Source : Special Report (Facebook) by Vanneihthanga Vanchhawng
(Pic courtesy: zothlifim.com)
Aizawl 25th May : May ni 11, 2013-a Laipuitlang chhiatna thlen chhan bulpui bera ngaih PWD buiding thiah har chhan chu khatih laia PWD Engineer-in-Chief hna chelhtu, Er. Vanlalduhsaka a nih thu hemi chungchang chhuina, Magisterial Inquiry report-ah tarlan a ni. He chhiatna thleng chung-chang chhuitu, Magisterial Inquiry, Aizawl District Bawrhsap. Dr. Franklin Laltinkhuma report-in a tarlan danin, helai hmun-ah hian leikhi hlauhawm tak a awm a ni tih report hi October ni 11, 2012 khan hriat a ni tawh a, he hmun endiktute chuan PWD building chu dah ruah a, thiah vek an rawt nghal laiin, PWD chuan thla 7 liam hnu, April ni 9, 2013 khan he building thiahna order hi a tichhuak chauh a, hetianga order a khawtlai chhanah hian khatih hunlaia PWD E-in-C Vanlalduhsaka chu a mawhphurtu ni-ah a ngai a ni.
PWD EE ( W ) leh SE ( W ) te chuan E-in-C chu CPWD manual anga he building thiat thei chu CE (Building) a nih thu November ni 20, 2012 khan an hriattir a, mahse E-in-C chuan an thurawn anga ti mai lovin, PWD kalphung lo neih tawh anga sorkar phalna an lakkual leh avangin hetiang chhiatna hi a thleng hman a, E-in-C hian CE (Building) hnen atanga November ni 20, 2013-a survey report a hmuh rual hian he building thiat tur hian CE ( B ) hi hriattir nghal ta sela, ni 50 chhung zet sorkar phalna dil hian an khawtlai phah dawn lo niin report chuan a tarlang. E-in-C hian he thil hi a ngaihthah vang hrim hrim lam aiin, hmanhmawh thil (emergency)-a thil tih nghal dan a hriat loh vang niin report chuan a tarlang bawk.
Aizawl District Disaster Management Authority ten an endik hnuah he building hi thiah an rawt a, he building thiahna atan hian PWD-ah chuan lehkha pahnih a kal a, hei hian thiahna order tihchhuah a tikhawtlai a, he lehkha pahnih kal hi ni 4 inkardan lekah E-in-C office hi a thleng a, chu chu E-in-C hian thil thuhmun a ni tih a hre lo niin an tarlang tel bawk.
Hetih rual hian Chief Engineer (Building) chuan CPWD manual angin he building thiah theihna power hi a nei tih a hre lova, hei vang hian sorkar phalna (government approval) a la bawk a, hei hian file kal chhung a ti rei bawk a ni.
He building thiat tur hian April ni 3, 2013 khan auction order tihchhuah a ni a, April ni 8-ah auction niin, C.Lalhmasawna, Saron veng hnenah work order hi April ni 9, 2013 khan pek a ni ta a. A deposit price atan Rs. 3,23,500 ruahman niin, order pek atanga ni 7 chhunga a pawisa deposit tura hriattir a ni.
C.Lalhmasawna hian a hun tawp ni April ni 16 (last date)-ah pawisa hi a deposit chauh a, chuvangin April ni 17 khan ni 15 chhunga building thiat tura tih a ni a. Mahse ruah a sur duh avangin hna a thawk hman lova, ni 15 dang hun pekbelh turin a dil a, a dil ang hian may ni 1, 2013 khan ni 15 hun pek belh a ni a, hemi chhung hian May ni 11 khan he building hi a chim ta a ni.
Magisterial Inquiry report-in a tarlan dan chuan, Geological Expert ten helai hmun an lo zir-chian tawhnaah leimin awm chhan hrang hrang 6 an tarlan zinga 5 chu helai leilung ngheh loh vang leh kawng laih avanga lung khichat a awm vang niin an sawi a, a pakhat chu PWD building chhawng 3 a sang, rit takin a delh vang niin an sawi bawk. Thil dang hi chu siam-that theih lutuk a nih loh avang -in PWD building thiah chu thil pawimawh hmasaah an ngai a, Inquiry pawhin PWD chu helai lei min chhan pakhatah ngaiin, helai hmun hi PWD building awm lo pawhin min thei tho mahse, PWD building chuan chhiatna nasa zawk leh nunna tam tak channa a thlen phah ta niin a tarlang a ni.
Report in a tarlan zel danin Leiminna hmun hi tunhma chuan lung lakna (quarry) a ni thin a, chuvangin leilung nghet tawk lo a awm a, kum 1957 leh 1969 pawh khan a lo min tawh a ni. CPWD manual para 126 chuan emergency thilah chuan sorkar building te thiat thei turin CE ( B ) chu thuneihna a pe a, cheng nuai 15 thleng hman theihna power a pe bawk. Hetianga building thiat tur hian tender emaw auction emaw departmental emaw a hmang thei a, he a power hi CE 
hian a hre tawk lo niin a tarlang.
Engineer -in-Chief chuan EE ( W ) leh SE ( W ) te thu rawn anga thutlukna (decission) a siam loh avangin November ni 20, 2012-a thiahna order pek theih tur chu April ni 9, 2013-ah thiahna order a ti chhuak thei chauh a ni.
PWD building hi awm lo pawh nise, helai ram hi min thei dinhmunah a ding a, mahse he building hian chhiatna nasa zawk a thlen a ni tin report ah hian tarlan a ni.
Similar Posts:
- Saiha ah magician
- Khatla lungrem chimah PWD-in mawhphur
- Ramri ah Assam Sorkar in In an sa..
- Environment & Forest-ah Nuai 658.103 a chingpen
- Synod Office Building thiah a ni
(Y)
May 25th, 2013 at 11:05 am
bang rawh se….
Report this comment
May 25th, 2013 at 11:22 am
Fb group thenkhatah khan ’11/5 Laipuitlang..’ tiin a heading an pe tlangpui a, ka mit a lo kham deuh reng a ni. Hei chu a hmuh a hahdam ta thlarh mai, 5/11 ti a ziah hi a phu reng a ni.
Mahse,
PWD chuan thla 7 liam hnu,April ni 9, 2013 khan he building thiahna order hi a tichhuak chauh a,
tren tren
Report this comment
May 25th, 2013 at 11:50 am
Mizorama Magisterial enquiry neih tawh azawngah, mipuite rin hlawh ber a ni thei mai ang em? C-in-C pawh hi, a fimkhur lutuk vang a ni ve thei tho mai.
Report this comment
May 25th, 2013 at 11:53 am
Inquiry ah chuan la tha ber awm e a……..a tur tur chuan tuar ngei tehse …………
Report this comment
May 25th, 2013 at 1:34 pm
A țha e. A next step pawh tihfel thuai ni hram se.
Report this comment
May 25th, 2013 at 1:52 pm
“..Hetih rual hian Chief Engineer (Building) chuan CPWD manual angin he building thiah theihna power hi a nei tih a hre lova, hei vang hian sorkar phalna (government approval) a la bawk a, hei hian file kal chhung a ti rei bawk a ni…”
Chief Engineer ania engatinge a hriat loha?? A hna a tlin tawklo tihna a ni mai. Mizo takin, Kristian takin ‘Mawh’ a phurh ngam ka beisei.
Report this comment
May 25th, 2013 at 2:29 pm
Kan office kalphung zawng zawng thlir that a tul zia pholangtu a ni thei em? India ramah hian tunhma a British ho file process dan inkhaichhawng duah mai kha kan chhawm a, kan efficient tak tak mang silova. Hei hian buaina tak tam a thlen a ni thei lo maw?
Report this comment
May 25th, 2013 at 3:19 pm
6@ charice_Mizo point out chiah khi ka rilrua zawhna lian tak lo lut nghal chu a ni.
7@ muansakhi sawi ang khian file movement leh procedure muang fan kual kawi duah lutuk thin hi chuan, hemi chungchangah chauh lo pawh sawisel a lo ni tawh thin. CM leh Pu Lalduhoma pawhin Assemby House-ah ngei he thil hi sawi chhuakin heti em em lo deuh hian kan file pawimawh bikte phei chu hmanhmawh theih dan kawng a awm thei lawm ni? Awm thei se a tha angte pawh an tih ve bawk kha maw le.
Report this comment
May 25th, 2013 at 3:28 pm
Designation sang pui pui, basic pay tam zet zet, nuaih tel thlatin hlawh tan chuan a chhaw thlak kher mai.
‘Bang rawh se’ ka ti ve lo. ‘MAN RAWH SE’ ka ti
Report this comment
May 25th, 2013 at 4:10 pm
Mizoram Sorkar kan sawiselna thin ber chu thilthleng eng emaw pawi tak mipui tawrhna thlen thil a lo awm hian, action lak awm ngawih ngawih nia kan lo ngaih, an tihzuzi tak mai mai hi a tam lutuk tawh a, entirnan: hman deuha Khatla kawn piah lawka lungrem chimin hnathawktu tlangval thalai eng emaw zat a delh hlum te kha! Tin, hlemhletna leh eirukna chungchanga action lak mumal awm ngai mang lote hian, ngaih a titha lo va, tun tuma thilthleng pawh hi a chhuitu chuan hun rei lo te chhung pawhin, heti khawpa tha hian chhui thei mahse, mipui rilruah chuan a zuih ral leh tho ang a tih hi riak tawhsa a ni tlat. Politician ho hian vote hmuhin min hmu tlat a, chu chuan action la ngam turin a phuar miau si thin a nih hi!
Report this comment
May 25th, 2013 at 4:21 pm
Ka’n edit theih tlat loh chu! 10# chu chuan action la ngam lo turin a phuar miau tih zawk tur a nia
Report this comment
May 25th, 2013 at 4:56 pm
Prism Press Handout
LAIPUITLANG CHHIATNA HI SAWRKAR IN A NGAIHTHAH VANGA THLENG A NI
May 11, 2013 zinglam a leitawlh “Laipuitlang leimin” kan tih mai hi Kum 2010 khan PWD Building (Mechanical Sub-Division Office leh chhungkaw pasarih luahlai) Laipuitlang bul atanga khi tan tawh a nia, PWD building bula in ding Pu Isak Singsona in pawh hi a khi chhuak nasa hle a ni. Kum tin helai hi a khik zau belh ziah nia hriat ania, PWD a thawk teber lah chuan cement them te te in an char pheuh pheuh ringawt zel a, a building thiat tura hmalakna lam a awm lo. Kum 2012 october thla atang phei kha chuan chen ngamna pawh nilo khawpin a khi zaua a office luah tute ngei pawhin an rauhsan hial a, building hi a ruak in a awm zui ta reng a ni.
Helai leikhi hi Geologist te pawhin a hmuna kalin an enfiah tawh a, kum 2012 a lei a khik hian helai (tuna leichim area) a cheng tam tak hi chu an lo riak chhuak tawh a ni. Disaster Management lam a officer te pawh a hmuna kalin Silpauline te in an lo khuh tawh a, PWD building hi thiah nise tiin Disaster management leh Khawtlang hruaitute hian rawtna PWD lamah pawh anlo thlen tawh a ni. Hetianga he building a luahtu te pawn an rauhsan hial hi thiah a nih lawkloh avangin Laipuitlang Local Council leh Branch YMA te chuan 9th November 2012 khan Chief Minister hnenah he in hi khawtlang himna tur ngaihtuaha thiah a tul thu thlen in “ Rang taka thiah harsatna a awm a nih pawhin khawtlangin he building thiah nan hian tha thawh kan in huam reng ani” tiin an lo thu anlo thlen tawh a he thu vek hi 14th November 2012 a E-in-C PWD hnenah Local Council te pawn an lo thlen tawh bawk. Helei khik avanga PWD building assam type zawk Laipuitlang khawtlangin an thiah chu PWD lama thawk te chuan tawngkam mawi lo tak tak in an lo an khum tawh bawk a ni awm e.
He building sak hi a that tawk leh tawkloh lam chu thudang nise, thiat tura ngenna thehlut a nasa taka nawr a nih tawh leh sawrkar in thiah phalna a pek vek tawh hnu pawha thiah a ni lawk talo hi a pawi em em a a mawh phurtu chu tupawh nise man chhuah ngei nise tih hi Prism duhdan a ni.
He chhiatna hi he building thiahloh vanga thleng a ni kan ti lo a, He in hi thiah nise chuan hetiang em em a chhiatna nasa hi a thlenglo turah kan ngai a, Mi 17 in nunna hlutak an chan te, taksa hliam te, in leh lo chan, thil hlu tam tak chhiatna leh mi tam tak thinthi a muttheih lohna a thlen te hi a pawi em em a, sawrkar leh a hnathawk tute fimkhur twkloh vang a helai hmun hi 11th May 2013 a chimah kan ngai a chuvang in a hnuaia kan han tarlan te hi sawrkar hian June 2013 ral hma ngei a ti hlawhtling turin kan phut a ni.
1. PWD Mechanic Sub-division office building 11th May 2013 a chim Laipuitlang a mi a mawhphurtu te hi an phutawk hremna pek.
2. Laipuitlang leichim avanga in hmun chante an inhmun hlutna hu a pawisa in a pe ngei tur a ni.
3. In leh bungrua, Motor, Two Whellers adt a tihchhiahsak te a hu tawk pawisa a pe tur a ni.
4. He leimin avanga harsatna tawk chhungkua baihvai taka awm mek te hi sawrkarin chhawmdawlin ngaihven zui ni rawh se.
5. Heng zawng zawng hi sawrkar pawisa neihsa a pek harsa a nih pawhin heng atan hian Sawrkar hian Central lam dawr rawh se.
Hengte hi kan hun tiam chhunga sawrkar in a ti hlawhtling lo a nih chuan a tul ang in hma kan la zui dawn a, chutiang tur chuan kan inpuahchah chho mek reng a ni.
Aizawl a hmun/in/ram mihring tana himlo chungchangah theih ang ang a hma lak chhoh kan tum a,media ten minlo puanzar sak turin kan ngen nghal bawk che u a ni.
Sd/-
(RL LIANTLUANGA)
General Secretary
Prism
Report this comment
May 25th, 2013 at 6:22 pm
Contructor chuan a ui ve ngawt ang. A sum siamna tur a hlawh hnem duh luatah a chan ta si a. (Ka hmuh dan, ngaih huat awih loh)
Report this comment
May 25th, 2013 at 10:15 pm
He thil thlengah kher hi chuan Sorkar ka dem lo. PWD leh a concerned official te an demawm ta ber mai. Kha zat nunna kha engmah in a lei zo silo
File kal kual rei tih vel chhuanlam a tling lo. Tiang thilah chuan tlan kual pui dawr dawr ang hmiang. Chhiatna lo thleng tur hmu lawk a buaipui tute ho rilru pawh a na ngawt ang le. Theihtawp an chhuah chung pawn eng an ang si lova! A tuartu te tan phei chuan a na ngawih ngawih dawn mange…
Report this comment
May 25th, 2013 at 10:22 pm
PRISM thu chhuah khi za ah za in
ka thlawp e.
Report this comment
May 26th, 2013 at 12:44 am
Hrem phu leh hrem ngai hi chu kan awm a ni! A tidik lotu chuan suspend, hna atanga ban, tih satliah mai bakah jail bang han zut ngei se ka va ti em!
Report this comment
May 26th, 2013 at 8:06 am
Thil ngaihthah (neglect) mai mai pawi zia a lang chiang a, Mawhphurtu chu an awm ngei tur a ni. Mawhphurtu bik awm lovin thil a kalsual tawp thei ngai lo. Laipuitlanga Chhiatna Rapthlak tak thleng kha chu a pawi tak zet zet a ni
Report this comment
May 27th, 2013 at 4:49 pm
Vanglaini vawiin chhuakah 2013 tih kha 2012 tih zawk tur a ni e, an tih kha. Nikum lam thil a nih hmel khawp mai. An buaipuina hi a tharlam lutuk lem lo a ni awm e.
Report this comment
May 28th, 2013 at 5:54 am
E-in-C hi misual member a nih kha mawle….Helaiah hian han insawifiah ve se…
a power a hre tawk lo tih lai tak hi…. a fimkhur vang anih zawk ka ring….kaldan phung pangngai pela ngaihdan han siam kha a har ve bawk aniang….
heti teh thutin a min ang tih kha hriat a har bawk si a….
Report this comment
May 28th, 2013 at 9:18 pm
Judicial/executive enquiry poh la sawmsarih se MIZORAM ah hian judicial/executive enquiry report vang a hrem an awm ka la hrelo.Taikheri ah poh khan an enquiry report kha mipui hriattur a pharh a awm tak poh ka hrrelo a, hrem thawm phei chu ka hrelo.
Victim zing a mi emaw intelkhawm pohin FIR thehlut se a kawng deuh ber niin ka ring ve mai mai..
Report this comment
May 29th, 2013 at 12:50 pm
That zawkna duh vang leh fimkhur vanga decision siam fuh loh palh theih anih zia hei hian a entir niin ka hria. Rilru tha tak pu chunga thilti anih chuan hremna a tawk lovang, ‘In good faith’ anih phawt chuan..
Report this comment
May 30th, 2013 at 3:28 am
Kan memberpui, misual.com memberte theihtawp chhuaha huikhawm hram hram thintu, Pu Mzvisiona hian tihsual palh chu a nei pawh a ni mahna, mahse amah a sual vang leh a nep vang anih ka ring lo. File duhaiin a kal muang deuhva, chutihlaiin vanduaina rapthlak tak a lo thleng mai a ni zawk ah ka ngai hmiah. Amah Pu Mzvision-a lah hi beram, a hmul mettu hmaa ngawi renga a ding ang maiin thiamthu leh insawifiahna pawh nei lovin a ngawi reng mai si.
Report this comment
June 4th, 2013 at 10:07 pm
Hei chu boruak a daih deuh hun a comment atan khek rih te’ng
Report this comment