Rilruah Helen-i a lang nghal ringawt a nih pawhin a awm tho e. Troy film hmuhnawm tak, Homer-a epic poem Iliad thawnthu hmanga an siam kha kan en tawh furin ka ring. Troy khaw hlui chu kan zu en a. Çanakkale province chhung, Çanakkale khua aṭanga chhim lam, darkar chanve tlan vela awm a ni. Khaw ram mai a nih avangin a hmuhnawm rapthlak hran lo a, lung erawh a leng ru vung vung thei. Thlalak ṭhenkhat, comment tlem nen i enho ang u hmiang…
Kalkawng
Hei hi international E-road network an tih mai, Europe ram hrang hrang inkal pawhna kawngpui, Istanbul aṭanga khawthlang zawnga kal, E-80 a ni. Inset-a lang 120 hi maximum speed a ni a, 40 hi minimum speed, km-in; 40 kmph aia muangin tlan phal a ni lo.
Çanakkale khaw pannaah hian World War I-a indona hmingthang tak, British, French, Australian and New Zealand Army Corps (ANZAC) ṭangrualin Turkish sipai, Kemal Ataturk-a hote an beihna, Gallipoli kha a awm a. Chuta war memorial chu kan tlawh hmasa te te a.
Gallipoli Campaign a zawh meuh chuan mi 120,000 chuang lai an thi hman – Turkish lamah 80,000, British leh French lamah 44,000 (Australian 8,500 New Zeland 2,721 leh India sipai 371 telin). Turkish lam hi an thi tam zawk fe naa hnehna changtu an ni. Heng ram te hian a hrangin war cemetery an nei a, kum tinin a champhaah chawimawina leh zahna entirin hun urhsun an hmang a, Australia leh New Zealand aṭang pawhin mi sang tam tak an rawn tel ṭhin. Tunah chuan khatih laia indo te khan a huho-in memorial service an hmang ṭhin.
Mediterranean Sea aṭanga Black Sea kal pawhna tuikawng awmchhun, Gallipoli campaign-a an inchuh ber chu, tunah chuan lawngin, thlamuang takin kan car te, bus lian pui pui te nen kan kai a, minute 8 kal vel a ni.
Oil tanker lian, football field pathum chena seiin chu tuikawng pawimawh chu a lo zawh ve mek bawk.
Çanakkale khua
Hei hi Troy film-a an sakawr lem kha a ni. Film chan nan Troy khaw hlui hmun hi an dil a, phalsak an ni lo a ni awm e. Mahse trojan horse lem hi an present ta tho a. Çanakkale khaw lai, tuipui kam hnaihah an hung luah mai.
Çanakkale lawngleng
Çanakkale – niin kawl a liam
Çanakkale square pakhat, ni tlak rualin.
Troy – Troia- Truva
Engvanga heti kher khera tikawi ni ang maw….
A ram thleng hi a rem bawk a, agriculture lam an uar a, hawina lam apiangah farm hmuhnawm tak tak a awm diai duai.
He khawhlui hi UNESCO World Heritage site a ni.
Prince ngaihsanawm Hector-a leh ‘Hnuk chhat tura piang’ Achilles-a te inhmachhawnna hmun te pawh kha ni fa hmiang
Entu dangte pawh an awm ve nual…engnge in hmuh? (rilru a hriat theih khawp ang!)
Lungrem upa chu –kan pian hma deuh thil a ni.
Trojan Horse lem, a hmun tak a mi
Helen-i thlarau kha helai velah hian a lo la teihawi a nih ngai chuan ‘khu pa nena kan lenlai a rual lo chu aw….’ a ti ve vang vang awm sia ti chung zelin kan letsan leh a ṭul ta si…
Similar Posts:
- Trojan Horse (Setana free gift)
- A BEAUTIFUL MESSAGE: Two Horses
- Fastest street-legal production cars 300+ km/h onwards
- Check your Airtel broadband speed
- India Peace Memorial
September 28th, 2012 at 2:10 pm
Apu Hlatekhua, ing lo suai ve..
Report this comment
September 28th, 2012 at 2:21 pm
Ka chhiar chhuak ve dap mai. Tun kuma post ka chhiar chhuah dap 2-na a ni. Hmana thlalak inchuh ai kha chuan hetiang hi ka ngaihlu ‘deih’ zawk..hairehai
Report this comment
September 28th, 2012 at 2:30 pm
E, hmuh a nuam hle mai.
…Khrum
Report this comment
September 28th, 2012 at 2:31 pm
ahmuhnawm kher chhap e..rualawh ana thin hle mai. Kawngpui pawh an ti kual chawp vel mai mai tawh anih khi.
Report this comment
September 28th, 2012 at 3:18 pm
Thlalak hmuh a nuam mang e…
Report this comment
September 28th, 2012 at 3:18 pm
ka nghakhlel nunhlui… an tih ang deuhin lung hlui a leng dawn2 e
Report this comment
September 28th, 2012 at 3:55 pm
Just wonderful..ka van kal ve chak namai lo ve aw! i thleng thui bik hle mai, lunglenthlak vawng vawng hlawm bawk si
Report this comment
September 28th, 2012 at 4:18 pm
I va rawn thawh tha ve. Ka’n save keuh ang e..i zarah kal ve ang mai kan ni alawm. Troy film kha a chhuah apiang hi chuan ka la hlah lo ve zel.
Report this comment
September 28th, 2012 at 4:33 pm
In lo en ve duh a, ka lawm e. Thlalak hnuhnung ber dawt-a thil inziak khi a lo te deuh a nih khi. Lungrem khi c.2500 BC a mi tih te a inziak.
Hmun ṭhenkhatah kawng an lo siam thar mek a, an alkatra chhun chu a lo berah pawh inches 8-10 vela chhah a ni. A tlo deuh ngeiin ka ring. Car tlan chungin thla ka la a, a fiah loh deuh vangin ka dah tel ta lo. Kan PWD engineer-ho hmuh ve atan ka duh ngawt mai.
A duh chu lo kal ve rawh u, kal a harsa lo lutuk.
Report this comment
September 28th, 2012 at 4:38 pm
Kal ve a va’n chakawm ve aw.
Report this comment
September 28th, 2012 at 4:59 pm
Paris-a ka ngei thar leh thin
A mawi hlawm kher mai
Report this comment
September 28th, 2012 at 5:03 pm
Thlalak a tawp lam atanga 3na chuh, I rilru ka hria kei pawh in
Report this comment
September 28th, 2012 at 5:08 pm
Kawngpui an tikual chawp vel khi a lawmawm hranpa tlat…
Nimin chu, kan u pakhatin, Mizote hi vai aiin lirtheia chuanin kan rui hma bik a tia. Kei chuan, ngawi teh, zoram kawngpuiah khian chuang ve thin ta se, an rui ve tho vang ka tia. A ni dawn tak a ti ve mai…
Report this comment
September 28th, 2012 at 5:41 pm
Zaithiamlo@12, i hriat chu han sawi chhin teh…
Report this comment
September 28th, 2012 at 5:47 pm
Zaithiamlo chuan a hre lovang, a zaithiamlo em mai…
Kei chu, nula sitepa chho lai chiah khi ka hmu chiang thei…
Report this comment
September 28th, 2012 at 5:57 pm
Ekhai! A hmuhnawm ngei mai. Kan hmuh phak ngai loh tur min hmuhtir vangin Hlatekhua hnenah lawmthu. I nick leh i post a inhmeh tawp.
Report this comment
September 28th, 2012 at 6:10 pm
I vannei hle mai, kal thei leh kalna chance i nei chu. I thlalak pawhin history lam mitthlaah a kaitho e.
Report this comment
September 28th, 2012 at 6:17 pm
Dr Mahminga Sailo chu tlangval i la ni tih a hriat hle mai.
sheldon, kei pawh ka lawm e. Nia, hla deuh deuhah hian min tir kual ṭhin a.
H.Vangchhia, ni e, a vanneihthlak ngawt mai. Ka vawihnihna a ni – April 2009 khan ka u nen kan zu kal tawh bawk a. ANZAC/Gallipoli Memorial Day an hmannaah ka tel nghal bawk. Rilru a khawih ve thei khawp mai.
Report this comment
September 28th, 2012 at 6:18 pm
Inset-a lang “120 maximum” khi International City dangah eng zat nge ni ve tlangpui le? Ka Mi-hriat 1 chu Israel ramah a zuk kal ve a, Report a pekna-ah “Israel ramah chuan Speed 160 aia hniam-in kan tlan ngai lo. Speed 160 hi Motor tlan dan tlanglawn a ni” a ti a! Ka awih chiah silo, ka la kal ve si lova han hnial thei ka ni der si lo! Hrechiang in awm chuan ka van hre duh ve aw? {ka OT lutuk em lovang chu maw}
Report this comment
September 28th, 2012 at 6:35 pm
#18 nih chu
Report this comment
September 28th, 2012 at 6:43 pm
Dr. John, ka hmuh ve tawhah chuan speed limit hi 110/120/130 kmph te a ni, chu pawh khawpui chhungah ni lo, khaw kar kawng, highway ang chi-ah hian. Mahse speed limit zawm lo hi an tam ve ṭhin a. Keini pawh police man kan hlau ve vak lo bawk a, kan tlan leh chiam ṭhin. Troy kawngah hian keini 150kmph vela kan tlan laiin hmeichhe tleirawl deuh pakhat, BMW 320d khalh hian min rawn lehpel leh fua ṭhin, min chhaih pah deuhin. Remchangah kan han pel a, min rawn um pha leh mai ṭhin.
German autobahn-ah chuan speed limit a awm lo a ni awm e – category bik tan lo chuan.
Report this comment
September 28th, 2012 at 7:01 pm
Current neih loh vangin phone-in ka online a, rualawh a ti na hle mai. Current awm veleh ngun takin ka la en leh ang.
Engpawhnise
Phawt
Report this comment
September 28th, 2012 at 7:10 pm
Foreign hi ka hmu ve chak e……!!! Mahse post tupa pawh hian portable GPS ang deuh a hmang ve a va’n ang ve !
Mediterranian sea leh Olive vel in sawi hi chuan ka nghilh deuh dup zel a nia.
Report this comment
September 28th, 2012 at 7:18 pm
#22, @Lingling: Troy vanglai hian khawnge kan thlahtute an awm ve ang aw……….
Report this comment
September 28th, 2012 at 7:19 pm
lushai_er, mi tih kan hria a, GPS hi kan vuah ve bawk a, ka driver hian a hmang thiam mang lo a, kan tar ve mai mai. Kum khatah vawi 2 emaw chu a ‘on’ chhin tawh awm e!
Report this comment
September 28th, 2012 at 7:39 pm
Mit a tlai hle mai. Rual awh a na thin e. Hector kha a role kha a tha bawk a, a hming leh chettlatna hmunhma hmuh ringawt pawhin a lunglen thlak hle mai.
Report this comment
September 28th, 2012 at 7:43 pm
24@lushai_er, Ahaha… Great wall of China an sa tlut tlut te pawh a ni mahna..
Report this comment
September 28th, 2012 at 9:53 pm
a hmuhnawm e…
last para khi
Report this comment
September 28th, 2012 at 10:48 pm
Current kan nei ve ta hlauh mai!!! A va mittlaithlak ve le, mit tla lek lekin kan thlir dauh dauh mai a lawm le.
Pic. 6-na a car dum bula ding khi post-tupa hi a ni chiang mai.
Rilru hriat theihna pic.-ah khi chuan ke lem vuah khian ka mit a la hmasa ber
, a dawtah step khian 
, a pathumnaah camera keng khian Pu Shai-a leh K’u Hv-a min ti lungleng 
Report this comment
September 28th, 2012 at 11:05 pm
Va nawm hmel ve,..
Troy thawnthu hi chu a fuh thlot, love story leh action a twist kawp nalh lutuk hi,,,
Report this comment
September 29th, 2012 at 12:45 am
Ni a va sat hmel hlawm vawl vawl ve. A nawm hmelin ava hlu ve le.
Report this comment
September 29th, 2012 at 1:24 am
sisen@28, last para chu a dik duh hmel i ti ve ngawt lo maw?
Chhuaklinga@29, kan car (dum) bula ding khi keimah ka ni lo a nia, ka driver a nih khi. Ke lem vuah khi ka lak chhan chu a nia, khatiang hmunah khan a kal ve thei zel kha mak ka ti deuh a.
Lamji, ni e, Mediterranean Sea a hnai deuh a, a hmingthanna ang ngeiin ni pawh a eng tha khawp mai.
Zanin chu Troy film ka’n en nawn leh ngat a, a hmuhnawm zual sawt.
Report this comment
September 29th, 2012 at 12:53 pm
he post hi Like tak ka ni, keimaha ‘engemaw’ a kaitho tlat, hriat ngailoh ram fan chak riauna a ni ber ang chu,
maybe that peculiar feeling when you feel
while traveling to an exotic land,
to be awed by the wonder of ancient tombs,
and to drown in the palace of their glory sunset,
lying in the pool of moonlight bath
shivering with the alien waves
far and away in the wild wild west.. haha lolz
Report this comment
September 29th, 2012 at 1:35 pm
Hmuhnawm hle mai! Bengvarthlak bawk si! I post avangin kumkhuaa hmuh phak ngai loh tur kan hmu ve leh ta!
Report this comment
September 29th, 2012 at 4:51 pm
Amah Charice_mizo & keimah (‘nangmah’ ti awm tak ka ni), in ti lawmawm e!
Report this comment
September 29th, 2012 at 9:10 pm
Mit a va tlai ve le, an kalkawng khi kan rama awm ve atan a awhawm mange a…
Report this comment