High sikul kal lai
Inla-khawpui cheng ve tawkin Rahsiveng mawngah mi inhnuai chep tak luahin lehkha kan zir thin a. Kha’ng laia Lunglei khawpui ropui ka tih thinzia kha aw. Lunglei kan zin hma hauha kan nu leh pa te’n an sawi fo Town hall bula fly over bridge te chu lawn/zawh kan chak ve em em thin. Vawikhat chu pawl riat kan zir kumin, MZP hun hman avangin Town hall kal a ngai hlauh mai a. Chumi ni chuan leilawn ropuiah chuan ka lawn ve. Ka va’n hawi kual nasa tak! 
Town bus hi engzat tak awm maw?
Leilawn ropui atanga lirthei inzui zut zut mai chu hmuhnawm ti takin ka thlir a. Lunglei kan zin changa town bus kan chuanna thin kan hmuh baka town bus hrang hrang ka’n hmu te chu hmuhnawm tak a ni. Ngawi teh Bus neitu hming, Bus hmalama an tar pawh ka la hre thei asin. L.H. Sailo, L.H. Vannawla, tih te a nih kha maw le. Town bus panga vel lai ka’n thlir liam zet kha chuan heng bus zozai hian mihring an phur zel bawk si a, an va indaihzai tak em ka ti thin. 
Aizawl khawpui
Tin heti hi a ni a. Lunglei khawpuia kum nga zet ka chen ve hnu chuan ka tlangnel ta phian a. Ngai teh Mizoram khawpui Aizawl ka va zin zet chuan Lunglei ai ngawt chuan a lo ropui teh e. Town bus reng hmuh tur awm tawh lovin, City bus ngat an insulpel zut zut a. Han chhiar theih chi rual a ni lo. Kan lam hawia rawn tlan mek a awm laiin, a rawn zui tu a awm a. Min tlan pel chiah emaw tih laiin kan hnung lama tlan a awm zel bawk si. An va indaihzai tak e ka ti leh ringawt thin.
Hmasawn nge hnungtawlh?
Hun te a ral zel a, zirna avanga Aizawl khawpuia kum nga zet ka awm leh hnu chuan lirthei a pung, city bus thar lah a pung bawk. Mahse, lunglei ka haw erawhin Lungleia cheng te hi an hausa ta thut nge, an rethei tlabal zawk ka hrethiam lo! Town bus ka hmuh thin te chu hmuh tur reng an awm lo. Chuan man to zawk tak chawiin Auto rickshaw-in kan in sawh bawp bawp a. Keini ang duang tan chuan, veng hla deuha leng chhuak tur paw’n a ngaihna a awm hlawl lo. Mahse, tun hnaiah Lunglei khawpuiah pawh Town Bus pariat an tlan tan leh tawh niin ka hria a, ralkhat atangin ka lo lawm ve em em.
Khawpui lian leh changkang a piangah vantlang veivahna (Public transport) a tha zel niin ka hre si. Leitlangpui hmasawn dan erawh a letling hu a ni awm asin! Nge, sum a vang ti ti si hian, sum hi an ngah ru phian zawk ni?! Town bus aia auto rickshaw an hman tamna chhan an sawi hun an seng tlem, a dik; mahse sum hlutna ngaihtuah erawh chuan a tha ber em le? ka ti ve thung.
City bus-a chuan leh kan milar(inti) te:
Khawpui dang chu ka hre tam lo nangin, Bangalore khawpuiah hian vantlang veivahna ngaipawimawhin Bus Day te an hmang thin. Hemi ni hi chuan an minister-te meuh pawh bus-a chuangin office kal chang te pawh an nei ve thin. Ti reng thei lo mah se la, bus chuan a zahthlak lohzia, sum hmanral a tlemzia leh a him si zia te, traffic tawt lutuk tur a vendan te hi mitin hian hria se an tihna a ni mai a.
Phaia zirlai tam tak, bus chuang ngai miah lo (bus kal dan kan hre lo an ti, hriat an tum loh vang a ni ber zawk ) an awm a, manto zawka an kal duh a nih chuan an thu, an sum a ni, ka sawisel lo. Chutih rualin, Mizoram kan milar(inti) tam zawk te, an lar hnua bus chuang duh lo tiin kan sel fo bawk. Amarawhchu, ka sawi tawh angin, mahnia lirthei nei erawh ka sawi lo, tin kan milarte paw’n lirthei dang veivahna tur hmanna pawisa an nei a ni mai a, ka sawisel chuang lo. Mahse, bus-a chuan hi a zaththlak miah lo, inlakchangkan vanga bus chuan zahthlaka ngai erawh an thing zawk daih tih hi kan sawilang hram e, kei val phunchiar hian.. 
Similar Posts:
- Parking uluk dawn
- Lunglei Vision 2020
- Ka ti mai mai thin!
- Sorkarin city bus leh taxi nuar service turin thu a pe
- Khawpui Zin Thu-II
October 26th, 2012 at 10:26 am
Chhiar first teh ang
Report this comment
October 26th, 2012 at 10:27 am
I thupui enin a thu ken a zim….. hei lo pawh sawi tur i hre teuh ang, i tim mai mai nih kha..
Hmanni chu Leitlangpui a chul tak? lam hawi hla ‘challenging’ deuh mai ka ngaithlaa ka ngaihtuah a ti thui hle mai!..
A hla hming leh satu pawh ka hre chuang law!
Vai tam zia saw a mak ka ti tawp, vai lane deuh bik a awmin ka hria..Tlabung road tawntirh lam saw..
Report this comment
October 26th, 2012 at 10:42 am
Dik khawp mai Lungleia Bus-a veivah kan uar lo lutuk hi pawi ka ti thin, tin Bus chuanna tur fumfe pawh a awmlo bawka. Aizawl thalai, naupang leh nu leh pa hnathawk te pawh aniang chu, inti changkang, inti engemaw vel hauh lova Bus-a an han chuang sap sap mai hi chu an ngaihsanawm hi ka tia, zep loh chuan Aizawl ka zin hmasak tuma Bus-a chuan hrehawm ka tih zia kha, traffic tawt lutuk nen! Mahse tumah phunnawi miah lovin an chuang hmiah hmiah mai ka hmuh khan entawn tlak ka ti.
Helamah hi chuan Bus ah ka chuang ngai mang lo, ka rui ziaha buaithlak tak a ni. Keimaha kaldan phei chu ka thiam fumfe lo, i sawi ang deuh khi ka ni, zialo khawp mai
Report this comment
October 26th, 2012 at 11:11 am
Admin-te hi an fakawm mang e, ka rin aia hmain a lo chhuak nia!…
@ evergreen… Nia, a thupui khi ka’n belh dawn a, ka rilrua lo lang hmasa a ni si a. Tlipna nen khi chuan a inmil ta lutuk lo bawk nen. Mahse, thupui a sei ang tih ka hlau bawk si a. Min lo hrethiam mai t’u. Ka thiam loh vek a ni…
@ Charice… Nia, BHSS serkawn kan kal ve lai kha chuan bus fare Rs. 2 kengin sikul ka kal fo a. Haw lam chu kea kal loh paw’n, thiante scooter-ah ka chuang mai thin. Aizawl ka awm hnua ka haw leh chuan, BHSS naupang tam zawk kha, auto-rickshaw vekin sikul an kal ta a, sum a hek awm mang e ka ti thin, kan ram retheihzia ka chhutin..
Nupui ka neih hma.., awh khaih Scooty ka neih hma hian Bus chu ka chuang nasa teh e. Bus conductor pakhat phei chuan bus a tawt chang phei chuan, pawisa ka pek hmain ticket min pe sa thin.
Report this comment
October 26th, 2012 at 11:14 am
L.Keivom thuziah dik ka tih deuh chu, “Lunglei khawpui hian Aizawl khawpui chu a khan lo hle a, mahse mizorama khawpui dangte nen chuan han khaikhin chi rual chu a ni si lo” a tih kha a ni.
Report this comment
October 26th, 2012 at 11:32 am
Leitlangpui-ah sawn ATM 4 chiah a awmin ka hria…
Tumkhat a chhia/pawisa awmlo? rual thup mai a, serkawn kein ka kal thleng zak, pawisa nei tawh hek lo!…haha
Kan mi hmasa lawk tak takte kha Lunglei lam chhuak an ni hlawm thup a sin le..
Saikuti Hall bak saw hmasawnna lian ka hmu lo reng reng, Thuamluaia Mual nen
Report this comment
October 26th, 2012 at 11:35 am
Saikuti Hall pawh han haw chang hian alo hlui rup maia, Thuamluaia mual hi a ni deuh ber mai hmasawnna chu
, mahming Serkawn kan kal lai te chuan Auto deuh hlir kan hmang tawh mawle! hautak ve pangai e, mahni mimal private individual lirthei te neih ve lemloh chuan hahai
Report this comment
October 26th, 2012 at 11:44 am
Evergreen, comment number 2, para 2naa i sawi khi i ti dik! I lo ngaithla ve a ni maw… Kha hla kha ka duh asin. Lunglei paa ka duh em em Roliana Ralte phuah a nih kha. Lunglei lama sikul naupang hmaa thu ka sawi ve hian ngaithla ngei ngei turin ka chah thin…
Chuan kha hla kha internet khawvelah hian ka zawng fo thin a mahse ka hmu ngai lo. Ni kum ka pianni khan ka thianpa-in youtube lamah min lawmpui nan a lo upload a..a chungah ka lawm reng!
Face book group velah tuipui pha chin awm tamnaah ka post fo a mahse ngaithla duhtu an la tam lo – mi 50 entu pawh an la awm lo. Kei hian vawi 20 dawn ka hawn ka ring a he link hi a nih chuan entu an tlem hle tihna a ni.
Ngun takin min lo ngaihthlak sak ve leh ta che:
https://www.youtube.com/watch?v=EnGVDqm6mKc
Post tha tak a ni. A tul chuan post comment ka pe ve ang. Sorry for being OT! (A in kaihhnawih tho bawk alawm le..
)
Report this comment
October 26th, 2012 at 11:45 am
@charice
Traffic police an tam ve deuh, a hma ai cuan..
Report this comment
October 26th, 2012 at 11:46 am
@evergreen… Lungleia ATM hman dawn chuan, in-fit zek zawk a ngai asin.
). Ka hawnpui vel.. 
Kumin kum tir khan ni 3 chhung teh maeuh ATM a tha lo va. Beidawn tawh hnuah, HDFC ATM a lo tha hlauh a. Zingkara ka va kal chuan security guard khan a lo khar titih a (24 hrs ATM
@ Charice.. Vannei ka inti thin a sin. Ka kal ve lai khan bus awm lo ta se, nitin kea kal kha a ni mai. Ka kal zing viau tho nangin..
Aizawlah hian, mimal motor tlan tam lutuk hi khuahkhirh chin nei se, khawpui a lian chuang lo va, city bus hi hmang tangkai tam ila, traffic jam a ziaawm thei ang em aw..?
Report this comment
October 26th, 2012 at 11:56 am
Nikuma piang chauh te kan lo awm a ni maw hairehai
evergreen school ding thar pawh a awm nual tak e
Report this comment
October 26th, 2012 at 11:57 am
@Ignatia
vawikhat Guwahati atang ka haw tumin Sumo-ah kan ngaithlaa a nalh ka tiin, lairil a fan raih mai..
Pu Roliana Ralte phuah a ni maw? hla phuah thiam tak a ni, ti ila a hlaphuah pawh chu ka hre hlawm chuang lova, hre lo e ti lo chuan, ka hriat si; ama phuah a ni tih ka hriat loh a tam ang..
Hmm..sawi zel te’ng, Pu Thuamluaia ‘Sialton Official’ hian ka thinlung hi a la hneh ber mai…
@Dr.Mahming kan OT lutuk lo tiraw? Leitlangpui pa ho chanchin hlir a nih khi..heheh a thupui, ‘Leitlangpui’ tih a tho bawk aaa…
Report this comment
October 26th, 2012 at 12:01 pm
Bus chuan in sawi takah chuan…. ka sawi leh lo mai ang
Report this comment
October 26th, 2012 at 12:02 pm
@ evergreen.. OT hlah lo ve. Ka post hi chu huau a ni mai..
Nia, a thupui khian a huamzau a, mahse Lunglei mai pawh ni lovin Mizoram leh zoram lova chengte thlengin a tawplamah phei chuan ka’n thuai kual ta a nih khi… 
Pu Roliana Ralte hla phuah lar thenkhat te chu “Jerusalem tharah” Hun leh ni te an her liam zel a, tih te. ( A hla thupui hi a dik chiah em ka hre law..)
Report this comment
October 26th, 2012 at 12:04 pm
bus hi chu chuang ve nasa tek tek tak chu ka ni…Leitlangpui hi e hnuchhawn ram an tih thin kha a nia, Saikuti hall an han sa zo te chu minister ve meuh te pawhin Lungleia awm atan chuan a tha mah mah a ni tih vel kha an tawng duh dan a nia, hahthlak ve tak chu a ni
Report this comment
October 26th, 2012 at 12:07 pm
@charice,
‘nikum a birth day’ a sawina a nih khi! haha.. Keipaw’n ka rawn sawi chhuak tep a, mahse thil hmuh leh hriat zawng zawng hi sawi a tha kher lo tih ka ngaihtuahchhuak thut a, chumi a nih a vang nge ni, ka comment #12 para tawp berah pawh khian ka han tisual leh tlat a! 
i sual reuh lutuk
Lunglei hmasawn thei tlat lo hi eng nge a kaikuang ber ni ta ang aw?.. HPC hial a hrangin an nei asin le…
Report this comment
October 26th, 2012 at 12:10 pm
@ Awmtea… City bus-a tawnhriat zawng zawng pawh sawi awih vek, insum karna nei hlek lo vin…
@ Jacka Pi… Minister tawngkam chu ka lo hre ngai lo va, a ngeiawm ve hle mai a..
Saikuti Hall hi, 1998 kuma MZP-in vai check tur an tih khan ka tlanlut ve zuai a. Chumi hnuah a bang pawh khi ka la dek leh miah lo, a VIP-loh thlak teh e…
Report this comment
October 26th, 2012 at 12:13 pm
E khai a, Lunglei hi hnuchhawn ani rei khawp mai tak e. Mahse, engemaw chin atang khan a thang nasa ka lo ti ve a sin. Aizawl te chu a ter phalo khawp reng mai, mahse khawpui dang ho lakah chuan, “khi tah, khi tah” a ni ve tho a nia. Joint director te, Additional C.E. te an awm ther fuk hun tur erawh a nghahhlelhawm khawp mai.
Report this comment
October 26th, 2012 at 12:14 pm
Evergreen: I hre teuh ang… Mitdel kan awm tawh lo’ng, A lo herchhuak leh dawn ta(krismas hla), Aw ka ngai par ang an vulna tihte hi i hriat theih mai tur a nih ka ring. A dang pawh a phuah teuh mai… nakinah a remchan chuan a chanchin leh hla phuahte ka lo la post dawn nia. Krismas dawn tepah kum 2003 khan a boral ta a ka ui vawng vawng asin.
Sialton Official i lo sawi elaw… Love Story kaihhnawihah chuan ka chip hneh berte zing ami a ni hial ang le. Kum 2009 khan Shiilong khu riak meuhin duty avangin ka zu zin a. College hrang hrang leh NEHU cmpus lam keima ke ngeia ka rah khan ka rilru a va han thar mai mai tak em aw… Patling hi ka kehchheh vek dawnin ka inhria mawle khami hun darkarah khan… Charice-te hi chuan an man pha lovang..
Hmangaihna dai ngai lo tur biak in sermon hmang ngeia a titawp kha a turu ka ti. English in an letlinga duhthu a sam lo ka ti hle…
Report this comment
October 26th, 2012 at 12:19 pm
Tamil ramah kha chuan…heheh. City bus conductor a hnunglamah a thu a. Bus fare a hmalam atangin a hnung lam thlengin an in pe chhawnga, a kir pawh a neitu hnen a thleng leh thlap..
Conductor khan chep tak karah a rawn khawn bawk si lo, mahse an inpe chhawng zel bawk si..
A mak ka ti!
Nalh ve deuhva incheia, conductor bal deuhvin min han nawk tawk hi chu ..hmmmm
City bus chuan ka han sawi kai @Mahming, i topic huam tir hram ka tum si a..hahah
Report this comment
October 26th, 2012 at 12:20 pm
Chhim leh Hmar feeling in chawk tho ang e
tren tren
Report this comment
October 26th, 2012 at 12:23 pm
Sialton Official hi in sawi thlazena, ka la rawn critique ang, a sawi ka hriat tawh (keimah tiamin
) fak lo an la awm hauh lo nia mawle! a thuken pakhat vei em em ka nei, sawi rih lo ang.
Roliana Ralte hlaphuah (?) zingah chuan “Aw ka ngai par ang an vulna, nun thing zar hnuaiah, lungduh an liamna, raltiang ram sawn, awi kei ka lung min len..” tih mawlh mai hi Radio ah zing eirawngbawl pahin han ngaithla vang vang ila, lairil a fan ngaih bik asin…chuan leitlangpui hla a phuah hi chu Pensy version hi nalh ka ti ber mai
Report this comment
October 26th, 2012 at 12:31 pm
@ Awmtea… Pawih hoooo kan ti ve em lo’ng chu maw?!
Tak takin, ka sawilan duh ber chu a tlipna khi a ni e…
Chutih rualin, post atanga lunglenna leh a kaihnawih sawi erawh a pawi lo ve (Post-tu ka nihna atangin.. te ti vel ila.. 
)
Sialton official hi chu a ‘Sial ngawt mai…
Report this comment
October 26th, 2012 at 12:36 pm
Kei zawng bus-a chuan ni a nuam ka ti
Tin, chanchinbuah te pawh ka lo ziak ve tawh a, bus chuan tam a, private lirthei khalh tam loh hi thil tha tak niin ka ngai
Report this comment
October 26th, 2012 at 12:36 pm
@Ignatia, a nih tak khi a..Pu Roliana Ralte phuah a lo ni maw, ‘A lo her chhuak leh dawn ta’ he hla ka ngaihtlak hi chuan ..aaa..sawi lo zawk mai ang… a dang pawh khi ka duh hla vek a ni,.
1.Mit del kan awm tawh lo’ng
2.A lo herchhuak leh dawn ta
3.Aw ka ngai par ang vulna..Nun thing zar hnuaiah, Lung duh an liamna ….tih kha ni em?
Rawn post mawlh teh.. chutiang kan hla kungpui chanchin leh ka hla duh ho a phuahtu ka han hriat tlat loh le..mai mai a..
Sialton Official te chu @Charice te chuan an man pha lo ang..hahah..Mahmingte phei chuan a teuh lo mai! hahha…Vawikhat NEHU campus ka kal tumin ka rilru a rawn thar… Far hnuai thelh han maite,fing khat rala canteen atanga meikhu lo chhuak lat latte chu..Tah saw’n em ni Dorothy kha a thawh ang? A ni, Meghalaya ram ka luh apianga ka rilrua riak reng thin chu’ Dorothy’…
sawi ta duah, vawiin chu Misual vil te’ng..
Het Mahming, Leitlang Dingdi!kan sawi leh ang..
Report this comment
October 26th, 2012 at 12:40 pm
@charice..i rawn critique-na tur ka hre lawk ruai ruai..
Report this comment
October 26th, 2012 at 12:54 pm
@ Awmtea… A dik chiah. Kan khawpui chep nak alaia mimal lirthei tlan tam lutuk hi a veiawm ka ti mai mai, thu nei miah lo mah ila. Tin, ka sawi ang khan khawpui dang, kawngpui tha zawk nei paw’n an tih chuan Aizawl tan hlei hlei khian a tangkai zawk ngei ang..
Inlak-phairam awm vang pawh ni lo vin..
Awm bo deuh vang vang hnua, Lengpui atanga Aizawl luha, Hrangbana college kawta din chiah khian, a thaw-ipik-thlak e.. 
Office ban lai ngat phei chuan..
Report this comment
October 26th, 2012 at 2:47 pm
Bus sawi chuan, Guwahati a kan college bula Bus a din thin avangin college mi chu discount kan inpe chawp a (kan pian hma atanga tradition) HOSTEL tih rang deuha sawi paha rs,2 pek a duh chen2 chuan kha chu nuam v reng… tunah pawh anla ching zel…
Report this comment
October 26th, 2012 at 3:08 pm
@ LaMea… An la chhunzawm zel elo? Kan Professor (Assamess) pakhatin a sawi dan chuan, Khanapara-Fancy Bazar(?) thleng bus fare kan chawi ngai lo a ti! Bus condustor-in fare in dil luih deuh leh Vety College Hostel-a awm ka ni tih leh an dara ben thuai a ni mai an ti..
Chuan, eng eng emaw atan pawh khan Rate hran in nei an ti..
Report this comment
October 26th, 2012 at 7:01 pm
‘Leitlangpui’ han tih mai hian ka lung hi zuk ti leng tlat a. Vawikhat chu ka kal ve tawh a, in sawi ang deuh hian a hnuchhawn ram deuh riau in a hriat.
Sialton Official in sawi e lo? Ka chhiar leh chak ngei mai. A copy hmuh tur a vang tawh si.
Report this comment
October 26th, 2012 at 8:31 pm
Post tha tak a ni.
Kei chu lar lo teh mah ila, city bus leh town bus-ah hian zak miah lovin ka chuang mai zel. Tih fuh tum chuan stand nga te ka ding thin. (insawithei lutuk em aw..)
tren tren
Report this comment
October 26th, 2012 at 9:12 pm
Ti hian ka dawn thin a e.
Leitlangpui ka vangkhua
Hmatiang sawn zai reng i rel dawn lo em ni??
Thlir vel teh hmar tlangpui saw
I chhing ZO lo lua em mai
Chhak thlang chhim leh hmar a leng ten
Vul zai an rel asin
Hmanah chuanin maw Zawlkhawpui reng ngai loin
Thiam thai sum leh pai an hung i dawn ngai lo
Mahse tunah chuanin maw vankhaw sawngnawi maw i chan
Chham ang zal tho la Leitlangpui
Vul zai rel ve ta che
I chul zo dawn(3)
Kei ka vangkhua
Puan ang i chul zo dawn
Run in mawia val luah in
Sum leh pai a luang ve lo
Thuneihna leh theihna i nei ve lo em ni?
Sir ah an hnawl che em ni?
Ar ang vul zai i rel lo
I tawng lo em ni hmangai tu?
I riang i riang em mai
Duh luat vangin ngai dam rawh
Thawktu duhawm rual za ten
Hmatiang sawnin Leitlangpui I vul zel dawn
Thahnemngaia lungrualin
Thawktu duhawm rual za ten
I nun khaw nawm nana thawk zelin
Sir sawn an rel zel e
I chul mai tur(3)
Kei ka vangkhua
Ka ngai ka ngai ngam lo
I chul dawn lo(3)
Kei ka vangkhua
Puan ang i chul dawn lo
Report this comment
October 26th, 2012 at 10:06 pm
@ sheldon… Mak deuh a sin. Chhim lam atang ram hruaitu chhuak reng reng hi, Aizawl lama inbengbel deuh zel an ni, Aizawl chu a nuam zawk a ni ngei ang…
@ Chhuaklinga… Bus-ah hian din laklawh hi a awmin ka hre thin. Din tluan zak hi ka nei fo..
@ duata pa… A va’n tha em! Nl. Ramfawni (Bazar) leh zaithiam dang te’n hnehsawh taka an sa thin te a ngaihawm rum rum mai…
Report this comment
October 26th, 2012 at 10:22 pm
Leitlangpui chanchin chu i va ziak thiam ve..
comment petute lahin an sawi hawt thiam bawk… 
Report this comment
October 26th, 2012 at 10:57 pm
Bus-ah chuan(ka hriat danin) Town Bus a awm nual lai khan Bus neitu tlem leh mithahnem ngaiten Venglaia darkar 2/3 or Passenger khat hun thleng nghak a ding loin tlan tlang ve sela, mipuiin Bus kan chuang ang an ti a. Mahse Thla 1or 2 vel chu tuar a ngai ang(A chhan chu Mipuiin Bus chuan dawn chuan stand-ah darkar fe nghah a ngai tih an hria). Mahse, regular taka a tlan ve reng chuan Bazar Veng atanga Chanmari kal turin Bus a chuang ngei ang. Mahse chu chu an duh lo a, Venglaiah darkar fe a ding zel
Chumi rah chhuah chu Mipuiin(A bikin Veng laili a awmten Bus kan chuang lo, nghah rei a ngai lutuk) Tichua, Bus chu a lo hlawk lo a, Town Bus nei tam zawkin Khaw kar kawng tlanna turin an let a, Town Bus kan neih tlem phah a ni.
Mahse, a chul dawn lo(3). Puan ang a chul dawn lo KAN la ti e
Report this comment
October 26th, 2012 at 11:06 pm
Chang thumna (?) khi, “Run in mawi a vang luain” tih tur.
Lunglei boruak hi a mak khawpa, sea level atanga tehin Aizawl aiin a awmna hi a hniam zawk fe bawka, chhum zing deuh chuai ang hi a awm deuh renga, in sak thar reng reng a mawi rei theilo, kum khat chhungin rawng hnawih that a ngai zing khawp mai. Saikuti Hall lah hi an hnawih tha mawh khawpa, patek leh tuiekin a bawm hlui thuap mai chu anih hi.
Thuamluaia mual chung kawng phei atang sawn ding lam han thlir chho mah ula, a chim mai ang tih hlauhawm fahranin in chhawng hlui, tawp leh chhe tawh bawk si anlo ding khawn uaih anga, a bul vela in te pawh an thing thup mai nia, hmuh nuamlo ve tak chu a ni.
Report this comment
October 26th, 2012 at 11:18 pm
Amah Charice.. ka hre fuh thei lo a.. Thanksss
Report this comment
October 26th, 2012 at 11:26 pm
Amah-Charice, sea level atanga tehin a hniam i tih khi i hre sual palh em aw?? Aizawl ai hian a sang fe, Thuamluaia mual leh Laipuitlang hi in level anga sawi a ni thin..Lunglei mi tan chuan Thuamluaia mual chu khuuutah ani bawk sia
Report this comment
October 26th, 2012 at 11:33 pm
@ duata pa.. A dik chiah. A rukin ka vei ve thin, kan chhungkaw chaw ei lai te’n ka sawi ve thin a. Keini thu ve kha chu eng a ni der si lo. Mipuiin bus service an rin hun thleng nghak peih se, kan inchhawr tawn ang a, an hlawk tho thoin ka ring tlat..
@ Charice… Lunglei chu i sawi takah chuan ruah hi a sur tam bik a. Tin, thil chik peih deuh chuan ruah sur rau rau pawh Aizawl aiin ruah sur pawh hi a awn nasa bik(thli tam veng nge ni) an ti. Jacka Pi sawi khi ka hriat ve thin dan a ni. Geography lam thiam kan va mamawh em..
Report this comment
October 26th, 2012 at 11:44 pm
Jack-a Pi i tidik ang. Mahse kei chuan Laipuitlang leh Lunglei Ciruit House awmna hi a inzawl vel ni thinin ka lo hre thung. Serkawn leh Theiriat hi an sang fal deuh bawk a. Serkawn hi Theiriat aiin a sang leh a. Rei-ek tlang erawh a sang leh deuh…
Ruahsur sawi takah chuan Pu ZD Rongura khan sapho leh Pu Lalmama teh tih chin bak kha chhunzawmin tunah hian ruahtui tla zat a la teh char char. Ka en sak ve ziah thin. A fakawm khawp mai. Nitina ruahtui tlak dan hmaih map lovin a teh char char nia mawle… Amah leh Pu C Rokhuma te hi ruahtui tla teh awm chhun an ni ang, mimalah chuan. Pu ZD Rongura hian record a nei rei thung a. An la tangkai dun khawp ang.
Report this comment
October 26th, 2012 at 11:49 pm
Ka hre sual zawk pawh a ni maithei, lunglei boruak hi a hnawng khawp mai , ruahsur tam chu a chhan pakhat a ni ngei maia. Tin boruak hrim hriam hi Aizawl nen a inthat hleih lutuk hi a chhan ka hrethiam lo, Aizawla zina rei deuh cham chuan an rawn hmeltha haw puak zel mawle, mak tak a ni
Report this comment
October 27th, 2012 at 12:04 am
Sawi tak zelah chuan, kan thianpa hian a sawi thin a. Lunglei chu a khawthleng hi a rem lo hrim hrim a ti. A dik riau. Rahsiveng hi a va hrang nelh a, chutiangin theiriat leh zotlang lam te pawh. Aizawl anga bus han tlankual tur paw’n mihirng kan la tlem chu thuhran ni se, veng a darhsarh lutuk hi a buaithlak vein ka hria..
Mahse, boruak a tha lo kan ti tak nangin, BHSS kan kal lai kha pawh khan nula hmeltha ka hmu tam a sin aw…
(ho leh hram)
Report this comment
October 27th, 2012 at 12:11 am
Mak ka tih mai mai chu.. Tun hma kum 10 vel kal ta(A aia rei lo deuh pawh a ni ang) khan Lunglei-ah hian chhum a tam em em mai a, fur lai leh thlasik lai phei chhuan thim hnuah Hrangchalkawn – Lunglawn vel hi chu Motor a kal pawh harsa kha a ni thin a. Mahse kum 2/3 kal ta vel khan khatiang chhum chhah kha a reh deuh duakin ka hria. Tichuan, tun kum hian a zing nasa leh em em a, chhun ah pawh in hmuh har khawpa chhum zin ni a awm nual mai.. Enge a chhan ni ang? Nge, tun kum 2, 3,4 vel a chhum zing chhah bo deuh a ka hriat kha a dik lo..
A dang leh chu, Auto rickshaw hian kan Leitlangpui hi kal velna a tih awlsam rualin an tam over ta lutuk hi hnawksak an chang tan deuh a ni. Kan khawpui lai li lai ber a chhuk chho si a
Report this comment
October 27th, 2012 at 8:00 am
@ duata pa… I sawi takah chuan a ka hrechhuak uar uar. Aizawl atanga night bus ngeia kan haw a, zingkara Sethlun tlan pel hnua chhum chhah theih zia kha.
Haw ve chang paw’n, kea kal hram hram ka thlang zawk thin.. 
Auto rickshaw chu nia, kawng tha pangngaiah chuan a pawi lo, mahse driver tam tak hriselna pawh hian a tawrh ka ring..
Chuan, Mall em em nei pha rih lo mah ila, tlema shopping complex changkang ve deuh awm lo hi a rualawhawm ka ti..
Report this comment
October 27th, 2012 at 10:34 am
@Duata pa, hlathu i rawn pho chhuak a a tha hle mai.. lo save hmak a nge..
Lunglei- 4000fts, Aizawl- 3751ts above sea level.
@sheldie, Sialton official chu sawi e..Post hran awm se ka ti hle mai Sialton official pual hian..heh.. a copy i duh chuan C. Thuamlauia leh Kahleia hnuhma? B. Thangliana ziakah khan a awm..
Tlem lai deuh tawh khan, Radio-a an hotupa Pu Chawia nenkan ti ti vak tawh a, Lunglei chu Mahhminga sawi ang deuh khian ruahtui pawh a awn deuh bik a, tin chhum leivak a tama, thlai in a ngeih si a, …tiin hahipin a sawi ka hre tawh..aizawl lamah a awm phei leh tawh si a…
Salem veng..Nurse hostel thlang( ehem!) lam khu vawk farm siam nan ka awt…
Report this comment
October 27th, 2012 at 10:39 am
City bus sawi takah chuan, pawisa neih loh hi chuan stand a thlen dawnah a muan lai hian lut ila, kan luh lai an hre lo a, fare an khawn dawnah tukverh lan en daih ila kan chawi lo leh nge nge, sual vang niloin sum tlak chham vang zawka apply ngai ve thin a.
Report this comment
October 27th, 2012 at 10:54 am
@ evergreen… Aizawl leh Lunglei san zawng chu chiang ta e.
Vawkvulhna hmun remchang te i lo hre leh zel chu tluk loh rim i nam mang e ka ti… 
@ Amiko… A nih duh hmel e..
College kan kal lai khan, kan senior pakhat pawh Chandmari bus stop-ah a chhukthla chiah a. “Hmm.. pawisa ka nei ta lo, tu ber nge ka zui dawn che u” a ti heu mai a. A nau (junior) pakhat a zui nileng thak a ni awm asin… 
Report this comment
October 27th, 2012 at 11:04 am
@Mahming, a ram khu a pharh tha em a..
chuan a chhakah ‘chhas bawm’..vawk chaw atana nurse zirlai ho einawi han khawn khawm kha nuam dawn riau! Tuaisiala va hrilh rawh!
Leitlangpui hla chu a tha hle mai.. A chhunga chengte’n Pu Roliana chona hi chhang thei tak ang maw!
Report this comment
October 27th, 2012 at 11:18 am
@ evergreen.. A va tha dawn tak ve, chhass bawm bula vawkvulh a, chhass-ho ei bang nawi khawm theih bawk si. Thangkura dan takah, hlep hlir a nih dawn chu…
Hranghlui te hi zawng tlukloh rim an nam thin teh e…
Report this comment
October 27th, 2012 at 11:50 am
@mahming, Half century …hehe
High power committee te kha a hranin a awm si a, chhim bial chhantu tih te kha..
Vai ho khawsak dan saw a mak ka ti.. Aizawl vai ang an ni miah lo!
Nula chhe lo deuh chu an awm, hehe
Report this comment