mi(sual).com

Pathian hmangaihna, a zahngaihna, a ngaihdamna, a ngaihhnathiamna te, kan tih ve tel hauh lo leh, Kan nih ang anga, kan lo bawlhhlawh tawhna leh Sual dum chhah takte hre reng duh lova min pawmna lam hi ngaihthlak leh chhiar a nuam thin e. Pathian hian amah ringtu a chhandamte lakah hian enge beisei a neih a, enge anga awm turin nge a duh? Tih lam hi sawi rik ve fo a ngai thin. A zawng azain sawi vek senglo mah ila, a theih ang chin chin sawi I han tum teh ang:-
i) Tih thianghlima awm turin(I Korinth 6:11, I Thessalonika 5:23,Hebrai 10:10)
Amah anna kawnga lo thanglian deuh deuh a, Amah nena Chatuana cheng tlak tura min tih thianghlim deuh deuh zel hi Pathian thil tum leh duh dan a ni.
ii) Thlan(chosen) ni turin(Johana 15:16, Ephesi 1:5)
Koh chu tam tak annih laiin, Thlanchhuah tak erawh chu tlemte annih tur thu Bible-in min hrilh a. Thuthlung hlui hunah Pathianin Abrahama atangin a thlahte chu a thlang a, Thuthlung Thar hunah erawh chuan, a fapa Lal Isua Krista hmangin, Keini a fapa Isua Krista ringtute hi min thlang a ni.
iii) Rah chhuah turin (Johana 15:2&16)
Awm mai mai turin min Thlang lova, amah nena inzawm tlat chunga rah chhuah turin min thlang a ni. Rah chhuah hi Ringtute nih phung tur a ni.
iv) A hranga awm turin. (Rom 12:2, Galatia 1:4, I Johana 2:15).
Amah ringtute hi, Khawvel nena inzawm tlat turin min duh lo va, a hranga awm turin min duh a, Chu chu ‘Kohhran’ kan tih hi a lo ni ta a. ‘Kristian’ ti ta ila a fuh zawk mah awm e.’’
v) Thianghlim turin. (Rom 12:1, I Petera 1:15-16, I Thessalonika 4:3).
Kan sualna leh bawlhhlawhna zawng zawngte min silfai sak a, amah anga thianghlim turin min duh a ni.
vi) Isua Krista hming tana Chhel tak leh phunnawi lova Tuar turin. (Luka 9:23, I Petera 2:19-25).
He Khawvel hi kan ram a ni lova, kan kumhlunna tur a ni hek lo. Chuvangin, a tul chuan, a hming avanga tuar inhuam a, kan lo tuar ta anih pawhin Phunnawi lova, tuar chhuak thei turin min duh a ni.
vii) Engkimah Lawmthu sawi thei turin (I Thessalonika 5:18).
Kan thil tawn engkim hi Pathian hriatpui loh leh hmuh loh a awm loh avangin, Vanduaina leh Chhiatna te, Harsatna leh bawrhsawmna te pawh tawk thin mah ila, phunnawi leh vui hmui pu lova, Joba anga “Lalpa chu fakin awm rawh se” ti thei zel nun nei turin min duh a ni.
viii) Thil engkimah amah leh a duhzawng ngaihtuah tlat thin turin. (I Johana 5:14).
Pathian duhzawng enge ni ang? Hei hi a duh loh zawng ani palh ang em? Tih ngaihtuah tlat thin turin min beisei a ni.
ix) In hmangaih tawn leh in ngaidam tawn turin(Luka 6:27-36, Johana 13:34&35,15:17)
Amah ringtu leh zuitute chu, inhmangaih tawna in ngaidam tawn thin turin min duh a, Kan inhmangaih tawna kan inngaihdam tawn hian, Ringlo mi ten kan Nunah thil danglam an lo hmu ang a, Isua Krista zuitute kanni tih hriain, amah chu zui ve an lo duh phah dawn a ni.
x) Thih thlenga atana Rinawm tlat turin. (Thupuan 2:10)

Eng harsatna leh tihduhdahna pawh tawk ni ila, amah chu phatsan lova, thih thlenga Rinawm tlat turin min duh a ni.
Sunday hman nuam vek u le.

Similar Posts:

• Pentecost pualin
• Thlarau Thianghlim (Pentecost Pual)
• Tunlai ka mutmawh hnarmawh.
• Kristian ka ni em?
• PIANTHARNA

Recent Posts:

• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?
• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.

This entry was posted on Sunday, July 21st, 2013 at 7:18 am and is filed under Religion. You can follow any responses to this entry through the RSS 2.0 feed. You can leave a response, or trackback from your own site.