Puitling Nun.

February 4th, 2013 2:00 pm by PKfanai

Mi puitling thlerh thlawrh tak maite hi chu kan ngaisangin kan zah nghal mai thin a. Kum upa tawh tak tak, nawi ang reng viau si a awm theih laiin, la naupang te si, puitling thlarh mai a awm theih bawk a. An kum phu lova, an nun dan, an tawngkam leh hawiher leh an thu vuak thlak puitling tak leh fing takte chu, mitin hian kan ngaisang thin anih hi. Puitling nun chu engtin nge kan sawifiah tak ang le? Heng a hnuaia ka han sawi ho te atang hian mahni theuh I han in enfiah dawn teh ang:-

1. Mipuitling dik tak chu a thinur viau chang pawhin, tilang nghal buan buan lovin a inthunun thei thin a, Cool raihin ala tawng hram hram thei thin a, inhriatthiam lohna alo awm chang pawhin tharum leh thil tichhe rum rum zawnga che lovin, sawifel theih a tum hram hram thin.

2. Mipuitling chuan, a hmalam thui tak a thlir thiam thin a, a hlawhtlinna tur chu reilote nawmna hlimpui avanga chan aiin, a hmalam hun thui taka tan a that zawk leh a hlawhtlin phah na tur anih chuan, a pumpelh/chan phal rih thin.

3. Mipuitling chuan a hna thawh laklawh lai chu, a puitlin tak tak hmain miin sawisel sak fo thin mahse, a tihhlawhtlin hunah a tha dawn tih a hriat tlat chuan, a tilui hram hram thin.

4. Mipuitling chuan, a thil tih dikloh miin an sawi emaw, an kawhhmuh emawin tlawmah a la duh lova, inphahhnuai takin, “Ka lo ti dik lo chhia va anih hi” a ti ngam thin. Tin, alo dik zawk anih pawhin, “Ka sawi ka sawi reng kha” a ti kher ngai lo.

5. Mipuitling chuan thutlukna fel tak a siam thei thin a, chu a thutluknaah chuan a dingnghet thin. Mipuitlinglo erawh chuan, thil nithei tam tak a hmu/hria a, nimahsela, a tih tur ber hrelova a inkhapthluk reng chhungin a huntha a liam hman thin.

6. Mipuitling chu midangte tan mirintlak ani thin. A thuah a dingnghet thin a, miten ‘mirintlak’ ah an ngai thin a ni.

7. Mipuitling chuan thil siam that danglam theih tawh loh achungah, a rilru a tihrehawm reng duh thin lova, thil sawt tawh lo chu, a rilru atangin a dahbo thiam thin.

8. Mipuitling chuan, thil tihdanglam ngai leh siamthat ngai emaw, thil thar tih chhin ngai emaw alo awmin, huai takin hma ala ngam mai thin.

9. Mipuitling chuan, hna a tan tawh laklawh chu, a tawp thlenpui law law a duh thin.

10. Mipuitling chuan a tana thalo tur tih hriatchian a inbawih tir tlat ngailo a, a simin a kalsan thei thin.

11. Mipuitling chu kaihhruai leh ven reng kher ngailovin, ama thuin hna a thawkin, a tihlawhtling thei thin.

12. Mipuitling chuan Pawisa ak tun mahse, a hmanna tur a zawng ruai kher lova, a hmanglo thei thin.

Thubelh: Mipuitling chuan misual.com, Fb leh website dangah te comment dan tawk a thiam thin a, nawi chintawk a hre thin. Mipuitling chuan midangte an kum tam dan azir zelin mizia an nei hrang thliah tih hriain, kum 20/30 hnuailamho te kum 40 chunglam ang rilru pu vek anga an comment a phut kher lo thin. Thutak kara lo nawi ve nak nak an awm hian, khawvel an tifamkim a, an tinuam ve tlat a, an tello chuan khawvel ,Fb leh misual.com te hi an kim biklo tlat tih a hrethiam thin.hahaha.

“Krista Isuaa Pathian chung lam koh chhan lawman hmu turin, tiam chin lam chu ka pan talh talh a ni. Chutichuan puitling apiang chutiang rilru puin I awm ang u” (Philippi 3:14-15)

19 Responses to “Puitling Nun.”

1
mama Says:
February 4th, 2013 at 2:09 pm
A tha 1eh ngot ang, chhiar ang.
Report this comment
2
chhangteval Says:
February 4th, 2013 at 2:18 pm
Philosopher pakhat chu i ni e Pu PKa hi.

Naupang te, inla puitling deuh ho hi chu a ngeiawm lamah an kal, a chang chuan
Report this comment
3
Chhinga Says:
February 4th, 2013 at 3:05 pm
ka lo va puitling lo tak em. . .pu pk ka lawm e.
Report this comment
4
Chhuaklinga Says:
February 4th, 2013 at 3:38 pm
A va tha em…

Hmasawnna tur ka la ngah hle mai. Save nghe nghe teh ang.

tren tren
Report this comment
5
Lamji Says:
February 4th, 2013 at 3:54 pm
Mark ka va hmu tlem leh pek ve!™
Report this comment
6
Dr Mahminga Sailo Says:
February 4th, 2013 at 4:03 pm
A tha thin hle mai.
Nia, ka puitlin lohzia ka chiang lehzualin ka hria..
Report this comment
7
Amah Charice_mizo Says:
February 4th, 2013 at 4:04 pm
Pu Pka kher hi chu ka hnial hreh pawl tak a ni nain ka’n lo sualthiam lawk. A thupui “Puitling nun” tih ania, mahse a hnuah chuan “Mi puitling nun” char char i sawi leh sia he2.

Puitling chu Adult (legally), grown-up (biologically), thankin tawh, kum lama qualify te hi an nia, Chuan Mi puitling Mizoin kan tih thung chu ‘quality’ a ni, kan ngaihlu em em. Heng i rawn sawi zawng zawng leh thildang tam tak a keng tel. Puitling zingah pawh mi puitlinglo tak a awm theih tihna anih chu
Report this comment
8
PKfanai Says:
February 4th, 2013 at 4:06 pm
Chhangteval, mithiam thusawi leh thuziak atangin pawm zawng leh tha tih zual kan rawn la chhawng ve mai mai bawk a lawm le a.
Report this comment
9
Dr John Says:
February 4th, 2013 at 4:35 pm
A va Tha tak em …
Keini ang duang chu “Mipuitling” (mature person) dinhmunah hi chuan sawi tur reng reng ka hre ve ta lo, ‘Mark Bial’ (zero) bak ka hmu lo ve
Report this comment
10
ThaiBoy Says:
February 4th, 2013 at 5:13 pm
Mipui tling ka nih loh tawp chu
Report this comment
11
bbney Says:
February 4th, 2013 at 5:58 pm
ka nih loh dan deuh vek a ni tlat mai a. hmasawn ka ngai hle mai.
Report this comment
12
chhana Says:
February 4th, 2013 at 6:01 pm
A tha hle mai. Puitlin hi zawng a har a ni e.
Report this comment
13
PKfanai Says:
February 4th, 2013 at 7:31 pm
Charice, in correct hi hreh tur ani ngai lo ve. “ka thiam loh ani e” tak taka, Rawltharho rilru han provoke nan ka rawn hmang lui anih hi. “Puitling film” lam tura ngai an awm te ka han ring rilru deuh a.
Report this comment
14
chhangte_ll Says:
February 4th, 2013 at 7:46 pm
“Mipuitling dik tak chu a thinur viau chang pawhin, tilang nghal buan buan lovin a inthunun thei thin a..”

Mizo mipuitling an va vang awm ve mawle
Report this comment
15
PKfanai Says:
February 4th, 2013 at 8:12 pm
chhangte_ll, Pastor ka ngaihsan tak tak chin ho hì, hetiang mize nei hi an awm nual mai.
Report this comment
16
PKfanai Says:
February 4th, 2013 at 8:18 pm
Pa pakhat pawh, an tia lawm; a fapain a thu a awih duhlo a, a thinur ngang mai a. Zanriah an han ei tan chu, “Mama, vawiinah ka thu i awih duh lova, ka thin a ur hle a ni. Tikhan chaw kha bar tun tun la, puar tak khan ei la, i eikham hunah ka vaw dawn che nia aw” a ti dam duai e, an ti.
Report this comment
17
Dr Mahminga Sailo Says:
February 4th, 2013 at 8:35 pm
A post-tupa fiamthu hi a kim tlat lo… Ka’n chhunzawm mai te’ng…
Tichuan, a fapa kha a’n fing mai mai khawp a. A pa thinrim reh nghah pahin rei tawh chaw a ei hnuah, chaw a chhum belh leh vel… an tih kha maw le..
Report this comment
18
Athana Chhangte Says:
February 5th, 2013 at 2:00 pm
Tha lutuk
Report this comment
19
Hotunu_pasal Says:
February 5th, 2013 at 6:29 pm
E khai! Khai…khai…khai..! Ka va puitling lo teh lul em !
Report this comment