Archive for the ‘Admin Info’ Category

10,000th Post (Thu thehkhawm 10,000-na)

Saturday, October 2nd, 2010

10000

Yes, mi(5ual).com is hot and burning!!!

Kumin chu fur ruahtuiin min chawm tha bawk a. Mi(sual).com tan kum tha a inhawng a ni ange. February-ah Facebook Fan Page siam tan a ni a. September thla a lo ral meuh chuan like-tu 2000 kan lo pel der mai a. August thla ah Mi(sual).com in kum 5-na kan lawm leh a. Hei users/members te zarah thu thehkhawm (published posts) 10,000 (Singkhat) lai a lo tling leh ta reng mai.

Heti zat lai mai thu ngaihnawm tak tak, video tha tak tak leh thlalak nalh tak tak a min chawm thintu leh ka reh zau hawk khawp a hrethiam ve lek lo te zinga min then tir thintu zawng zawng te chungah mi(sual)dotcom Admins ten lawmthu kan sawi mawlh mawlh e.

(more…)

Posted in Admin Info, More than words | 97 Comments »

Misual.com, MI leh groupism chungchang…

Wednesday, September 29th, 2010

Pu HV a chuan thil tha tak a rawt a [Misual Damlo Awmin!]

Misual ho hi member damlo zual deuh te awm ta ang ila, thawhlawm thawh khawmin inkan dan hi i ngaihtuah tlang ang u hmiang.

Chuan discussion ah pawh member zahawmtak te paw’n in lo sawi ho hrep tawh bawk a. Admin lam atangin official takin hemi chungchang rawn sawi ve hi a tul in kan hria a, chuan thil dang pawh kan rawn sawi tel ve nghal mai e.

A hmasa berin, Pu HV a rawtna chu a ropui hle a, kan member damlo te han tanpui te pawh a chakawm hle a ni. Mahse khami post a member zoho, bmw, CyberThug, Aryan, Daffodils etc te comment kha ngaihtuah chian a ngai khawp mai. misual.com a han online ho a, comment khawm te hi a nuam kan ti em em a, thian tha tak tak te pawh kan chhar phah a ni. Mahse sawi tawh angin a website zawnga “groupism” hi chu kan support lo a ni. Mizo te hi kan la tlem ropui sia, lo in lak “exclusive” ringawt hian hma kan la lakna tur a khawihbuai thei tlat a ni. Min lo hrethiam mai dawn nia.

(more…)

Posted in Admin Info | 135 Comments »

Thawnthu Tawi Inziahsiak – Lawmman Pakhatna

Thursday, September 16th, 2010

Kan nghakhlel tlang bawk a, sawi kual vel lo in puang nghal tawp ang aw.

Tichuan Pakhatna chu:

(more…)

Posted in Admin Info | 122 Comments »

A va hnai tawh em!!

Wednesday, September 15th, 2010

Naktuk hi a lo ni reng ta mai. Eng chu maw? E le, Thawnthu Tawi Inziahsiak result puan hun kha. Sikul naupang exam result chhuah dawn tepa thahnemngai thar leh thut ang deuh khan lo tang em em ringawt mai ula a fuh ber ang ka ring.

Rawn thehlut zawng zawng te kha naktuk chuan inring rengin lo awm ula, in phone te kha lo busy lo thei se, in email te kha lo check zeuh zeuh reng ula. In thlalak te pawh tarlan in duh chuan in lan thatna ber kha thawn theih mai in lo dah reng bawk ula. Hming diktak leh thlalak hi in remtihna chauhin ani kan tarlan dawn, intihlar vak in duh loh leh in nick chauh kan tarlang ang.

All the best to everyone!!

Update @ 8 PM, 15.09.10
badboy, kawlhawk, shailendra, leh midang zawng zawng taima taka lo nghak tang tang tu te – Kan va inthlahrung em hun tiamah result kan puang thei lo hi! Nghakhlel takin in lo thlir tih kan hria, a lawmawm lutuk tlat. Technical problem kan nei hlauh mai a, vawiin hi chuan kan tichhuak hman dawn lo tlat mai. Naktukah erawh ngei ngei in a lo chhuak tawh ang. Min hriatthiamna kan ngen e.

Posted in Admin Info | 193 Comments »

2000!!!

Thursday, September 9th, 2010

Tunah khan 2000 likes/fans Facebook ah kan tling ve chiah e. In vai a chungah lawmthu kan rawn sawi leh e. Facebook fan page kan tanna pawh hi a la rei lova, heti zatin min rawn fan/like te hi chu a lawmawm khawp mai. Thank you, Thank you.

Nichin atang khan ngawi rengin tunge 2000na tur kan lo chang reng tawh a, heihi 1998 a nih lai a print screen kan lak a ni e.

[Click on image to enlarge]

(more…)

Posted in Admin Info | 59 Comments »

Thawnthu Tawi Inziahsiak – extended

Monday, September 6th, 2010

A hmasa berin rawn thehlut tawh zawng zawng te chungah lawmthu kan sawi hmasa phawt e. A la ziak mek te chungah pawh kan lawm e.

Member thenkhat te min ngenna angin tun kar chhung hian Thawnthu Tawi thehluh theih hun kha kan pawtsei leh e.  Tun Chawlhni, Sept 12 hi thehluh theih hun hnuhnung ber a ni tawh ang. Result kha Sept 15 ah a nih kha aw!!

In pen leh pencil te lo tathriam leh sauh sauh rawh u le!!

Hriattur pawimawh te heti lamah:
https://misual.life/2010/08/05/thawnthu-tawi-inziahsiak-short-story-writing-contest/

Posted in Admin Info | 35 Comments »

Combined Post

Saturday, August 28th, 2010

Note: Member ten post tha tak tak in rawn thehlut thin a, a lawmawm. Tunlai phei chu a liamin a liam zut zut a nih ber hi. Chutih laiin post thenkhat, a hlanga han chhuah dawna tawi lutuk leh holam lek lek te a rawn tel leh zauh thin a. Chhuah mai tur nge an rawn ziah belh leh dawn tiin kan lo ngaichang a, a chang phei chuan publish lohvin rei tak tak a awm phah thin. Publish lo reng ila ‘Khawnge ka post; a va rawn chhuak har ve?’ tih zawhna kan dawng a, chhuah ta ila a va tawi/ho ve in tih kan hlau ve bawk si a, chhuah lo ngawt dawn ila a rawn thehluttute in zahawm bawk si a. Hei tunah pawh post thenkhat chu a thehluttute rawn lem lovin kan rawn hmer khawm ta tawp mai a nih hi. Min lo hrethiam mai a niang chu. A thente phei hi chu admins te contact na a ang mah mah zawk a, mahse post a in rawn thehluh miau avangin kan rawn chhuah tel ta tho a. Admins te in contact duh a nih chuan contact form a hranin a awm kha..
(more…)

Posted in Admin Info, More than words | 107 Comments »

Thawnthu Tawi Inziahsiak – kar hnih a la awm e

Saturday, August 21st, 2010

Kan hriat theuh angin mi(sual).com kum 5 tlin lawm nan a Thawnthu Tawi Inziahsiak chu tunah hian a kal mek a, thawnthu thehluh theih hun chhung kha September 5 thleng a nih kha, result chu September 15 ah puan a ni ang.

Tunah hian kar hnih chiah chiah a la awm a, ziak mek tamtak in awm tih kan hria a, a la ziak tan ve lo te tan pawh ziahnan hun a la tlai lo ve.
Rawn thehlut tawh zawng zawng te chungah lawmthu kan sawi e.

Hriattur pawimawh te hetah hian a en theih e:

https://misual.life/2010/08/05/thawnthu-tawi-inziahsiak-short-story-writing-contest/

Posted in Admin Info | 105 Comments »

misual.com doodles design

Thursday, August 5th, 2010

Google hmang thang te chuan Google Doodles hi enge a nih kan hre vek awm e. Ni pawimawh bik leh hun pawimawh hriatreng tlak ah te Google chuan an logo hi style chi hrang hrangin an design thin a, entirnan FIFA World Cup tan ni te khan an logo chu football pet lai ang deuhin an siam a, scientist ropui deuh birthday ah te a thil hmuhchhuah te an logo ah chuan an tarlang a, chutiang zelin.
(more…)

Posted in Admin Info, Event | 29 Comments »

mi(sual).com Thawnthu Tawi Inziahsiak

Thursday, August 5th, 2010

Hun leh kum te a lo ral zel a, Pathian kaihhruaina in misual.com pawh vawiin ah hian kum 5 a lo tling ve ta der mai. Member rinawm tak te leh tlawhtu hlu tak te avang liau liau a he hun hi lo chuangkai thei kan ni a, in chungah kan lawm em em a ni. Post ngaihnawm leh ril tak tak te, mit titlai deuh deuh te, mi tihlim tak tak te, beng ti var tak tak te in rawn thawh a, a thawh ve lo te pawh in in ngaihdan te in rawn sawi a, comment tha tak tak te in rawn pe a, in tel lo chuan misual.com hi a awm theilo a ni tih han sawi nawn leh kan duh a ni.

Tichuan kum 5 kan tlin lawmnan a vawikhatna atan Thawnthu Tawi Inziahsiak – Short Story Writing Contest kan nei dawn a. In vaiin in thawnthu ziah te rawn thehlut theuh turin kan ngen che u a ni. A tam thei ang ber tel i tum ang u.

I thawnthu i rawn thehluh hmaa hriattur pawimawh te lo sawi ila:

  1. Lawmman Pakhatna – Rs 4000. Pahnihna – Rs 2000
  2. Thehluh theih hun chhung: Aug 5, 2010 – September 5, 2010. Result chu September 15 ah puan a ni ang.
  3. misualdotcom@gmail.com ah hian in thuziak te chu in rawn thehlut dawn nia. Subject ah Thawnthu Tawi Inziahsiak emaw Short Story Writing Contest tih ziah tel ngei tur a ni a.
  4. Thawnthu chu mahni ngei in a ziah tur a ni a, hmundang – website dang, mimal blog, chanchinbu, college magazine etc ah te la chhuah ngai loh a ni tur a ni. misual.com ah pawh la chhuah loh tur a ni. Original thei ang berin aw.
  5. Thawnthu tawi a nih angin word 3000 – 5000 vel inkar a thui ni thei se.
  6. Contest a tel tur hian misual.com registered user nih ngei a ngai. In in register na email atang ngei khan in rawn thehlut dawn nia, in misual.com username rawn sawi tel ngei bawk ula. In contact a awlsam nan hming dik tak leh phone number pawh rawn dah tel ula a lawmawm viau ang.
  7. Thawnthu rawn lut zawng zawng te hi nakin hnu ah misual.com ah hun remchang apiangah chhuah theih an ni ang.
  8. Thawnthu copyright hi, misual.com a article in rawn submit ang tho in a copyright leh ownership chu a ziaktute ta aniang. Hmundanga in lo chhuah chhawng duh pawn a author te hi permission in dil a ngai ang.
  9. Thawnthu hi MIZO tawng chiahin  ziah tur ania saptawng thumal tlemte chu a telh zeuh zeuh theih ang.
  10. Judge te thutlukna hi sawisel theih a ni lovang.

Ziak ang u le!!

Posted in Admin Info, Event | 112 Comments »

« Older Entries
Newer Entries »