A lo mak vak lo e! Lung chikhat, satel ang deuha ze nei (mam puak lovin a ze siamtu zei zei hi a pawng deuh), lungtum dik tak a ni e… tiin sawi ta ila ka sawi sual ka ring lo.
A chunga kan hmuh ang khian a te zawk phei khi chu satel ai mahin cement nena lung char khawm a ang zawk mah. A kal thei em? tia ka zawh chuan a kal thei a niang, zanah chawhtawlha ka dah hian zingah a awmna alo insawn thin… a ti. A tawlh sawn lai tuma’n an la hmu lo a, dawt a sawi a nih loh vek chuan amahin zanlaiah a dah sawn a ni tal ang.
I zuar em? Aw… zuar e, nuaih sanghnih ve vein ka zuar a, a pahniha hian nuaih sangthum-in ka phal… a ti. A va to ve… ka ti a, a chhungah hian lunghlu a awm an ring a, china mithiamten an rawn en dawn… a ti. (hei hi an khaw mi thenkhat chuan hman atanga a sawi dan alawm an ti)
A chunga mi khi a khup zawng leh thal zawng a ni. Tuboha chhut balna ni awm tak a awm a, ka zawt kher a — naupangin an lo chhu bal alawm maw le… a ti. Ama chhut bal bak va ni suh!
Lunghlu leh rangkachak e chhuak… tih vel kha chu zawh chiah pawh ka ngai lo.
(((Tahan-a ka makpa pawhin alo kawl ve reng niin. A hnuaia mi hi a ni a, an kawmchar tin chhe chhungah bal paw zetin alo dah vel mai mai a, thlalak ka duh vangin an sil fai chawp chuk chuk a, tuingo pa ta aiin a ang zawh mahin ka hria, a lu lam ni awm tak te a awm reuh a. Dil ila min pek phal mai ka ring. Mahse, zin kawng a thui si, thil ritsak mai ni dawna ka hriat avangin ka dil duh ta lo.)))
Hmuntha (Khampat khaw bul)-ah pawh nei an awm an ti. En nguar ang!
Tichuan, an sawi “Lung Satel” chu lungawi taka kan en zawh hnuah Tuingo, Letpanchhawng leh a chhehvel khuate kan fang chiam a, kerh kerh (zo buh zu dik tak) kan thal phah zel bawk a. Zu an khap ve lo a, phalna neiten zalen takin an thlawr a, buh zu neih thatah an inel nasa hle. Chuvang nihmiang – zu in pa pawh an hriselin an chak hmel em em ringawt mai a ni.
︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶
A hnuaia thlalak hi video-a ka lak ruk, ka capture chawp a nia, lung satel ai mahin he nu thawnthu hian ka beng a verh zaw mah. Tuingo atanga kan haw hnu chuan “Zo Sekuan” khuaah mi te en nghal ang u… an ti a, kan peng ta a. Kum 40 nu a ni a, thlangraah a mu leng vel awm e, a lu erawh puitling lu tiat.Thutthlengah an lo mut a, a u-in a veng a, a hmel/hmai tih loh a taksa reng lang lo turin an tuam tlat a. A kut hmawr tlem a rawn lang a, ka en chakin a lu chungah ka va thu a, zu rim ava nam ve… alo ti. (che hit lo thei rem rem 
)
An sawi dan chuan pawl 4 thleng chu hmeichhe naupang pangai niin sikul a kal ve hman a ni awm e. A pa ram chhuakin rul lian danglam tak (eng rul nge pawh hriat loh) a that a, a thah zan a mumangah “Kan Lalpa i that a, i faten an tuar ve ang” tiin “aw” a hria ta a. Chuta tang chuan a fanu chu a te tial tial a ni awm e. A hmuten an sawi dan chuan a taksa/vun chu rul ang chiahin a rang a, a khir uaih mai an ti. Hei hi ka rinna chu a kut rawn lang en tura a lu chunga ka thutin rul vun a ang lutuk tlat. A kuttin chu tereuh te hian a sei zum zeeet a, a kawm/kuai deuh bawk. Kristian an ni a, tawngtai sak an lawm hle a, tanpuina an dawng thei reng bawk. Thlalak erawh an phal lo.
Hmmmm… Awke atanga Lung Satel sumdawnna lama Milioner (ni lo) Milian er nih tum ve nak alaiin, thildang enge hausakna niang aw… tiin chhun ni ka hmang liam leh thin.
Similar Posts:
- Tuingo khua ah lung satel mak
- Burma-ah ka zin Part – III
- Zawngte leh Satel
- First Sunday at Lung Nupa
- Tlangnuam leh a chhehvel
October 20th, 2012 at 8:38 pm
Nangpui hi i thla i zap luap lua a, i lo thlawh thui theih phian hi maw le
Report this comment
October 20th, 2012 at 8:39 pm
En 1la
Report this comment
October 20th, 2012 at 9:21 pm
Lung satel (!) hi mithiamten enfiah sela ka ti hle. hairehai
Report this comment
October 20th, 2012 at 9:22 pm
Video-in ka la i ti bawk si a, a ply na a awmlo tlat fiam thu i duh em mai.
Kawlhawka chu, kawlram ah i han thlawk chho duai duai thei bik bik.
An zu fang chu, ka va’n in chak e.
An kal kawng ngawt mai kha, a va han chhe bon ra em!!!
Report this comment
October 20th, 2012 at 9:41 pm
Sihte, video rec. ami kha ka capture maw le aw… sethiam em?
Report this comment
October 20th, 2012 at 9:42 pm
kawlhawk, in nupa in ngaihawm e.
Report this comment
October 20th, 2012 at 9:50 pm
Nuai 100 in han dawn hram hram la a tha tur a nia…a reaction hriat a chakawm a sin maw le. Kawlhawka hi vawi khat na na na chu i zin hi zui ve che ka duh a nia.
Report this comment
October 20th, 2012 at 9:51 pm
awke ah chang raw pip
Report this comment
October 20th, 2012 at 9:57 pm
HV, nangni deuh in ngaihawm e, kan in chhung ngeia in chhungkaw thlalak kha ka la kawl tha reng e.
Awm², i duh phawt chuan le…
Pakak, i tv channel en mek ka hria
Report this comment
October 20th, 2012 at 10:32 pm
I makpa ta khian satel chu a ang zawk fe mai. I chhu keh chhin lo nia mawle or an hlut lo i ti sia rawn hawn daih la tha tur. Chuan kan rawn en ang a…
Report this comment
October 20th, 2012 at 10:35 pm
Pu kawlhawka post hi chu ka hmaih phal lo thin.
Miin “ka hmu” emaw, “ka hria” an tih hi chu han hnial luihsak kher emaw, anmahni deusawh phah nana hman phei hi chu tul lo tawp niin ka hre thin. Kan awih loh pawhin ngawihpui mai mai zawk thin ila.
Report this comment
October 20th, 2012 at 10:38 pm
Chhuah ho thiam angreng hle mai haha. Rangkachak a awm nge awm lo en a tum a, a chhu bal a nih ka ring, chhukeh vek ngam chiah si lo. Huiham.
Pu HV-a te, kawlhawk, PKfanai etc, patling deuh ho an awm thap hian a nuam
Report this comment
October 20th, 2012 at 10:55 pm
kawlhawk #9 fb lamah min lo rawlruk teh a, i phal em hairehai
Pathian zarhah dam chuan nakum lam kalo petek chho leh zawk maithei. Kan hairehai ang chu mawle
Burma zin dun a chakawm hle mai.
Report this comment
October 20th, 2012 at 11:04 pm
lung satel ho hi maw? phal e… lo petek teh, kan zin chho dawn nia
Report this comment
October 20th, 2012 at 11:27 pm
Hriat a va nuam ve.. Zosekhuan khaw nu taksa chu hmuh a chakawm hle mai a, a hmel te khi mipa a ang zawk mah..
Report this comment
October 21st, 2012 at 12:14 am
Thlalak erawh an phal lo….pakhat chu click hman hram tho ami
, i lung satel theory pawh a hmun ngeiah i han prove leh thlapa i ti tha hle mai, beng a var leh sawt e, Burma ram hi ralkhat atang ka thlir ve tawh 
Report this comment
October 21st, 2012 at 12:21 am
mak hle mai…
Report this comment
October 21st, 2012 at 12:44 am
He post chuan lung a ti awi sawng sawng mai ka ti… I post avang hian dinner i chawi thei!
Hre chak tak tak hrechiang thei si lo ho tan “bookmark this page” zaih te’ng!
Report this comment
October 21st, 2012 at 6:42 am
A hmuhnawmin a ngaihnawm ngei mai.
Zin vah vel hi nuam ka tih zawng tak mai a nia! Ka va kal ve chak tak em!
Report this comment
October 21st, 2012 at 7:59 am
Lung danglam tak chu a nih hi a, Japan ramah chuan thawn chho se Nihawichi leh nghapih E chhuak thei ah an lo chhuah theih mai dawn ni
Report this comment
October 21st, 2012 at 8:45 am
BVT
Report this comment
October 21st, 2012 at 9:25 am
Hmeichhe naupang/nula khi a va mak ve, tak tak a nih chuan a khawngaihthlak hle mai. Rul chu eng lal tak ni ang maw.
Report this comment
October 21st, 2012 at 9:40 am
Mit a tlaiin a ngaihnawm e. K’u Kawlpuia chu i reh veng veng ka tia, i lo zin daih vang lo ni che a! Han post sur sung sung teh khai.
Report this comment
October 21st, 2012 at 9:46 am
Kawlhawk, i makpa ta khi la thla la, mithiamte entir teh a?
Report this comment
October 21st, 2012 at 1:34 pm
Report this comment
October 21st, 2012 at 2:21 pm
Lung satel chu i han finfiah bik a ni maw…
Report this comment
October 21st, 2012 at 4:30 pm
Post mi tiphur, kanglang helhhawlh thei tak a ni
A kham-awm loh rum rum mai 
Kerh kerh
Report this comment
October 21st, 2012 at 10:10 pm
Lung Satel chu i rawn ‘trick’ thla lo nia aw.
Report this comment
October 21st, 2012 at 11:13 pm
buh zu chu irawn trick thla zawk lo nia…
imakpa Lung satel chu italh sak chhin lo nia 
Report this comment
October 21st, 2012 at 11:24 pm
talh ngai lovin a thi buuul alawm…
buh zu ni lo, haimual local cial ka lo hawn… rawn leng la
Report this comment
October 21st, 2012 at 11:31 pm
haha athih buuul chuan lunghlu leh rangkachak chu a e chhuak har awm..
haimual local..hmmm rangvamual local ai chuan atha zawk ang chu maw..ummhh rawn leng teng 
Report this comment
October 21st, 2012 at 11:50 pm
ual kham!
Report this comment
October 21st, 2012 at 11:53 pm
Ngaihnawm leh hmuhnawm ti deuhva ka en leh chhiar comment pe lo va, ka chhuahsan leh si chu Burma zin thu hi a ni, tunah ka pe a, hmuhnawmin a ngaihnawm ka ti …Lalkawlhawk.
Report this comment
October 22nd, 2012 at 1:27 am
Ka’n nuih huk chu le…chuan3 ‘khi nu tê’ khi a dangdai hle mai
Report this comment
October 22nd, 2012 at 4:06 am
Lung dangdai leh vang tak chi ho anih ka ring a, a man pawh lung pangai aiin a to hle turah ngai phawt mai teh ang.
Ka lawm e, @Pu Kawlhawk, nanga zarah beng mai ni lovin mit ngei in kan lo hmu ve thei ta riai riai a.
Thlalak an phal loh chung chung chu ngah nge lo lak hram hram le. Thil thralo pakhat chu ani e. I vengte hmangaih rawh tih a kalh tlat.
Report this comment
October 22nd, 2012 at 4:26 am
Burma hi zinchur chur teh U….Mizoram ho chang kan nan…hawi zau a tul…
Report this comment
October 22nd, 2012 at 7:05 am
saptawng chuan ‘Fossil’an tih thin kha, Middle School Science ah
Report this comment
October 22nd, 2012 at 8:03 am
#37 Aryan sawi ang deuh hian Satel Fossil a ni lek tak anga a, a nih duh hmel riau mai
#36 Burma atanga rawn chhuk thla hi Changkang tak hmuh tur an vang ve tho mai a, kan in ang tlang khawp mai.. Kan changkang lo vek zawk em aw ka ti deuh, mahse Mizoram lam mi hi miin anga ah, ka hmuh phak ve chinah a nawlpui a lakin academic lamah hian an sang zawk deuh in ka hmu.
Report this comment
October 22nd, 2012 at 9:40 am
A khaih,zikhlum a ang ka ti jokes!
Report this comment
October 22nd, 2012 at 11:10 am
Lunghlu in satel a e chhuak ti zawk se a awihawm zawk daih ang.
Hihi!! Eng fossil emaw a ni ngei ang.
Report this comment
October 22nd, 2012 at 4:54 pm
Zin ve a chakawm hle mai…
Report this comment
October 23rd, 2012 at 9:20 pm
Ku kawlhawk chu “NUAMi” te nufa a han tlawh leh tawh em ni a.. aw. NOI
…khrum
Report this comment