Kumina Nobel Prize dawng tur mi chi hrang hrangte puan a ni a. Damdawi lam thiamna bik(Medicine)-ah chuan scientist pahnih Sir John Gurdon, Great Britain leh Dr. Shinya Yamanaka, Japan te hnena hlan tura tih a ni. Hemi te pahnih thil hmuh chhuah ropui tak tak te hi eng chiah nge a nih a, eng nge mihringte tan a pawimawh viau a; chawimawina ropui pek an nih tak hial tih sawi kan tum dawn a ni.
Tunhma scientist te ngaihdan
Mi tute mai pawh hi mipa chi leh hmeiche chi inbelhbawm atang lo piang kan ni a. Mipa chi leh hmeichhe chi inbelhbawm atang chuan ‘Zygote’ a insiam a, zygote chu ‘embryo’-ah a insiam a, timur (cell) chi 2, 4, 8, 16 etc. ah a lo inthensawm ta a. Tichuan, ‘embryo’ atangin ‘fetus’, fetus atangin mihring puitlingah kan lo piang ta a ni. Timur chhungah chuan thil pawimawh tak pakhat, timur leh a hnathawh dan control-tu leh kan inthlahchhawn zelna’na thu kengtu pakhat a awm a, chu chu ‘Timur laimu’ (nucleus) an ti, nucleus chhungah chuan ze fang (gene) a awm leh a, chu chuan kan zia tur zawng zawng a keng kim vek a. ‘Sial rangin sial rang a hring, sakawlin sakawl a hring’ kan tih theihna chhan pawh hi he ze fang (gene) hi kan inthlahchhawn zel vang a ni.
Chu timur chu timur dang tam takah a rawn inthlahpung chho a. A pung satliah mai ni lovin, awmze nei takin an tihtur bik theuhvah an inthlahpung a, timur puitling an rawn ni ta a. Entirna’n, lung timur (heart cell) in lung a siam a, thin (liver) cell chuan thin, mit cell-in mit. Chutiangzelin, thin timurin lung a siam thei lo tih chu tun hma scientistte ngaih dan a ni. Tin, heng timur puitling tawh (mature cell) te hi atira timur kan sawi (Primitive cell) ah khan letin, cell dang chi tam tak an siam thei tawh lo tih an ring nghet bur a ni.
Biology text book ziah danglam a ngai ta
Kum 1962 a rawn herchhuah meuh chuan British Pachal, John Gurdon chuan heng scientist-te ngaihdan hi a rawn her danglam ta dawrh a. Timur puitling tawhte hi timur tobul(Primitive cell)-ah let lehin, timur chi dang tamtak a siam chhuak thei tih ngaihdan a nei a. Ulawng tui (egg) atangin nucleus a paihchhuaka, ulawng puitling tawh ril (intestine) timur atangin nucleus a la chhuak bawk a. Chu chu a tui, nuleus nei lo-ah chuan a kap lut a. Chu ulawng chu pangngai takin a rawn thang liana, ulawng puitlingah danglamna awm lovin a rawn thang lian thei tih a rawn finfiah ta. Chumi awmzia chu, ril timur pakhat khan timur dang tam tak a siam chuak thei tihna a ni. Mitam takin in an awih lova, John Gurdon hi an nuihsawh hial a ni. Mahse, a hnuah midang tam takin a dikzia an rawn finfiah ve zel a, Gurdon thil hmuhchhuah chu khawvelin a pawm a, biology text book chu ziah danglam a ni ta.
Embryonic stem cell
Sawi tawh angin mipa leh hmeichhe chi inbelhbawmin ‘zygote’ a siam a, timur (cell) pakhat a ni. Chu chu lo thangin embryo-ah a lo chang a, cell chi 2, 4, 8, 16 etc. ah a lo pung ta a. Chu cell chu scientist ten an han zir chiang a, cell danglam tak pakhat, stem cell an tih chu an hmu chhuak ta. Stem cell chuan mihring puitling nitura kan taksain a mamawh cell hrang hrang te a nei vek a, stem cell atangin eng cell pawh a insiam chhuak thei tih hmuh chhuah a lo ni ta a. Chu chu embryo atanga lo insiam anih avangin ‘embryonic stem cell’ an ti.
Kum 1982 ah He embryonic stem cell hi Martin Evans & Kaufman te’n chaichim atangin an la chhuak a, Evans hian Nobel prize 2007 a dawng hial a ni. He Embryonic stem cell atang hian natna tihdam theih loh anga ngaih tam tak tih dam theih a lo ni dawn ta a. Lungnatna te, Parkinson’s disease te, Alzheimer’s disease te, thisen cancer te, stroke te, diabetes, etc te tihdam theih a ni ta a. Heng natna avanga cell thi tawh leh chhe tawhte chu stem cell injection-in cell tharin a rawn thlak dawn a ni.
Embryonic stem cell avangin Khawvel a buai
Embryonic stem cell hmanga natna tihdam theih a nit a chu thil ropui tak ni mahse,a duh lotu an tam hle thung. Sawi tawh angin embryo te hi mihring puitlinga rawn paing chhuak tur an ni. Amaherawhchu, embryonic stem cell lakchhuah dawn hian embryo te tih chhiat a ngai a, chu tak chu mi tam tak ngaihdan a ni tlat lo. Nunna nei, mihring rawn piang tur tih chhiat kha, tualthahna nen thuhmun rengah ngai tam tak an awm a, an duh lo bur a ni. America sawrkar pawh a lu a hai hle a, George Bush-a khan stem cell therapy hi a khap ta a, helam kaihhnawih research atana sum mamawh ‘funding’ a remti ta lo. Mahse, Barak Obama a rawn lal ve tak hnuah chuan stem cell therapy chu kalpui a rawn remti ve leh ta thung a. UK sawrkar paw’n fekfawn tak a dan zamin, a remti ve thung a ni.
Japanese val a rawn pen chhuak
Pu Gurdon-a’n Biology text book a ziah danglam tak kum 1962-ah piangin, Japanese val Dr. Shinya Yamanaka chuan embryo-te ti chhe lova, stem cell siam chhuah dan awmin a ring tlat a. Cell puitling tawh te leh embryonic stem cell te laimu chhunga ze fang (gene) te chu a han zir chiang a. Tahchuan an danglamna tam tak a hmuchhuak ta! Vun timur (skin cell) chhunga ze fang (gene) chu siam danglam (reprogramme)-in embryonic stem cell nihphung ang chiah a rawn siam chhuak ta a, ‘induced Pluripotent Stem (iPS) cell’ a vuah a. Tichuan, embryonic stem cell avanga buaina chu rawn ching felin, embryo ti chhe kher lovin a aiah iPS cell te hi hman theih a lo ni ta ni.
Tin, iPS cell pawimawhna dang leh chu, immune rejection a awm lo. Entirnan, Lung natna nei tan chuan embryonic stem cell kha hmang dawn ila, midang embryo a lo ngai tawh a, chu chu kan taksa a ralvengtu (antibodies) te khan ral (foreign bodies) emaw tiin an lo bei vat thin a, taksaah harsatna namen lo a thleng thin a, chu chu immune rejection an ti. Ama’rawh chu, iPs cell siam chhuah a lo nih tak chinah chuan, damlo timur atang veka siam a nih avangin heng taksa ralveng tu hian an hre chianga an bei let ve lova. Chuvangin ‘immune rejection’ awm lo a ni.
Tih dam kan ni ta!
Natna tam tak chu natna hrikin avang lo awm a ni a, a hrik tihhlum a nih chuan an dam ve leh mai thin. Amaherawhchu, natna thenkhat erawh a hrik vang nilovin taksa khawl fel loh vang leh hraitna thazam chhiat vang te, ei leh in in a zir loh vang te, inthlahchhawn avanga awm te a awm a. Lung natna te, thisen cancer te, stroke te, diabetes, Parkinson’s disease te, Alzheimer’s disease te etc. te hi an ni. Heng natna tidam dan tur hi mithiamte lu a ti haitu nasa tak a ni. Amaherawhchu, iPS cell hmuhchhuah a lo nih takah chuan embryo hman ngai tawh lovin, heng natna veitu te vun timur atang ngeiin iPS cell an siam chhuak ang a. Chu chu laboratory-ah thanlen tirin, timur hrisel panngai nen an han khaihkhin ang a, a danglamna zirin, natna tobul leh a nihphung dik tak an hrechiang thei tawh ang; chu chuan a tidam dan tur kawng kawhhmuh zel tawhin heng natna veitu te hian ‘Tih dam kan ni ta!’ an ti thei tawh dawn a ni.
A phek leh lam!
Scientist ropui tak Gurdon hi a lehkha zir lain lehkha thiam thei ti a sawi tur a ni hauh lo mai. Eton school-a kal lain Biology bikah sikul naupang 250 zingah 250-na a ni a, subject dangah pawh a hnufum ber pawl a ni. A ‘study work’ pakhatah phei chuan mark 50-ah mark 2- a hmu tawk. An zitirtu beidawngin heti hian a Report card-ah a ziak, “He nau hi manganthlak tak a ni, zirtirna a ngaithla duh lova, ama ngaihdan bakin a kal lo, scientist nih a tum tih thute ka hria a, thil nuihzatthlak tak a ni, hetiang mi, Biology thil ho te te pawh hrethiam lo chu engtin nge scientist a nih theih ang? ama tan leh zirtirtu tan pawh hetiang zirtir chu hun khawhralna awmze nei lo mai mai ani” tiin a ziak. Mahse, chu pa chu vawiin nia khawvel chawimawina ropui ‘Nobel Prize’ dawngtu a lo ni ta.
Ni e, Scientist ropui tak takte hi an hun lai a lehkha thiam ber ber te an ni hauh lo. Mahse tumruhna leh ngaihdan hrang nei a, a tam lam lama thle ve ngawt lova, mahnia ngaihdan fim tak hmang ngam te hian khawvel hi an her danglam thin a lo ni. Chutiang mi ni thei tur chuan tuna zirlaite pawh inbuatsaih ila, sikul/college-ah te, zirtirtute zirtirna piah lama ngaihdan hrang kan neih ve te pawh huai taka sawichhuaha kalpui ngam a tha. Tin, zirtirtute paw’n chutiang naupangte chu pawng paw endawng leh enliam mai lova, an ngaihdan leh an hriatfiah dan te ngun taka zirpui a pawimawh hle a ni, tih thu hi ka han zep tel ve hram a ni e.
PS:
Science lam kaihhnawih article ziah hi chu a har thin,Fiah tak maw tak lo maw, ka mizo tawng thiamna in a daih tawh ngang lo 
. Tin, ka sawi fiah tum luat lamah ka sawibuai zawk ang tih pawh ka ringhlel love 
.
October 13th, 2012 at 8:04 pm
Chh1ar 1la
Report this comment
October 13th, 2012 at 8:12 pm
nia
Report this comment
October 13th, 2012 at 8:17 pm
A ngaihnawmin, a bengvarthlak khawp mai. Nobel prize in medicine hi khawi hmunah nge an hlan ve thin le? Ka hre sual em ka hre lo, nobel prize in physics hi chu Stockholm, Sweden ah hlan a ni thin in ka hria.
Report this comment
October 13th, 2012 at 8:22 pm
Post BVT
Report this comment
October 13th, 2012 at 8:28 pm
Ka kawmen last sentence khi a va mak teh nuaih ve. Edit hman…dik leh si.
Report this comment
October 13th, 2012 at 9:58 pm
Report this comment
October 13th, 2012 at 10:10 pm
tam viau nangin ka nau Lr-a pawn a chhiar peih a chhiar teh ang
Report this comment
October 13th, 2012 at 10:16 pm
India mite hian Nobel Prize hi an dawng khat ta riau mai, Nobel Prize in medicine chu Har Gobind Khorana khan a dawn ve tawh ngei a, midang hi an la awm leh ta lo a ni awm e medicine bikah hian. Post tha tak a ni e.
Report this comment
October 13th, 2012 at 10:37 pm
Report this comment
October 13th, 2012 at 10:46 pm
Evergreen Ps hi…
inthlahrung ru lang fu a ni…
i sawifiah thiam khawp mai,
a chiang e. 
mahse a sei deuh lek lek… 
Report this comment
October 13th, 2012 at 11:02 pm
evergreen i inthlahrung a nih kha, i ziak thiam lutuk. Hetiang lampang hi ngaihnawm ti pha tur pawn ka hriath thiam thin loh avangin ka keu kan pawl hi a ni deuh zel a, mahse hei i rawn ziak a, a awmzia ka chian phah kuar mai..lawmthu sawi nan hei hian kan leh hial teh ang che
Report this comment
October 13th, 2012 at 11:17 pm
Post BVT
I ziak thiamin a ngaihnawm e. Favang ni chhuak ang maia fiah, fai leh chiang tha a ni e..
Report this comment
October 13th, 2012 at 11:17 pm
Ngaihnawm khawp mai……..i conclusion a hi ka lo hnial lawk teh ang. Genius (scientist) han tih theih mai invention nei an tih ang a hi chu thil danglam bik tak an ni ve hrim2 a. a tum a va tum chi a ni hran lem lo in kei ka hmu ve ngawt a.
Chumi lovah chuan ngaihdan danglam tak han tih hian, ngaihdan in ang thlap tumah mihring a awm theih thin loh, chumi thung erawh chu environment te, thil hmuh leh tawn tawhte a zirin a ni mai in kei ka hria, khawtlang ngaihdan kaihruaitu emaw mil chiah lova i kal chuan society ah chuan i danglam a ni mai, va danglam vak lo mahla, society ngaihdan siamtu an nih miau avangin. Hetiang ang a hi mi tamtak lang chhuak lem lo leh an va hmuh fuh a an va target loh hi an tam kan ti thei ang. Chung chu an mahni mimal a an va huat vang emaw,accidental in rawn chawr chhuak ta thut se, an danglam a discrimination an tawrh tur chu a ni leh mai, chu2 mihring zia a nih miau avangin. Hemi tak a hi society a flaws awm nasat na ber chu a tih theih awm e……………Innate ideas atanga chhut chuan.
Cell formation leh physical formation a genes in a pianphung a khawih danglam leh ngaihtuahna hi chu thil danglam daih a ni thung….Entirnan mai2. Hman deuh khan Alzheimer chungchangah hian thian pakhat nen kan inhnial fiam viau tawh a cerebellum leh cerebrum function chungchang leh a memory cell chhiat theihdan leh in rotate theihdan tur ka hriat ang chhun2 kan sawi khan a awih duh tlat lo mai a, a ma ngaihdan ah chuan ka ngaihdan kha a danglam viau turah a ngai ta mai a, a nihna tak ah chuan a hriat loh vang a ni ber pakhat…….insawitheihna lam ni lo se ka va intih hriat vang lam ni lovin, Ngaihdan danglam ti hian min puh vak tawh avangin kan sawi tel hram a ni. Entirnan, keini aia hre fe zawkte an tam tih ka hria a,ka hriat loh avang in ngaihdan danglam ti in va puh ta ngawt ila thil dik a ni lem lova kan sawi chhuak lawk duh a ni e…NOI.
Report this comment
October 13th, 2012 at 11:25 pm
I taimakna a fakawm e! Post tha leh hlu tak a ni.
Thiam kan neih hian midang hnena hrilh lovin mahniin chiang takin kan hre thei a…chu chu ngawihbopui mai a awl thin khawp mai. Ngawihbopui mai lova midang hrilh theih hi kan tih mak mawh a ni.
Mahse misual site hi a buaithlak ve deuhna chin a awm a. Duh angin milem (diagram) leh equation han ziak vel hi a harsa ta tlat thin a. Ziak sa pawh siam danglam viau a ngai leh thin. Mahse chuti chung pawh chuan lo ti hram hram zel a niang chu… Vawiinah pawh khan post a awm loh avangin ka thuziak lo vawmluh ka tum a mahse ka pamtul ta rih mai. I thuziak a awm bawk a karleh lamah lo herchhuahtir ve mai ang chu…
I nick hrim hrim pawh hian min LEM sa viau a. Hetiang lam i lo post leh phei chu keimahah rau rau i tla na khawp mai. Pu Caribou-a thuziak, a blog amite pawh hi nakinah ka lo la sawn phei ang mawle…
Vigyan Prasar hi i lo hmelhriat tawh em aw?
Pu Richard Feynman kha lay term-a thil sawifiah chungchangah a fimkhur khawp mai. Miin thil harsa an zawhin sawifiah duhloh chang a ngah thin. A chhan chu analogy hmanga thusawi khan a nihna tak an hriatsual a hlau em em thin a ni.
Awle, a ngaihnawm e. A thupui then thupui pawh hi a touching hlawm khawp mai. Mahse a thupui hi hetiang lo ang deuh – hei aia alluring zawk hian a phuah theih ka ring tlat…
Good article…
Report this comment
October 13th, 2012 at 11:25 pm
BVT E,
Report this comment
October 13th, 2012 at 11:26 pm
Report this comment
October 13th, 2012 at 11:43 pm
article ropui tak a va ni em!!! thil hi in va hre bik thin em…in kam liamah hlawkna kan lo chang zel…
ignatia pawn article chu submit vat teh se.
Report this comment
October 13th, 2012 at 11:45 pm
a va science ve…
Report this comment
October 14th, 2012 at 2:54 am
Excellent post.
I rawn sawifiah thiam hle mai a, a thling baw hawkin i rawn kheh ni berin ka hria.
Tunlai chu medical topic hi kan site-ah hian a va lang ta lo em ka lo tih rilruk neuh neuh laiin i post tha tak hi ka hmu a, ka chhiar nghal chat reng a ni.
Kan scientist pa story chuan rilru a va khawih tak ve aw.
Report this comment
October 14th, 2012 at 11:21 am
@CFL#19: kan scientist pa i tih chu tu maw?
. keimah mi tih chhan ni ta la, i rilru an suk buai tawh avang khan ani e ti ta i la ka tihsual ka ring vak lem lo……. A chhan chu i thil lo hriat nangma intelligence in a a phak vak loh avanga i awih tak vang a ni ber pakhat……. 
:-D. Ka thilsawi hi i la na viau ang tih chu thil awm tur chiang sa ani bawk kan ti thei ang……
Report this comment
October 14th, 2012 at 11:54 am
Ekhai! ka nghatebak hlanin comennt ngaihnawm a va tam hman ve..
Ka lawm e
cell, nucleus, DNA, chomosome, zygote, embryo, fetus..etc a zir ve lo leh hmu ve lo tan chuan hriat fiah har tak a ni, mizo tawng hlawm khata han dah mai pawn a fiah chuang lo tlat.
@malsta27, i ti lawmawm e, ngaidan danglam ka tih khi chu i rawn sawi para 2-na a, i thianpa nen in inhnialna ‘ngaihdan danglam’ i neih ang khi ni e ka rawn swi tak chu..
@Pu Ignatia & Vakul ka lawm lutuk, thil in sawi fiah thiam hi ka ti thei lutuk a, ka inthlahrun phah vek a lawm!
Nia, a thupui khi mi a lem lo deuh..
in vai chungah ka lawm e
Report this comment
October 14th, 2012 at 12:26 pm
Bengvar thlak thin e.. Japanese ho lo ropui zia hi aww, Nobel Prize/chawimawina langtham dawng tur hi an awm deuh reng mai.. Kan ram ang tiat hi ni ve ta se, eng tiang tak ni ang maw? An nawi phah phian zawk maithei bawk..hehehe
Report this comment
October 14th, 2012 at 12:41 pm
Post tha lutk a ni.Ka tan ngat phei chuan hriat reng tur thil a nih hi.
Report this comment
October 14th, 2012 at 12:42 pm
@ignatia#21: Ngaihdan danglam vak nilove, plato leh descartes a innate ideas leh john locke emperical te, leibniz leh spinoza leh cellular and molecular to memory storage an tih ang ho hi la khawm la en a chhuahna chu i hmuh theih mai ka ring……Mithiamte sawi hnu mai a ni e…..genetical one sided deuh kha dah bo phawt la a fiah mai…….
Report this comment
October 14th, 2012 at 1:11 pm
malsta27 hi i tisual a ni lo maw? A posttu chhan tum zawk i ang hle mai.
Mahse insawi lai erawh ka lo man e. Mizotawngin NGAIHDAN han tih hian sunjective tak a ni sa hrim hrim a ni. Ngaihdan ti lo deuha dah theih dan awm se a tha ang chu mawle. Tin, chu ngaihdan chu eng angin nge support? Phenomenolgy nge Experimentally nge engtianga universally accepted nge ni ti zawnga kal pui a tul viau thin ang chu mawle.
Libnitz hi mathematics thiam tak – Newtona’n claculus hmuhchhuah chungchanga a chuhpui chiama kha a ni a. Anni pawh hi thudik hailan hnu hian Calculus hmuchhuaktu-ah khawvelin a pawm ta ve ve a. Hmun hran ve ve atangin an lo hmuhchhuak rual a nih chu. Mahse tunhnu hian an concept a danglam zia leh inanlohzia a chiang khawp mai. Newton-a hian physics dynamcs – curve leh tangent kaihnawih ang zawngin a thlur a. Libnitz erawh chuan number mathematics lam hlirin – geometry lam zawngin… Series lam hi a kawk hle. Mathematics foundation chhungah phei chuan Libnitz kha a ril zawk a ni… Ka lo ziak leh ta teuh mai…
Report this comment
October 14th, 2012 at 1:18 pm
Ignatia: Evergreen 21,a post tupa chhanna zawk ni e, ngaihdan danglam tih a danglam loh dan leh mithiamte sawi hnu a nih vangin kan chhang leh tin lom le hriatfiahloh awm palh thu hlaah…..A hnuaia i hming lo lang khi rilru ah awm deuh niang e… NOI
.
Report this comment
October 14th, 2012 at 7:54 pm
@malsta27
.Misual.com hlutna tak a ni.
i ril hle mai, ka tum loh thleng thleng ka inchhiar phah.
Keichuan genetical idea bak ka thleng thui lo khawp mai..
, a lawmawm khawp mai! Nia, ngaihdan danglam han tiha danglam tak khi chu a fuh lohna chin a awm thei….
Ka fiah tep
Zirlaite han fuih nan kan Idea neih ang angte zak lo leh huai taka sawi ngam ve tura ka fuihna mai a nia…ka han zep tel hram a lawm le…
John Locke-a’n “mind is not a ‘blank slate’ at birth”,a tih te chhiar ve tak hrep chu
Report this comment
October 14th, 2012 at 8:38 pm
Nia i ziak tha khawp mai, zirlai thenkhat leh zirtirtu tan chuan hriat ngei2 tur chi ni i thil ron soi hi………..mahse ka ril leh ril loh lamah chuan ril hran love, mi ziah hnu engtin2 emaw ka hmu fuh ve chauh ni.
Ka hriat ve phak ang chin a a fiah theih dan tur ber chuan…Libniz leh spinoza te scientific method ah lut chho ta se chuan a danglam leh anga, chuan cell formation leh molecules ah chho leh ta se, deduction nei ta ang la chuan chumi design ang tur ber chu a fiah theihdan ang ber tur chuan computer hard disk hi ni mai, …..memory chu a awm a a siamtu company(Pathian) a rawn hria a mahse a bak chu keimahni feed dan a zir a ni tawh mai…..mi hriat hnu thluak ang tur ber a design kha a ni reng bawk a……
Report this comment
October 14th, 2012 at 8:43 pm
“memory chu a awm a a siamtu company(Pathian) a rawn hria a mahse a bak chu keimahni feed dan a zir a ni tawh mai…..”
A dik khawp mai
Ka han bih thuk ve deuh ang e..Misual.com ,, a nuam thin mange
Report this comment
October 15th, 2012 at 1:45 pm
#30 Pu ignatia–i zawhna ka la chhang miah lo, sory!
Vigayan Prasar: Ka lo hre ngai miah lova, ka han browse chhin a, hei ka hmu ta.
chuan….’Dream 2047′ pawh angaihnawm hlawm hle mai…’The calculus affair’ te pawh khi…i sawi ang a lo nih tak khi aaaa…
Report this comment