United States a Washington Metro Area-ah hian vur tlain sur ve ṭhin mahse a tlangpui thuin vur surna ṭhin hmundang ai chuan a ziaawm fo ṭhin. Kum 2009 thlasik chho velah khan hrat theih chin a Washington Metro Area a snow storm nasa ber chu a awm a, 2010 February a mi phei kha chu”Snowmageddon” tih hming a chawi ta nghe nghe a nih kha.
Snowmageddon
Tichuan kum thum emaw lai thlasik mumal pawh nei lova Washington Metro Area a awm hnu, December 8, 2013 chawhnu aṭangin vur chu namen lovin a sur ve leh ṭan ta. He vur rawn haw hian hmun a awh zau em em mai a, United States a hmun tamzawk chu a hrut kim deuh vek awm e. Kan awmna khua Frederick (City of Frederick), Maryland state-ah chuan Chawlhni, December 8, 2013 chuan inchi 8 a sur e an ti a, kan kawmcharah erawh feet khat emaw tal chu a teh theih a, hmelhriat dangte pawhin chutiang zat bawr vel chu an sawi tho mai.
Kan kawmchar a pot lian ve tak a vur awm:
Kan ṭhenawm nula pawhin a walk a ṭhulh phah love:
Keini ang michhe eizawng tan chuan a feh chhuah loh theih si lova, tichuan motor kal vel (traffic) a chhiat ring sa ranin minute 45 vel a ka thlen ṭhin chu darkar 2 hun inpein tlai dar 3 a hna ṭan tur chuan dar 1-ah ka chhuah phah ta a ni.
Rin lawk ang ngeiin kan khaw dai ka thlen aṭang chuan kawng sirah motor a awm chho ta thliah thluah reng a. Ka ngaihtuah chhuah hnu chuan motor 20 ka chhiar thei a, a hnu chu a chhiar zawm ta lo. Motor accident leh kawngpui sir daih a tleng chhuak a tang zingah chuan tunlai khawvel motor ṭha a lar, Range Rover te, Mercedes Benz te, Altima SUV te leh Honda Pilot te pawh an tel nawk mai. Tun hma a Chawngte kawngchhiat lai (1985) a motor khalh ṭhin ka nih chu ka rilruah chuan a awm ran mai a, kawngah chuan ka tang ve ang tih minti hlau zual ngei mai. Dar 1:25 vel aṭang chuan an sawi lawk ang ngeiin sleet (khaw vawh vang a ruah khal) a rawn sur zui ta chiam mai a, kawng a ti nal zual kher mai. Hna thleng thei lovin kawngah chuan tang ve ta ila, keimah leh keimah ka insit ngawtin ka ring. Pathian zarah ka motor khalh mek, hlui ve bim bem tak mai, 2000 Honda Accord LX chuan tluang takin ka hnathawhna chu min thlen ta a ni. Tumkum thlasik hi a na viau mai ang tih a hlauhawm khawp mai!
Nissan car leh Honda Pilot:
Mazda:
Salt/plow truck hian kawng thian char char mahse, an hnehlo a ni ber ṭhin e:
Park kopang khawp mai:
Vur a tlak tamlai hian motor khalhtu tan ninawm viau mahse, chutih hunlai ai mah chuan a hnu a a khal hian a hlauhawm zual ṭhin. Vur tui an khal leh khan tui tling ang maiin a lang si a, tleng zawk a awlsam em em mai a ni. Hetiang hi black ice tih a ni nghe nghe. Kawngpui phah dum a langtlang thei vek si a, chumi aṭang a an phuah a ni mahna! A dang pakhat, freezing rain an tih chu a sur leh bawk a. Hemi hi chu ruah pangai sur a ni a mahse boruak leh a farna/tlakna tur kha minus degree aia a vawh a vangin a tlakna naah khan a khal nghal ṭhin a, motor tan hlauhawm tak a ni bawk.
An na lo hlauh:
Motor tan vur tlak a nghahhlelhawm loh viau ṭhin laiin, naupang tan infiam nan a nuam em em mai a, a mawi bawk nen, a thianghlimna ngawt pawh thlir tham a ni ṭhin. Puitling tan pawh hun insiam thei tan chuan ski resort lamah kalna hun a ni a, vur a han tleng vel hi a nuam em em mai bawk. Kei zawng hun ka insiam theih lohna hi kum tam a vei ta, chhungkaw tan a chawlh neih khawl a ngaih ṭhin vang a nih bakah, chawlh ka neih tam ve ngai loh vang a ni ber.
A phur mah mah:
Jacob leh Janis, snowman siam tum:
Janis snow angel siam:
Nuam an va ti em!:
Nimin, December 10, 2013 khan a rawn sur leh chiam mai a, naupang sikul pawh an chawlh phah a ni.
La thiam lemlo mah ila a mawi sa na na chu a lang mawi ve zel mai:
Khua a tha leh tan ta:
Bonus:
December 11th, 2013 at 9:12 pm
Ehe, khitiang khi ani maw “global warming” an tih chu?
Report this comment
December 12th, 2013 at 12:01 am
Post ka thehluh hnu mai khan kan khaw thenawmah ka va leng e ka tia:
https://i.imgur.com/3BjJLsp.jpg
Report this comment
December 12th, 2013 at 12:02 am
A vawt fu lo maw?
Report this comment
December 12th, 2013 at 12:04 am
Vawt lem love. Tunah phei chuan 3.C vel lai a ni tawh a, fleece jacket nen pawn a chhuah ngam tawh e
Thlanmual:
https://i.imgur.com/Fii9FhZ.jpg
kan khaw dai:
https://i.imgur.com/ITVZxrZ.jpg
Report this comment
December 12th, 2013 at 12:13 am
SNOWMAGEDDON khi hawrawp dik lovin min lo thlak (edit) sak daih a nih khi mawle!
Enge “Stromageddon”? 
hairehai
Report this comment
December 12th, 2013 at 12:16 am
siam tha e.. pu Eich Vee
Report this comment
December 12th, 2013 at 12:56 am
no_nick #6 Ka lawm e aw
hairehai
Report this comment
December 12th, 2013 at 3:00 am
Pu H, Frederick hi chu vur in ngah bik ziah in ka hria.
Report this comment
December 12th, 2013 at 3:14 am
Nancy #8 emni dawn le, nih pawh a ni mahna. Washington DC vel ai chuan a khawthlang (north) deuh bawk a!
Report this comment
December 12th, 2013 at 4:58 am
“Kumin thlasik” han ti la, a Mizo tawng a ni deuh zaih tur a nia.
A nawm hmel viau nain a vawt hle ka ring, underpants kan thawl duh ngawt ang.
Report this comment
December 12th, 2013 at 5:07 am
Chepa, i post ve hunah i hmang mai dawn nia. Ka tawngkam hman duh a ni e. Hairehai
Report this comment
December 12th, 2013 at 5:13 am
USA-ah i awm rei deuh ta a Mizo tawng kalhmang pawh i theihnghilh deuh a ni dawn hi.
Kum sawi nan hian “Tunkum” tih hi Mizo tawng kalhmangah chuan an hmang lutuk lo, tunlai thangthar Mizo tawng dazat taka hmangho ti tawk lek a ni. 
Report this comment
December 12th, 2013 at 5:37 am
“Tunkum” tih aiah “kumin”
“Tunzan” tih aiah “Zanin”
“Tunzing’ tih aiah “Tukinzing” tiha hman hi a fuh zawk.
Report this comment
December 12th, 2013 at 10:00 am
a va mawi hlawm ve .. i la thiam ltk ringawt. A then hi ka wall paper atan ka lo saved ve ringawt ania..
Report this comment
December 12th, 2013 at 11:29 am
Vawt miah miah ang chu aw! Pic nalh hlom kher mai
Report this comment
December 12th, 2013 at 5:37 pm
Nalh hlawm ngei mai a, vur tla hi chu a romantic riau ka ti
Report this comment
December 12th, 2013 at 5:43 pm
Natala #14 i ti lawmawm e. I duh duh kha la rawh
Phivawk #15 inthuam lum chuan a vawt em em lo hairehai
century child #16 ni e vur hi a thianghlim si a, an reh ruih mai phei hi chuan a romantic khawp mai.
Hetiang ang te hi….https://i.imgur.com/3BjJLsp.jpg
chepa, ka thiam e, ka tawngkam hman duh ka hmang mai a ni, lo phun lugawi mai teh.
Tukinzing te kha lo hmang mai mai rawh, tawngkamah chuan “tukin” kan hmang ania. 
Wise men speak because they have something to say; Fools because they have to say something. —Plato
Report this comment
December 12th, 2013 at 7:00 pm
Vur a’n tla tak tak mai hi chu hmuh ngailoh thil a ni bawka, nuam ka tihna ai mahin nun a ti hlim ka ti mah zawk.
Report this comment
December 13th, 2013 at 9:41 am
chhana #18 a mawi ka ti
Report this comment
December 16th, 2013 at 8:07 am
Vawh hmel rem rem ve. Siiii haaa
Report this comment
December 17th, 2013 at 1:49 pm
A va vawt ve…. a thianghlim hlawm bawk si….
Report this comment
December 18th, 2013 at 11:40 am
Report this comment
December 18th, 2013 at 8:30 pm
Puii #21 a lum lutuk lo khawp mai pawn a awm rei chuan
hairehai
Report this comment
December 18th, 2013 at 8:32 pm
Dr John, Nuam a ti lutuk hi a dam loh phah ang tih ka hlau deuh thin. Naupang dang chu an hriselna te a tha a a ni ve hi chu a bawrsawm riau a…
https://i.imgur.com/3BjJLsp.jpg
Report this comment
December 19th, 2013 at 7:46 am
In khaw thenawm thla i lak khi nalh ka va han ti em em ve le, wallpaper-ah ka’n hmang keuh teh ang
Report this comment