Sri Lanka Disaster Management Centre thupuangtu Lal Sarath Kumar chuan, Cyclone Mahasen chuan Sri Lanka khawchhak lam vaukam khua te a nuai nasa hle mai a, mi 7 in nunna an chan bakah, ruah nasa taka a sur bawk avanga Lei minah mi 3 chu an chin hriat annih loh thu a puang.
Hetih lai hian, Myanmar chhim lama Cyclone hlauh avanga hmun him lama inthiar chhuak, mi 100 vel chuanna Lawng chu a let/pil a, mi engemaw zatin nunna an chan bawk.
United Nations thupuangtu chuan, Myanmar-a mi 140,000 vel zet, he Cyclone hlauh avanga Refugee Camp-a awmte chu hmun him lama senghawi vat annih loh chuan, Chhiatna nasa zawk a thlen an hlauhthawn thu an sawi. Source: V.O.A.(Internet).
Mak takin, India T.V. News channel ho hian an puang mang tlat lo mai a, CNN leh VOA lamah chuan a hmuh theih. (Mainland India lamah a tleh luh dawn loh vang pawh a ni mai thei e).
Mizoram lam pawh lo chi-ai vak tur phei chu a ni lo ang a, amaherawhchu, lo inrin lawk leh lo inven lawk deuh chu a that hmel. Naktuk tuk leh Zirtawpni hian a si-per te chuan a rawn nuai ve deuh mai thei a ni. Mobile battery charge full ula, Torch Light leh Inverter te pawh lo inrin lawk thlap a tha ang. Rangva inchung te pawh kilh ngheh deuh a, Tukverh leh Ventilators kalhna te pawh check that vek a, thil thlawk hlauhawm thei te pawh lo senghawi deuh a that hmel e.
Keini Arunachal lam chu a rawn thleng pha lutuk lo mai thei a, mahse Mahasen Cyclone hlauh vang ni miah lovin, Municipal leh Panchayaty Raj inthlan tur avang zawkin Naktuk nilaithawhtan hi chu kan chawl ang a, zan lama thil awm dan a zirin Zirtawpni lam chu kan la rel ang chu. Mizoram lam pawh, Zirtawpni hi chuan, Sikul te khara, inkhung deuh thap a that hmel e.
Similar Posts:
- Cyclone Mahasen – Telphawkthli
- Myanmar Cyclone
- Cyclone Aila
- Khua-thlir
- Pu Thangruma In kang senghawi hnatlang neih a ni
May 15th, 2013 at 1:53 pm
BVT
Report this comment
May 15th, 2013 at 3:16 pm
Ka ava’n che nawi thin ve maw le! Blank ka submit a ni awm e! Hei tunah tak hian Mizoramah chuan ruah tlem chu a tla sek e. Thli erawh chu a awm rih miah lo. Naktuk lamah enge kan an dawn ni? Engpawh nise, a theih ang anga lo inrin lawk ve chu a sual lo hrim hrim ang.
Report this comment
May 15th, 2013 at 4:22 pm
Bengvarthlak hle mai.
Report this comment
May 15th, 2013 at 4:23 pm
Naktuk 16 may 2013(Thu) zan dar 10 vel atangin Mizoram a rawn thleng dawn niawm takin an sawi chiang deuh ta e. Naktuk chawhnu leh Zirtawpni nilengin Mizorama Zirna in zawng zawng khar turin Pu Lalnghinglova Commissioner & Secretary Edn Dept.GOM chuan thupek chhuah.
Report this comment
May 15th, 2013 at 5:03 pm
Ka hlau angreng sia, thleng lo se ka ti bawk sia, a tir khan Thawhtanniah an tia, Nilainiah an ti leh a, tunah Zirtawpah an ti leh tawh. Ka rin lutuk loh phah, ka hlau deuh tho bawk sia, nghakhlel miah lo mah ila, liam thuai se ka ti mang e.
Report this comment
May 15th, 2013 at 5:22 pm
A thlen ni tur sawn hret hret ani hi a lawmawm lam a nia, a tir a MDI te predict dan aia kha a khawhawi a dan tak hret a vang a ni ber a…kan tan chuan Lala malsawmnaa ni ber mai. Nupui fanau te uap lo PA tan chuan ngaihtuahna luat ngut ngut bik zu nia….Zoram chhim lam tan ana deuh ang a..hmar lam tan chuan a zia deuh ngei tura ngaih a ni…
Report this comment
May 15th, 2013 at 8:50 pm
Pathian thilsiam ah chuan thli leh ruah, tek te hi ka ning ta ber awm e. Ruah erawh chu a tello in kan awm thei lova, ka ning vak ngam lova, mahse thli leh tek hi chuan ka thinlung a chhun buai vek zel. Tunlai kan boruak te hi a hrehawm ka ti, cyclone in Mizoram a arawn thlen tur thu hi a rikna a rei tawh si, tension min siam nasa. Zan pawh ka mu tui lo a, ka chawei pawh a tuilo zo vek
Report this comment
May 15th, 2013 at 9:56 pm
Sheldon lo zin san daih mai rawh…
Report this comment
May 15th, 2013 at 10:46 pm
Good Post
Report this comment
May 17th, 2013 at 7:21 am
A mite tawngtaina chu lo ngaihthlak sakin, Kan Van Pathian chuan Mahasen chu Mizoram rawn lut lovin a ti thamral ta. Lalpa chu fakin awm rawh se.
Report this comment
May 17th, 2013 at 11:14 am
Dik chiah..Pu Pk, mizoram mipui rilru hmunkhat pua an tawngtaina rah a ni…..mi ram chu thite an awm a nia
Report this comment
May 17th, 2013 at 2:13 pm
11. Eve
Report this comment