Archive for July, 2013

New Delhi-ah lungthu ka kim

Friday, July 26th, 2013

Kan hre fur hlawmin ka ring, kan khaw (Sihphir) bula Lungdai awm thu hi. Chu khaw hmu lova thih ka hlauh thin zia kha. Mahse, kan hma lam hun hi kan va hrelo tak em! Chutiang miin kan ram khawpui ber a vawithum ka’n kal thei ta mai hi. Ka thiltih chu ropui lo hle mahse, keini ang mi vantlang hnuailam leh khaw hmuh zauh thlahlel em em tu’na ka thleng thei hi chhiartu tam takte in kal fo tawhna leh in chen mekna a ni tih hre kur mah ila zep thei ka ni lo. Chuvangin, ka zin dan chanchin tlem azawng ka’n tarlang ang e:

Uttar Pradesh khawpui Lucknow-ah khuan ka putea (ka nu chhang chiah) hi missionary-in a awm ve a, chu hmuna zin chu vawi tam ka tum hnuah remchang takin kalna chance ka nei ta hlauh mai, chumi chungchang chu ka sawi tum ber a ni lo bawk a ‘tichuan hlim takin Lucknow-ah chuan ka zin ta a’ tiin duhtawk phawt mai ang.

Lucknow meuh thleng ta chu khawvel thilmak pasarih zinga lang ve fo Taj Mahal, khawvela thlan in ropui ber te zing a mi, hmangaihnaa sak chu thlen ve hram ka duh. Puteate’n min kalpui hman silo. Remchang min dap puiin Etawah lama Mizo pastor hnathawk in Lucknow-a meeting pawimawha a rawn kal chu remchangah ka zui ta a, Etawah atang chuan Taj Mahal awmna Agra khua chu hnai te a nih tawh bawk avangin chuta thlen chu ka tana thil remchang tak a ni reng mai.

‘Etawah atang chuan Taj Mahal chu ka va tlawh ta a, a manhla ngei mai’ tiin duhtawk leh phawt ang. Ka Taj Mahal tlawh zo chu kan pastor-te inah bawk chuan ka innghat leh a; a tuk zinga kan pastor-te nena kan inbiak hmasak ber chuan ‘Nizanah kannu nen kan lo sawi dun a; Delhi hi tlawh la kan duh. Remchang I hmu tawh kher lo maithei a,’ min ti a nih chu. Puteate kha chuan anmahni’n min kalpui theih siloh avangin kal lo mai turin min duh kha a ni a.
(more…)

KA THAWNTHU PHUAH

Thursday, July 25th, 2013
Real Madrid leh Bayern Munich te chuan Allianz Arena, Munich khawpuiah UEFA Champions League 2011-12 semi-final 1st leg khel turin an inbuatsaih mek a, khawvel a footballer tha ber ber te fuankhawmna tur a nih avangin khawvelin a nghak a, thlir a chak a ni. Munich khawpui ah chuan football expert-ho te, media lam mi te an pungkhawm sup sup a, kawtthler tin maiah te chuan football fans ho te chu an sahawk nasa in, an ri le lu mai a ni. Kick-off nan darkar 4 chiah a awm tawh a ni.
Hetih lai mek hian kei pawh mahni inah thawnthu phuah tur a inbuatsaih in hun ka lo hmang ve mek bawk a. Inkhel nghah nan a thawnthu inphuahsiak turin ka thianpa (unanupa) pakhat nen kan incho/in el a ni. In ah chuan ka phone chu charge pahin thawnthu phuah a, type lut nghal char char a, post nghal turin ka inbuatsaih ta a. Darkar 4 lai hun ka la nei a ni. Ka thawnthu phuah tur  ah hian idea pakhatmah ka neilo a, nilo, idea pakhat chu ka nei. Chu chu ka thawnthu phuah chu englam hawi emaw eng thu pawh nise a tawpah a changtupa chu lungngaihna vawrtawp tuarin a thi tur a ni tih hi a ni bur mai a ni.
Ka ziak tan ta a, Phone-ah ka type a, ka type tawh hnu a edit theih loh bakah rang tak a ka type theih loh avangin a tir atangin ka uluk nghal viau a (typing mistake, han tihsual palh zauh chu a tih that theih a, paragraph hran a luh tawh hnu chuan ka type tawh ho chu a tihdanglam  theih tawh loh…a tang(skip) tlat zel a ni) A hmasa ber atan a changtupa ka pian chhuah tir phawt a. Engtin nge ka tih khawngaihthlak chhoh tak ang le..? tiin ngaihtuahna ka seng chho ta a.

(more…)

MLTP ACT BAWK HI SAWI NAWN LEH TEH ANG U

Thursday, July 25th, 2013

Tualchhung chanchinbu ka chhiarah chuan MLTP Act siamthatna tur Bill pawm a nih thu heading-ah an rawn hmang kelh kulh hlawm a. Mipui mimir tan chuan a that zawkna tur lai tak point pawh hriatthiam a har deuh avangin, a hre zawkte sawifiah turah dah mai ta ila. Khawnge, kan rui tlang ta sa sa, inkarkik deuh deuhin ngaihdante sawi ve leh phawng phawng mai ila. Ngaihdan inan loh vang maia invuak tum uaih uaih chu, kan kalpelh tawh kha maw!

MLTP ACT?: A hlawhtling ring lo pawl thawm a ring tial tial. Chutih laiin he dan hlip tura inzuar ngam chu kan politician zingah hian an la awm lem lo niawm tak a ni. Khap bur duhtute an la tam zawk a ni mahna? Tin, khap bur duhtute duhdan hian hunrei tak chhung chu kan kal a la ngaih hmelin a lang. He dan kengkawhtu Excise department lam chuan thawktu, motor etc. indaihlohna avanga an duh anga an chet theih loh thu an sawi uar hle a. Khawpui daifema zu zawrhna hmuna excise outpost dahna tur takngial pawh sum a awm lo a nih hmel. Nitin deuh thaw zu check tura an zuk pan a ngai tlat.

Tun tum MLTP Act siamthata a thil tum deuh ber ni a lang ta chu, zu khap duhtute tih lawm nan a, sum sen belh chuang si lova pumpelh (short cut method) hmanga, zu hi tihrem tak tak theih inring chuang si lova siamthatna a ang hle. Tin, sorkar hian he dan tihhlawhtlinna tur atan hian sum sen belh hi a tum tawh hrih lo niin a lang ta. A tawi zawngin a sorkar ber hi tuilairapin a awm mek niin a lang.

A BUL KAN TAN FUH LO A NI: MLTP Act kan hman tantir khan vengtina zu zuar kawlten JAC te indinin, tlawmngai pawl dangte nena thawkhoin, zu supply titawp tumin zu zuar kan hnawtchhuak chum chum mai a nih kha. Zu zuar kan hnawhchhuah takte kha khawiah nge an kal tih pawh kan ngaihtuah zui lem lo, mahni veng theuh dry area a puan tumin kan hmanhlel em em mai hlawm a nih kha. Kut inthlaknate hial thlengin, unau kan inhmelmak lek lek mai a nih kha maw! (more…)

CHAN SI HLOH SI LO

Thursday, July 25th, 2013

Hnung lam ah i thawm hria in ka lo hawi let a,engmah hmuh tur i awm si lo.
ka ngai hle che a ni tih ka hrechhuak a…

Tawnmang mawlah lamkawiah i lo liam a, hmuh zui tur i awm si lo. Hai ang thang mah i,i zun zam hian kian zai min rel san si lo….

Phu loh di neih nawm zia min zirtir in i tang nem ah min pawn thin mahla, tinge di then lunglen tawrh dan min zirtir loh….???

Ka ngai che asin, mahse i liam si maw! Ka ko che a, mi chhawn si lo. A ni tak e i zal ta si, piallei karah. Mangtha mai le..

TICHUAN MAW….

Hnunglam leh sir tiang ah hraiduh leng ten, laichhuat an chhir an chiar nghian e, chun tang bel in hlim zai an rel…

Tawnmang ramah lenlai chenin, chhungkim te in laitual kan leng ka thai te nen, i duhthusam ang chuan ka hlim ta e…

Ka tawng asin kum riat hnu ah, i zalna mualan, luaithli a nul a chinlai ngaiin. Ka thlir, ka hnem thiam si lo. Tuna ka thai chang ta hi…

Zantiang a lo rei a chhipsam a rim e! Thai-hniangi lunglai dam thei ta lo chu! an zai rel e “NINAWM FB RENG MAI” ti in. hihoha…

KAN CHHUNGKAW TUKTHUAN EI LAI BURMA MI PATHUM IN MIN RAWN LUHCHILH A MIN TIBUAI:

Wednesday, July 24th, 2013

KAN CHHUNGKAW TUKTHUAN EI LAI BURMA MI PATHUM IN MIN RAWN LUHCHILH A MIN TIBUAI:

A hmasa in keini chhungkua hi hmeichhe awmlo, mipa hlang pali khawsa kan ni a. Hmeichhe awmlohna in hi chu inchhung khur bungrua leh inchhung khawsakah te hian a hriat deuh thin an lo tih hi chu a dik zia a tak ngei a hmutu chhungkua kan ni ve a, chutihlai erawh chuan hmeichhe awmlo na na na chu thu nawi pawh a tlem deuh thung. Zawnglai thiau pali kan awm tihna a nih chu. Chhungkaw thawm na bawrh bawrh chi kan nih lemloh avangin mi te angin nei ve le-lua lo mah ila inchhung khurah buaina em em hranpa pawh kan nei ngai lem lova, tin, kan chhungkua nilo atang phei chuan buaina kan tawk ngai lemlo, mahse hemi tuk hi chuan kan khawchhak lam unaute, ‘Burma mi’ kan tih pathumin kan tukthuan ei lai min rawn luhchilh thut mai a, min rawn tibuai ta tlat mai le…

Thawhtanni tuk a ni a, keini chhungkua pawh Chawlhni sa thing inchuh tur tlemazawng a la awm avangin tuk dang anglo takin kan tukthuan(Zing chaw tih a in sawi hi keini Mizo chuan tukthuan kan ti a, tlai chaw in tih hi zanriah kan ti thung) ei tur chu kan phur sarh hlawm mai a, a chuh chak chak kan tlai leh dawn a ni tih rilru a hre ran chungin chhung inkhawm kan neih zawh chuan kan tukthuan ei tur chu kan siam tan nghal a. Kan siam zo kan kil tan deuh chiah tih chuan kan in kawngkhar chu ‘in awm em…’ tih pah chuan an rawn kik ta dawt dawt mai a.

Kan in hi kawngpui atanga in chhawng chunglam a step a chhoh ngai anih avangin kawngkhar pakhat chiah luhna leh chhuahna a awm a, kawngkapui a mi an rawn luh chuan chumi atang vek lo chuan chhuahna tur dang a awm lo. Misual pawh rawn lut in tlanchhiat thut pawh ngai se tlanchhiatna tur dang a awm chuang lova, tukverh lah han zuan chhuah mai na chi lah a ni der lo, sang tak vek an ni hlawm tawp mai a. Hetiang hi kan dinhmun a ni tih an hriat vang nge, zing tukthuan eilai tak hi chuan anni ang ho hi ka lo beisei vak lovin an ring anga chu chu remchhangah hmangin sum leh pai lam kan neih deuh ringin min rawn luhchilh ta nge chu kan hre lova mahse kan beisei loh ber mai lai leh kan inrin loh ber mai lai kan tukthuan ei lai tak chuan min rawn thawng ta thut mai a.
(more…)

Ka chhiar chak hle mai!

Wednesday, July 24th, 2013

Jorhat, July 17: A literary-cum-publishing organisation of Assam has stumbled on some interesting facts about unsung heroes of Mizoram, who resisted the British invasion to the erstwhile Lushai Hills while researching for a book on the history of undivided Assam.

While doing preliminary research for the project to bring out 100 volumes in Assamese pertaining to all kinds of historical accounts of the region encompassing the northeastern states that earlier were part of Assam, Asom Jatiya Prakash found various facts about unsung Mizo heroes, who had resisted the British invasion to the Lushai Hills.

The secretary of the Asom Jatiya Prakash, Devabrata Sharma, told this correspondent that the possibility of an English translation of the same was also being considered. (more…)

Min lo hrethiam teh u.

Tuesday, July 23rd, 2013

Paypal account siam dan kimchang min lo hrilh teh u. Online a thil chah duh hmanhmawhthlak deuh hlek ka nei a, online shopping lam hi ka ngaituah loh zawng tak mai alo ni bawk si a. In puihna ka rawn dil e.

FURPUI MALSAWMNA

Tuesday, July 23rd, 2013

(02.05.2012 Dar 01:30 PM – 01:50 PM)

Ka bek chu a rawn huh thawt mai a. Kan ventilator phuilo atang chuan ruah a rawn lut a ni. Pawnlam ah chuan ruahpui vanawn a sur tluk tluk a. Furpui kan lo thleng leh dawn ta reng mai a lo ni. He hun hi tamtak tan chhiatna, leimin, inchim etc. te thlentu ni mahse he hun hian duhawm na leh nawmna tamtak min thlen ve tho a ni. (more…)

Ka Nupui Hnena Lehkha Thawn

Monday, July 22nd, 2013

Bawih,
Hei le kan rawngbawlna chanchin thenkhat chu, tikhan lo chhiar la min lo tawngtai sak zel dan tur pawh i hre thei ang.
Champhaia kan rawngbawlna Report I (Hi Kidz Ministry)
Champhaiah hian April 29-ah kan lut a. Ni 30-ah Brightway English School-ah Camp kan tan nghal a, heta tang hian chawl lovin July 12, 2013 thleng khan school hrang hrangah rawngbawlna kan nei a. School pahnih khat tih lohvah chuan ni 3 thum zel hun hman thin a ni. Inhlanna hun buatsaih ziah a ni. School exam te a hnaih tak avangin keini pawh chawlh hmangin Aizawlah ni 13- 24, July 2013 thleng hun kan hmang a, Champhai let lehin rawngbawlna chhawnzawm leh tur kan ni.
Champhaiah hian school hrang hrang (Primary, middle, leh high school) 15-ah rawngbawlna kan nei tawh a. Tin Champhai atang hla vak lo North Khawbung Primary leh Middle school-ah kan nei tawh bawk a. Tichuan avaiin School 17 kan lut tawh a ni. Tin Champhai Bethel veng Presbyterian Kohhran-ah tum 2 naupang sunday school chawlh ni chawhnu inkhawm (1:00 – 3:00 pm)-ah hun kan hmang tawh bawk a. Sunday school zirtirtute pawh an phura kan hlim em em a ni. A.G kohhran naupang sunday school-ah tum 1 hun kan hmang tawh bawk. Tin, Champhai venglai Community Hall-ah inrin leh chawlhni chawhnuah inpawlhona hun hlimawm tak kar thum (inrin, chawlhni zel) kan hmang a, naupangte atang Item hrang hrang hman a ni a, fuihna thuchah sawi thin a ni. Hall-a kan inkhawm hi tum 2 Video-a lak a ni a. TV Local channel (IMEM)-ah tihchhuah a ni. Hall hawh man sum leh pai lamah harsatna kan neih a vangin Hall-a inkhawm hi kan chhunzawm thei ta lo a ni. Hall kan inkhawmah hian kan camp tawhna school hrang hrang atangin naupang an rawn kal khawm thin a, nuam an tiin kan hlim thei em em a, Item nei thei pawh kan pung zel a ni.
School hrang hrang kan kal tawhna naupang zawng zawng zat hi sang hnih chuang fe an ni tawh a. Naupang heng zo zai (more…)

Ringtute chunga Pathian beisei leh duhzawng{Sunday Pual}

Sunday, July 21st, 2013

Pathian hmangaihna, a zahngaihna, a ngaihdamna, a ngaihhnathiamna te, kan tih ve tel hauh lo leh, Kan nih ang anga, kan lo bawlhhlawh tawhna leh Sual dum chhah takte hre reng duh lova min pawmna lam hi ngaihthlak leh chhiar a nuam thin e. Pathian hian amah ringtu a chhandamte lakah hian enge beisei a neih a, enge anga awm turin nge a duh? Tih lam hi sawi rik ve fo a ngai thin. A zawng azain sawi vek senglo mah ila, a theih ang chin chin sawi I han tum teh ang:-
i) Tih thianghlima awm turin(I Korinth 6:11, I Thessalonika 5:23,Hebrai 10:10)
Amah anna kawnga lo thanglian deuh deuh a, Amah nena Chatuana cheng tlak tura min tih thianghlim deuh deuh zel hi Pathian thil tum leh duh dan a ni.
ii) Thlan(chosen) ni turin(Johana 15:16, Ephesi 1:5)
Koh chu tam tak annih laiin, Thlanchhuah tak erawh chu tlemte annih tur thu Bible-in min hrilh a. Thuthlung hlui hunah Pathianin Abrahama atangin a thlahte chu a thlang a, Thuthlung Thar hunah erawh chuan, a fapa Lal Isua Krista hmangin, Keini a fapa Isua Krista ringtute hi min thlang a ni.
iii) Rah chhuah turin (Johana 15:2&16)
Awm mai mai turin min Thlang lova, amah nena inzawm tlat chunga rah chhuah turin min thlang a ni. Rah chhuah hi Ringtute nih phung tur a ni.
iv) A hranga awm turin. (Rom 12:2, Galatia 1:4, I Johana 2:15).
Amah ringtute hi, Khawvel nena inzawm tlat turin min duh lo va, a hranga awm turin min duh a, Chu chu ‘Kohhran’ kan tih hi a lo ni ta a. ‘Kristian’ ti ta ila a fuh zawk mah awm e.’’
v) Thianghlim turin. (Rom 12:1, I Petera 1:15-16, I Thessalonika 4:3). (more…)