Archive for April, 2013

The Best Politics Quotes – Part 1

Wednesday, April 24th, 2013

1. The word ‘politics’ is derived from the word ‘poli’, a Latin word meaning ‘many’, and the word ‘tiks’, meaning ‘blood sucking parasites/creatures’ – Larry Hardiman / Robin P. Williams

2. A fool and his money are soon elected – Will Rogers

3. Politics have no relation to morals – Niccolo Machiavelli

4. My concern is not whether God is on our side; my greatest concern is to be on God’s side, for God is always right – Abraham Lincoln

5. Voting is not a right. It is a method used to determine which politician was most able to brainwash you ― Dennis E. Adonis

6. Sex and politics are a lot alike. You don’t have to be good at them to enjoy them – Barry Goldwater

7. I am a politician which means I am a cheater, a liar and a crook. When I am not busy kissing babies, I am stealing their lollypops – Tom Clancy, Red October

8. Politics is the only field in which the character of a person does not stand in the way of his career
– Peter Prange

9. Kill all the prisoners, because they’re costing us too much money. Wait! No, kill all the politicians, because they’re spending too much money – Jarod Kintz

10. Politicians and diapers have one thing in common. They both should be changed frequently and all for the same reason – José Maria de Eça de Queiroz
(more…)

Posted in Career, Education, Mizoram, Opinion, Politics | 11 Comments »

Naupang/Tleirawlah ṭan zâwk ila

Tuesday, April 23rd, 2013

Kan thil tawn mek, rapthlak tak takte hi ngaihtuah loh tum ngial pawhin thluakah hian min luh ngut ngut ṭhin. Keini ang mawlah pawh mawl chin tawk hre lo tan chuan eng hi nge veia vei loh tur tih pawh kan thliar thiam mang lo.

Kan tunlai boruak tawn mek hi kan hre ṭheuh ang a; pawngsual, inthah, mahni intihlum, khuangcher bo, eirukna leh thatchhiatna hian kan ram hi a suar tluan titih der tawh nia! Heng lo inṭanna tam zawk hi chu naupan/tleirawl laia nun uluk loh vang leh boruak tawnin a zir loh vang a ni chawk.

Ram tam tak hlawhtlinna chhan hi naupangte an enkawl uluk vang ti ila a sual tam lo ngei ang. Ṭum khat seminar kan neihnaah chuan tunlai tleirawl/ṭhalai tam takte hian sex hman hi an hreh lo va (tlangval zingah 80% vel leh nula zingah 30% velin nupui pasal neih hmain sex hman an hreh loh thu college naupang zinga research aṭangin a lang), chutih laiin hahdam leh nuam taka awm an duh leh lawi si tih tleirawl ho ngaihdan aṭang ngeiin kan hmuchhuak a. Nalh an duh a, chumi avang chuan damdawi an ei nasa a, midang ngaihsak ai chuan anmahni ngaihsak nih an duh em em a, ngaihsak ni lova an inhriat chuan an nunah harsatna nasa tak a thleng ṭhin. Tin, thil ngai hi an ning zung zung a, chuvang chuan thil thar – dress, hairstyle, handset, etc. – neih an duh ṭhin.

Hengte hian nawmsakna a hring a, thil mawi leh ṭha hriain an duh changkang em em a ni. A awmzia takah chuan tunlai ṭhalaite hi nu leh paten kan chawm hneh avang hian an ‘materialist’ lutuk tawh tihna a ni. Chhungril (mental) lam kan ngaihthah a, pawnlamah mawina kan ngai pawimawh fo. Tunlai ṭhalai tam takte pawh hi pawnlama lang mawi fu, mahse nun hlimna thuruk tak tak nei si lo, a ruka rilru hahna nei tam tak an awm ngeiin a rinawm.

Hna thawh kan inzirtir nep tial tial a, hei hian awlsam taka sum hmuh duhna rilru a chawk tho a, eirukna leh rinawm lohna a hring bawk ṭhin. Rim taka thawka mahni intodelh tumna rilru kan put hma loh chuan midangteah kan innghat (depend) reng ang a, chu chuan kan ram economy a tiṭhuanawm ang a, kan hmalam hun chu a thim viau maithei bawk.

(more…)

Posted in Lifestyle, Mizo Society & Culture, Mizoram, Opinion | 16 Comments »

Mawh u…

Tuesday, April 23rd, 2013

Tun lai chu Pathian hla an sak rual thap thap hian ka khua a har ru veng veng zel mai a.

1. Hei hi han sawi zau teh. Mark 50.
2. Eng nge a chhan? Mark 30.
3. Engtin nge a reh theih ang? Mark 20.

Pass Mark – 45; Full Mark – 100.

Question set-tu — TuaiSialA.

In answer paper ka lo nghak reng e.

Posted in Ask | Help | Suggest, Religion | 9 Comments »

Movie Corner Magazine hi in lo chhiar ve ngai em?

Monday, April 22nd, 2013

Facebook a mi thenkhat ho siam, sum lam a hlawkna engmah hmu lovin thla tin hian movie leh fashion/glamour chungchang article PDF format in an rawn tichhuak ziah a, kan member thenkhat pawh hi a inrawlh ve nasa khawp mai :-) .  Mizo tawng online magazine hmasa ber a ni hial awm e. Thlatin hian Cover Girl photo shoot an nei ziah bawk a, nuam an ti theih khawp mai. I la chhiar lo anih chuan hemi link atang hian i lo download ve dawn nia.

https://moviecornermagazine.com/

Tun thla cover:

Posted in Fashion, Movies and Videos | 18 Comments »

MIZO TLANGVAL CHHUANAWM KAN NEI LEH TA. (Misual regular member lehnghal)

Monday, April 22nd, 2013

Misual regular member doc_lib chuan Gynae Specialist (Obstetrics & Gyneacology) zir zovin, All India ah Top 3 ah a lang a, North-east atanga Exam zing ah chuan topper niin, Mizo hnam lang pha khawpin result a nei a. Lawmpui awm in a chhuanawm tak zet a. Amah hi nikum kumtawp lam khan ( a final neih dawn hnaih ah) a ban dinglam a titliak a. December thla kha a tliahna ngai ah a ti Na leh a. Tichung chuan a Examna result ah tha tak a a ti thei hi a lawmpuiawm lehzual a. Mizo zing a Mithiam hetiang kan nei hi Chawimawi an phu hle thin in ka hria. Amah hi RIMS, Manipur chhuak a ni e.

(Chuan, Mizoram a lo hawn hunah Lengpui Airport ah zuk hmuak ang u hmiang, a lo thlawh luh ni tur comment lam ah lo sawi se, ngaihdan sawi khawm ang u, Inthlahrung miah lovin ka rawn rawt ve tawp mai,)

Posted in Information, Mizoram, News, The UnWeekly | 57 Comments »

India ram Political Party lian zual te sum hmuh dan 2004-2011 (Fundraising and donations)

Monday, April 22nd, 2013

Mizoram Party ten an ngam ve ang em?

Association for Democratic Reforms (ADR) leh National Election Watch (NEW) ten a political party te finance leh funding langtlang a nih theih nan a an hmalakna a zarah leh IT Returns leh EC a report an theh luh atang a a lan dan in kum 2004 atang a 2011 khan vbc 4662 teh meuh party te hian sum an la lut a. Heng an lak luh te za a 80 bawr vel (average) hi chu donation atang a an dawn niin an report bawk.

Congress in an la lut hnem ber a. 2004 a vbc 222 chuah nei kha 2011 ah chuan vbc 2008 an nei der tawh ani. BJP in dawt leh in 2004 ah vbc 307 an nei a, 2011 ah chuan vbc 994 an nawi hman bawk a. BSP in dawt leh in vbc 484 sum an hmu bawk a ni.

Za a 80 atang 99 thleng deuh thaw hi donation atang a an dawn niin an tarlang a. Chutih laiin Representation of People Act of 1951 in cheng singhnih aia tam kum khat chhung a thawh chu details a phut avangin heti zat thawh tu zatah hian za a 10 atanga 15 vel chauh mimal in sing hnih aia tam an thawh tih an tar lang bawk.

Mimal bakah hian corporates ho in an thawh nasa hle a. General Electoral Trust phei chuan vbc 36 leh vbc 26 Congress leh BJP ah an chhung kawp ve ve a. Torrent Power pawhin vbc 14 leh 13 an pe ve ve bawk. Heng bakah hian Videocon/ Dempo/ Salgaocar etc etc te hian Party hrang hrang ah sem kual in vbc chuang theuh an donate bawk a ni.
(more…)

Posted in Corruption, Mizoram, Politics | 5 Comments »

Politics chu maw..

Monday, April 22nd, 2013

Mess Hall ah chaw i ei laiin nula leh tlangval rual au rual thap thapin an lo inzui lut dum duma. I ngaithla emaw ngaithla lo emaw chhuat zau lai takah rem leh rem lovin an ding khawma. An zinga hruaitu chan chang deuh pakhatin vai tawng leh sap tawng inpawlh nawkin a thlun phelh ang par parin thu a’n sawia. Thahnem a ngaih em avangin hrethiam chiahlo mah la a khat tawkin i va melh leh zauh thina. Chutin laiin a thenin lehkha var an rawn sem zar zara, eng thu nge inziak pawh chhiar lem lovin Mess dawhkan sirah i hnawla. Mahse i thawh rualin a dang an pe leh tho chea, tum vang reng pawh ni lovin i chhiar ta nge nge a.

Eng thu nge lo inziak?

Thih leh dam thu anih ngei ringin i kut fai lam chuan i lek kanga, i’n chhiar deuh puat puata. Rin ang ngeiin India ram chhim lam kil khawr ve taka Marxist putar thih thu emaw, West Bengal-a jail tang an sawisak thu emaw Terrorist pakhatin khaihlum a phuloh thu anih loh vek chuan University nawrh huaihawt thu alo ni tlangpui ang. A tawp ber hi alo nih chuan politics ah inhmang lo mah la thawklehkhatah nawrh an huaihawt chu dik leh tha i ti em em anga. An pawl han zawm ve tak te pawh i nap rum rum hial ang. An ideology leh party thurin te tha i tih tak thut vang chu a ni chuang law. Nikhat lek kha hremhmun pate, hriatna zungzam leh thanhnemngaihna rilruin tap chunga ha a thialna hmun pan ngai lova i chawlh der der theih dawn avang zawk a ni.

Engtin zel?

Helai hmunah hi chuan politics hi Zindabad leh Murdabad inkar a ni. Manmohan-a Sawrkarin tih dikloh a neih chuan Murdabad, Arvind Kejriwal-a te angin eirukna case a thling baw hawka an phawrh fai chang chuan Zindabad. University-in Ph.D te ho a duatloh viaua, zirlai pawlte thil ngiat hrang hrang laka a beng a hawn loh viau chuan Murdabad.Hei hi Nehru, Gandhi, Ambedkar, Phule, Sardar Patel leh Karl Marx te arpa channa hmun a ni a, Mamata Banerjee, Congress leh Modi tih velin lawm an hlawh lem lo.
(more…)

Posted in Lifestyle, Politics | 10 Comments »

Transparency in governance (Rorelna langtlang kan tih thin chu!)

Sunday, April 21st, 2013

Department of Personnel and Training (DoPT) in guidelines a chhuah ah chuan Public Private Partnership (PPP) Model kalpui zawng te public authorities ten inremna thuthlung, thawhpui tur thlan dan engkim a detail in mipui hmuh theih/ website ah phochhuak turin a ti ta (voluntarily).

(Thuhma: He mi in a nghawng chu tun a Mizoram a political parties te inchirhthehna ber, Health Care Scheme a ni emaw, Call Center chungchang a ni emaw, e-governance chungchang a ni emaw ldt. mipui ten zawh chawp ngai lo in a nihna dik tak full disclosure website/ internet ah an dah a nih chuan dawt puarpawleng a awm lo ang a. Thudik mipuiten kan hre zung zung tawh mai dawn ani. Kan ram hruaitu te hian an implement ngam ang em?)
(more…)

Posted in Corruption, Information, More than words, Politics | 5 Comments »

Jona Hun Hnuhnung {Sunday Pual}

Sunday, April 21st, 2013

1. Ninevi Khawpui
Ninevi khawpui hi Nimrod-a din a ni a (Gen.10:6-12), Mesopotamia rama khawpui ropui leh hlui ber-te zinga mi a ni. A hming awmzia hi Assyrian Nina or Ninua tih ațanga lak niin, Heb.ninʹe-ve tih chu “Sangha” tihna a ni a, “Sangha Khawpui” tihna a ni mai awm e. Khawvela khawpui hlui ber-te zinga mi niin, thilhlui laichhuaktuten an chhut danin Ninevi khawpui hi BC 4500 vela din niin an chhut a. Thil laihchhuah zingah hian Ashurbanipa Library, Cuneiforms tablets 16,000 chuang zet a tel a, heng ațang hian Thilsiam leh Tuilet (history of the flood & creation) chungchang-te bakah, hun kal tawh-a sakhuana lam leh khawvel lam thil tam tak an hriat belh theih phah a ni.

Assyria khawpui Ninevi hian an Lal Sennacherib (705 B.C – 612 B.C) hunlaiin a vanglai a tawng a. Sennacherib Lalna a tawp hian Ninevi khawpui pawh a tluchhe ve nghal ang a ni. Ninevi khua hi Tigris lui chhak lam kamah a awm a. Acre 1800-a zau chhungah, leirawhchan (brick)-a hung, mel 8 kual chhungah a awm a. Khawpui pawnah hian Zawlnei Jonah thlan chhinchhiahna “Nebi Yunus” (the prophet Jonah) chu Captain Felix Jones chuan kum 1834 khan a hmuchhuak a. Hei hi Jona thlan tak tak nge, ama hriat-reng nan-a lungphun tih erawh a chiang lo. Captain Felix-a chhui dan chuan Ninevi khuaah hian Zawlnei Jona hunlai hian mi 174,000 chuang zet an cheng niin a chhut a. Bible-in “ding leh vei pawh thliar thei lo 120,000” a tih hi naupang chauh a sawi a nih phei chuan 600,000 pawh an tling thei turah a ngai hial bawk (Jona 4:11).

(more…)

Posted in Mizoram, Religion | 6 Comments »

Khawngaihna mak.(Sunday Pual)

Sunday, April 21st, 2013

England a Olney khua a, Kohhran pakhat thlanmual lian vakloah chuan, thlanlung pakhatah hian Granite a ziak thu tawite hi a awm a, a tlawm ngaihtuahin tlawhtu leh chu thlan lung ziak chhiartu erawhchu an tam fu lawi si a ni. Chu thlanlungah chuan heti hian a inziak a:-
“John Newton, Ziaktu(Pathianthu hriltu), Pathian laka hel leh vakbo a, sual kawng thuk tak lo zawh tawh, Africa-a Sal zuartute chhiahhlawh ni thin chu, Kan Lal leh Chhandamtu Isua Krista zahngaihna nasa tak avangin, humhim, zawnchhuah leh ngaihdama awmin, hun rei taka lo do thin Rinna thu chu puangchhuak tura ruat alo ni ta” tih hi.
John Newton-a hi Kum 1725 July ni 24 ah khan alo piang a. Kum 7 mi lek ala nih laiin a nu Sakhawmi tak leh Pathian tih tak chuan a boral san a ni. Apa chuan nupui dang a nei leh thuai a, Newton-a pawh chuan kum 2/1 chhung lek chu Sikul te pawh ahan kal ve leh lawp lawp na a, kum 11 lek ala nih lai atangin, a tuina zawk apa Lawng chu a zui ve ta a ni. Chu hmunah chuan, nun hel leh sual tinreng chu alo zir chho ta a, misual leh rothap tawrawt tak mai alo ni ta a ni. (more…)

Posted in Lifestyle, Music and lyrics, Religion | 12 Comments »

« Older Entries
Newer Entries »