mi(sual).com

Ramzua..Ramzau..Ramzau.. ka thil hriat avangin ka mu lai ka harhhlawl mai a, sana kan en a.. ala hma viau si, zan lama tu tu te maw text na lamah ka lo mengrei phian bawk si nen ka ngei ru angreng khawp mai a,han hau hrep tak hi ka duh rum rum a.. Ramzuava lah chuan a chhang mai bawk si lo nen..ngatinge achhungte tal chuan ala mu emaw Ramzau I thianten an ko che, tho rawh te lo tih awm tak! thinrim rilru pu chung chuan ka khumah chuan ka lo inseh ruh khawp mai a ..mahse chung thil vang chuan kan naupanglai nun rilru ah alo lang uaih uaih a, ka ngaihtuah chho ta a…he thu ziah duhna rilru hi alo piang chhawm ve ta a ni.

Thuziak thenkhatah leh post thenkhatah hian thingtlang lam nun dan te, panlai nun hlimawm leh dangdai tak tak te kan chhiar fo awm e. Tun tum chu Aizawl naupangte nunphung, an panlainun kan rawn thailang ve dawn a ni!

Zing tlan (Morning exercise) te kha tih ngei ngei tur leh hriselpui nghal theih thil ni khan kan hre tlat thin a, zing tlan turin khawthim laiin kan han chhuak khawm a, tho hmasaber nih kha kan ngam chiah thin loh avangin thiante min koh nghakin khumah ka lo let vel tap tap thin..Thiante tu emaw ber chuan min rawn ko ta ngei mai a, chu ve leh phur tawkin kan tho chhuak nghal thin, (mahse phur ang taka lan kha a pa lo kan tih tlat avangin kan insum hram hram zel) .., zingkara thiante hmel hmuh tluka nuam hi a awm thei dawn maw ni le!ka ti hial thin. A chang chuan zingtlan tur hian kan riak khawm thin a, thianho han riak khawm ta chu kan ri nek nek a, kan lo muhil har phian thin a, tin, kan helhhawlh vang nge ni dawn ni sana kan hai fova Zing dar 2 ah te kan in ko tho sap sap thin, alo hlimawm thin ngawt mai. BMX khalh ringawt te khan College veng atanga Mission Veng, Tuikual to Dinthar, Chanmari to Zarkawt te hi kan zawh chhuak zak zak zel a, kan nuam tih ber ani fo thin, thlan tla hluam khan thiante BMX nawr tur ringawt pawhin kan zui nileng zak peiha, kawng chhukah an nin min phur a, kawng chhovah kan nawr sak thin..min phur kan duh chuan Bawih (Slave) anga awm a ngai .. school chawlh kan chak chhanber pawh ani awm e.

Tuna New Capital Complex awmna ah sawn inkhelhna tur field a awm thin a, ahmingah MT (EM TRI) an ti thin a , a field lai tak thlanglam side hi apawng zui a, mahse chuti chung chuan a ras em em tho, abul hnai vengho inkhelhna ber pakhat a ni, Khatih lai vel kha Tuikual-Dinthar Zu tam lai kha ani bawk a, ball lum char chang te hian ‘Zu’ siamna leh zu thuhruk hmuhfuh chang kha a awm chawk reng a nia. , inkhel turin field hnai vai leh hmuh chhun ang ang ah te khan han kal ve bawk thin mah ila, aia u zawkten min nek chhuak tho tho va, achang leh an lo tel ve thul, an duh ang angin min awm tira, hrehawm ve thei tak chu a ni. Achang chuan field kha duh anga kan hman theihloh thin avang khan kawngpui (Metal road) ah kan inkhel ta thin a, motor a lo tlan chhen bawk nen, inkhelh chhung kha a reilo thei em em a, rual u zawkten min rawn tibuai deuh ngei bawk a, Tin., YMA leh khawtlang hruaitute khan kawngpui a inkhelh kha min khap bawk nen, “naupangte” kha chep tak chu kan ni. Thil mak ve tak  chu’h khatih hunlai kha ala reiloh vei nen “CHANGE” athleng nasa hman khawpin ka hria Mahse tunhnai kum 15 vel an vei meuh hi chuan khatiang ang kha a ni ta derlo mai, Field hman chungchangah te hian inhriatthiamna thui tak a awm tawh a, kawngpuia infiam te pawh hi kan khap em em tawhlo chu anih ber hi maw! naupang leh thalai rilru kan hrethiam viau tawh ani chek ang chu!

Panlainun thuziak hrang hrang han chhiar hian Masi chungchang hi an zep tel deuh veka, keini Zawlkhawpui naupangte pawh hian kan enghelhber leh kan thupuiber ani ve ziah tho a nia..khai mah aw.. Krismas dawn hnaih a Krismas Card inthawn kha thil tih ngei ngei turah leh tihmakmawhah kan ngai a, dawng tam thei nih kha ropuina ah kan ngai deuh thin, athente phei chuan ropui an chak avang a ni chek ang chu kum hmasa lama an dawn tawh te nen khan an tarchhuak vek zel a, nihna lo anga lan tumna hian kua alo hreuh hma khawp mai.. ‘Ber’ thla alo thlen tawh hi chuan rilru in Krismas lam ahawi tana, buk sakna hmun tur inrel remchang te, halpuah leh halmawi hal danturte leh thawmhnaw thar neih chakna ringawt khan kan in sep chho tana. December thla chawhma lamah school kan chawl tana, khawpui naupang tan chuan lui kal emaw khawi khawiah emaw han kal ve vakna tur kha awm heklo inrel remchanga buk lem sak kha ani mai a, indo lem kha anuam kan tih ber anih avangin Team leh Team ang zawngten kan inthen a, kan indo lem lem thin, indo film kan mitthlaah alang nasa thei khawp mai..achang leh Video Games ah Super-Mario te, Contra, Ninja Turtle leh Mortal Combat etc. kan khel thin a, SEGA(Nintendo Video game) rawn chhuah hma phei kha chuan game tih tlak kheltur kan hmu meuhlo, games-a Football khelh kha kan duh thin si a, a awm chhun Capatin Magic leh Goal 3(power an nei a, an mit a pawng vek thei) kha kan khel thin a, kan in a khel thin kan nih vang nge ka champion ziah.. (Hetia tlangval nupui nei rual zet ka nih hnu thleng hian games hian min hneh khawp a, ka mut dawn muttui nan hian PES(Pro-evolution Soccer)ka la khel ziah)

Team din kha kan hrat thei khawp a, mahni teammate lo chu kawm phal kha anilo hrim hrim a, tin, team captain/Leader te kha an thu em em a, keini team phei kha chu pui rem rem tak kan ni, Chiefman (Chief Minister) in ka awm a, ka thianpa kei aia rual u hret, mahse a retheih deuh avanga min cholo tu kha President-ah a awm a, abak zawng kha ‘Spalding’ (a lu mum) an ni vek a, team-a rawn tel thar tur kha kei leh President chuan test kan lo nei thin a, nuam ve vet vet tak chu a ni. Team bungrua leh TOYS zawng zawng kha ka kawl vek a, ngah tak kha ka ni ringawt..Chhunah School kan chawl tawh bawk si, zing chaw eikham vel atang hian kan kalkhawm a, Games kan khel a, chumi zawh ah kan President chuan hawh u! in T.O.Y.S ang u..an tih chuan aw kan lo ti dual zel..Gi.Joe leh He-Man, Turtles leh Power Rangers etc.khal ringawt khan kan nileng thei..ka ziah lai hian ka lung a chhe tep.

Krismas kawrmawi lei alo hun tan chhova, thiante leihmasa te ta kan han en den den a, lei chak ve na in kan khat a, kan muhil tha thei tawhlo thin. Kekawr a Pistol lem in khai ngei mai, Solomons Cave ami ngei kan han lei ve a, Bazar pui kan phei zel a, kawng dungah thil zuar tam tam an lo awm ngei a, Pi.Lalsangzuali, Siampui Sailo, Boney-M etc. an lo play chuah chuah a, khalai tak kha Krismas min ti krismas tirtu a ni ve fo, tunhnu hian a reh deuh duk hian ka hre thin.. thiante ta ang mitthla ran chungin Bazarpui kan lut thla a, ringworm leh threk damdawi tih vel kha chu sawilo mai ila. Pheikhawk, a engthei ngat, kal paha eng zeuh zeuh thei ngei mai chu kan han lei leh a, . Bazar thingpui dawrah  sawn chow satui leih kan ei loh chuan bazaar ah kan in chhiar theilo ani ber e.

School chawlh hun hi kan nghakhlel over thin khawp a, exam zawhni hian Mathe emaw Science subject emaw a ni tlangpuia, rilru zawng zawnga exam hall-a awm chu har ve tak a ni, rilru in school chawlh mawlh kha a ngaihtuah ber fo thin a, tha taka exam na rilru pek chu har ve tak ani tawh .

School kan han chawlh tawh meuh hi chuan thil helhhawlh em em tur kan nei ta lo bawka, ramkal, sephung laih, sava veh, leh thil dang hrang hrang tih ve theih ni heklo, keini tan chuan nitin buka awm, indo lem lem, video games khelh, team dangte nena field awl remchanga inkhelh leh Toys khalh chu kan nitin nun hman dan kha ani tawp mai zel a, kan in kha kan centre ber ani bawk nen, tun hnu hian ka chhungte khan min lo ning ru viau ang tih te ka ngaihtuah fo thin, an chungah Team hming in lawm thu ka sawi e.

Tun hnu hian ka ngai thin ngawt mai, chhungkaw kim lai nite, lenrual thate nena engmah ngaituah lem lova kan rik bawrh bawrh lai te, kan vei ang ang leh rilrua awm ang angte kan sawi bawrh bawrh lai te, Mission Venga Toys zawrh en tur ringawta kan kal vang vang lai te leh tuihal dangchar khawpa Venghnuai field leh MT –a inkhel tura kan kal tang tang lai nite kha! hmanlai an chang zo ta reng mai, engtikah mah he leiah hian kan intawng leh tawh dawn si lova. “Aw, ka ngai nunhlui zamual liam hnu…..”

Similar Posts:

• Ka inleng te ti ti
• Inphatsanna (Good Friday Pual)
• Pawl hniam lam zirlai fail tir thin hi
• Sial hlawh nan aw…
• Kei ka thlang zawk

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Wednesday, February 13th, 2013 at 5:19 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.