How Much You Mean To Me!

February 7th, 2013 2:09 pm by Dr John

Video Mak Deuh Mai Ka Dawng!
February 3, 2013 (Sunday) khan WhatsApp kaltlangin Video ka dawng a. En nachang ka lo hre lawk lova. Atuk February 4, 2013 (Monday) chuan, Exam Hall-ah Naupang-ho Exam venga ka awm laiin, ka NET ka han hawng chu a lo awm reng mai a! Min rawn thawntu hi ka hrechiang a, thu pawimawh tak a nih ngei ka ring nghal ringawt a. Mahse, Thupui engmah inziak a awm lem loh avangin mak ti tak chungin ka download ta a. Ka rin ang ngeiin ‘rilru khawih tak mai Video a lo ni a, tha ka ti tulh tulh’ mai bawk!

MP4 Video 1.84 Mb Download nan Rs. 94!
Video ka download tawh zawng zawngah a man a to ber awm e! Tuna ka Aircel Internet Pack hi 3G/2G Unlimited niin, Rs.98 per Month ka chawi a. Mahse, he MP4 Video 1.84 Mb lek download nan hian Rs. 94 lai ka chawi lawi si!! Ava Rapthlak em!! Ka Internet Pack hi lo zo ta pawh nise heng zat zat hi ka chawi tur a ni lo asin! Ka ngaihtuah chhunzawm ta a, Customer care-a complaint tur emni ang aw? ka tih mek laiin, ka Expe atangin complaint pawhin awmzia a neih vak ka ring ta lova, ka ngawi ta mai mai a (za lo chung chungin nui ta mai ila).

A Story, Picture leh Music Inchawih Lutuk!
Video ka download fel hnu chuan, ka han Play ta a. Ka phone hman lai hi a Hmai (screen) hi 5.3” lai a ni a, a hmai a hlai tha phek phuk bawk a, rinaiin en pawh a nuam hle a. Ka rilru-a thil rawn lang hmasa ber chu… Khawthlang-ho (westerners) rilru leh ngaihtuahna thui zia leh mi rilru hneh dan an thiam zia hi a ni. He Video hi Story, Picture leh Music Chawhpawlh a siam a ni a. Engkim hi a inchawih vel vek a ni ber e. Mizo-te hian Film hmuhnawm tak leh rilru khawih tak kan siam ve theih hun a nghah-hlelhawm hle mai a, tiin ka ngaihtuah chhuak daih! Kei pawhin Mak ka ti!

Lawmna Chang Hriat Hi Ava Pawimawh Em!
Miin kan chungah thil tha ho te pawh min tihsak sela, ‘lawmna chang hriat’ a, “How Much You mean To Me” tih fo theih hi a lo pawimawh hle mai. Miin kan chunga thil tha an tih a, kan lawm a, kan lawmna kan lantir hian, keimahni chauh kan lawm lova, thil min tihsaktu leh min tanpuitu pawh an lawm tel a, heng bakah hian ‘keimahni leh keimahni pawh kan inchawimawi’ tel a lo ni reng chu niin!

Chuvangin, Thufing chuan, “When you lose your money, you lost nothing. When you lose your health you lost something. But when you lose your character, you lost everything” a lo ti a. Kan tawngkam, nungchang leh chetzia hian kan ‘rilru leh nihna dik tak hi a lo tarlang’ a. Kan tawngkam, nungchang leh chetzia a that lohva, a mawi tawh loh chuan ‘engkim kan hloh tihna a nih mai bakah, midang tan mi hlauhawm kan ni tel tawh thin’ a ni.
{{: He Post hi Video min Thawntu Tan Lawm Takin Ka Hlan E :}}

He Video hian i Nunah Thu a Sawi ve ngei ka ring…