Aizawl Bazarpui.
Mangkhâwng lian ber: Aizawl Chawhmeh zawrhna Bazar pui hi Lirnghingin hian han sawi det se’ng chuan, Swine flu ai in kan tah pui nasa zawk daih ang!!! Road lawr fer fur te hian kan nu leh pa te thin hnun a chhun tlang a, a chung kau ter tuar te hian kan fa te a chhipthlaka, a ban khi reh ruah te hian kan nupui te a delh hunah chuan tah leh ha thial mai loh chu enge kan tih tak ang?
Bawlhlawh bâwm lian ber: “I hnap ak la, i chil lem rawh” ti a tet lai a tanga zirtir na dawng tu te hi hnawmhnawk ngah ber ber te kan ni leh lawi si a!!! Tlai lama kan Bazar hnawm bawm lian khu in hmu ve tawh em? Hnawmhnawk tam vanga kal harsat dan khu in hre ve tawh ngai em? Hnawmhnawk felfai zawka paih inzirtir hi kan mamawh a ni e.
Thianghlimna : sa zawrhna leh chawhmehzawrhna khu hei ai a hygienic/ thianghlim zawk a tih theih a nih i ring em? ke a pal khuk kar a chawhmeh pho, vaivut leh diak ina a per berh ei reng hi kan hrisel loh pui thei angem?
Sawdawm leh Kawmawra!!!: Ruihtheih thil hmuh awlna hmun ni in in hre ve em? I hi le… Ka phawk e!!!! Zan tai rêk a ni a, ke a ka hawn vangin short cut ah ka kal a, rem leh rem lovin nula leh tlangval an lo in bungbut chilh a, an lo bu lauh lauh mai le!!! ka phâwk phu zawk mai!!! Ka tih palh.
Hmangaihna nen i en ang: He Bazar hnuai a thu te hi retheih vanga hmun dang pan tur nei chuang lo, fâte pumpui hrek hlauh vanga nitin lu zuar tak meuh meuh a thlan sa phul kai a thawk thin te an ni…. Buai reng reng a ni vûi thin an nih avangin an thihna tur mangkhawng hi a hlauhawmzia an hmu thiam pha meuh lo..
NB: Building thar, khutia a in hung ruau mai khu a that viau rualin, kangmei chhuah thil thu ah a lai li lam thelh tu tur te tan harsatna a siam thei a ngem? Pipe zawm sei a ngai fu mai law’ng maw?
Similar Posts:
- Aizawl kawng sir bazar!
- Kawng sir Bazaar (Roadside Market)
- Ka rilru a awm tlat hi…
- Ka va inchhir tak em aw!
- Breaking news: Aizawl Bazarpui a kang mek
April 3rd, 2013 at 8:41 pm
Ngaihtuah a tisei e
April 3rd, 2013 at 9:10 pm
Lirnghing chu sawi loh, fur pui lai pawn aizawl khawpuia awm hi ka hlauh zawngtak ani…
April 3rd, 2013 at 9:25 pm
He building hi chu hlauawm tak ani.chhiatrupna thlen hma hian thiah chi niin ka hria. kan MLA pakhat tal hian private Resolution ah pu lut se a tha ngawt ang chhiatna thlen hnu ah kan sa tha leh chauh ang tih a hlauawm
April 3rd, 2013 at 9:39 pm
Siamthat vat a ngai anih chu, mipui tam lai taka chhiat rupna a thlen chuan a pawi dawn em mai…
April 3rd, 2013 at 11:08 pm
Kan khua-ah lo pem ru, tlemin a la zia deuh!!
April 4th, 2013 at 1:06 am
Aw ka hlau ka tlanchhia!!! Phir!!
April 4th, 2013 at 1:22 am
Kum 5 dawn lai kal ta khan CM, T&C Minister leh Mizoram PWD hotute nen meuh bazar building hi kan fang chhuak a, a structure rawih tawhzia te pawh thlalak nen kan chhinchhiah dim diam a. Mahse tun thlengin siamthat a la ni ta chuang lo. Mi tam tak a la delhhlum ang tih a hlauhawm takzet a ni. Tul fetah lo chuan ka kal duh tawh mang lo, kei chu.
Hmun khata thil chi hrang tam lutuk zawrha khawpui leh thingtlang atanga pan khawm luih luih reng mai pawh hi thil tha chu a ni lem lo. Chawhmeh, vawk te, secondhand, meihawl, pheikhawk, etc an zawrh pawlh vek a…
April 4th, 2013 at 7:20 am
A dil hlawm fu mai a.
April 4th, 2013 at 7:33 am
Tukchhuah nuam vek u le
April 4th, 2013 at 8:12 am
a lem dah dan hi ka thiam lova….. han dah chhuak phei ila zawng, mur sung sungna tur a awm a sin!!!! Special report ah a thlalak ka dah tel, a chung khawk nansa, a Rod tuiek, a ban khi ruak mai te!!!! rapthlak tham a ni…..
April 4th, 2013 at 8:23 am
He bazar hi chu a chheve a lawm, Ar bâwm hlui thawm that leh a ang ka ti!!! Mahse, kan tarlan harsatna te sukiang thei tur ngaihdan tha neih a har si a ni. Sawrkar hi sihhmuh teh u khai!!!
April 4th, 2013 at 9:03 am
A ngaihnawm-rapthlak mang e…(Y)
Bazar tawp leh thang uih nghur kara nula chhelo zet zet hmuh tur an awm thin te khi, kan danglam bikna…
April 4th, 2013 at 9:47 am
E khai a..awm ve mai mai rawh se, an thiah ten Mizo film a in kungfu leh nula um na tur an nei tawh nang… :8
April 4th, 2013 at 1:17 pm
A chep em em a, a ṭawp em em bawk a. A beidawnthlak a ni e..
April 4th, 2013 at 1:25 pm
Lir a lo nghin palh hlauh paw’n zan lamah ni hram se, Bazar loh laiin..
April 4th, 2013 at 10:05 pm
I rawn ziak tha hle mai. He kan bazar pui hi, a hlauh awm in, a tih bai awm tawh khawp mai. Thiang hlim na kawng ah, hma kan lak zel a pawi mawh khawp mai.
April 4th, 2013 at 11:39 pm
Khua a chhiatin hulhiap takah kan hmanga, a chhung a mi te mai nilo, pawn lam a mi te thleng thlengin belhbul berah kan nei a, kan in humhimna ti a kan belh lai hian min chhilh hurh mai ang tih a hlauhawm
April 7th, 2013 at 10:23 pm
A chep lutuk leh mihring tam lutuk hi hahthlak ka tia, ka Bazar ve tum pawn kei chu Bazaf pui hi ka pan ngai lo.
April 16th, 2013 at 12:23 am
Hmasawnna tur hi chu kan la ngah khawp mai !
April 16th, 2013 at 4:05 pm
Chhiatna liantham deuh a thleng a nih chuan puhmawh tur zawngin (k)an phun leh luai luai dawn tih a chiang reng si a, chumi hma chuan lo inven lawk a va tha tak ve le. (A fawng chelhtu lam tan chuan)
tren tren
April 17th, 2013 at 9:35 pm
Hei hi facebook group pakhatah ka hmu nawlh mai, he post hi ka hrechhuak zawk a.
HRIATTIRNA
New market main building leh sa zawrhna building hi a hlui tawhin chenna leh mihring luah atan a him tawk tawh lo ani tih mithiam ten an enfiahna report atangin hriat ani a.VideNo.A.11016/3/ 10-ADA(EW)/ Dt 28.9.2010.
Hei vang hian chhiat-rupna thleng thei lak aa mipui te kan him tlan theih nan helai hmun a awm mek, thilzuartu,eiza wnnana hmang tu zawng zawng te cu he hriattirna chhuah atanghian a rang lam a inthiar fihhlim vek tur a hriattir leh ngen in nie.