Ran vulha hma kansawn zel theihna’n ran chaw tha te, enkawl dan tha te leh ran chi tha te kan mamawh a. Heng zingah hian eng nge pawimawh ber ang ti ila, thlan tur bik a awm awm lo e. An vaiin an pawimawh em em vek a ni.Tlem lai deuh khan pa pakhat nenkanti ti dun a. ‘Ka vawkte hi chaw tha(concentrate feeds)hlir ka pe a, a enkawl dan leh a in sak dan thlengin ka phak tawkin mithiam ka rawn thin. Mahse, a mak khawp mai, a then chu an thang thei der lova, tin, an hur thei loin no an chhiat fo a,a hlawk lo hle a ni’ tiin a beidawn thu a sawi chhuak a. Ngaihtuah a tithuiin rilruin ar bo a zawng ruai mai. Chu chu eng nge a chhan ni thei ang tih leh a kaihhnawih thilte sawikantum dawn a ni.
Sial rangin sial rang a hring…
Kanpi leh pute kha’n ‘Sial rangin sial rang a hring, sakawlin sakawl a hring tihte,sunhlu kungah thei dang a rah ngai lo’ tih thufing an lo nei diam tawh a. Hei hi thudik; inthlahchhawnna lama a bul thut pawimawh ber a ni. Eng vangin nge pa fa hi an hmel ainan bik a(heredity), eng vangin nge unau zawng zawng hi an hmel a inan chiah loh(variation) tih zirna hi ‘Genetics’ an vuah a. Hei hi ran vulh kawngah pawh a bul thut pawimawh ber a ni ti ila kan sawi sual awm lo e. Ran chi tha chuan ran chi tha vek a hring a, chutiang bawkin a chhia chuan a chhia a hring bawk thin.Eng anga chaw tha; khawizu leh hnute tui hlir pawh pe ila ran chi a that loh chuankanhlawkpui chuang lo ang tih hi chanchintha Marka ziak tluka thu chiang a ni.
Ran chi tha kan nei em?
Aw nei e. America leh Switzerland bawng leh vawk kan ramah hmuh tur a awm a. India ram hmarchhak kilkhawrah hian Holland bawngpui a bu ruah ruah a,America vawkpui a nguk rut rut tih kan hre theuh awm e. Tin, NLUP hnuaiah Hariana bawng tha chite pawh kan lak luh kha. Ar lah nise thingtlang kil khawr ber thlengin Broiler ar lian chikanvulh ta sup a. Heng foreign ran lian chi lehIndiarante inthlahpawlhtir a, a no lo piang chu ‘Crossbred’ an vuah. Tin,kanrante leh foreign ran emawindiaran emawte hi chuan (generation) 7vel thleng an inthlahpawlhtir a, chu chu ‘Grading up’ an ti. He’ng ran thlahpawlhte hi an thar chuah a hlawk bik hle a. Kum2010-11 chhunga Directorate of AH & Vety survey in a tar lan danin heng crossbred bawngte hian nikhatah bawnghnute 7.461kg an thar chhuah laiin kan zo bawngte erawh chuan 1.556kg chauh thar an thar chhuak thung a ni. Mizoram Statistical Handbook, 2010-in a tarlan danin Mizorama bawng zawng zawng za-a 30 vel chauh hi crossbred an ni a,chutihlaiin, bawnghnutekanthar chhuah za-a 65 vel hi crossbred atanga thar chhuah a ni thung. Heta tang hian ran chi thakanhlawkpuizia a hriat theih awm e.
A thar chhuak tam ringawt a tawk lo
Siamtu thilsiamdan hi a mak khawp mai. A ram leilung, sik leh sa leh a mi chengte khawsak phung mil zelin ran vulh tur min pe ti ilakansawi sual lovang. Australai bawng lian khaAustraliarama an hlawkpui ang tak takinkanhlawkpui theih hauh lo. A chhan chukanram leilung pianhmang (Topography) leh sik leh sa a danglam em vang a ni.Vawk var pek puak hikanzo vawk dum rin ren ai chuan vun natna an kai hma bik tlat. Chutiang zelin Foreign rante hian natna an vei hma bikin an zuau bik hle tih hi mithiamte sawi dan a ni. Chu mai ala ni lo,chaw tha an mamawh sang bik hle a,kanram ang agriculture lama pachhe tak tan chuan chawm an hautak hlea ni. Ran chawkanneihte hi state pawn atangakanlak luh deuh vek a la ni sia, kawng a la thui hle a ni. Chuvangin, ran chi tha a pawimawh rualinkanram sik leh sa nen a inmil em tih lehkanchawm zo ang em tih hi ngaihtuah ngai tak a ni.
Foreign ran (exotic breeds) leh kan rante (indigenous breeds) inthlahpawlh
Foreign rante lehkanran te inthlahpawlhin crossbreds a piang tihkansawi tawh a. Heng crossbred-te thar chhuah a hlawk bikziakansawi tawh bawk. Heng crossbred –ahte hian engzat per cent nge foreign ran chi/thisen(inheritance)kankaitir ang tih hi a pawimawh hle a ni. Bawng bikah lo sawi ila; India ram hmun dangah chuan 50% exotic leh 50% indigenous a tawk vel tura ngaih a ni a, keini ang tlang ramah erawh chuan 62.5% exotic a tawk tura ngaih a ni thung. Chu chu engtin ngekanneih tih sawi lo tum ta i la. Exotic breed (a pa) leh indigeneous breeds (a nu)kaninthlahpawlhtir chuan a piang hmasa ber chu 50% exotic leh 50% indigenous a lo ni ang. Chu chu a pa, indeginous kan thlahtir leh chuan 75% indigenous leh 25% exotic a lo ni ang a, chu chu a pa, exotic hlang nena kan inthlahtir leh chuan, a note lo piang chuan 62.5% exotic leh 37.5% indigenuos a lo ni ve thung ang. Hei hi tlang rama tha ber tura ngaih a ni.(G.C. Benerjee)
Chhulkhat kual inthlahpawlh a pawi thei
Tun dinhmunah chuankanrante hi a rem chan dan ang anginkaninthlahpawlhtir nawk nawk a. Nu fa, Pa fa leh unautekaninthlahpawlhtir nawk mai a ni. Chu chuan ranah that lohna nasa tak (Inbreedeing depression) a thlen thei a ni.Ran inlaichin hnai tak chhuan engemaw zat kan inthlahpawlhtir chuan an zefang (gene)-a a tha lo zawk, a tira rawn lang chhuak mai lo (unfavorable recessive gene) te kha rawn lanchhuah hun a awm a. Chu chuan ranah no chhiatna te, a piang hlim thihnate, thang thei lote leh hur thei lo emaw no pai thei lo emawte a thleng thin. Inbreeding depression hi a tirakansawi tak pa pakhat vawk thang thei lo leh hur thei lo; no chhiat thin chhan ni thei awm a nih a rinawm veng vawng viau. Hei hikanenchian loh chuankanrama ran vulh lamakanthanmawhbawk lian tak a la ni thei ang.
A chi thlahtu tur bik farm siam
Ran chi tha chauhin a chi tha vek a hring thin tihkansawi tawh a.Chuchu an chi thlahtu bik atana siamin a chi tha lo erawh an inrawlh ve a thiang lo a; tih ral mai a tha zawk a ni. Chu mi atan chuan scheme mumal taksiama ni a, Nucleus breeding scheme (NBS) an ti. NBS-in a tum chu ran chi tha bik chauh a chi thlahtu atan thlang chhuakin chu chu hmun pakhatah, sawrkar farmah vulh a ni a, chu chu ‘Organised farm’ an ti. Organised farm hi nuleus herd leh multiplier herd-ah an then hrang leh a. Nucleus herd-ah chuan ran tlemte pahnih thum lek a chithlahtu tur thlangin multiplier herd-ah an vulh pung ta a.Chu chu thingtlang hmun thenkhat, thlan bikah sem chhuakin an vulh pung ta a, commercial herd an ti ve thung. Tichuan, awmze nei takin ran chi tha bikte chu nuleus herd atangin multiplier herd-ah ,chumi hnuah commercial herd-ah vulh a lo ni dawn ta a ni.Ran chi tha lo an rawn inrawlh a rem ve dawn lo tihna a nih chu. Hetiang hiankanrama ran chi tha bikkanneihte zawng chhuakin mumal takin kaltir ila hmasawnna nasa zawk a thlen ngei a rinawm.
A ‘zo’ apiang a mawi
Mak tak mai chu ‘Zo’han tih hian thing bik riauva hriatnakannei tlat. ‘I va zo ve’kantih chuan ‘I va tunlai love, i va thing bik ve’ tihna tlukahkanngai thin. Hei hi a pawi hle. Kan rama rante hi kan tan liau liaua Siamtu min pek a ni a. Zo ar awm(steaming) hriselzia leh zo artui chakzia kan hria.Zo vawk thau hmui bikziate chu ha hipin kan sawi thin. Chutihlaichuan,kanrante hikanla hlamchhiah viauin a lang.Africa ramah khuan Bawng danglam bik tak ‘N’dama cattle’ an tih a awm a,chu chuan natna chi khat ‘Trypanosomiasis’ a vei thei hauh lo. Chumi zir tur chuan khawvel hmun hrang hranga scientis-te an fuan khawm a, zirlaibuah an ziak keu kuau mai a ni. Kerela -ah khuan bawng te reuh te ‘Vechur’ an tih a awm a,feet 3 emaw vel leka sang a ni. An State sawrkarin a roh em em a, hman deuh khan Rosalyn Institute, Scotlandin-a heng bawngte hi a ze fang gene zir chiangturina thisen an la niawmin an sawi a,an buai phah erh a sin! Chutikhawpchuan mi ramte chuan an rante an rohin,a thisen far khat pawh phalna la loin an pe chhuak lo.Kan rante hi khawvel hmun dang a mite aia a danglamna bik leh that bikna a nei ngei ang. Chu chukanzawn chhuahakanhmuhchhuah a hun ta e. Zo vawk,zo ar, Zo bawng, Sial leh Lawi thlengin ramdangte nen an danglamna khaihkhina zir chiana; khawvel hmakanphochhuah a hun ta. Lersia se chi thate kha la awm tak ang maw?
Aw le,kansawi tam ta. Ranvulha hmasawn zel tur chuan ran chi tha leh thar chhuak tam kan mamawh a. Chutihrualin, ran chi tha kan neihte kan zawn chhuaha kan zir chian a, a hlawkna kan tel a hun ta.Tin,foreign ran chi tha kan lak luhte pawh mumal taka kan inthlahchhawntir a,kan ram sik leh sa nena inmil tur kan thlan thiam a,chumi ruala enkawl dan pawh kan zir chian zel a ngai a ni.
Similar Posts:
- Mizote leh Sial
- Sa Heh
- Sial vs Lawi
- Lainattu Nei Phalo, Chanhaite Tuam hlawmtu Davida Team te Home ah Kristmas Ruai ka va theh ve a
- Zosial, Siamtu thilthlawn pek!
July 6th, 2014 at 6:22 pm
A ngaihnawm e. Chi thlah tur bik dah hran hi
Zo = tlangram, phai zawl nilo sawina
hairehai
Chi tha: keimah ang hi
Report this comment