CHRISTMAS CHIBAI !

December 12th, 2012 9:05 am by Mr.Fanchun

Favang boruak nuam tak chu ralin, kum tirh/bul a tanga kan nghahhleh em em kan Lal Isua pian champha December thla chu a lo in her chhuak a. Tur(h) Nipui / NiSakei pawh ‘Sik Ni-eng’ tih hming a lo pu ta! Zirlai, hnathawk leh Kut hnathawk te pawhin kan thil tih lai hnuchhawnin Jerusalem lam hawiin kan rilru, ngaihtuahna te sengin, Kan Lal piancham hlim leh lawm taka hmang turin kan inbuatsaih tan ta!Ramdang leh hmunhrana awm te’n mahni pianna leh seilenna hmunah he hun hmang tur hian kan haw sup sup a, Nu leh Pa te pawhin an fate tan ti a, kum tirh a tanga thlantui fara an hnathawh sum anlo khawl chu hmang tanin, an fanu leh fapa te chu thawmhnaw thar leh thilthar mawi tak tak te lei sakin, nuam taka hmang turin he hun hi kanlo hmuak threuh thin.

Chutia, kumpui lingleta kan nghahhleh leh kan lo suangtuah thin hun chu kan lo thlenga, chhungkua kan inhmukhawma, kohhran mipui kan inhmukhawma, nuam kan ti a, inkhawm leh zaikhawm pawh nuam kan ti a, kan tui a, kan hlim tlang em em thin. Mahse hetiang hun hlimawm leh nuamah hian lawm Tlierawl/Rawlthar tam tak, sual lam kawnga ke la pen ngailo ke pen luh tanna hun, Nu leh Pa an bum tanna, Zu voikhat an in na, Drugs voikhat an inchiauna, mipat hmeichhiat an hman tanna hun a ni thin. Misual kantih te; Tuna Jail chhunga hun hmang mek te, KS leh Drugs addict..adt.. te pawh hi tun ang hun an hman fimkhurloh vang hian lawm hetiang dinhmunah hian an ding tak ni !. An vawikhat tihna ah kha chuan tun ang dinhmuna an din tur hi an ngaihtuah phalo ang tiru..:(

Kan hma lawkah Christmas hun nuam leh hlimawm takin min hmuak a, hlim tak leh lawm taka hmuah tum threuh hlawm i la, he hun hi midangte tanpuina hun remchang a ni tih hre bawk i la, Christmas kan hmuahdan leh hman danah Fimkhur threuh ang u.. Hman NUAM aimah chuan hman THAT hi a inchhirawmloh zawk ka ring

May the good times and treasures of the present
Become the golden memories of tomorrow.
Wish you lots of love, joy and happiness.
MERRY CHRISTMAS to all..