Mihring taksa hi timur ‘cell’ tam tak inzawmkhawm ten an siam a ni a, chung timur te chu an than dan leh hnathawh dan tur te bithliah vek a ni. An thangin, an lo inthlah pung ve thin a. An puitlin (adult stage) hunah an than a lo tawp ve thin a. Engemaw avanga timur chhia a lo awm chuan, timur ‘cell’ thar an siam chhuak a, a chhe laiah chuan an thawm tha leh mai thin a ni. Amaherawhchu cancer cell te hi timur pangngai ang lo takin an than a tawp ve thei ta lo thin a, an thang lian zel a, an bula cell dang hnathawh te pawh an ti buai ta thin a ni.
A. Cancer hi chhan tam tak vanga lo awm thin a ni:-
1. Inthlahchhawn thil:- In chhung zingah rilpui , hnute chhûl , thluak, melanoma cancer engemaw ber vei an awm hlauh chuan cancer i vei theihna chance chu a lêt 3 in a sang bik tihna. Cancer 5% vel hi inthlahchhawn a ni.
2. Ram leh chî hran vangin:- Chuap, hnute leh rilpui cancer hi european leh american zingah a hluar hle. Thin cancer hi an nei ve meuh lo. Japanese hmeichhe zingah hnute cancer hi a awm mang loh laiin american hmeichhe zingah erawh chuan a hluar hle thung. Black African zingah chuan vun, zang leh chhul kawngkhar leh thin cancer a tam bik hle. Japan mite hian american mite aiin pumpui cancer a lêt 5 in an nei tam zawk. South East Asia, a bikin Chinese origin zingah hrawk leh hnâr cancer a hluar hle. India mite zingah chuan- kâ leh chaw kawng cancer a tam hle a.Hmeichhe zingah chhul leh hnute cancer a tam hle. India rama thin cancer tam tak hi Viral hepatitis(HBV and HCV) leh a hnua thin a ro vang a ni. Khawthlang ramah erawh zu in nasat vanga thin a ro thin vang a ni thung.
3. Environment leh Culture vang:-
* Meizial zuk hi hrawk, ka, chaw kawng, chuap, rilbawh leh kal cancer thlenna kawnga thawhhlawk ber a ni.
* Zu in nasat hian ka leh hrawk, chaw kawng leh thin cancer a thlen châwk bawk.
* Zu leh meizial tihkawp hian upper aerodipestive tract cancer a thlen chiang bâng.
* Cervix cancer hi naupan lutuk laia sex hman te, inpawl ngun lutuk vangte leh kawp ngah lutuk vangtein a awm. Pasal serhtan neite chuan cervix cancer neihna chance hi serhtan lo pasal neite ai chuan a tlem zawk.
* Zang cancer hi Juda leh Muslim zingah a tlem hle. A chhan chu serh an tan thin vang a ni.( Lâk kawih awih loh)
4. Kum:- Kum hian kawngro a su hle mai. Dan naranin cancer chi hrangte hi naupangah aiin puitlingah a tam zawk. Acute leukaemia erawh naupang leh puitlinga a hluar lam a inchen reng. Naupang zinga cancer hluar deuh te chu- Neuroblastoma, nephroblastoma, retinoblastoma, hepatoblastoma, rhabdomyosarcoma, ewing’s sarcoma, teratoma leh CNS tumour te an ni.
5. Sex: Dan naranin tumour leh cancer tam zawk hi mipa ten an vei nasa daih zawk. Hnute, mît leh thyroid leh hypopharxnx cancer erawh hmeichhiate zingah a tam bik hle. Ram hrangah cancer hluar bik dan chu inang lo mahse, khawvel pum hmeichhiate zinga hluar ber cancer chu hnute cancer hi a ni a. Khawvel mipa zawng zawng zinga hluar ber erawh chuap cancer hi a ni thung.
6. Hormone pawh hian cancer thlenna kawngah tha a thawh ve ngei nia hriat a ni.
B. Cancer chi hrang hrang te: Taksaa an awmna azirin chi hrang hrangah an then a, chungte chu-
(1) Carcinoma: Vun, ka chhung, hrawk, chawkawng, ril leh chhul tuamtu timur cancer a ni. Cancer 70% te hi carcinoma vang a ni.
(2) Sarcoma: Taksa peng hrang hrang thuikhawmtu ‘connective tissue’ cancer te hi a ni. Cancer 15% hi sarcoma vang a ni.
(3) Lymphomas: Natna laka venghimtu sipai, lymphocytes atanga cancer rawn insiam an ni a. Thal be, La leh thlingah te an insemdarh thin.
(4) Leukemia: Thisen timur leh thisen siamtu cancer a ni a, cancer 4% vel hi thisen cancer a ni.
C. A hnuaia tarlan ang hian i awm chuan doctor pan vat ang che-
[a] Inhliam vang ni lova taksa khawimaw laia thi put reh thei lo a awmin.
[b] Thi neih hunbi a danglamin.
[c] Taksa khawimaw lai a bawk reh thei lo a lo awmin.
[d] Zun leh ek hunbi a lo danglam fovin.
[e] Aw chhang reh theilo leh khuh reh thei lo a lo awmin.
[f] Thil lem harsa leh chaw helh thin a lo nihin.
[g] Taksaah ser leh khuavang chhinchhiah a lo danglamin.
[h] Serh leh ka chhungah thil durhvar mdam thei lo a lo awmin.
[i] Hmeichhe hnute a danglamna awm chu mahni inchikin a hriat theih.
March 29th, 2012 at 7:12 pm
@ A va chhuak hma tehtrawt ve le. Hairehai!
@ Mi(sual) zingah hian Cancer hi ka lo vei ber a ni ang a; similar post pawh khi ka post vek a lo nih khi a. Hehehe. He post hi khing ho khaikhawmna a ni e.
Report this comment
March 29th, 2012 at 7:23 pm
Report this comment
March 29th, 2012 at 7:33 pm
BVT
Report this comment
March 29th, 2012 at 7:38 pm
‘Ram leh chi hran vangin’ tih khi diet leh climate vang tih ani mai em? Very BVT
Report this comment
March 29th, 2012 at 7:42 pm
A bengvar thlak khawp mai.
Kansar lampang sawi takah chuan vawiin, TOI-a column pakhat kha min ti hrechhuak tlat mai.
“A youngster living in India’s northeast is four times more likely to develop and succumb to cancer in his lifetime as compared to a youngster living in Bihar. A Muslim woman is less likely than her Hindu counterpart to die of cervical cancer, which kills one Indian woman every seven minutes. Clearly, India’s diversity is reflected in how cancer behaves and kills here.
The first-ever study on India’s cancer deaths shows that the area one lives in, his or her economic and educational status and religion contribute to the malady’s outcome…”
Report this comment
March 29th, 2012 at 7:45 pm
Post tha leh bengvar thlak tak ani e. Mizo zingah a nghal em mai a vei loh theih pawh ani lo e.
Report this comment
March 29th, 2012 at 8:04 pm
Ka la hriat ngai vakloh hlir ani mai a!
Post tha tak ani
Report this comment
March 29th, 2012 at 8:24 pm
CFL chu i titha hle mai. Nangmeuh i Hairehai ta bawk!! Thlai eng engemaw ni ei hian KANSAR thenkhat aveng tih vel lah hi a tam khawp a, keini ang chu kan buai nuai anih hi!!. Enganga in uluk pawh hian anvei tho a, meizial leh zu duh ve tak tak lah in an vei lem chuang lo bawk a..
Post a bengvarthlak khawp mai..
Report this comment
March 29th, 2012 at 8:30 pm
ka chhiar hlau deuh tlat,,
Cancer natna hi chu mihring te tana pathian anchhia a nih hial ka ring…
Report this comment
March 29th, 2012 at 8:43 pm
_________________________
I added cool smileys to this message… if you don’t see them go to: https://s.exps.me
Report this comment
March 29th, 2012 at 8:45 pm
Post BVT
TV a zualko an scroll ah hian thihchhan ah Cancer tih hi a tam ber pawl niin ka hria. I ziak tha hle mai. Ven theih tak tak loh mahse kan fimkhur chuan kan cancer lohna chance a tlem sawt thei a. Ei leh in, zuk leh hmuamah te kan fimkhur phah deuh mahna (keimah pui hi ka fimkhur phah thei lem hlei lova 
)
A hming ringawt pawh hi a hlauhawm. Puitling leh piangthar tha tak ni a kan hriatte pawh cancer an vei meuh hi chuan an pachang hlei theilo chu anih hi. He natna hi a lo awm kher kher a, a huatthlala tak tak ani.
Report this comment
March 29th, 2012 at 8:54 pm
Cancer veite hi kawng lehlamah chuan an vanei,tih teh ang!pathianah inhmuh chhuahna chance a nei tlangpui in ka cia,,vanram an kai vek hmel,,
Report this comment
March 29th, 2012 at 9:33 pm
Van bei tha ve. Post tupa hi daktawr i nih ngei ka ring e. Ka var uar mai.
BTW, what’s BVT?
Report this comment
March 29th, 2012 at 9:49 pm
BengVarThlak hle mai..
BTW..whats btw..haha..
Report this comment
March 29th, 2012 at 9:55 pm
Saint.. BTW = By The Way..
Report this comment
March 29th, 2012 at 9:56 pm
Thanks, saint sammoo ! Ka hre ta e. Ka kum ang i nih ve hunah chuan aw ! Cancer chungchang hi ka chhiar ve fo thin a, he post hi a chiang bik riau in ka hria.
Report this comment
March 29th, 2012 at 11:23 pm
Post ngaihnobei lem lo tak a ni. Mahse, a nihna dik tak chu a nii hmel hle bawk si..huiis Engpawhnise, a bvt e.
tren tren
Report this comment
March 30th, 2012 at 1:47 am
Good Post
Report this comment
March 30th, 2012 at 2:39 am
sawifiah thiam khawp mai. i sipisialis na tur emi oncology hi?
Report this comment
March 30th, 2012 at 11:17 am
Cancer vei turah hian ka in ngai sa deuh ringawt…
Report this comment
March 30th, 2012 at 11:30 am
Post tha tak a ni e. I thiamna midang tan i hmang tangkai, i fakawm e…
Report this comment
March 30th, 2012 at 7:58 pm
cervix cancer cc hi ‘..naupan lutuk lai a sex hman…’ tih hi naupan lutuk tih lemah kum engzat vel nge niang le, naupanlai a khuaikhem tawk te hi cervix cancer veina chance a sang tihna a ni thei em le??
Report this comment
April 7th, 2017 at 11:34 pm
uu.qunhoo.Com
Kansar | mi(sual).com
Report this comment
June 22nd, 2017 at 6:55 am
เสาเข็ม เจาะ โดย ใช้ สามขา
Kansar | mi(sual).com
Report this comment
July 18th, 2017 at 9:47 am
great post to read
Kansar | mi(sual).com
Report this comment