih a hriat reng mai rualin naupangte nu leh pa te hian pawisa an dawng em aw??
Kum 11 mi han adopt chu! a upa deuh mah mah ani. Thil chhui awlsam lo tak mahse theih tho anih hmel! US te anih chuan, mahse sapram tih rikngawt..US ah nge? Burma nge pawh a hriat bawk si loh!
Sum duh hi mualphona thlentu a lo ni zel dawn anih hi. Rinawm taka kan lakluhah hian lungawi ila.
Report this comment
September 27th, 2012 at 3:21 pm
Thudik hriat avan chakawm vele aw
Report this comment
September 27th, 2012 at 3:25 pm
Khawilai emaw a nawhchizawrhna velah hian alo awm reng mai ang tih a va hlauhawm ve.
Report this comment
September 27th, 2012 at 3:38 pm
lak serious chi a va ni em…mizoram level mai lo deuhva kalpui chi pawh a ni ang.
naupang pa hi dem dawn ila sawi tur a awm teuh ang. rahbi a tleu hian duhthlan tur a tam lo…mi chanchhiatna lo sumdawnpui duh mihring an awm chawk.
sangchia pawh chu legally in lo dik pawh ni se…human right ah a thiam thei lo.
Report this comment
September 27th, 2012 at 5:05 pm
Report this comment
September 27th, 2012 at 7:58 pm
va zia lo ve aw, kan police chhuanvawr tak, ‘kuthnung khirh’ phelh te khan han chhui thuai thuai teh se
Report this comment
September 27th, 2012 at 9:42 pm
Hmeichhia annih chuan an ngaihtuahawm lehzual hle mai, chuan sapram tih ringawt, khawilaiah nge an thawn tih a va chiang lo ve, vairam bak hi an lo pel miah lo ang e, henglaiah hian sum tlemte duh vanga mahni mote pawh hralh hmiah hmiah hrehlo an tam si, USA vel an thlenthlak chu ka van ring chiah lo e
Nu leh pa thenkhat hi chu an ngaihsam deuh a ni, a atthlak em mai.
Report this comment
September 28th, 2012 at 1:38 am
FB leh internet chat site hrang hranga in dem liam liam ringawt hi a tawk ta lo ve..Vawi khat hming chhiatna tawk te hi chu an an hriatthiam awm..vawi tam hmingchhiat pui erawh in dah tha hmak hmak ngam ” Zo tlangval rual pawl” chet chhuah a hun tawh tak zet e..
Bible in engtin nge a sawi..” Sual dovin thisen chhuak khawpin in la tang lo ve”… Enge maw kan nghah leh chuan le.???
Report this comment
September 28th, 2012 at 3:40 am
Tawngkam fimkhur a tha, special report site atang pawhin an delete tawh a ni a, thuchiang hriat hma chuan ngawih chuh a finthlak mai thei.
Report this comment
September 28th, 2012 at 3:50 am
21
Report this comment
September 28th, 2012 at 7:37 am
Thu chiang hriat hma hi chuan tawng huai vak hi a fuh lo thei. Pu Sangchia hi ka hriat Pu Sangchia kha a nih chuan mi pangngai tak niin ka lo hre ve ngawt a, a tu leh fate pawh mi puitling tak tak an ni. Amah hi khaw hawi zau leh zin vei vek reng mai erawh chu niin ka hria.
He thila naupang nu leh pate nena an indawr dan kimchang kan hre lo va, mahse Pu Ralkapthanga te lam pawh hian an huam thui mah mah chu niin a lang ve tho mai. Chiahpuam ‘philosophy’ ang rilru tho khan a uai thlu ve tho a ni thei ang em? Nge, Pu Sangchia hi an ring tawk a, ngaih tha takin thil an kal pui tawp mai zawk? Naupang nu leh pate dinhmuna han indah hian ka khawngaih ngawih ngawih! Kan hnu chhui thiam Mizoram Police rual kha han che teh u khai!
Report this comment
September 28th, 2012 at 7:39 pm
Kan duh duh in kan sawi ang, Foreign adoption hi sawrkar phalna a dan ang thlapa tih tur ania Pu Sangchi ahi eng vangin nge a lo in rawlh ve? Heng mizo naupang te hi vai emaw, sapram ah KS tur emaw in a hralh ani lo maw?
Pu Sangchi ahi mithalo ka tihna nilovin amah hi Burma lam chhuak, sumdawng fing ‘Phakar”kan tih ang chi hi ani a, a hlawhtling reng a, a tan hlawkna awm lo se heng thilah hian a inrawlh angem?
Mizo naupang te hi foreign ah dan anga an kal anih chuan visa an hmuh angai ngei ngei a, an thawnna ram embassy leh consulate ah Mizoram Police te hian zawt chhuak vek sela atha ang.
Report this comment
September 28th, 2012 at 8:31 pm
Eng emaw hleka Burma lam chhuak tih thlak zen hi enge a tulna maw le. Mizoram chhuak zawng zawng pawh kan fel famkim bik loh hi. A chhuitu tur police an awm a, an chhui mai ang, kan tawngkam hman fimkhur loh avang hian kan chungah harsatna a thleng ve thei tih pawh kan hriat a tha.
Report this comment
September 28th, 2012 at 8:38 pm
hei ai hian HOT rawh pip
Report this comment
September 28th, 2012 at 9:03 pm
#26 a dik.
Burma chhuak, India chhuak tih hi ṭawngkam uchuak, ṭawngkam thlahdahna mai a ni. Hetiangah chuan mihring hi, a mimal zelin thlir a fel ber ang.
#24 khi mi puitling kam chhuak niin ka hria.
Report this comment
September 29th, 2012 at 12:45 am
Adoption ah ‘bo tawp’ tih a awm theih poh ka hre lo. A la/adopt tute hming leh address leh contact theihna te, naupang an lakna hmunah rigister ani thrin ani lom ni.
2003 kh naupang thawnbo chungchangah MZP te leh naupang chhungten an buaipui tawh pawh tunthlenga chin hriat zuina awm chuang lo chu – Ngaihtuahna ti thui tak ani.
Hei hi chhuichhuah thuai nise a va lawmawm dawn em, nu leh pa leh ram tan.
Pu Sangchi’a pawh chu a lawm ve ngawt ang, a mawhphurhna, a thiltih atranga thil awm ani si a. Han ngaihsak viau se kan ti.
Report this comment