Vawiin chu ti hian ka ngaihtuah mai mai a…
Heti hian keini aia hnam pui zawk leh tam zawk hindu ho hian India ramah kan han bei a, anni pawh hian pa chan chang takin kan hnam a boral loh nan British hovin an siam ILP te min chhawm tir a, keini hnam hnuai hnung zawk ten din hmun tha kan luah ve theihnan tiin ST Quota te min han siam saka, a ram chhunga mihring riltama thih tir ngawt thu awm suh kumtin budget vaibelchhe telin rawn vawm bawka. Keimahni chauh pawh nilovin kan hnamdang ( entirnan, Gurkha te leh BRU unaute pawh huam in ). Heihi anni ho khuan min rawn hmangaih tak viau vang leh min rawn duhsak viau vang anih a rinawm siloh chuan eng vang nge ni ang?
Thenawm phakar deuhin thenawmte ram an nek an nek ang deuhin hmanlai a ta tawh la ram pawh a zau zau an duh thin ang hian Hindu ho pawh khuan a zau thei ang ber ram neih an duh vanga India ram a zau thei ang ber British lak atanga ro chun tumin kan hruaitu hmasa te khan an lo bei ve a ni. Muslim ho pawn chutiangin Pakistan a rawn piang ve bawka. Keini erawh chu kan hruaitu hmasa ten India hnuaia awm an thlang ta zawk kha Pu Nehru-a te, ram (a hindu zawng pawha ngaihtuahin in hindu ram zau tak siam an duh tepawh ani thei mahna ) zau thei ang ber lo duh tute tan kha chuan a lawmawm duh viau in ka ring.
Chungte avanga India ram Boundary chhunga kanlo awm takah chuan. India ram hruaitu te tan chuan khwvela ram dang leh hnamdangte aia chungnung leh thiltithei zawk ni tura tih changkan tum bak chu hmabak dang a awm leh ta reng renglo a ni. Heihi hmakhawsang atanga mihring rilru a in tuh nghet tlat anih avangin. Chutah India ram (hindu ram ang zawng pawh lo ni sela) ti changkang tur chuan a mipuite bak tih changkan tur midang an awm leh ta miahlo mai a. Hetah hian hmanlaia an indo a in thah ang chi kha kan hruaitute khan tha an ti lo hle niin a lang. Engtirnan, Hindu-Muslim thil ah pawh kan hruaituten duhlo hle mahse nunna tamtak hlohna karah India leh Pakistan ah kan phel ta tho kha a ni a. Hetah hian ka ngaihtuah dan hi a dikloh theihna chhan awm thei chu, India ramah, hindu awmna zawkah zirlaibu leh lehkhabu hrang hranga khang hunlai chanchin an ziah duh dan leh Pakistan lama an in zirtir duhdan a in ang dawn lova. Chuvangin Pakistan lam ho chuan Pu Nehru-a te pawh kha ram hmangaih lo leh misual deuh angin an rawn hmu thei bawk. Entirnan, India ram chhung ngeiah pawh Manipur ho hian engtiangin nge thil an in hrilhchhawn duhdan chiah hre lo mah ila, kan thiannu Meitei pakhat chuan, India independent dawn khan, Manipur hi ram hrang anga awm tur kan ni a, Manipur lal kha Nehru-a’n silai a tin chungin in remna a sign luih tir, a ti daih mai a ni. Engpawhnise ram zau thei ang ber chu tupawn kan duh vek tih chu a chiang sa a.
Engpawhnise, kan hruaitute kha (a hindu ang zwng pawhin) rilru tha tak an lo ni ve hrim hrim Indian constitution ah reng mai hian in tluk tlanna lam te, a chunga kan sawi ang chi keini hnam tenau te humhalhna ang chi te anlo dah chipchiarin anmahni hnam tha Brahmin ho phei chu Quota pawh an inpe lo hial zawk a ni. Chuvangin kan independent hnu a hruaitute tan chuan hruaitu hmasa te lo siam, Indian constituion zul zuia ram an hruai dawn chuan state chawm hlawm ngai pawh ni ila kan ram an duh chhung chuan MIN CHAWM HLAWM MAI A NGAI a ni tawp mai ni, choice dang an nei lo, Indian constitution in min humhalh tlat a ni. Pi Indira Gandhi khan, “A mihring ka duhlo a ram alawm ka duh.” a ti niawma an sawi te ngaihtuah chuan min hmangaih viau vang a nih chu a rinawm loh phawt mai a. Ani phei kha chu alo che offside hman deuh aniang, “India dan kalhin min Bomb” te kan ti thina, heihi Indian constituion in min ven zia ti lang tu ah ngai theks mai ila a tha ang.
Hetiang kan nih mek lai hian keimahni leh keimahni kan han in ngeih lo a, kan bul vela hnam tenau zawk te leh changkang lo veleh chhawngte laka Pa chan chan tum lova a ngaithei lo zawnga ram leh hnam kan hmangaih tlat chuan a sakhua ang zawng pawhin Hindu ho aiin kan sual zawkin inenfiah kan ngai tihna a ni thei ang em? Hindu sakhua hi sakhaw peaceful tak a ni ve hrim hrimin ka hria Independent India ah hian. Hmun thenkhat ah firfiak deuh tepawh lo awm mahse a nawlpuiin sakhaw dang te hi an nek an nek ve lem lo a, a ram ang pawhin kan thenawm ramte an nek an nek ve lo a, Pakistan in Bangladesh a run pawhin alo chhan zawk a ni.
Tin, Gurkha ho OBC quota ngiat pawh hi, tlawmngai pawl hrang hrangin an duh lo na in, lehlam zawng hian han ngaihtuah ta ila. Kan MZU vela hnaruak a OBC quota te khu state pawn ami zawk leh mizote min rawn hmangaih ve lemlo, manipur meitei ho khuan an rawn hnawh khat nasa tho sia, helaia kan chen pui Gurkha ten an chuh ve theihna tur a nih te chuan duhsak pawh an phu daih zawk ang em aw…? Mizoram ti hmasawna ti changkang tur pawh hian a chhunga cheng mipuite tih changkan vek tum ta zawk ila, mahni leh mahni a in tai te zawnga in nek innek lo hian, hma kan sawn chak phah zawk angem aw?, tih te ka ngaihtuah a. Pu Durthanga hla a, “I tangrual ang unau za kan ni.” tih ang deuh khan. Chu chu kan Kristianna nen pawh a in mil viau in ka hria.
Similar Posts:
- Taliban zingah ‘ Israel hnam bo’ an awm em ni?
- India Vs Pakistan
- Cricket WC Semi Final : India vs Pakistan
- Chanpual hauh a na
- Pak was preparing to use nuclear missiles
November 19th, 2013 at 5:05 pm
Lushai District (tuna Mizoram nita) kha Brish Empure zinga tel ani a, British ho khan an ta chin zawng kha Indian Dominion (a hnu lawka Republic of India nita) an hlan mawl tawp mai ani.Engtik lai mahin a chhunga chengte leh politican ho ngaihdan an zawt lo.
British Empire chu sawi loh, a hminga lalram hran (princely states) pawh an hlan titih anih kha. A hnu zelah phei chuan Portuguese leh French Empire ami leh a hminga independet ve Sikkim thlengin India ramah an tel tak kha.
Mizoram (Lushai Hills)a awm ten engtik lai mahin choice kan nei lo. Assam rama kan awm vang khan an telna apiangah kan tel ani. Hei hi history dik tak ani.
Gurkha ho chungchanga i ngaihdan chu a support zawng tak ani.
Report this comment
November 19th, 2013 at 10:26 pm
Gorkha chung chang a ngaihdan a sawi khi kei pawn ka Full support e. keini mizo ten kan ram humhalh kan tum dan tamtak hi chu a Taliban ve deuhna lai a tam khawp mai, Inrem tak a awm a, an changkanna ngaihtuahpui ai chuan awpbeh a rahbeh kan tum a, Autonomous District council ho an Direct funding chungchangah kan CYMA thuchhuah te ngaihtuah chuan a rapthlak thin hle. A ziaktupa ziak ang khian awm thei hlawm ila zoram nuam kan siam a ni mai dawn a ni.
Report this comment
November 20th, 2013 at 12:38 am
Report this comment
November 20th, 2013 at 12:46 am
Gorkha-ho hi British tana thian rinawm, lu chhum, ban chhum huam an ni a. Mizote leh Thlangkawrvai-ho nen kan karah hian buffer zone siam a tulin an hria a, Gorkha-ho hi settlement an siam sak a. Mahse phai ngaina lo, Zokhawsang ngaina mi an nih ve avangin rei phaitualah an cham peih lova, Mizoramah an lo chho ve ta zawk a ni.
Bawng hi Mizote ran vulh a ni ngai lo (Sial kan vulh thin)!! Gorkhali-ho rawn chhawm luh a ni. Bawnghnute phei chu kan ei ngai lo hrim hrim. Bawnghnute ei min zirtir a, Bawngvulh min zirtirtute hi Gorkhali-unaute hi an ni e.
British Expedition-a an sipai tam zawk, Aizawl Kulh din hmasatute, Assam Riffles tobul ni ta, mi hmasate kha Gorkhali-ho tho an ni. Chakma leh Bru te pawn an chanvo an claim chuan Gurkha-ho chanvo hi i thik lovang u.
Report this comment
November 20th, 2013 at 5:35 am
A bengvarthlakin ngaihtuah na a ti kal thui hle mai.
Report this comment
November 20th, 2013 at 9:47 am
Ngaihtuah chhunzawm chi tak a nih hi.
Report this comment
November 20th, 2013 at 6:08 pm
Post tha tak, ka ril rem zawk tak a ni..
Report this comment
November 21st, 2013 at 12:52 pm
mi fate zawng an ngaihtuah mai mai te hi ngaihdan fel tak an nei bik anih hi maw…. funny ka tihchhan tih a chiang mah mah em aw?
Report this comment
January 6th, 2014 at 9:55 pm
haha Puii chu minlo rel a nimaw, ka email atangin ka rawn hmu ru kiau a nia
Report this comment