June ni 7 Zirtawpni khan, Madhya Pradesh a Betul District a Hardu khuaah chuan, ‘Mukhyamantri Kanyadaan Yojna program hmanga Nupa tuak 400 zet inneihna buatsaih a ni a. Mahse, he inneih runpuiah hian thil pangai lo tak a thleng ta tlat mai a. Chu chu, Complaint a awm avangin, innei tur nula ho chu, an inneih hmain, an rai leh rai loh bakah, an virgin leh virgin loh an test hmasa a ni. Nula 8 lai chu an disqualified a ni awm e.
He thil thleng dangdai tak hi an hriatin, sawrkar lam pawh an che vat a, Collector Rajesh Mishra chuan Inquiry an lak tur thu a sawi a, Assistant Collector Neha Malviya chu Report kimchang thehlut thuai turin ruat anih thu a sawi.
Madhya Pradesh a Opposition Leader Ajay Singh chuan, “Chief Minister Shivraj Singh Chouhan hian Tribal ho hnenah ngaihdam a dil ngei tur a ni” a ti. Tin, Heng hmeichheho an test na hmun hi Damdawiin pawh ni lovin, Sawrkar Sikulah ualau takin an test niin an sawi.
He Mukhyamantri Kanyadaan Yojana hi a thil tum(Program) chu a tha phian a. Mirethei ve te te te, anmahni sum sen ngai lovin, Sawrkarin a huhovin Inneih runpui a buatsaih sak thin a, Nupa tuak tinte hi Rs.15,000/-(Singkhat sangnga) theuh an pe nghal bawk thin a ni.
Mizoramah hian tive ta ila, disqualified hi kan tam thei viau ang em?
Source: We The Nagas
Similar Posts:
- Lawngtlai ah Mizoram record thleng?
- Nupui Pasal Inneih Dan
- Press Release
- Innei turte tana thurawn
- Drama leh Film tha siam chungchangah inzirtirna nei
June 10th, 2013 at 11:27 am
An va ti tha rem rem vele. Test vek chi a ni.
June 10th, 2013 at 12:19 pm
Test ve dawn ta ila, duh lo ngial ngial chu an tam ngawt ang maw le!
June 10th, 2013 at 1:51 pm
Kalpui ve ang u hmiang. A duh lo apiang disqualified nghal ni bawk se.
June 10th, 2013 at 2:53 pm
Mizoramah pawh (2010 vel kha a ni ta in ka hria?) chhul cancer venna vaccine kha hmeichhe kum 18 hnuai lam, virgin chuah lak tur an ti a… Virgin lo paw’n an la lo ngam si lo a, an rilru a hah teh e an tih kha….
June 10th, 2013 at 4:01 pm
Incredible India a ni pek maw?
June 10th, 2013 at 4:10 pm
Mizoramah chuan han ti chiah ila, disqualify tur kan tam teh ang chu awww…
June 10th, 2013 at 4:39 pm
‘Kan sawrkar hunah kan ti ve ang’ ti ila, party manifestoah hmang ila chu kan sawrkar har teh ang chu.
June 10th, 2013 at 4:51 pm
Varjin lawm te u
June 10th, 2013 at 4:56 pm
Rai leh Rai loh chu thu hran , gin leh gin loh hi chu a hriat theih tak tak dawn manle?
June 10th, 2013 at 5:25 pm
Virgin leh gin loh test a inneih chungchangah chuan, Biak In hawnga Innei, he kan Zoram chhung ngeiah hian Virgin an awm meuh in ka ring lo. Innei turte an in duh tawn a, an inhmangaih tawn a nih a lo liam a hlu leh pawimawh a awm chuang in ka hre lo. Virgin neih vanga chhungkaw hlim nge tam a, inhmangaihtawn em vanga chhungkaw hlim?
June 10th, 2013 at 5:42 pm
Ho ka ti. Rai leh rai loh test chu pawi lo a mahse virginity test kher khi. Mipa pawh test ve se la
June 10th, 2013 at 5:59 pm
Sheldon engtinnge an test tak ang han sawi chiang teh
June 10th, 2013 at 6:45 pm
Tuifinriata lawngpui sulhnu leh hmeichhe laka mipa sulhnu chu a hriat hran tak tak theih tawh lo an ti.
June 10th, 2013 at 8:11 pm
A then chu an lo var zing deuh tawh anih hmel e
June 10th, 2013 at 11:15 pm
# ZerO, chhul cancer venna vaccine i tia law? khawvelah a awm ka hriat vawikhatna!! Chiang takin han sawi teh a, alo awm tak tak anih chuan lak ve ngei ngei ka duh. Khawvel hmeichhiate rumna leh manganna, an thih tam em emna pakhat, chhul leh hnute cancer hi a venna alo awm ngai anih chuan a nuai tel man pawh nise lei duh/la duh an tam khawp ang le.
PS: Tun hnai lawkah lemchan thiam lar hmingthang leh hausa Angelina Jolie te pawhin Double Mastectomy, harsa leh hrehawm takin cancer ven nan an tia, he vaccine hi alo hre ve lo em mawni leee!
June 10th, 2013 at 11:38 pm
Sawrkar ruahmanna pela mo tur ho an lo check ve chiam mai hi chu, hmeichhiate nek chepna runthlak takah ka ngai a, hrem ngai pawh hrem ngam se a tha viau mai. Amaherawhchu mipa tena nupui virgin neih kan ngaih hlut zia erawh hi chu a lang chiang khawpin ka hria. Mizo confession page a harsatna tam lawtlak chu, “kan in duh tawn em em a, kan chesual ta a…” tia bul intan zuk ni deuh zel a!
June 10th, 2013 at 11:47 pm
@drake, nangma’n i hre zawk ang. Tih dan a awm mai ang chu mawle
June 11th, 2013 at 2:45 am
An va bei maksak ve maw le…
June 11th, 2013 at 7:08 am
#Charic_mizo, ka sawi khi i lo hre ve ngai lo a ni maw? Ka hmelhriat doctor 1 ka zawt chiang a, cervical (chhul lu?) cancer vaccine a nih thu min hrilh a. Mipa la pawl lo, age limit tana an siam a ni awm e.
2009/2010 vel khan Aizawl chhim lamah MHIP huaihawtin vaccine an pek kha ka hre ve tlat.
June 11th, 2013 at 3:45 pm
Therapeutic cancer vaccines i tihna anih hmela. Mipa la pawl lo an ni emaw ni lo emaw, cancer dang/veng thei vaccine hi ka la hre ngai tlat lo. I sawi pawh hi tute emaw damdawi siam chawp mai mai a ni hial lo maw. He vaccine information kimchang hi min pek theih loh chuan ka awih lo hulhual.
June 11th, 2013 at 4:34 pm
Tukin chanchinbuah ka hmu ve chiah, India ram hi chu kan indaihzai teh tak e… Doc-lib tih dan takah hmui pawh la virgin tan chuan hetiang buaipui hi ka phur teh chiam lo..
June 12th, 2013 at 6:48 pm
ZerO in a sawi vaccine khi HPV Vaccine ani ang. Human Papillomavirus vaccive. Hetah en theih:
https://www.cdc.gov/vaccines/vp.....c-faqs.htm