Thuhma: Kum 2008 YMA Day kha mi(sual).com a ka post ( YMA Day leh Father’s Day ) hmasak ber ni a ni a. Kum hnih chhung teh meuh mai comment tu a hmu zo lo a, zam awm duh ve deuh chu a ni! Tichuan, 2010 October thla ah chhana‘n a comment a, khawngaih mark nen! Aug 2011 ah Asteric in a comment leh a. 2012 comment lut lehin kum tin comment a la lut ve ta ziah a. Vawi khat post na a ni bawk si a, a va han zahthlak tel deuh duh reuh tak em!
YMA (Young Mizo Association) kan tih hi Young Lushai Association tih hming pu in June ni 15, 1935 ah christian missionary te leh kristian hmasa mi thahnem ngai ten an din a ni a. An din chhan ber chu kristianna in kan ram a tuam hluai takah chuan Zawlbuk kai an tlem tial tial a. Governor meuh pawhin revive tum mahse a theih tak loh ah chuan kan missionary thenkhat te leh kohhran hruaitu ten Zawlbuk aiawh zo tur kawng dang an dap ta a.
Tichuan June ni 3, 1935 ah missionary Miss Katie Hughes (Pi Zaii) inah chuan committee koh a ni ta a. A hmingah “Young Mizo Kristian Association” tih chu rawtna awm mahse a huam kim lo a an hriat avangin Rev David Edward (Zoram Pa) rawtna “Young Lushai Association” tih chu pawm tlangin June ni 15, 1935 atanga bul tan turin an rel thlu ta a ni. India Independent a lo nih khan Zohnahthlak hrang hrang te a huam kim theih nan October ni 7, 1947 khan “Young Mizo Association” tih in thlak a ni.
Tu te nge member chu?
Mi tu pawh, Zohnahthlak tawh phawt kum 14 chin chunglam chu member ah an qualified a. Upat zawng erawh peih chen chen niin ri an kham lo. Member ni tur hian annual member turin cheng 2 leh cheng za pek a ngai a (Hei hi CYMA website a an ciah dan a nia ka chiang bik lo ~ VaiVa). Member tu pawh kum nga aia rei member ni tawh chuan an awmna branch kaltlangin Central Executive Committee (CEC) hnenah Life time membership a dil thei bawk a ni.
YMA hi all India organisation niin barnch hi Mizoram, Manipur, Assam, Nagaland, Meghalaya leh Tripura ah te din a ni a. Societies Registration Act (Act XXI of 1860) hnuaiah Registration No. SR4 of 1977 a ziah luh a ni.
Motto (Thil tum):
1. Hunawl hmanthat
2. Zofate hmasawnna ngaihtuah
3. Kristian nun dan tha ngaihsan … te an ni.
Thuneihna inkhaidiat dan: General Conference in thuneihna sang ber an nei a. A hnuaiah Central Co-ordination Committee (CCC) a awm leh a. Chumi hnuai leh ah chuan Central Executive Committee (CEC) a awm leh a ni. Hemi hnuai ah hian sub-hqrs (5), group (47), branch (722) leh section an awm leh bawk.
CYMA hian thlakip chhuak “YMA Chanchinbu” tih chu kum 1973 October atangin a chhuah bawk a. Kum 1983 atangin kum tin kum puan a nei thin a, kum puan hmasa ber chu “FAINA Kum” a ni.
Chawimawina a dawng nual tawh a. Chung te chu ~
1. Indira Priyadarshini Vrikshamitra Award, 1986 by the Govt.of India.
2. Excellence Service Award by the Govt.of Mizoram for the three consecutive years,1988-1990.
3. Indira Gandhi Paryavaran Puruskar, 1993 by the Govt.of India.
Source: www.centralyma.org.in
Similar Posts:
- Min hui khawmtu
- YMA Day
- YMA Day chibai
- Misual lo thleng
- Central YMA to make plans for ‘beggar free state’
June 15th, 2013 at 7:08 am
Comment-tu chu i hmu ta chiang e! Chhiar dawn ang.
Report this comment
June 15th, 2013 at 8:06 am
A bengvarthlak e. Keini br.chuan nizan atang khan kan hmang tana, a nuam khawp mai. Vawiin lam pawh tel leh ka tum ang.
YMA Day chibai vek ule.
Report this comment
June 15th, 2013 at 9:43 am
YMA Day chibai u…
Report this comment
June 15th, 2013 at 9:52 am
YMA takin YMA day chibai vek ule.
MIsual nih manah a hranpa a kan chhiar loh tur kan chhiar leh ta.
tren tren
Report this comment
June 15th, 2013 at 10:27 am
Ka komen ve e. Khawnge kan veng in Day an hmanna lam zu pan ve ang hmiang.
Report this comment
June 15th, 2013 at 10:30 am
Paws BVT hle mai.
YMA day chibai u le.
Report this comment
June 15th, 2013 at 10:34 am
Heta pawh hi ngaihnawm ti yak a chhiar a comment tu i nei e. Thenkhat pea-sized intelligence nen hi chuan chhiar liam ve satliah mai loh han comment tur hi a vang duh em alawm mawle.
Report this comment
June 15th, 2013 at 11:05 am
Kum 2 tehmeuh comment tu han hmuh loh chu… zam awm ve duh khawp ang le..haha..
2008-ah chuan inthlahrung deuhin ka bih ve dek dek ngam chauh.. post chu sawi loh…ka la comment ngam lo..
Ceng 100 hi lifemember… a ni lo maw..
Report this comment
June 15th, 2013 at 11:50 am
YMA Day chibai vek ule
Report this comment
June 15th, 2013 at 12:02 pm
YMA Day chibai ule
Report this comment
June 15th, 2013 at 12:21 pm
Kum hnih zet mai post comment tu awm si lo va, kum hnih hnu a haichhuak tu kha ka fak a, a kum leh haichhuak leh tu pawh kha ka fak bawk!Post chhunzawm kha inthlahrun a na duh khawp mai
Report this comment
June 15th, 2013 at 1:16 pm
yma day chibai vek u..
Report this comment
June 15th, 2013 at 3:53 pm
Chibai……….ruah a sur loh teh tlat chu a.
Report this comment
June 15th, 2013 at 4:20 pm
In hmun teh tul vangin ka YMA mumal hman ta lo chu thu hran, pizawn birthday lawmsak kan lo rawt laklawh a, ani hi a upa tawhin a kal ve thuai tawhin a rin theih bawk si a, thiante hmaizah a na duh hle mai. Engpawh nise misual dot commer-te in zavaiin YMA day pualin (VaiVa Post hi remchanga hmangin) chibai vek u le.
Report this comment
June 15th, 2013 at 4:29 pm
Nakum lamah comment teh ang
Report this comment
June 15th, 2013 at 8:46 pm
YMA Day chibai le..!
Report this comment
June 15th, 2013 at 9:57 pm
‘Tranpui ngaite tranpui,’ tih ka va hmu lo veeee. Anga ti ta nge aa???
Report this comment
June 16th, 2013 at 10:50 am
Bengvarthlakin chhiar a nuam dap dap hle mai
Report this comment
June 16th, 2013 at 11:54 pm
A bengvarthlak hle mai.
Report this comment
June 19th, 2013 at 9:33 pm
Report this comment
September 21st, 2014 at 11:25 am
lilitchee.eu
YMA Day (78-na) Chibai vek u le! | mi(sual).com
Report this comment