Khaw hran hran kan fanga, kilkhawr tak tak, mêl lung pawh ina a thlen phak tawh loh na te a ni. Vân paw’n a khuh phak tawh lovang a tih hial khawpa hla a thang vang vang kha kan ni a, an chhûm tepawh a pan hlang tawh, hla tak hi a ni tawp mai. Motor nen a luh chu sawi loh fur lai phei chuan“Siliper” takngial pawh a bun luh theih loh tep zel a, Motor a chuang ê ti lovin, mawng hi kan hung hman ngai mang manglo a, chuan ai mahin nawr kha a thui mah thin. An Jeep chuanman hi cheng zathum leh tharum a ni. Tlan chak lam hi a chuti lua lo khawp a, nu ho thingphur pawn min kal pel fua fua renga, eirawng min lo bawl kep turin thu te kha kan chah lawm lawm thin. Kawng tluanin Bawngkai ho nen kan in “Race” tluan parh a ni hrim a, chak tawka han tlan pelh ve chang te hian kan lawm thei em em mai a, kan han bye bye ve lawp lawp a… a chhak mai ah kan lo tâng leh mai thin, vawi za dawn kan in thlah hman in ka hria!! An khaw kawng te chu a han te lulai khawp a … Pa nuamsa êkin kawng tia lek hian a kaw riak chauh mai a, tih fuh loh changa ip tepui lian deuh ak han tawn fuh phei chuan “Back” ngat ngat ngai hial khawpa tê leh tawt kawng te a ni. Kawngkam hnim te lah Kânchhî-i englo hmul ang mai in kawngpui lamah rawn a buk thla chhûm a, Vangvat kailawn tha tak a lo ni a, Motor chhung atang pawn kan Chabet kâi mawlh mawlh mai zel.
Driver duhthlang thiamlo deuh te chu kawngpui vângtan zawng in an in hûng leh hê hâw thin a, in dim theih ni hek lo, min Dumka Kêl phruh miah miah mai a, Beram a hmul mettu hma a ngawi renga a awm ang mai hian kan ngawi kara, fur lai mah ni se thlan sa phûl bulhin mâwn hmetin motorah kan thu chip hman reng mai. Kawng titoh tak ah chuan a dul kiar kiar kha kan sawt duh a nimai a, chunglam leh hnuailam hi kan tauh tawn ngat ngat a, mawng ai mahin chip hi a sil zawmah a, tum loh takin kan in pawm leh nawlh nawlh thin!!!
Kan Pî leh Nula karcheh a chuang tihtakah kawng chhia in a min han thap vawr suau tawh hi chuan a khawi zawk zawk emaw hnute hi chu ka nghawk then leh nawlh mai thin a. Polite taka hnute nghawk ka nih a vang khan huat thu awm suh kan in nuih leh tawp mai zel!!! In dawm ngheh reng a ngai a, kawng an lei deuh lahin vawn a pelh laklawh chuan sira thu tu tu te emaw hnute hi kan dawm leh chut zel mai a, in vawn ngheh a har khawp mai!!!. Mipa, tlangval hnahkhat ni na na na chu kawng chhe karah pawh he thinlung hi a mipatna a lo chhuak hman peka“Mo-thar kap” ang mai in kawngtluan in thinlung a hnawng chuar mai a. Ngaihtuahna a lo hmul miau chuan hmalam ah hian a in do kalh ve rûn zel mai zela, a sawh thlep hnawk ang tih hlauhawm khawpin tan a khawh ve tui mai a, Pastor thinlung ka mamawh takzet mai. He kan tumkawng hi Sunday school zirtirtu tan pawh engemaw kawng tak chuan kawng sexy tak a tih loh theih loh. Mahse, Seat kha chu ka thlang fuh thlawt a ni!! (kan Pi khan a chhiar leh em lovang chu)…
Kham panga kal tih takah rin na pan deuh chuan kan thil sual tih zawng zawng te kan ngaihtuah chhuaka, naupan lai a kan chini bar ruk thleng thleng mai khan hrilhfiah hran ngai hauh lovin a fiah uarh uarh tawh mai a, Isua meuh pawn Gezmani huana a thil hloh “Thih thlamuanna” kha a ngial a ngana han hmachhawn tak ah chuan a lo chiang khawp mai!!! A zirtir luhlul deuh deuh ho kha dem tur zawngin kan dap chung tawh mai a. Chhandamna ah hian chian hi a lo har duh fu mai!! Baptisma chan that tak mai kha ka nap rum rum a, duhthaw luat avangin khatih lai kher khan chuan a chian lehzual nan “a hnim a in hnim” ngei kha ka thlang ber mai awm e.
Khua kan lut ta cheng a, Power supply chu khawilam, Bati Original pawh hmuntur a awmlo hrim hrim mai a, Phone pawh VCP Pu Tlângtlawha Sertawk Kûng zâr dinglam ah chiah signal a awm peka, chu pawh in lawn chhawk a ngai zui!!! Satel tluka thing thiamlo hi “Ănka- bâwm” nen dul pilh hrupin kan han lawn chhuak ve hram thin!! Chhum a zin palh hlauh chuan thing zara nghah char char kha a ni tawp mai!!! Harsatna tamtak kar ah duhtak te kan han be tlang ve hram a, a chham sweet theih loh bawk nen, signal awmloh awih lovin min lo ringhlel ve tumhranga, kan han insawi fiah dek dek a, a kûng bul lama waiting list ho an lo nui thûm leh huk thin. “Lo inbual fai rawh…” chu kan tih hram kha!!!!
Heng zawng zawng karah hian ka suangtuahna ram luah thuk ta ber mai chu, heng thingtlang kilkhawr lehzuala awm kan unau te hian châk la in pûrchaw puakphur rit tak tak nen, then sen rualloh vangvat karah, zing dâi vawt tak tak te pal darhin an nitin nunna tur atan mamawh te an lo lam khawl ve thina, Pisa te dawrin inthlahrung tak leh inkiltawih takin thil min rawn zawt ve dek dek thin. Ngaihsak an hlawh loh pawhin ngawireng in min nghak fan fan zel a, chutih lai in, kei tlangval satliah, mahni hminga vahsan pawh la la lo hian thingpui hâng takngial pawh hlui nachang ka lo hre lo thin a, ka lo va han mawl tawk tak em!!! Ka inchhir takzet mai. Tun chinah ka ti leh tawh ngai lovang. Thingtlang nu leh pa te u, in lova in thar chhuah hahthikula in thlawh chhuah, thlan tui far zawih zawih a in rawn phurh thlen, in thlai thar te hi tlâwm dîlin ka lo dawn ngat ngat thin che u a, min ngaidam ngawih ngawih teh u. Pawisa nawi kîr tur in neih loh paw’n ka ngaidam vek tawh ang che u. He ka piantharna hi Kross ah ni mah suh sela min pawm sak hram turin ka Zawlkhaw unau te ka dil e.
Ngaihsak ngai loh, duhsakna dawng lo te hi i hmangaih ang u.
Zoram Sorkar ah hian an kawng hi tun ai hian ngaihsak ni thei se.
Mnister leh MLA te hian kawngchhia thlawh khumin, kawng an mangnghil mai ang tih a va hlauhawm tak em!!!
Hemi kan zin tum hian kan member Lushai_er nen Zokhawthar lei bulah kanin tawng nawlh a, Sermon kaihhruaina lehkhabu a hûm in ka hria… 
Similar Posts:
- Ka laptop thar
- Tlangval ni leh thei ngat i la chuan tlangtlan nula ngat ka nei ang..
- Kan Kawngte hi…
- Mizoram kawngte leh power (current)
- Ka ‘Arsenal’ Kha
September 22nd, 2013 at 12:09 pm
A bengvarthlakin a ngfaihnawm hle mai.
Report this comment
September 22nd, 2013 at 1:48 pm
Nuamsi…hrehawmsi… sawithiam har a nih khi
Report this comment
September 22nd, 2013 at 2:14 pm
A ngaihnawm hle mai, chhiar a kal zaih mai. A tlangkawmna thingtlang mite chungchang khi a tha kher mai.
Zokhawthar lei bulah hi chuan Aizawl khawpui a awm ai mahin mi chan chhuah a awl hmel riau a sin.
tren tren
Report this comment
September 22nd, 2013 at 4:17 pm
A ngaihnawm kher mai, in khawngaihthlak a an khawngaihthlak ka ti hle bawk si
Heti ang kawng thaloah hi chuan do kalhte sawh tliah a hlauhawm duh fu lehnghal a nia
Report this comment
September 23rd, 2013 at 1:45 am
Sap pachal meuh pawhin kan ram kawng tam tak hi chu tihbaiawm an tih ka ring ve mai mai thin.
Report this comment
September 23rd, 2013 at 10:36 am
Tichuan Lungphunlian khua chu khawi hmunah nge a awm le???
Report this comment
September 23rd, 2013 at 12:36 pm
Ahaaiiii……(y)
Rih kamah zawk a ni lo maw ? ‘Ruh nei hlei lo, hrawka tui si’ a ni ka hum ni
Hei nangpawh chu i lo ‘Phai hnah hriam’ fu hi a !
Report this comment
September 24th, 2013 at 8:32 am
Rih kam a Lersia zupeng han dawn vang vang ava chakawm em
Champhai ka awm chhung khan Lungphunlian khi ka khaw tlawh loh te zing a mi a ni.
Report this comment
September 24th, 2013 at 3:07 pm
Dampa ah ka a leh daih toh….. online a va har em…..
Report this comment
September 24th, 2013 at 9:43 pm
A kawng hi an lo la siamtha lo ani maw? Lungphunlian leh Tualcheng khaw inkar hi kein kal a nuam asin. Kum 2008 khan evangelical team zuiin rawngbawlin ka han kal tum khan a khaw chhehvel leh a khawchhung hi a nalhin a nuam lutuka thla kan la deuh reng mai a ni. He khua a thil awm leh a khawchhehvel mawina te hi humhalh ni se zinmi te tan vanram ani ringawt ang.
Report this comment
September 26th, 2013 at 9:53 am
Bengvarthlak e.
Report this comment