Krismas zaikhawm hi kan nei ho thin a. Tumkhat chu, mi pakhat ina kan zai ho zan chuan chawhlui kan kil ho nghal a. Chutia chaw kan eikham ta chu, kan zinga upa pawl pakhat kham ta chiah, kutsil zo puana a kut lo hru hul lai mek hnenah chuan,”Ka pu, i kham tawh elaw?” ka ti a, “Aih, ka kham lo, ka puar” min ti let khauh mai a. Ka hnial zui duh lem lova.
Krismas a lo ral a, kumthar hnu chuan thiannute inah chaw kan eikhawm dar dar a. Chutah, India rama kan University tha ber maia zirna sang zirlai pakhat chuan “Kham” tih kan hmanna a dik loh thu bawk chu a rawn sawi leh a, hmeichhe awm laia han inhnial kha ka hreh avang khan ka ngawi leh ta a. Mahse, ka ngaihtuah zui nasa a, ka la ziak ang ka ti a; hei, tunah thildang nena belhkhawmin ka rawn thai tial ve leh nuai teh ang.
A hmasain, “Chaw eikham” tih hi a dik em em e tih hi ka sawi hmasa duh a. “Ka kham e” kan tih hian “chhangkham/hne” kawh tumna lam ai mahin, ka puar e, ka duhtawk e tihna lam hi a kawk a. Chuvangin, a dik hle a ni. A dikzia lantir nan, Chaw puar hnu ni lovin, chaw eikhamah kan daileng thin a lo ni zawk..
Mizo tawng (hnamdang tawng pawh a ni tho awm e) ah hian awmze dang leh a nihna ang ngau ngau lova hman tur tam tak hi a awm a niin a lang. Helai hmun ngei ah pawh hian kan inhnial phah fo hi.
Tawng reng reng hi a literal meaning anga ngaih loh tur tam tak a awm thei reng a ni. Entirnan, keipui zawng zawngin no an hruai vek lova, keipui pa te pawh a awm tho mai. Chutiangin, chempui pawh a nu, no hruai lai vek pawh an ni chuang lem hlei law.!!
Mahni duhdan hian kan tawng hi ka kuaiher vel mai mai hi rilru a lo na ve thin a. Chawchhun(lunch) pawh Chhun chaw(afternoon meal) kan ti puam ta talh talh a. Sap tawng kalphung kan lak vang nge lah ka hre law.. Lu met thin te pawhin Sam meh an tum zo ta bawk si, chutah thangthar bengtla lo zetin, thawveng fahran maia ” Lu in meh ten, lu a bung nuai anga sin” tia an la nuihsawh phei hi chuan kuk fawk tak hi ka nap thin.
Mipain puan an ven tir a, hmeichhiain puan an la bih tir thul..!!! A mipa leh hmeichhia nihna avang nge, an belna lai azira puan bih a, veng an nih hriat te hi a tha hle mai. Thir kual theuh theuh pawh, bengah an beh a, kutah an bun thin ang deuh hian, puan pawh lu ah an tuam a, an khim bawk a, awmah hmeichhiain an bih a, kawngah an veng thin a ni lovemni??
Similar Posts:
- Air pangngai aiah N2
- Tawng chungchang
- Ka chet chhiat na te
- Mizo hmeichhiate’n puan an veng tawh.
- Mak Thei ngei!!
October 7th, 2012 at 6:00 pm
lrp, tak tak a lawm… in research tih dan, a pawnlawi deuh, simple inglish te khan han phawrh la ka ti teh asin. Mawh mawh mawh
Report this comment
October 7th, 2012 at 6:04 pm
51..Pu HV,
Report this comment