Hnahthial leh a chhehvel mipui ten kan nghahhlelh ber leh kan rilru luahtu ber Hnahthial District tih puitlin chungchang chu MNF party chuan Politics bu zawlah hnuhluh phet tumin Arpa chan chan tum takin hmala thin mahse thutiam zet zet ching mite hi chuan dawt an sawi chawk thin avangin thudik chu hailanin a awm leh tho thin a nih hi.
Hnahthial District Function Demand Committee (HDFDC) hruaitute, Khawzawl leh Saitual District Implementation Committee hruaitu ten Political party hrang hrang hruaitute District chungchang a an kawmna tlangpui chu Hnahthial khawchhung leh hmun hrang hrangah vawrhdarh niin kan hre tlangpui theuhin a rinawm tawh. Khatah khan MNF Party President Pu Zoramthanga chu kan hruaitute hmaah a lo intiam leh zet zet a, a intiamna tawngka bakah ziak meuhin intiamna hi a lo pe a nih kha. An kawm ni 22 October, 2013 (Thawhlehni) Zing dar 8:00-ah MNF President hian a thutiamna lehkha hi a office-a lam turin a lo ti a, tichuan HDFDC hruaitute chuan chhun lamah intiam kamna hi an han lam a, ziaka intiam kamah hian ni 1st October, 2013 (Thawhlehni)-a issue a lo ni daih thung mai!! Pu Zoramthanga hian he a intiamkamna lehkha hi TENAWM TAKIN A BACKDATE tih a chiang hle a ni.
Mahni thutiam a ding nghet lo, darkar reilo te chhung pawha rilru thlak zung zung thin a nih zia a lang chiang hle bawk. Term hnih lai Chief Minister lo ni tawh leh “Pathian leh kan ram tan” tih thuvawn neitute thiltih atan chuan a awm lo kan ti tak meuh meuh a ni.
District min pek dan chungchang-a min bum tawhna kha hmachhuanin min bum nawn leh a tum em ni ang le? Hetianga mahni intiamkamna meuh pawh backdate duhtu party Candidate Pu ZH. Ropuia hi thlan tlin chiah kan ngai em? Thlang tling leh ta ila, Hnahthial mipuite hian District kan duh lo tihna a ni mai thei ang em? Ngun takin i inngaihtuah tlang teh ang u. A thuhrimah Pu ZH. Ropuia hi Cabinet meeting-in Hnahthial District chungchang an ngaihtuah dawn pawha awm duh lova chhuak ta daih kha a ni a, kan Demand hruaitute pawh ‘Engmah tihtheih ka nei lo’ tia beidawng taka lo chhang tawhtu kha a ni. Tuna taka ‘District tihpuitlin ka duh’ tih leh si hi ‘Tuaiin thi ka nei’ ti ta se a awihawm loh dan a inang reng a ni. Bumin i awm nawn tawh lo hram ang u…
Issued by:-
Media Cell
Hnahthial Block-I Congress Committee
Hnahthial
Similar Posts:
- “Hnahthial District thar siam a ni lovang” – CM
- District thar pian nan thisen engzat nge ngai?
- Hnahthial.com i bel chiang ang
- HDDC: Hnahthial-ah MNF vote tur
- Hnahthial district a piang ta
November 19th, 2013 at 7:49 pm
Bumin awm suh u (Galatia 6:7)
Hetianga politician te dik lohna man chhuak theim an awm hian tlemin Zoram tana ka vision a ti eng deuh.
Politician ho (kohhran upa pawh tiamin) hi dawt heh, rintlak loh, hausak thut tum, mipui tana pawi tih hreh lo,tlaktlai lo takzet turin ring ila, kan ring sual lo tlangpui ang. An aw nem campaign laia ri hian an awmdan tur a hril lo.
Report this comment
November 19th, 2013 at 10:04 pm
Hnahthial chungchang sawi a piang chuan nuih a za tlat thin MNF in District ah an puang a, MNF party candidate thlantlin kha an hmabak leh tih tur ah kan ngai a, mahse Congress Party candidate an thlangtling a, District tih changtlun chu khawi lamah, tunah an lehkha rawn tarlan pawh hi Congress Committee bawk an ni leh a, lehkha backdate leh backdate loh chungchangah chuan engmah sawi tur chu ka hre lo va hei erawh ka sawi duh Hnahthial kan unaute tan, a party ang zawng a in tran chuan eng district puitling mah in ni kumkhua dawn lova a khua ang zawng in tanrual tum hi in tan chakna a ni zawk ang.
Heng party ho mizoramah sawrkarna chang tawh zawng zawng hi 90% hi mi dawheh leh dawt sawi hmang politicians an ni tih hi hre thar leh ang che u
Report this comment
November 19th, 2013 at 10:48 pm
100%
Mizoram ah politician rinawm an awm lo.Period
Report this comment
November 19th, 2013 at 11:57 pm
Pic ka dah tel amaw ka tia, a lo tel lo tlat mai. Heta hi en tur a awm e.
https://upfile.mobi/286731
Report this comment
November 20th, 2013 at 1:18 am
Tu pic maw. Babutea pic chu ka en hne tawh viau asin.
Report this comment
November 20th, 2013 at 4:41 am
Report this comment
November 20th, 2013 at 5:26 am
A va mak dawn ve.
Mahse, engpawhnise, hetiang a party inbeihna tih chiang lutuk hi chu a publish chi loh lo maw?
Report this comment
November 20th, 2013 at 6:48 am
#7 Chhana, he thil hi party thil a nih rualin thudik tak a nih bawk si avanga submit a ni. Dawt thu tel chu ni se administrator te hian an publish ka ring hauh lo
Report this comment
November 20th, 2013 at 9:49 am
District ngiat vak vak kan ching te pawh hi politics vek a nia. Kan inngaihtuah harh a hun hlawm a nih hi.
Report this comment
November 20th, 2013 at 12:40 pm
#9 Awmtea, nia a dik khawp mai. Parliamentary form of Government ah hi chuan District neih tam hi a pawi lem lo. District Headquarters leh ters lo han en hian neih ve hi a lo hlu em a ni
Report this comment
November 20th, 2013 at 1:36 pm
District neih tam hi ka sawisel pawh a ni lo a, neih kan duhna chhan zawka kha ka dem chu a ni. Politician-te lah hian vote zawn nan thu an tiam leh mai thin bawk si a.
Report this comment
November 20th, 2013 at 2:24 pm
Mitin mai hian mahni khua leh tui hi kan lo hmangaih theuh mai a. Mi khua te angin lian ve se, kan tu kan fa te tan a khaw nuam leh chhenfakawm lo niin hmundang a pemsan ngai lo va mahni khua ngei a lu phum kan duh theuh. Chuvang chuan Hnahthial khua pawh in chu chu beiseiin kan nawr a, kan nawrchhuak a, tunah a function kan beisei em em laiin heti mai mai a kan hotupa ber in min bum a tum ta mai hi a na ngawih ngawih a ni
Report this comment
November 20th, 2013 at 5:04 pm
Mizoam ah district 3 bak awm a tul lo. Babu an tam mai mai, sum hmanralna a tam lutuk. District awm sa pawh thiah leh zawk tur.
Report this comment
November 20th, 2013 at 5:58 pm
Hriatthiam a har thin teh e. Politician-te lahin tih theih hlek loh tur an tiam thla ve duah zel si…
Mahse, Hnahthial khaw ngenna hi chu a awm ka ti ve tho, sawi hmuh an nih tlat chuan.
Report this comment
November 20th, 2013 at 6:58 pm
District an ngen a, an pe a, an function tir anih chuan kan sawi ve tur a awm lemlo. Amaherawh chu ka ngaihdan ve mai maiah chuan, District ang zawng ni lo hian demand nachang lo hre zawk se ka ti deuh. Entir nan, P&E, PWD, PHE te ho pawh hian E-in-C an nei hlom a, CE office ho hi pakhat theuh Hnahthial, Saitual etc ah sawn dil ta zawk se.. chutiangin Dept dang Directorate te pawh hi Aizawlah vek dah lo hian, khawpui lian deuhah sem rual sela..rambuai kan ni tawh lo bawk a, engkim mai Aizawla dah vek tum lo hian Sorkar lam pohin sem rual deuh te kha an rilru ah a awm ve anga. Khaw/hmun pawimawh bik lutuk awm lovin Mizoram hi pawimawh kual viau hlom ila, a nuam berin ka ring. mipui lam tam chuang si lova, district kan ngah viau chuan hnathawk kan pung anga, dehchhuah mumal nei si lo hian eitu kan pung tlurh anga..nakinah USSR rama anga world’s largest democracy hi alo disintegrate palh anih phei chuan kan va ngaituahawm duh awm ve…
Report this comment
November 20th, 2013 at 7:36 pm
Sorkar hnathawk zawng zawng Aizawla awm an duh emaw tih mai tur ani.
Zirtirtu thingtlang thawk tura lak pawh an kal duh loh ngam piap mai a, an chunga disciplinary action la ngam hek lo, World class education ani miau si a.
Mizoram sorkar sum sen hi ka pawisa a tel. Income Tax nuai engmaw zat ka pek vangin kei chuan district thar hawn leh hawn loh min concern tlat!
Tul lovah sum an seng nasa lutuk. Sum renchen theihna an ngaihtuah char char a ngai. Hawn an duh tak tak anih chuan MIFCO, ZOHANDCO, ZIDCO te hi an privatise phawt ka phut. Tichuan ka la in ngaihtuah ang.
Report this comment
November 20th, 2013 at 10:34 pm
Hnahthiala piang leh seilian ka nihnaah han comment ve ta ila. Comment no-2 Chhana Comment khi a dik ka ti a, ka ngaihdan dik tak a ni. Hnahthial, Khawzawl leh Saitualte hi MNF Ministry-in District an pe a, Mahse, heng Constituency 3 te hian MNF hnena lawmthu sawi lovin, an paihthla phiar a, Congress an thlang tling vek a. Hetia, Term khat pumhlum chhunga Pu Hawla Sawrkarin engmah a bawhzui duhlo hi, ‘an Phu tawk chiah a ni’. Tunah pawh Pu Zoramthanga’n, “Keimahni lo puan ani a, a enkawl zui pawh kan tih tur a ni e” tiin,Sawrkarna an chang anih chuan, Budget session hmasa berah Sum dah ziak meuhin a intiam a. Party rilru pu taka hetianga hma in la la duh anih chuan, in thu ani e. In chantawk chu in hmu mawlh ang. Kan thiltih rah hi kan seng thin.
Report this comment
November 21st, 2013 at 12:03 am
Congress pawh hian min bum mai mai dawn tawh bik lo reng reng.
Amah Pu Hawla khan District fuke kim kha Tiamzela(Pu Zorama) angin hei chauh chu ka tiam ve ang che u a ti lo em ni..? ?
Report this comment
November 23rd, 2013 at 1:08 am
Back date anih na ka man pha ve lo anih hi mawle. A intiamna ziaksa lam tir pawh nise, eng date pawh nise, a tiam miau chuan back date a ni thei lo. Court vel ah pawh thurochhiah hetiang lam hawi pawh hian lo awm se a genuine tho tih kan hriat vek ka ring. Tin district ngiat tute hian an duh tak tak lo tih a chiang, kumin a an vote loh phei chuan district an hmu lo kumkhua bawk ang. Tin MNF in district an tiam hi nge awlsam anga ZNP in heng district 3 bak ah Autonomous Dist. hmun 3a an tiam hi…….
Report this comment
November 23rd, 2013 at 1:57 am
In tang ulh deuh anih hi mawle aw. Khi lehkha ang khi a hma a ziahlawk ngei a ni ang tih ka ring. An inkawm hnuin a lam tir a nimai a, an meeting na ah a keng lo tih na a ni. Hetiang zawng hian ti teh ang. A nawr nasa ber Hnahthial hian MNF lo vote tling lo sela Khawzawl leh Saitual hian lo vote tling sela, Saitual leh Khawzawl chauh lawmthu sawina atan pe tase Hnahthial ho hi in lung a awi angem. Pu Hawla’n a tiam tawh a mahse kum nga chhung in engmah a ti duhlo a, Mizoram mipuiin an phutawk an hmu kan ti vek che u a….. enge inla tih dawn lo thlir ang
Report this comment