26.2.2013: Mizo Students’ Union (MSU) chuan vawiin khan thuchhuah siamin, Western Development Liberation Front of Mizoram intite’n Ni 19.02.2013-a Mizoram Forest Department hnuaia hnathawk mi panga — Nelson Vanlalruatkima, Lalrinmawia, Vanlalfaka Reang, Lalsangmawia leh Lalliansanga an rubo leh anmahni tlan nana cheng nuai 100 an phut chu an dem takzet thu an tarlang a, he thila mawhphurtute hian sum leh pai phut lo leh intiamkamna awm lova a rang thei ang bera an mi man te chhuah turin MSU chuan a phut thu an tarlang bawk.
MSU chuan WDLFM intite hi National Liberation Front of Tripura (NLFT) hnuaia mi, Tuikuk helte an ni ngeiah a ngai a, hetianga Mizo mipuite tana harsatna an siam fo hi MSU chuan a dem takzet a ni. Heng an mi rukbote chhanchhuak tur hian Mizoram sawrkarin theihtawp a chhuah avangin MSU chuan Mizoram sawrkar chungah lawmthu a sawi a, chutih rual chuan rukbote dam taka an lo chhuah vat theih nan tun aia nasa lehzuala tha leh zung, ngaihtuahna seng turin MSU chuan Mizoram sawrkar a phut takzet a, tin, an mi mante tlan chhuah nana cheng nuai 100 an phut mek hi engti kawng maha pe lo turin MSU chuan sawrkar a ngen bawk a ni, tiin an tarlang.
He thil thleng hi MSU chuan lungchhiatthlak a ti takzet a, Mizo mipuite kan leilungah ngei pawh kan him lo ta fo mai hi pawi a tiin enliam leh ngaihthah mai chi-ah a ngai lo takzet a ni. WDLFM intite’n an thil phut a hlawhtling lo a nih chuan an mi mante thaha an vau pawh hi MSU chuan a hrethiam lo va, heng tuna an mi mante hi pakhat pawh hel kut tuara an boral a nih chuan MSU-in a tul angin hma a la ve nghal ang tih hi WDLFM intite hian lo hria se MSU chuan a duh a ni, tiin an tarlang bawk a ni.
Similar Posts:
- Silchar Truck Drivers Assn. in nuai 10 phut
- Environment & Forest-ah Nuai 658.103 a chingpen
- OPD tharah cheng nuai 135 bo?
- Mizo hminga hnamdang sumdawntir Synod-in do
- Councillor 19-te hausakna belhkhawm nuai 318.41
February 26th, 2013 at 10:25 pm
Anih teh hrep hi mawle!!!
Report this comment
February 26th, 2013 at 10:29 pm
Hahthlak hlawm mang e aw.
Report this comment
February 26th, 2013 at 10:43 pm
Nimin kan Bru mikhual, Chhimluang a mi hnenah, fiamthuin “Tuikuk rukboah mi thenkhatah an puh si a, tlanchhiat leh intum deuh tawh lo maw?’ ka lo tia. Ani chuan ‘Hmunphiah kan keh nasat lai a ni si a,bakah NR (Ni za inhlawhna) awm laite ni bawk sia, kan tlanchhe hman lovang” a ti. hakhak
Buaina a chhuah apianga tuartute hi ‘pawisawi lo, nunau’ zuk ni deuh zel a.
Dam taka an rukbote an rawn chhuah ngei hi ka beisei tlat.
Report this comment
February 26th, 2013 at 10:59 pm
Pawi mange. A rubotute man chhuah an nih ngei theih nan kan Police te Pathianin tanpui mawlh teh se.
Report this comment
February 26th, 2013 at 11:22 pm
An rukbote hi an tihlum a nih vaih chuan Tuikuk in tam tak a kâng ang a, Tuikul pawisawilo te bawkin an tuar leh ngei ang. Chuvangin, an chhuah ngei ngei a ngai a ni. An chhuah lo a nih vaih chuan an mite lam hawiin laipui an hûng tihna tluk a ni ang… Nasa mah mah em aw…
Report this comment
February 26th, 2013 at 11:23 pm
An va han ngeiawm e aw.. Man chhuak vat hlawm se ka va ti em.
Report this comment
February 27th, 2013 at 5:28 am
Report this comment
February 27th, 2013 at 9:03 am
Mi nuai 10 chuang hlek kan chennaa inrukbo tih awm fo mai hi a zia lo ngawt mai…
Him-dam takin an mi man te khi chhuah ngei teh se..
Report this comment
February 27th, 2013 at 12:49 pm
A chhanchhuah ngatin kan police leh kan sipai te hian chhanchhuak se ka ti khawp mai.
Report this comment
February 27th, 2013 at 1:36 pm
Mi rubotu hi chu kei pawhin ka dem khawp mai…
Report this comment
February 27th, 2013 at 4:28 pm
Kan politician te nen dialogue tha tak nei teh se. Let’s see how good our leaders are in negotiating a dialogue with underground extremists, and to what extent the latter can be persuaded to bend in their demands. And i’m hopeful of pragmatic actions and no bloodshed. No bloodshed.
Report this comment
February 27th, 2013 at 4:44 pm
An va ninawm tak
Report this comment
February 27th, 2013 at 5:12 pm
MSU ka va thlawp fia fia ve,
Chuan “MSU-in a tul angin hma a la ve nghal ang tih hi WDLFM intite hian lo hria se MSU chuan a duh a ni” tih hi, mizo pa in a, thu khuh deuh hlek a, a ngam ngam ka ngam tih a sawi na thin ang hi, ni mahse pawi ka ti hran lo……
Report this comment
February 28th, 2013 at 6:23 am
A pawi thin mang e. Hman a PHE JE a rukbo khan hrehawm atih zia a sawi ka hre reng mai. Chuvangin tun amite hi ka khawngaih tawp. Tih theih awm si lo. Nasa takin i tawngtai mai ang u.
Report this comment