Breaking News: Lungdai Nu Vai bawngchaw zawngin pawngsualin a sat hlum

October 22nd, 2012 1:26 pm by Ignatia (33-115 AD)

Courtesy : Dingdi
OCT.22, 2012:Lungdai Nu, Pi Lalawmpuii w/o Lalthlengliana chu tukin zing dar 9-10 inkar khan Vai Bawngchaw zawngin pawngsualin a sat hlum.

Lungdai Branch YMA hruaitu Pu R.Lalrinawma chuan tukin zing chaw eikhama Chawhmeh la tura Lungdai thlang (Kolasib lam) Sazai kawn pengah Pi Lalawmpuii kum 40 la tling lo deuh hliam na tak tuara hmuh a ni a, a kekawrte lastic chawpa pawhthler a ni a, a tukkhum leh a ban bung \helha sah a ni a, Aizawl lam panpui a nih lai Sakawrhmuituai tlang vel an thlenin a chat thla ta niin Dingdi a hrilh.

Pawngsuala rawng taka sattu hi Samir Ali Bawngpu, Vairengte bul Delaipur khua ni a rin a ni a, he chanchin ziahlai hian thalai 400 chuang rualin an zawng mek niin Lungdai Branch YMA Fin.Secy Pu R.Lalrinawma chuan Dingdi a hrilh.

Nu khawngaih thlak tak Pi Lalawmpuii kum 40 la tling lo deuh hian Pu Lalthlengliana nen fa 4 hmeichhe 3 leh mipa 1 an nei niin thudawnna chuan a sawi.

Khawtlang an tin ur, rapthlak an ti a, a titu Samir Ali hi man chhuah ngei an duh a, reilote chhungin Lungdai thalai leh mi tlawmngai 200 atanga 400 velin Silchar motor kawng tlangdung zawngin an chhuak nghal a, tun tlai dar 1 thleng hi chuan man ala ni lo niin Pu Lalrinawma chuan a sawi.

34 Responses to “Breaking News: Lungdai Nu Vai bawngchaw zawngin pawngsualin a sat hlum”

1
James Bond Says:
October 22nd, 2012 at 1:42 pm
Ehe! A va rapthlak ve. Samir Ali chu man ngie ngei tur anih chu. Ka khawngaih tutuk Pi Lalawmpuii hi.
(Rape victim hming hi ziah chhuah phalloh ani a, he site hian dan a pawhchhia em le?)

Report this comment
2
Awmtea Khiangte Says:
October 22nd, 2012 at 1:50 pm
A va lainatawm em!

Report this comment
3
evergreen Says:
October 22nd, 2012 at 1:53 pm
@James, kei pawh ka chhiara ka rilrua awm hmasa ber ani, i () chhunga mi te khi. Mahse, a thih tawh vang a ni ang ka lo ti ngawt a..

A thinrim thlak hle mai, sawi ngaihna pawh ka hre love, a titu chu man chhuak ngei se, a phu tawk hremna!

A kalsan a pasal leh a fate, a laite zawng zawng Lalpa’n awmpuiin thlamuan zel rawh se..

Report this comment
4
James Bond Says:
October 22nd, 2012 at 2:01 pm
Samir Ali hi man ta se, doctor tute’n emaw court a lang thei lo khawpin a hrisel lo, tih ziaka an recommend emaw, magistrate tute’n emaw evidence that loh vanga bail chhuah phal sak (hnu a Silachar lama haw nal nal) emaw Mizo ngei bail chhuaktu an awm leh ka hlau. He ram hi a mak riau.

Report this comment
5
CFL Says:
October 22nd, 2012 at 2:22 pm
Ka va’n khawngaih em.

Vaipa hi man mawlh teh se. Ka thin a va’n rim em.

Report this comment
6
Mama_B Says:
October 22nd, 2012 at 2:24 pm
An man anih chuan bail chhuah tur a awm ka ring lo.

Report this comment
7
Joyce dady Says:
October 22nd, 2012 at 2:24 pm
a va lainat awm ve..Pawikhawih tu chu man vat teh se.

Report this comment
8
Dr Mahminga Sailo Says:
October 22nd, 2012 at 2:39 pm
A va’n pawi thin ve le…

Report this comment
9
Sihtea Says:
October 22nd, 2012 at 2:46 pm
James bond sawi khi, a thleng leh lovang tih tu nge sawi thei.
A va rap thlak em ve maw le. Chu ti-ang khawp a mi nun rawng chu,
dam til zel tlak a ni love. Tlangin chil hlum tir ve ngei rawh se.
Chu lo liam a a phu tawk hrem na dik chu, a awm chuang lo ve.

Report this comment
10
Mx Says:
October 22nd, 2012 at 2:59 pm
Man vat se ka va ti em.. A tuartu leh a chhungte an va lainatawm em!
An man anih chuan police kut ah pawh an hlan ka ring lo..hetiang ah hi chu mipui thinrim dan a dang tlat. Man se engti pawh in khawih se, thi ve pawh ni se a pawi ka ti nek love.. Mihring zia pawh anilo! Nunrawng lutuk mai..

Report this comment
11
Lamji Says:
October 22nd, 2012 at 3:06 pm
Ava rapthlak ve. A lainatawm hle mai.

Report this comment
12
beethugs2 Says:
October 22nd, 2012 at 3:08 pm
Thudawnna rinawm tak, an veng atanga dawn dan in pi maawmi hi pawngsual tumin vaipa hian a beia, a hlawhchham avangin vaipa hian a sat ta a ni awm e. Tunah a amah hi a la thi lova, damdawiin lian lam zawk panpui a ni. A ngaihtuahawm hle a ni awm e.

Report this comment
13
PKfanai Says:
October 22nd, 2012 at 3:46 pm
Pawngsualtu hming sawi theiin a dam chu a tha hlauh e. Man chhuak ngei rawh se.

Report this comment
14
VaiVa Says:
October 22nd, 2012 at 3:55 pm
News kimchang hriat theih thuai a va chakawm ve aw. @James Bond #1, Indian Penal Code 1860, Section 228A chuan rape victim identities hi chhuah a phal lo a. Kum hnih tan leh lei chawi theihna a ni. Tin, Press Council of India in Norms of Journalist Conduct a siam ah chuan report ah hming tarlan phal a ni lo bawk.

Amaherawhchu, tuna report rawn luh danah khi chuan rape & murder a nih miau avangin Murder victim identity disclosed a ni ta a. Priyadarshini Matto Case ah khan media te khan an sawi lang nasa em em a. Phal a ni turah ka ngai ngawt.

Mahse, report hi chiangkuang tak a rawn luh thuai beisei ang.

Report this comment
15
vakul Says:
October 22nd, 2012 at 4:04 pm
murder case a nih tel avangin a hming kha chu pawi turah ka ngai lo zawk.

a va han rapthlak ve…man mawlh teh se. a thah hlima silchar lam a pan nghal chuan a pel hman ang em ?

Report this comment
16
Ignatia (33-115 AD) Says:
October 22nd, 2012 at 4:05 pm
Mipa tak leh rinawm tak – tu hnenah mah sawi chhuaka timualpho lo tur laka inphal ral duh mizo hmeichhia an awm laiin he nu erawh a fakawm thlawt e!

Dingdi atanga thutharlam bawk:
MIZO NU PAWNGSUALA RAWNG TAKA THATTU MAN LO
17) OCT.22, 2012:Pi Lalawmpui (36) w/o Lalthlengliana pawngsuala rawng taka thattu chu tun tlai dar 3:25 thleng khan man ala ni lo.

Pi Lalawmpuii pawngsuala chema a tukhum leh a ban puan veilam bung lek leka sattu hi Raju Shamir Das kum 15 s/o Sosomoi, Bilaipur, Hailakandi Dist. niin an hria a. Amah hi Pu Lalhmangaiha Bawng enkawltu a ni.

Lungdai leh a chhehvela Bawng vulhtute kiangah a awm an rin vangin mi tlawmngai ten an phek zawn mek niin thu dawn a ni.

Pi Niharika Rai, DC Kolasib leh Pu Madhu Verma, SP Kolasib ten a hmunah an tlawh a, a hmunah Pu MS Dawngkima, Adll SP Kolasib leh SDPO ten an awmchilh.

Kolasib District chhung Police Station zawng zawng bakah khaw chhehvel YMA hruaitute pawh hriattir an ni.

Pi Lalawmpuii hi Lungdai bul Sentlang khua a ni a, tukin zing dar 9:30 vel khan Bawihbo kawng thlang fts 20 velah hliam na tak tuara hmuh a ni a, a hmu hmasatute hnenah hian amah khawihtu hi alo hrilh a ni.

Pi Lalawmpuii hi posmortem a nih hnu in an khua Sentlangah lak a ni a, naktukah vui a ni ang. A pasal Pu Lalthlengliana leh a fate naupang te te 4 a kalsan a ni.

Report this comment
17
Kher Kher Says:
October 22nd, 2012 at 4:11 pm
A va thinrimthlak em

Report this comment
18
hltau Says:
October 22nd, 2012 at 4:16 pm
ka tim ur ur mai, pawngsual tih vel chhiar hi chuan, kan chungah leh kan fate chungah a thleng ang tih a hlauhom thin. ” Misual laka ah chuan min chhandam zawk ang che “

Report this comment
19
Hotunu_pasal Says:
October 22nd, 2012 at 4:28 pm
Ava thinrim thlak kher em! A titu hi man ngei se, MHIP hovin an resolution ang ngei in ‘pâ thei lovin’ siam nghal bawk rawh se. A kalsan a pasal fanaute Lalpa’n awmpui rawh se.

Report this comment
20
hnarliana Says:
October 22nd, 2012 at 6:05 pm
Vaipa chu ka hma ah han chhuak se ka piai ral thak ang mawle..Ahur hian an hur lutuk zozai mai.

Report this comment
21
Dr John Says:
October 22nd, 2012 at 6:22 pm
A pawiin a va rapthlak em! He Vaipa hi kum 15 chauh si, a va hur em em reng reng ve mawle! A thinrim-thlak kher mai. Pawngsual mah a rapthlak tih tawh nak alaia, han sah-hlum leh kher kher chu… A kalsan takte Pathianin Van Thlamuanna-in thlamuan mawlh rawhse!

Report this comment
22
Atom c Says:
October 22nd, 2012 at 6:43 pm
…..a tukkhum leh a ban bung thelha sah a ni a”.
He thu hian tiril a fan tlat a, chhiar a hahthlak ka ti, a tlang(frank) pawp pawp lutuk a.

….. (!!!)

Pawngsualtu chu man se, mipuiin sawisa hlum nghal mai mai lovin a nung chung ngeiin na tawk takin hrem phawt sela, chumi hnuah MHIP kutah han hlan leh te te sela a tha ang. A bak chu a tlachawpin……..

Nunna inlaksak kher kher hi chu a NA e mai. (RIP)

Report this comment
23
lushai_er Says:
October 22nd, 2012 at 6:45 pm
#9, “Tlangin chil hlum tir ve ngei rawh se. Chu lo liam a a phu tawk hrem na dik chu, a awm chuang lo ve.”

India ram dan in a chungah rorel sak ni zawk se maw le, a thil tih inchhir hman lova an chil hlum mai ten awmzia a awm nang le

A kalsan tak te Pathianin thlamuan mawlh rawh se, a tuartu tan a na dawn em a sin

Report this comment
24
doc_lib Says:
October 22nd, 2012 at 7:13 pm
Hleh thlak sak ve se la a tha ang chu mawle..sawisak hlum aiin a tan a na zawk ang..

Report this comment
25
Nguntang Says:
October 22nd, 2012 at 7:25 pm
Aw…a va pawi thin tak em!.Vai tisa chakna thunun zo lo avanga kan mizo nuin pialral lei dai a dek hi ka va han thinrim tehlul em!Pawikhawihtu chu tisa chakna reh rawih khawpa ben a ngai a nih chu.

Report this comment
26
ulawng Says:
October 22nd, 2012 at 7:39 pm
a va 3k lo thin ve aw

Report this comment
27
beethugs2 Says:
October 22nd, 2012 at 8:12 pm
Police emaw thuneitute hnena an hlan chuan an hrem vak thei lovang, kum 15 chauh a la nih hi. Amaherawh chu vengchhung tlawmngai hovin an man anih ngat chuan a dam chhuak bik kher lovang.

Report this comment
28
sheldon Says:
October 22nd, 2012 at 8:16 pm
Ka thin a va ur tak em! Ka rilru a na lutuk. Vai hur uchuak kut tuar hian kan thi ta fo mai ani maw. Dan in a chungah diktak in rel teh se. Mitthi chhungte zawng zawng Pathian in awmpui rawh se

Report this comment
29
Phivawk Says:
October 22nd, 2012 at 8:37 pm
Pi Lalawmpuii’n a kalsan tak a pasal fanaute Pathian awmpuina leh thlamuanna dilpui mawlh mawlh ang u.

Hnam dangin kan ramchhung ngeiah hmeichhe pawisawilo lehnghal a pawngsual mai bakah a that lehnghal hian rilru a tina takzet

Report this comment
30
mamboihi Says:
October 22nd, 2012 at 9:15 pm
Oh no.. Pi Lalawmpuii chu ka va khawngaih em.. A chhungte Pathian in awmpui in thlamuan rawh se.

Report this comment
31
Sartorius Says:
October 22nd, 2012 at 10:06 pm
A va thinrim thlak ve aw,,
Hleh thlak sak ila, chuan that lo in jail ah awm leh chiah se,
thah nghal chuan a tuar hman lo palh ang,
hlep ngam an awm loh chuan ka ngam,,,,

Report this comment
32
TuaiSialA Says:
October 23rd, 2012 at 2:08 am
A pawngsual hlawhtling hman lo. Chuan, tualthattu hi Kolasib Police lamin an kawl a ni awm e. Pi Awmpuii hian fa naupang tê tê 4 a kalsan a, a upa ber pawh kum 7 mi chauh a ni. Pakhat chu mi ang zãn lo a ni bawk.

Tualthattu hian Mualkhang pa pakhat lui kal haw a hmu a, a thiante nena mau an sahnaah a thiante nena inhloh angin a insawi a, Mualkhang pa zingkar atanga chhuak chanchin la hre lo chu a zui haw ta tawp a. Mualkhang an thlen chuan bawngchaw sahna chem nena vai an hmuh chu police-in an man ta mai a ni. An man thu hi police lam hian, tualthattu hmun hima an dah hma chu an zêp niin a lang.

Lungdai mipuite hian dar 10 velah an man thu hi an hre chauh va, an hriat veleh Mualkhang lam an pan nghal a ni.

A thattu hi kum la tling lo niin an sawi a, mi thawveng â ve tak, lerh deuh a ni a, tun hma pawhin hmeichhia a lo vau tawh thin niin an sawi. A nu hi Mizo (nu tak tak a ni lo maithei) niin a pa hi Vai a ni a, an khaw lamah pawh chhungte han belh tur vak pawh a nei lo va, nikum lawk atanga Lungdai-a awm ve chauh a ni. A mizia vel avangin bawngchaw zawng thin dangte paw’n an mil vak lo nia hriat a ni.

Mualkhang hi in tlemte, pem khawm niin an sawi a, IR awmna hmunpui a ni a, he chhiatna tawhah hian an lo inhrilhhre vak lo a ni awm a. Mipui lamin an hmuh hmain police lamin an hmu hmasa zawk tihna a nih chu. He vaipa hi a vannei khawp mai. A boruak erawh a la tawp mai lovang!

Pi Lalawmpuii hi nu valai, hmel pangngai tak a ni a, a lainatawm khawp mai. A tihhlumna hmunah hian a sam leh thisen vel hmuh tur a awm. A banbul vei lam hi a bung lek lek a, hei hi vaipain a sât tur a lo invenna nia ngaih a ni.

A hmu hmasa bertu hi thisuk nei a ni hlauh va, a hnuah Pi Awmpuii chuan ‘Vai bawngchaw zawngin min sat’ tih chu a sawi hman a. Tuna an man taka hi a sattu ni-a an rinhlelh ber a ni. A bawngchaw sah sa hi a piah lawk kawngpuiah a dahkhawm a, chuta tang chuan Pi Awmpuii anhnah vel la tura feh kal chu zuiin remchang laiah a khawih ta mai a nih hmel.

Report this comment
33
H.Vangchhia Says:
October 23rd, 2012 at 3:32 am
Ava han zialo tak em…. ama tuar a na, a kalsan takte tawrhna ava’n na dawn tak em! Thlamuang leh hahdam takin chawl mawlh teh se.

Report this comment
34
Chhuaklinga Says:
October 23rd, 2012 at 2:37 pm
A pawi mang e.

Pi. Maawmi Mizo hmeichhe rinawm ka ngaisang che, thlamuang takin chawl ang che.

Report this comment