8.4.2013: Mizo Students’ Union (MSU) chuan Health & Family Welfare Department hnuaia hna ruak, Mizoram Public Service Commission (MPSC)-in a lak tur, Tutor/Clinical Instructor post sawm (10) a lak turah thil fel lo a awm niin a hria a, hemi chungchanga thil fel tawk lo awmte siam tha tura MSU-in sawrkara a ngennain awmzia a neih tak loh zel avangin ni 10-12 April 2013-a MPSC-in Tutor/Clinical Instructor Written Exam neih a tum chu boycott a tum ta a ni.
Hemi chungchangah hian vawiin, April ni 8, 2013 chawhnu dar 1:30 khan MSU Pisapui-ah chanchinbumite nena inkawmhona (Press Conference) neih a ni a. MPSC hna lak tur MSU-in a boycott chhan tur te, he hna lakna tura thil fel tawk lo awmte sawifiahna hun hman a ni. He hunah hian MSU President Zodinpuia chuan, “Mizoram sawrkarin ram thuvawn’ Rorelna dik chu lui angin luang sela, felna chu luipui kang ngai lo angin luang rawh se’ tih thupui hmanga mipuia inzirtirna a neih mek laia dân dik lo taka hna lak, sawrkarin a tum leh si hi hriatthiam theih chi a ni lo,” a ti a, he hna lak boycott tur hi Mizo mipui zawng zawngte chu hrethiam tur leh, thil dik lo leh fel lo-ah chuan Mizo mipui zawng zawngte tangrual turin a ngên a ni.
MSU-in tutor/clinical exam boycott a tum chhan pawimawh zual te:
1. He hna lak tura advertisement tihchhuahah a dil thei chin thiamna ngai 2-na, ‘diploma from recognised university in the line having one year experience as staff nurse’ a tih te hi he hna thawk tur hian an tling (qualify) lo.
2. Health & Family Welfare Department hian College of Nursing tan Recruitment Rules (RR) a la nei lo va, chuvangin he hna lak tur atan School of Nursing Recruitment Rules (RR) rin a ni a. A hna lak tur nena inmil lo chunga Recruitment Rules (RR) rin luih a nih avangin he thil hi ram leh hnam leh zirlai kal zel turte tana thil pawi tak a ni.
3. Recruitment Rules (RR) inmil lo chunga hna lak luih tum a nih avangin advertisement chhuah leh syllabus pawh a inmil ta lo va. Advertisement-a h hian thiamna ngai 2-na, ‘diploma from recognised university in the line having one year experience as staff nurse’ te hi a dil thei china an tel ve laiin syllabus tihchhuahah an zir loh tam tak telh a ni.
4. Mizoram College of Nursing-a thawk tur (staff) tam zawkte hi an Grade Pay Rs. 4600/- chung lam a nih avangin hna lak reng reng MPSC kaltlanga lak a ngai a. Chutih rual chuan Department-in College of Nursing tan RR a la neih miau loh avangin inmil lo chungin School of Nursing RR rin luih a ngai a. Hei hi thil fel lo tak a ni.
Hetih lai hian MPSC Exam-na hmun tur, Govt. Johnson College Students’Union chuan vawiinah vek thuchhuah siamin, he hna lak thar turah hian thil fel lo leh dik lo a awm avangin Govt. Johnson College zirlaite chuan dik lo taka hna lak nana kan college-a exam an buatsaih tur hi tha kan ti lo va, zirlaite’n kan college building – Pathian biak nan te, thiam kan zira rinawmna leh huaisenna kan inzirtirna hmun hi thil dik lo tak tih nana hman hi kan remti lo va, tuna fel lo taka hna lak tur pawh hi kan sawrkar hian ti tlang lo turin kan ngen a ni. Kan college zahawmna humhim tur hian zirlaite hian hemi kawnga hma lakna hi a tawp thlengin kan thlawpin hma kan la dawn a ni, an ti.
Tin, All Mizoram Nursing Degree Holder Association (AMNUDA) chuan MPSC-in he hna a lak turah thil fel lo tam tak a awm avangin MSU hmalakna a tawp thlenga an thlawp tur thu, thuchhuah an siam bawk.
Similar Posts:
- Sawrkar-in MCON RR siam zo nghal!
- MPSC Prelims 2013 result a chhuak
- 50 specialist doctors to be recruited soon
- Mizoram Nursing College building permission chungchang
- MCS leh MPS Competitive Exam
April 8th, 2013 at 10:29 pm
Chh1ar ila
Report this comment
April 8th, 2013 at 10:30 pm
Delhi atangin ka nau te exam turin sum tam tak seng in an rawn haw chho a, heti hi a ni leh ta bawk si a. Ka haw ngawt mai, thil tih dawn chuan a hma thei anga tih theih thin tum nise. He thil pawh hi January thla ah advertisement leh syllabus tihchhuah vek tawh a ni a. Tunah exam hma ni 3 velah hetiang thil a thleng leh ta hi a pawi khawp mai. MSU hian a exam thei chin a an pawm ho hi chu tlang tir sela, a theilo tura an pawm ho hi block mai se.
Report this comment
April 8th, 2013 at 10:33 pm
Recruitment Rule (RR) chungchang hi thil hahthlak tak a ni MIZORAM POLYTECHNIC LUNGLEI a, Diploma In COMPUTER SCIENCE AND ENGINEERING zir chhuah ho pawh sawn (RR) an nei lo va an zirpui Diploma in CIVI/MECHANICAL/ELECTRICAL Engineering ho chuan an nei vek si a.Hna dil chungchangah harsatna an tawk nasa khawp mai RR muamal tak siam hi thilharsa niin a lang lo va a nihna tak ah chuan TECHNICAL lam mithiam MINISTERS kan nei lo niin ka hria.
Report this comment
April 8th, 2013 at 10:59 pm
An duh chuan recruitment Rules chu an siam thiam khawp ang. MSU puhna hi a dik chuan ukil thiam tak ruai sela, stay order court ah a dil theih ka ring (ve ringawt)
Report this comment
April 9th, 2013 at 6:35 am
Thil tha a hring chhuak turah ngai ila.
Report this comment
April 9th, 2013 at 9:08 am
Recruitment Rules neih loh chu a department thawktute thatchhiat vang mai mai maw le.
Report this comment
April 9th, 2013 at 12:22 pm
Student union tih vel pawh hi ka ring zo tawhlo,anmahni pawh thil diklo anti ve tho,mahni pumpui tanghma ngai awmkhawm ho
Report this comment
April 9th, 2013 at 2:01 pm
A va mak lehzel dawn em(a thupui chauh chhiar comment)
Report this comment
April 9th, 2013 at 4:30 pm
RR pawh awm mumal lo hna lakna awm leh thin hi cu buai awm reng a ni e..hna dang laknaah pawh rah tha a chhuah ngei na turin hma la law law teh se
Report this comment
April 9th, 2013 at 5:03 pm
Naktuka MPSC hna lak tur chu tiamchin awm lova sawrkarin a thulh avangin, MSU pawhin naktuka a thil tur ruahman zawng zawngte pawh a thulh tih, nichin tlai khan thuchhuah an siam.
Report this comment
April 9th, 2013 at 6:49 pm
Diklo a awma an boycott anih chuan a tha reng mai. Mahse he exam pe tura qualified ngei, nasa taka lo inbuatsaih leh sum leh hun tam tak lo sengte kha engtinnge ni ve dawn le? Tlemin an boycott chawpchilh deuh em aw?. HFWD chuan RR chu buaipui vat sela, hetianga fel lo taka thil tih awm fo mai hi a pawi thin.
Report this comment
April 9th, 2013 at 6:50 pm
An boycott tur thu an tlangzarh chawpchilh deuh em….ka tihna zawk.
Report this comment
April 9th, 2013 at 10:20 pm
MSU-in thuneitute an dawr a, tihtlang luih an tum avanga boycott tum an ni zawk a. Sawrkar thiam loh a ni. Hetianga an thulh leh dawn tho chuan a tirah tihtlang tum lo mai se, zirlai pawl chu an hriatchian tawh awm vei nen. RR a rang thei ang berin an siam ang a, an peih veleh he hna hi an la nghal dawn a nih hmel. Health & Family Welfare lam hian RR chu an duanna a rei tawh a, DP & AR hian an bawhzui tha duh lo mai a ni.
Report this comment
April 11th, 2013 at 11:19 am
Report this comment