August 13th, 2010 1:00 pm a Lonelyboy post “Courier service rintlak deuh deuh te a list chhuah a, Fedex express chungchang a ziah hi Aizawl ah hian Agent an awm ve em? A ziah dan hi ka hrethiam chiah lova. Khawngaihin sawi chiang deuh se ka van ti em!!! Ka lawm ngawt ang.
Archive for October, 2012
Fedex Express chungchang
Wednesday, October 24th, 2012Zoram HRI vei pathum lek!
Wednesday, October 24th, 2012Heng a hnuaia Zoram hri vei pathum lek te hi keima tih dan leh mi tih dan pawh ka ti chuang lo. Ka pian a nalh lo sia, a sawi pawh ka zak deuh viau a. Mahse, post a khaihlak bawk si a. Ka rawn ri ve thuai mai. A mam loh deuh leh in lo sawi mam belh mai dawn nia 
1. REALITY SHOW : Kum nga kalta vel atangin kan uar ve tan a. American Idol nge Indian Idol kan lak pawh ka hre lo. Icon a tangin Idol ah kan lut chho a, comedian search nen. Mitin mai hian Idol sawi rik a nih hi chuan sawi tur hi kan nei ve vek hlawm tawh a. Kan sawisel loh leh kan sawimawi a. A eng lam lamah emaw chuan kan tang deuh vek niin ka hria.
A entir : Tlai dar 4-6( Chaw ei hun vel) zawh atang a kan hun hman dan hi- Korean/ vai serial, Icon/Idol, Fakselna, LPS zawhah sms leh .. awi ha.. Hetih chhung zawng hian Biakinah te khan light kha on ve tho kha a ngai si a, 100 lenna ah khan 2 chauh an thut chuan a dang 98 tan a bulb ( nge CFL kan ti tawh!) chhit kep tho an ngai awm sia.
Save Electricity! ha ha ha…
2. SAWRKHAR : Pu Hawla aiin Pu Zorama’n a ei hnem/ hnem lo tih te hi kan inhnialna kum khua a ni a. Nakum elekshawn-ah tu tak chak ang maw? Japan mau lam nge Pathian nung tan chhan tlat tute. Politics kan ning vek tawh a. Bul a mi in tlem a rawn sawi zauh chuan, mahni theuh a ram hmangaihtu nihna kan kai tho a. Kan inhnial chiam a. Mahse ke pen puia an insawm chuan nang kal hmasa la tih inmelhin kan inmelh leh them hlawm si a. Kan duh emaw duh lo emaw current awm loh leh gas van viau chuan sawrkhar hming hi lam a ngai leh thin!
A entir : Politics hi chuan tu in chhung mah dai lo se, mitin dithlifarfem ah rawn kual thin se. Inthlan zawh a lainate sawrkar hna hmuhna a nih leh contract chhe te hmuhna a nih chuan kan phal si tihna.
3. ZIRNA : A zir lam hi kan han uar tawh em em khawp a. Vai ram ah kan in hnawh khawm thup mai a nih hi. Hawn a hun leh hnai tawh si a, in kan han thleng leh theuh ang a. Kan thalai rualpuite kan vei leh em em ang a. Anni lah khan min lo EI bik chiah lo ang a. Vai ram leh sapramah te chuan Agri.- a doctorate la te hian hlo an thlo tih theory tein kan in fuih ve a. Mahni khan kan zawmpui peih bik der si lo a. Mitan thil tha kan hawn chho leh teuh ang a, mahni chu a ngaite bawk khan thla khat chhung na na na kha chu Biakin regu takin kan pan leh ang a. Duh leh Zirlai pawl ah kan intithu anga, duh leh Student’s Union(?) lamah he he he! Haw thla leh ang a, Pub leh Bar tlawh kha sual a ni leh tawh dawn miah lo a nia. Zoram ah chauh a ni sual kan tih ni.
A entir : A der a nun leh hotu nih kan chak hlawm lutuk a, advice mi dawn sen loh kan vawm chhuak a, miin “A zirsang na a, a huih deuh te min ti mai mai” tia lungawilo taka phun mai mai bak hna kan nei lo tihna.
BONUS : CHARITY: Mitin rilru hi a in phal tawh em em mai a. LPS in an ti mak mawh a. Facebook lam a group hrang hrangin an an thawh khawm deuh reng bawk a. Kristian tha tak hi chu kan lo va ni em! Mite tan a kan in phal zia ka hmuh hian eirukna hi chu haw ngawih ngawih tur kan lo ni te ka ti vel ta mai mai a. Charity hi chu Zoram hri vei ni lo in a pai a a pai a nih vangin mi(sual)dorcommers Charity pawh a rawn ri leh thuai turah ngai i la…..
Bawkbawn leh Samtawk bai.
Tuesday, October 23rd, 2012A chawlhpawlh tawk tur pawh a eirawngbawl thiam takin an han siam hi chu atui ani tawp mai. Mizo nih man hi a awm thin.
A bul thum atangin aw.
Patlingin hreipui leh chempui nen kawla ni chhuak chhiara hmun hla takah lo a vat a, a kut te chu a durh pilh hrep hrup a, a duhtak a nupui biang pawh zut ngam awm lo khawpin a pilh pheng phung thin. Lam hla anih phei chuan chhung leh kua te thlahlel theilo leh awp lum hman lovin a riah chhuah a ngai fo thin. Thawmhnaw mawi leh nalh te chu hre tho mahse inbel na hun a nei meuh lo. Lo a han vat zo a, hahchawlhna hun tlem te a neih chu am takin a hmang thin. A thlan a dai emaw chauh tihin lo hal turin a inpuahchah a, mahni inrawh palh pawh thil awl tak, mitam takin an nunna an chan phah hial tawh reng a nih hi.
Kangmei chhuah hlauin rilru tawngtaina nen hah thikula alo vah chu an hal leh a, a tan khawvel hi a hahthlak bik hle mai. Meikang nasa tak venga, thin thi lo leka a hun a hman hnu ah pawh a hna thawh tur chu a hma a a thawh aia let atam ala awm a, hahchawlh na hian a hmuak lo chiang kher asin.
Lo a hal zo chiah a, ni thar alo thlenin kangvar a tlawh leh angai a, a kan that leh that loh a hriat chian a ngai, alo kang tha em em lo tlangpui leh nghal chuan, hrehawm pawisa lovin alo chu a thenfai alo ngai leh a, mang a han khawh leh te te a, taksa mawina khuh bo vekin a bal dum leh ta niau mai le. Officer ni hlim hnuaia hnathawk a lo ei ru thin te nen an din hmun chu lei leh van an sawi ang vel ani ber mai.
‘Hlutna’ hlutna hi eng nge?
Tuesday, October 23rd, 2012“Zodin SBI bula Mahatma Gandhi lim hlutna hi eng nge?” tiin MA kan zir laia kan Professor-in min zâwt a. A hnua ka ngaihtuah leh hian a hlutna chu kan thinlung lamah a lo awm daih a ni tih ka hre chauh a. A lim ngawr ngawr hi a hlu êm êm a ni hran lo, rangkachaka luan pawh ni hlei lo. Pu Gandhi-a thil lo tih tawh leh ram leh hnam tâna a theihna a lo sên zozai te han chhût chuan thinlung lamah a hlu-in, a lim chu thermocol hmang mai mai pawhin siam ta se, a hlu vet vet dâwn mang e.
Mihausa-pa lirthei dah tlar ter tuar, khalh sên loh nei ai chuan thingtlâng-pa tawlailir chu a hmangtu tân a tangkaiin a hlu zâwk ngei ang. Mihausa-pa chuan lirthei hlutna hi a chhût chhuak thiam tak tak lo, a ngah a, a khalh sêng lo va, atân eng nge chuti teh uala a hlut ang ni. Thingtlâng-pa erawh tawlailir chu a neih chhun ngawih ngawih a ni a, a kea vuah tûr bearing pawh harsa taka a zawn hmuh a ni ngei ang a, atân chuan mihausa-pa lirthei panga ai pawhin a hlu zâwk daih ang. Chuti angin sum leh pai pawh hi a ngah chuan chêng 10 hlutna hi an chhût chhuak thiam thin lo, nuai bi-ah an buai avangin. Mi rethei erawh chuan cheng 10 hlutna dik tak a chhût chhuak thiam a, nuai bi hlutna dik tak pawh a chhût chhuak thiam thin.
Miin lehkha thiamin a sâng thei ang ber zir sela, mahni room chhûngah tawm im-in inkhung kerh kerh sela; khawtlâng, kohhran leh a khawsakpui te tâna thahnem a ngaih si loh chuan hlutna eng nge a neih ang? Sum tam tak ziak bo thei tâwka thiamna nei sela, hna sâng thawkin hlawh ringawtah buai sela, a neih rosum te chu midangte tanpuinâ’n ui tlat si sela, ram tân eng nge hlutna a neih ang? Chu ai chuan lehkha pawh zir sâng lêm lo, ram leh hnam tâna mi thahnem ngai te hian mite ngaihsân hlawh lo mah se, an hlutna hi a bûk a rit zâwk ngei ang.
Govt. High School Mizoram in 11-0 in sawp
Tuesday, October 23rd, 2012Mizo te hi hockey ah kan nep in ti maw? Nimin 30th Nehru sub-junior boys hockey tournament neih mek ah chuan Pool E ah, Government High School, Mizoram, chuan Motilal Nehru School of Sports, Rai, chu 11-0 lai in an sawp a ni. Tlangval Ramdintluanga’n vawi ruk lai a vaw lut e.
Goal scorer te chu…
4″ Lalrinfela
6″ Ramdintluanga
16″ Ramdintluanga
17″ Laltanpuia
21″ Ramdintluanga
27″ Vanroluaha
36″ Hmangaihzuala
39″ Ramdintluanga
46″ Ramdintluanga
48″ Ramdintluanga
52″ Lalremsanga
Source: Indian Express | Asian Age
Mary Kom in Mizoram Press a dem
Tuesday, October 23rd, 2012Hei chu saptawng news lampang auh… Mary Kom chuan Manipur a Press conference a neih ah, a thil sawi chu Mizoram press lamin thu diklo deuhva an lo chhuah avangin na a ti hle a, Press ho a kawm lai chuan thlem hleih theih lovin a tap zawih zawih a ni awm e… Mizoram Press te chungah pawh case file a tum hial dawn angin an sawi.
E-Pao: Mary blames Mizoram press for the mess
Olympic Bronze medalist MC Mary Kom burst into tears in front of State media while clarifying over her alleged inflammatory comment of ‘never receiving any support from local media’ at a press conference here today.
Mary Kom vehemently denied having said anything about being discriminated by state media during the press conference at Aizawl yesterday after a felicitation programme and charged Mizoram press for misquoting her and creating anger among media fraternity in her home state.
Speaking to media persons at Manipur Press Club today, Mary Kom said that she would consult her legal experts for taking up necessary actions against Mizoram media for misquoting her
Chuan Kangla Online lamah pawh an chhuah bawk…
KanglaOnline: Mary Kom debunks Mizoram scribes report
It may be mentioned that the press conference held at Aijal Club yesterday was well attended by journalists and media reports in many papers have been uniform in publishing her statements which had implicated the State media. She had spoken in Mizo dialect at the said conference.
Heti zawng hian hma sawn ta i la…
Tuesday, October 23rd, 2012(Inthlan a hnai leh ta bawk a, in warm up nan Zoram Politics Thlirna tih kha ka ziak tawh a. Post kar awl hnawhkhah nan duhthu lo sam leh ang aw!)
Mizoramah hian kum 20 chhung zet chu Bi-Party system ang deuh thaw in kan kal ta. Indian political scenario leh US Federalism kan en chuan duhthusam a tling tep hial awm e. India ramah chuan regional party vangin UPA leh NDA a lo chawr chhuak a, sawrkarin stability a neih theih loh avangin an hun tam zawk development programme aiah mipuite hmuiah chithlum min tah siak a. A that leh that loh chu kan hre vek awm e.
Chutih laiin Mizoramah chuan MLA seat 40 kan neih ah 3rd Party opposition sual rawng bawl tham (sawrkhar tinghing tham) kan nei ngai lo a. Hei hian sawrkhar te thlan tlin an nih atanga kum 5 a lo ral hma chu mipuite tan sakuh ser nghah ngawr ngawr a ngai ta thin a. Kan lungawi loh viau leh leh lam kan vote tling leh mai thin. Option kan nei thlawt lo a ni. Hei hi a tha zawngin thlir dawn ta i la…
Party pahnih mi leh sa ten rorelna an inchan chhawk avang in development ah regional imbalance hi a awm lutuk lo a tih theih awm e. Chutih rualin State Capital erawhin ngaihsak a hlawh bik kan ti thei fur lawi si ang. Heng party pahnih chiah kan neihna chhan chu mipui ten rinna kan tlakchham vang leh ther hlo kan um thin vang a ni ber awm e. Mipuite kan lungawi chuang si lo. Intihtheih khum nan min la hmang zui bawk si! Hahthlak hian…..
(more…)
NGHILH NI I AWM LO’NG E !!!
Tuesday, October 23rd, 2012~Lalrosanga B Fanchun
I thih champha a lo thlen hian ka ngai che a, ka ngai zual che Ka pa.
Ahmasa in I mi ngaihdamna ka dil e Kapa, I fapa ka nihna ang a ka enkawl theihloh vang che leh kan zinga I awmlai a hahdam tak leh nuamsa taka ka dah theihloh vang che in. Na tak, khumbeta I damloh lai khan ka hmel hmuh leh ka enkawl I mamawh in I beisei viau thin ang ti raw! Mahse a nachang ka hriatloh vang leh ka zirna vangin I bul hnaiha nangma enkawlin ka awm theiloh vang khan tun thlengin ka inthiam theilo a sin! Khawngaih takin min ngaidam mawlh ang che aw Ka pa.. (more…)
ZO HNAM SAKHUA
Tuesday, October 23rd, 2012Hnam Sakhua chungchâng kan sawi dâwn a, khawvèlah hian Pathianin hnam chi hrang hrang leh tawng chi hrang hrang hmang tam tak min lo dah a, chuti anga hnam hrang hrang kan lo awm avãng chuan chuti anga hnam hrang hrang awmte hnènah chuan Pathian lei leh vãn leh a chhûnga thil engkim siamtù chu a inpuang a. A inpuanna mihringte chu an hnam ziarâng leh an khawsak dãnin a zir ang zélin an hnèna Pathian inpuan dãn chu a danglam thei niin a lang. Chu ti ang avãng chuan ‘Zo Hnam Sakhua,’ tih thupui hmanga ziak hi ka han tum a ni.
Pathian thú chu a inmil ang-
A chunga kan sawi anga khawvèla hnam hrang hrangte hnèna Pathian inpuan dãn chu an hnam ziarâng leh khawsak dãna zirin inang lo mah sela, Pathian inpuanna tak tak chu a lo dawngtùin Pathian inpuanna thú chu ama duh dãna belhchhah emaw, paih then emaw, tihdanglam emaw a neih loh chuan eng hnam hnènah pawh inpuang sela, Pathian inpuanna thú chu a inmil tûr ni ãwm tak a ni. Entîrna’n:- Bible ziakah chuan,
“Pathiante in ni a, in zãin Chungnungbera fàte in ni ka tih kha,
Nimahsela mihring fàte angin in la thi ang a,
Mi lian pakhat angin in la tlu ang,”
tih kan hmu a ni. Chu mi thú ang chuan Kristiante Messia, Isua khàn, “In dãn lehkhabuah, ‘Pathiante in ni ka ti,’ tih ziak a ni lo em ni?” a lo ti bawk a ni. Chuti ang chuan kan Mizo(Duhlian) tawngah pawh hian, ‘Khua’ tia kan sawi hi Pathian sawina a ni a, ‘pathian,’ an tih nazawng hi chu thlarau khawvèl mite an sawina a nih châng a awm bawk. ‘Khawzîng Pathian,’ tih te a lo nih hi. Kan pi leh pute’n an khaw thar kaina tûr ârpa kenga an va en khân, zãna an ârpa ken kha a han khuan ãl àl khân, “Khua a awm e,” an ti a; chuti chuan chu lai ramah chuan khaw thar an kai thîn a ni. Chuti anga in leh lo dina mihring an awm khàwmna apiang chu KHUA a lo ni zél thîn a nih chu. Bible-ah vek, “…An awmna ri te a khamsak a,” tih a ni leh bawk a. Keini Zofàte pawhin, ‘khuavãng ri kham sà’ kan nei thîn a nih hi. (more…)
Vaivawm President’s Cup ka en ve a….
Monday, October 22nd, 2012Mizoram Vaivawm inelna pui ber a ngaih, President’s Cup Final chu a nungchungin ka han en ve a. Ka en satliah mai a nilova, VIP thutnaah ngat a nia ka thut ni. VIP thutna kan ti ngawt a, VIP tak tak pawh kan awm lem lo. Pavilion-ah kan thut avang khan in VIP thutna a nih kan ti ngawt a, chu pawh Official ho thutna pavilion ni lo zawk ah leh nghal. Tin, thutna dup leh thianghlim awm ta lo chu Vanglaini phek phahin kan thu a, duh duhnaah in sawn khual theihna kha a VIP na lai tak chu a ni ber awm e, khawhar thlak viau mahse a nuam dangdai viau mai.
Emau kawng dai reh…: Vaivawm en tura in sawm hi thil namai a ni hauh lova, mi dawhthei lo leh inla buai chi tan phei chuan en peih chi a ni lo. Tin, a game hre ve lo leh tui pui lo tan phei chuan inhremna pakhat ang hial a ngaih theih a nih miau avang hian vaivawm enpui tur hi an vang viau reng a ni. Ka hming ang chiah hming mawi tak pu ve tho, kan nau ka sawm a. A ni hian tlawmngaih chhuah in min han enpui a, tlawmngaih chhuahin ka tih kherna chhan awh a ni hi Savun hampuar pet thin a ni miau a. A hma lam pawhin kan en dun tawh a, ka sawm hian a nuih a za thei khawp a, mahse, tha tak chuan min en pui ve ziah chu a nih hi maw…
Mizoram Vaivawm inkhel pui ber mah nise Emau kawng dai reh ang khan a khawhar thlak lek lek mai dawn a lawm le. A entu mipui zawng zawng hi NLUP pawh min sem dawn sela tumah kan in huphur kher lo ang. Ramhlun Sport Complex hi grass lem phah a nih ve lem loh avang hian a phut dep dup mai. Khaw that ni phei chuan boundary four vuak pawh thil awl tak ni lem lo ang. Mizoram a kan vaivawm chimchin nen a khaikhin chuan kan in hmeh tawk viau in ka hria. Hma kan sawn zelnaah nakinah chuan stadium tha zawk te kan nei chho zel dawn niin a lang a, kan stadium a changtlun rual hian kan game pawh hi a changtlung ve zel turah ka ngai.
OT:Lehkhachaih...
