Source: Vanglaini
MNF chuan an party general secretary, Zosangliana hmingin nimin khan minister aṭanga Lalrinliana Sailo bân tura ngenna, chief minister-ah ziakin an thlen.
MNF chuan an lehkhaah, Health minister, Lalrinliana Sailo chu kohhran leh tlawmngai pawl hrang hrangte’n an do leh ṭhalai tam tak nunna suattu ruihhlo siamna damdawi tawlhruknaah a inhnamhnawih ngei nia an ngaih thu an ziak a ni.
Minister Lalrinliana Sailo bàntir an duh chhan ziakin, MNF chuan, dan kalhin a fapa Jacob Lalrinpuia hmingin drug licence a siam nia an hriat thu te, chu drugs licence chu Rampanmawia a hmantir nia an hriat thu leh Rampanmawia chu vawi hnih man a nih tawh thu te, Rampanmawia hnen aṭangin minister chuan hlawkna a hmu ve nia an ngaih thute an tarlang.
MNF chuan, minister Lalrinliana’n August 26, Thawhṭannia press conference a neih ṭumin, a fapa drugs licence chu August 19, 2013-ah a cancel tir thu a sawi avangin, chu chuan dik lo takin drugs licence siam a nihzia a lantir niin an sawi bawk.
MNF chuan, “Hengte avang hian Lalrinliana Sailo hi Mizo mipuite huat ber ruihhloa sumdawnnaah a inhnamhnawih ngei a ni tih a chiang a. Chuvangin, MNF-chuan minister ni tlakah a ngai lo a, Minister aṭanga bàntir ngei turin kan ngen a che,” tiin an ziak a ni.
Similar Posts:
- Pre-Conception & Pre-Natal Diagnostic Techniques Act, 1994
- MLPC Act hman a nih chuan
- Minister 9 lakluh
- Health dept sum bo House-ah an khel
- Zorama Cabinet Vs Hawla Cabinet
August 28th, 2013 at 9:27 am
1st,……………. ti peih pawh kan awm ta lo……….
Report this comment
August 28th, 2013 at 2:07 pm
2nd,……… ti peih pawh kan vang ta pharh mai…..
Report this comment
August 28th, 2013 at 4:12 pm
3rd,,……ti peih pawh kan tlem ta viau mai…..
Report this comment
August 28th, 2013 at 8:44 pm
An puhna hrang hrang hi a dik a nih ngai chuan Bang ngam se la mizo mipui hian kan ngaisang zawk ang. Mizoram a kan party lian ho hian dawt hmang a in hek an tam lutuk tawh a, engber nge rin tur tih erawh hriat a har. Mizoram hi a der in an vei a Vote chiah vei politician kan nghah lutuk vang pawh ni mahna kan ram hian hma a sawn theih loh
Report this comment
August 28th, 2013 at 8:49 pm
Ni e, my name-a sawi ang khian Mizoram a kan party lian ho hian dawt hmang a in hek an tam lutuk tawh a, engber nge rin tur tih erawh hriat a har. Chuvangin i lo thlir phawt mai ang. A dikloh erawh ka beisei.
Report this comment
August 28th, 2013 at 9:25 pm
Chhana te pahnih sawi khi ka thlawp e. A dik/diklo hriat hran har khawpin kan politician neih chhunte inbeih dan hi a nawi phian si a. Thudik hailan thuai ni teh se…
Report this comment
August 28th, 2013 at 10:38 pm
Thudik chu a lo lang ve leh mai ang…
Report this comment
August 28th, 2013 at 10:51 pm
a dik khawp mai, keini ang tan chuan a dik nge diklo hi rin thiam a harsa thin, a tawp thleng hian chiangkuanglo tak hian a zuzi ral leh thin bawk sia….
Report this comment
August 29th, 2013 at 1:12 am
A dik ngei a nih chuan a ngaihtuahna fîm hmang pawhin a bâng ngam tur a ni.
Report this comment
August 29th, 2013 at 7:38 am
Pui leh hle mai a…
Report this comment
August 29th, 2013 at 9:53 am
ban ban ngailo tlin mah a har nak a laiin term zo trep a lom le kei chu ni ila ka bang top lo ang…
tlin a har thei eemai
Report this comment
August 29th, 2013 at 9:54 am
Bang rawh se.
Report this comment
August 29th, 2013 at 11:20 am
EEE.. Health minister chu Mnf chuan inthlan leh atan an campaign pui ani ngawt alawm le…. a bang awm si lo, CM pawhin a tan ngei ngei ang tih chiang sa…
Health min hi a han insawi fiah ngei anga, a bialmipuiin an tan sauh ngei ngei ang le…. ministry hmasa health scam te kha a pho chhuak tha bawk si…
engpohnise party inchirhtheh hi a ninawm zozai tawh e…. bang rawh se lo tih thin ziah hi…
Report this comment
August 29th, 2013 at 3:20 pm
“…ruihhlo siamna damdawi tawlhruknaah a inhnamhnawih ngei nia an ngaih thu”
INHNAMHNAWIH NGEI NIA AN NGAIH chuan police statino ah FIR file ta sela, police ten enti takin lo la serious ang maw?
Inhnamhnawih ngi nia HRIA an awm anih vaih chuan an puhna hi serious tak ani ngei ang. Evidence Act ah chuan inhnamhnawih ngei nia rin ringawt chuan convict a ahr maithei.
Mahse poltics ah chuan evidence lam ani lo. Mipuiiin an rinhlelh tlat chuan an tan a pawi thui thei viau.
William Jefferson Clinton leh Monica Lewinsky pawh an mudun ngei niin an ring a, tute mahin evidence phawrhchhuak chiah lo mahse, an hmingthan phah zek.
Report this comment
August 29th, 2013 at 11:01 pm
Health minister chu a bang tep chu anih tawh hi,term a tawp teuh tawh em mai…
hmanni khan drug license 4 ti khan ka hria a, tunah pakhat chauh an sawi ri leh si a, MNF ho hi thu belhchian tak tak hmaa thu lo vawrhdar an ang riau…
an puhna hi a dik tak tak anih chuan bang ngam se ka ti…
Report this comment
August 31st, 2013 at 9:02 am
Ka ning!
Report this comment
May 31st, 2014 at 4:07 am
battery still
Health minister bàn turin CM ngen | mi(sual).com
Report this comment