Beidawng aurawl!

January 25th, 2014 8:13 pm by RZA

Felna an phum bo a,
Dikna puan ang an hnawl maw?
Eiru an chawisang a,
Bumtu’n parthi a awrh maw?

Khawnge i ropuina?
Chhuan tur eng nge i neih le?
I hming an hre lo a,
Chhuan tur reng i nei lo e.

I silhfen mawi tak kha,
Kawng diakah a berh zo a;
I lirthei mawi tak kha,
Kawng chhiain a lem zo ta.

I nun a changkanga,
I pum erawh a ruak si;
Ram hmasawn i hmu a,
Mah se i hlat tual tual si.

Harh ta che, ka zoram,
Mirethei retheih zualna;
Midik diklohna ram,
Leilung fate rahbehna.

Chhunah an rawk che a,
Meng reng an bum nawn che a;
Chuti chuan ngawi rengin,
Rawktu chu an kal bo thin.

7 Responses to “Beidawng aurawl!”

1
Sony Says:
January 26th, 2014 at 3:21 am
I va beidawng tak ve, RZa chu.
Kei pawh tum hma chuan ka vei ve fu. Mahse tun hma ang em chuan eiruk hmangte kan ngaihsan rawn ta chiah lo.
2
Sihtea Says:
January 26th, 2014 at 12:15 pm
A va han tha tak em..”
3
H.Vangchhia Says:
January 26th, 2014 at 11:49 pm
Tha hle
4
Dr John Says:
January 27th, 2014 at 8:29 am
A Tha hle mai…
5
chhana Says:
January 28th, 2014 at 6:54 pm
A Tha hle mai…
6
Awmtea Leo Khiangte Says:
January 30th, 2014 at 10:19 am
A tha e.
7
Chawngthu Pa Says:
February 1st, 2014 at 2:35 am
A tha hle mai.