Kum 2012 Krismas a hnai ṭan ta bawk a, November ni 25 Chawlhni inkhawm ban chuan, Mizo Presbyterian Church (USA) member ten rorelna kan nei a. Chutah chuan, thawhlawm engtia thawh tur nge (ie., engzat ṭheuh leh khawntu etc.) leh ran talh tur te leh, ran thawh tum ten an thawh theih turte leh thil dang dang sawi hona neih a ni a. Upa Chhuanenga chuan a in chu Krismas leh Kumthar hman na’n dilna a siam a, phalsak a ni bawk a, kan lawm hle. Amah, Upa Chhuanengate chhungin, Krismas ruai a tan kel pawh a thawh nghe nghe a ni. Pu Lawmsanga Zadeng chuan phal takin mipui daih tur vawk lian ṭha tawk a thawh bawk, a lawmawm ṭhin khawp mai.
Vawk hi a hma karah talh niin, urlawk zan menrei nen, a tuk a fatu ho hah lutuk tur a chhawk zangkhai phian awm e.
Urlawk zanah Upa Chhuanenga in-ah lenkhawm pahin gift exchange neih a ni a, keini erawh tum viau mah ila, kan fanu a damsam loh vangin kan tel ve thei ta lo, a pawi hle!
Krismas ni chuan, tlai lamah ruai ṭheh nghal tur kan nih vangin, inkhawm pawh ṭan hun pangai a ṭan lovin, a hnu hret, tlai dar 3:00 ah kan ṭan a. Korean ho kohhran a pastor ni mek, Rev. Vanlalrinawma (PhD) chuan sermon ṭha tak mai, Isua nihna dik tak min thehchhuah sak a, a manhla hle. “Isua hi kan rilru milin kan pawm ṭhin a, chumi chuan a nihna dik tak min hmuh loh tir ṭhin…” ti zawngin inbihchian ngai tak kan nih min hriat nawn tir a ni. Naupang hovin Isua lo pian chanchin, lemchan tawi (short play) hmuhnawm tak tak min entir bawk a. Kohhran zaipawl lah chuti hlauh, an thiam ngei mai.
Inkhawm ban chuan hall lamah ruai kil turin kan phei nghal a. Fatu ho an che thianghlim a, eitur an chhawp dan pawh simple takin, mahse thianghlim leh inpawlhsawp lo takin an rem thlap mai a, ei duh loh neite tan pawh an duh lak a nawm phah ngei ang! Ruai ṭheh zawh hian Krismas thlengtu Upa Chhuanenga in lamah lenkhawmna-in chhunzawm a ni.
Thlalak fahrah te te:
Kan kohhran naupang cute deuh deuhte:
Fatu lam:
Ruai ṭhehna:
Bonus:
Mi(sual).com on White Christmas:
Kan chhungkua:
Similar Posts:
- Kan 2013 kumthar ni kan hman dan tlem :)
- Krismas 2010, kan hlim hle!
- Kan khuaa krismas
- Little Drummer Boy
- Kumthar chibai u le, mi(sual) ho ;-)
December 27th, 2012 at 9:23 pm
Comment ka hawng e.
December 27th, 2012 at 9:36 pm
Thlir a manhla hlawm ngei mai
December 27th, 2012 at 9:45 pm
Aw a va mawi em.. tia comment tan chi a nih hi maw le..
Thlalak hmuh a nuamin a hahdam ngei mai.. 
December 27th, 2012 at 9:59 pm
Kohhran thalaite zar kan zo nasa hle a ni
December 27th, 2012 at 10:12 pm
Krismas damtlang taka kan hmang thei hlawm hi a hlu ka ti. In fanu pawh chu damtha zel teh se. Thlalak erawh page ka reload sek chung paw’n ka la hmu kim theilo. Hmuh theih chin te
December 27th, 2012 at 10:45 pm
Report tha tak a ni.
December 27th, 2012 at 10:49 pm
Inti lawmawm e
Chuan:
https://i45.tinypic.com/2dbqixs.jpg
December 27th, 2012 at 11:12 pm
pic… ka hmu ve thei lo re re…sob..
hmu leh si.edit hman..haha..
December 27th, 2012 at 11:15 pm
Nula hmeltha lutuk, kawr pawl ha i hmuh pawh kha report tel la
December 27th, 2012 at 11:17 pm
misual on white krismas… khi a comon lo kher mai.haha..
December 27th, 2012 at 11:20 pm
#9 Nia mawle.
Ka dar a rawn khawih zeuh, min rawn bia… ka hamhaih vel mawle. ♫ tra la la la la ♫
December 27th, 2012 at 11:56 pm
Lung ava lêng hman ve aw…. ka account atang ka lut mai thei lo va, kan luh leh theih hlauh chu. Jannis khi Mary lemah chang se a inhmeh ngawt ang.
December 28th, 2012 at 12:39 am
Mapuia #12 Mari lemah chuan thlalak a veilam ber ami khi a chang, a fel khawp mai. Janis chu beram pu
December 28th, 2012 at 12:46 am
Beram pu pakhat:
https://i45.tinypic.com/ev8byc.jpg
December 28th, 2012 at 12:51 am
In va hman nawm hmel ve le. In ruaitheh dan khi kei chuan ka suangtuah thiam phak meuh lo.
Krismas diktak in hmang anih hi. Helamah chuan ruih hun, ar kan hun, lam hun, fawr hun, hur hun, emaw ti tlat an tam asin.
December 28th, 2012 at 1:14 am
Pu Henry, mi pa tih hamhaih te chu kan thiam zawng tak alawm.. hehehe **jk**
December 28th, 2012 at 1:15 am
caribou #15 engtia suangtuah thiam meuh lo nge i nih ang aw?!!
Ruai hi buffet ang a chhawpin, mahni duh ang zel insuah a ni mai a. Tichuan, dawhkanah kan kil ho ani mai. Alo tih chi khawp mai. Mizoram-ah pawh thutna fumfe neiin ruai hi theh thin ila chuan chaw ei pawh puar dan a dik zawk ngeiin ka ring. Burma thingtlangah meuh pawh dawhkan an kil thap zel ania!
Lo tel ve thei ula ka ti thin teh asin.
December 28th, 2012 at 1:20 am
#16 Nancy leh hairehai
ka zakzum deuh thin a 
December 28th, 2012 at 9:01 am
Tukchhuah nuam vek u le
December 28th, 2012 at 9:20 am
Masi ni takah ruai in theh bik bik a ni maw(m)? Keini chu kum eng ngemaw chen atang khan Masi tuk lehah(26.Dec) chauh ruai kan theh tawh thin, kan changkang tak sawt vang nge tihdan thar kan lawm vang hrim hrim ni dawn le!!!
A ni(25.Dec) taka ruai theh kha a hlu ka ti. 
Thlalak a mawi/hmuhnawm hlawm hle mai, Janis-i chu lodam vawl vawl rawh se. Naupang dang zinga a awm pawhin mit a la hle mai(naupang dangte khi an tha lo bik tihna ni hauh lovin).
tren tren
December 28th, 2012 at 9:35 am
# 20… A dik chiah. Birthday lawmna ruai, a tuka theh daih hi a mak ang reng ka ti
December 28th, 2012 at 10:37 am
keini chu vawksa kg 4 vel kan lei a, a thauin min hneh knla ti hm ham tho… 24 zan atangin kan theh… nuam ve tho mai… naupangho nen kan lam a, nula erawh an awm lo
December 28th, 2012 at 11:11 am
A ngaihnawm e. A hmuhnawm e. A tui-hlu e.
December 28th, 2012 at 11:57 am
van nawm hmel em em
December 28th, 2012 at 3:25 pm
Chhiar a nuamin thlalak a hmuhnawm hle mai. Mi engzat nge he programme-ah hian tel che u? Vawk pakhat ei zo tawk in awm em ni?
December 28th, 2012 at 4:28 pm
Awmtea #24 a nuam ve viau ania
hlatekhua#25 Kal zat ka ziak miah lo a nih khi mawle. Han ti ngawt ila, an puang lo va, ka chhiar lem bik hlei law, mahse 100 kan tling lo deuhin ka ring. Vawk talhnaah ka tel ve ta lo va, ka rinthu mai erawh chuan, Mizo vawk talh thin pangai tiat chu kan ei zo lo tawpin ka ring. Kumthar ruai theh leh tur ania, kan ring leh maiin ka ring. Nangni lam pawh in hman nawm ka beisei
December 28th, 2012 at 8:41 pm
Pic 2 a nu/nula(?) ho incheina chu ala zo tha hle mai. Mizoram pawna awm dek dek a biak ina pawh mizo lo lutuk a inchei nghal ringawt te entawn atan an va tha em!
December 28th, 2012 at 8:56 pm
chhangteval #27
Kan hmeichhe ho hi, an duh ang angin inthuam mahsela tu’n kan sawiselin kan melh zik zek lem lo. Mahse, a tlangpuiin, biakinah hian Mizo puan an veng tam zawk tlangpui awm e. A mawiin a inchawih ka ti tlat pek, keipawn 
December 28th, 2012 at 10:14 pm
H.Vangchhia@26, chu kumthar pawh in la ei tui leh dawn bik a nih chu! Keini pawh he rama Mizo awm zawng zawng (kan chhungkua)-in a huhoin kan hmang ve ngat. Kan fapa birthday a ni ve bawk a (Krismas niah a piang hman dawn lo tak ngial a, an zai chhuak ta mai kha a nia!), a rualin thil pawimawh pahnih kan lawm ta ziah a, a tihchi phian mai.
December 28th, 2012 at 10:36 pm
I ziahhlawm tawpber chu keini mi tamtak zir tur atan a va thra em em e, I ziak thiam khawp mai.
In chhungkua pawh inva inhmeh em em e.
December 29th, 2012 at 1:48 am
hlatekhua #29 Ni e, kumthar lam pawh ala awm nual turah ngai ang.
E khai chu, khawvel-in i fapa birthday alo lawmpui kumtin che u ni rengin le. 
Chhungkua a dam leh hlim tak a hman theih hi alo hlu khawp mai.
Aizawl lamah chuan ka pu, M.Laldailova thlahte inhmuhkhawm an ti ve thung a, a fa leh tute mi 118+ lai kan lo awm tawh alo nia. Ka pu in, kan inpui berah ruai an siam a lawm. Han tel ve theih ka chak teh asin aw. Hemi hi kan chhungkaw tan a thuchah atan tiin, kan u pakhatin a chhiar nghe nghe tak asin:
1 Johana 4: 7- 11
Duh takte u, i inhmangaih tawn ṭheuh ang u; hmangaihna hi Pathian laka chhuak a ni si a; mi tin hmangaihna nei apiang Pathian hrin an ni tawh a, Pathian an hre tawh bawk a. Hmangaihna nei lo chuan Pathian a hre lo; Pathian chu hmangaihna a ni si a. He miah hian Pathian hmangaihna kan chungah a lo lang ta, amah avânga kan nun theihna tûrin Pathianin a Fapa neih chhun khawvêla a rawn tirhah hian. He miah hian hmangaihna a awm, keimahnin Pathian kan hmangaih ka ti a ni lo va, amahin min hmangaih a, kan sualte thupha chawina ni tûrin a Fapa a rawn tîr ka ti a ni zâwk e. Duh takte u, Pathianin chuti kauva min hmangaih chuan keini pawh kan inhmangaih tawn ṭheuh tûr a ni.
December 29th, 2012 at 1:50 am
SHauzelSailo #30 I ti lawmawm e
Ziak thiam ni ila, sermon kha a tluanin ka ziak tur…
December 29th, 2012 at 10:58 am
H.Vangchhia #32 Mi sermon a tluana han zia chu har deuh ania..
I ziah thiam angin nangma sermon ngei pawh a thra viau in ka ringhlel lo e.
December 29th, 2012 at 3:30 pm
Thlalak hmuh a nuam hlawm khawp mai. Janis pawh a lian ve ta hle mai
December 30th, 2012 at 11:03 pm
Khalamah pawh talhchawp Vawk tho ei a ngai eloa, Chhur’an Phungpuinu a zawh ang deuh a, “Amah a thlo thei Bawngtluthlawh” anga talh ngai tawh lo Vawk emaw te awm awm tak tiraw HV
December 31st, 2012 at 3:48 am
chhangte_ll #35, i ring em?
January 21st, 2013 at 5:10 pm