Tawn hriat ‘Buh-Mau atanga Hmuhchhuah’

April 16th, 2013 8:00 pm by lushai_er

Source : Thanhawla, MUP Tlangau March 2013

Kum 1954 January thla khan ka pa-te lovat ram riahnaah ka riak ve a. Lungpho khaw ram, Tuiphar lui ruam, Tuiphar hla zawk an tih ramah ka pain lo atan ramchang tha tak mai hi a thlang a. Kum 1953 buhseng laia an riahna Pawl Buk hlui ah riah buk kan khuar a. Kan riahna chul ram atang chuan kan lovah lai mek chu fingkhat vel zeta hla a ni a.

Tuk khat chu ka pa hi a kal hmasa a, keiniho chuan tlai deuh hlekah kan zui chhuak ve a. Kan lovah tur hmun kan thlen hma, mau hmun phei kan kal lai chuan, ka hma a kal ka u chuan kawnglaia mau ro, ke zungpui tiat vel tur hi a rap keh ri pawp mai a, chutih rual chuan buh hum hi a rawn per leng siau mai a. Thil danglam teh chiamah ka ngai hran lo va. Chutih laia ka rilrua ka ngaihtuahna ka la hriat reng chu, “Buh seng laiin vaki te’n buh vui an khai an thlauh a nih dawn hi,” tiin ka ngaihruat mai a.

Chhunah kan chaw fak laiin ka sawi chhuak a, ka pa chuan a lo bengkhawn hle mai a. “A awmna lai ila hre thei ang em?” tiin min zawt vat a. Hre thei ang tih ka hrilh a. Tlai ban hun hma deuhah chuan ka pa chuan ban hma a rawt a, nidang aia hmain kan haw phei ta a. Buh hum ka hmuhna lai kan thlen chuan ka pa chu ka han kawhhmuh a.

Mau hnah ro zingah chuan buhhum tlem chu a lo awm deuh niai a. Ka pa chuan fimkhur takin a han keng kang a, buh chu a lo tla ar ar mai a. Ka pa chuan uluk takin a fun a, “MAU BUH” a nih hi a ti a. Keini ho chuan engvakah mah kan ngai lem lo niin ka hria.

Chumi kum 1954 a kan lo ah chuan a bik taka hmun siamah ka pa chuan a ching a. Chutiang chuan kum 3 vel a chin pun hnuah, Lungpho khua chuan an ching darh ta a. A hnu zelah khaw thenawmah te pawh an ching darh hlein sawi a ni. A buh hmingah pawh TLANGLAWMA BUH (SAHCHHUAH) an ti a. Buh tui tak leh thar hlawk tak niin an sawi.

Hetiang deuh hi kum 1964 khan Bukpui khuaah Pu Dinga chuan a mau sahah buh hum a sat baw thawt mai a, a thiante a hrilh lah chuan tumahin an lo bengkhawn pui si lova, a ni pawhin ngaihsak zui lovin a kalsan ve mai niin a sawi.

Thil mak leh vang tak, thil awm zen zen lo chu a ni awm e. Tunlai mithiam leh scientist te hian enge an ngaihdan ni ve ang le ???????

20 Responses to “Tawn hriat ‘Buh-Mau atanga Hmuhchhuah’”

1
Chhuaklinga Says:
April 16th, 2013 at 8:35 pm
A va mak reuh e. A chanchin chiang zawka sawi zawm thei kan awm mial em? Ka bengverh zawng tak a ni mai.

tren tren

Report this comment
2
Lemonvale Says:
April 16th, 2013 at 8:36 pm
Mithiam emaw scientist emaw kan tling phak si lova, comment lo mai ang aw.

Report this comment
3
bucko Says:
April 16th, 2013 at 8:54 pm
Chumi kum 1954 a kan lo ah chuan a bik taka hmun siamah ka pa chuan a ching a. Chutiang chuan kum 3 vel a chin pun hnuah, Lungpho khua chuan an ching darh ta a. A hnu zelah khaw thenawmah te pawh an ching darh hlein sawi a ni. A buh hmingah pawh TLANGLAWMA BUH (SAHCHHUAH) an ti a. Buh tui tak leh thar hlawk tak niin an sawi.
A chunga mi khi a mak lai chu a ni. A pa in buh hum a ching a, a thar chu eng anga buh nge a nih pawh a sawi lova( a chin pun hnu ah). Chuan kum 3vel hnu ah lungpho lam ah an ching zui a, vawiin thlengin eng buh ber hi nge a nih kan la hre lo….. a mak a ni… jka awi lo tih dawn chuan awi loh ngawt chi a ni meuh bawk silo../
commenty lo law law mai teh ang….. Comment dang atanga thil chiangthar deuh a awm loh chuan.

Report this comment
4
Dr Mahminga Sailo Says:
April 16th, 2013 at 9:40 pm
Kan pi leh pute khan thil mak an lawm ve khawp mai a (an ngaihtuah leh thiltawn a zir pawh a ni mahna). Thu dik tam tak awm mah se, an sawi thenkhat erawh awih harsa ka ti thin. Mau chhung atanga buh hum han sah chhuah ngawt mai chu(h), eng eng life cycle tak kal tlang ang maw?!

Report this comment
5
Jennifer Lo Says:
April 16th, 2013 at 10:02 pm
mau chhung a tang a rul satchhuak te poh ansawi ka hre toh..

Report this comment
6
bucko Says:
April 16th, 2013 at 10:55 pm
#5, Jenniferlo…. kei pawh ka hre tawh……;\
Mahse mau ah khan kua chhete… hriau leng tawklek emaw pawh a awmlo tih ka proof chuang lo

Report this comment
7
zualbonez Says:
April 17th, 2013 at 12:41 am
mau chhunga squirrel/sazu/sava hoard ania chu chu i pa in selection leh breeding in a ti pung anih chu

Report this comment
8
century child Says:
April 17th, 2013 at 12:52 am
Grass family ve2 chu an niah
Buh hum chuan hmin turin leh thanglian turin chaw a hmuh ve reng a ngai dawn si a, mauchhungah buh vui a awm tihna nge ni dawn, vui tur chuan a kung te a awm ve a ngai dawn si, mau changkhat chhungah kung a awm hmel si loh :-). Nge mau pangah (chhunglam) an bet far hlawm dawn em ni?
A pa khian mau-buh chanchin alo hre tawh thin tih a lang a, a hmain midang paw’n an lo hmu tawh thin tihna chu a nih hmel si.
A thiam nei lo berin ka rilru ka lo sen ve vak2 chu a

Report this comment
9
lushai_er Says:
April 17th, 2013 at 1:14 am
Chepa/thehlei ten buh-hum an dah tha a ni thei ang em ?

Chu buh-hum chu vei khat lek anih avangin buh bi 2/3 bak a daih lovang tih chu hriat sa a ni a. Kum 3 chhung an ching pung hi thil mak vak a ni lo va, a mak ber zawk chu mau chhunga buh-hum lo awm ngawt kha a ni. Eng zu/va emaw chuan a dah a ni phawt ang.

Awih la awih suh MUP Tlangau ka rawn share ve mai mai ani e.

Report this comment
10
Dr John Says:
April 17th, 2013 at 7:19 am
BVT e, a mak hle tak mai a

Report this comment
11
Awmtea Leo Khiangte Says:
April 17th, 2013 at 9:44 am
Mau-buh chu ka van ei ve chak e.

Report this comment
12
XaiA Says:
April 17th, 2013 at 2:38 pm
Hetiang hi an sawi ve fo mai.Tin,an hmuhchhuah kum khian ka la paing lo….

Report this comment
13
drake Says:
April 17th, 2013 at 4:16 pm
fanghmir ho dah nih dawn chu

Report this comment
14
Kosmovision Says:
April 17th, 2013 at 6:54 pm
Mau buh hi a awm tak tak a nih ka ring ta, kan venga mi pawhin mau atangin buhhum a sat chhuak a a ching pung a, tunah chuan a thar hlawh ltk tawh a nia

Report this comment
15
SinlungSuok Says:
April 18th, 2013 at 12:22 am
Tiang ang chanchin hi chu kei pawn ka hriatna a rei ve tawh khawp mai. Mase, a taka chuan ka la tawng lo. Ka ngai mak em em hran lova. Ka lo awi ve tawp mai.he2

Report this comment
16
SHauzelSailo Says:
April 18th, 2013 at 4:18 pm
Ka ring e, thil ni thei ani. ‘Engkim a theih, (Engmah theihloh a awm lo)’ Isua Krista ngei pawn atih khaaa!

Report this comment
17
chhangteval Says:
April 18th, 2013 at 10:01 pm
buh tak tak, eitlak a nih chuan a mak duh awm vee..

Report this comment
18
shailendra Says:
April 19th, 2013 at 8:11 am
Sahchhuah buh hi an sawi fo tak mai. A dangdai ve khawp mai. Mau chhung atanga rawn piang chhuak chu a ni hauh lo ang a, rannung/sava in an dah chu a ni ngei ang le.

Report this comment
19
Kawnga Says:
April 19th, 2013 at 10:11 am
Mau buh hi chu an sawi chiah ka la hria a, rul erawh hi chu keimah ngeiin ka phel chhuak tawh. Dawt a ni lo tih ka chiang e.

Report this comment
20
VL Hminga Says:
April 21st, 2013 at 10:21 am
rul sawi su, a hlauhawm. Thah vek tur…..

Report this comment