Archive for the ‘Copy Paste’ Category

Breaking News: Lungdai Nu Vai bawngchaw zawngin pawngsualin a sat hlum

Monday, October 22nd, 2012

Courtesy : Dingdi
OCT.22, 2012:Lungdai Nu, Pi Lalawmpuii w/o Lalthlengliana chu tukin zing dar 9-10 inkar khan Vai Bawngchaw zawngin pawngsualin a sat hlum.

Lungdai Branch YMA hruaitu Pu R.Lalrinawma chuan tukin zing chaw eikhama Chawhmeh la tura Lungdai thlang (Kolasib lam) Sazai kawn pengah Pi Lalawmpuii kum 40 la tling lo deuh hliam na tak tuara hmuh a ni a, a kekawrte lastic chawpa pawhthler a ni a, a tukkhum leh a ban bung \helha sah a ni a, Aizawl lam panpui a nih lai Sakawrhmuituai tlang vel an thlenin a chat thla ta niin Dingdi a hrilh.

Pawngsuala rawng taka sattu hi Samir Ali Bawngpu, Vairengte bul Delaipur khua ni a rin a ni a, he chanchin ziahlai hian thalai 400 chuang rualin an zawng mek niin Lungdai Branch YMA Fin.Secy Pu R.Lalrinawma chuan Dingdi a hrilh.

Nu khawngaih thlak tak Pi Lalawmpuii kum 40 la tling lo deuh hian Pu Lalthlengliana nen fa 4 hmeichhe 3 leh mipa 1 an nei niin thudawnna chuan a sawi.

Khawtlang an tin ur, rapthlak an ti a, a titu Samir Ali hi man chhuah ngei an duh a, reilote chhungin Lungdai thalai leh mi tlawmngai 200 atanga 400 velin Silchar motor kawng tlangdung zawngin an chhuak nghal a, tun tlai dar 1 thleng hi chuan man ala ni lo niin Pu Lalrinawma chuan a sawi.

Posted in Copy Paste, Event, News | 34 Comments »

Thuamchaka-II

Thursday, October 18th, 2012

Thuamchaka hi Ft.5 leh inches 7-a sang a ni a, pa pangai tak anga lang ni mahse, a bula awm chuan a mi dip na tak a ni a, thau si lo chawm deuh but a ni. A awm len lam hi inches 42 a ni a, inches 48 thlengin a tilian thei a, inches 33 thlengin a tite thei bawk. Inches 15 inkarah hian a duh duha tihtet leh a tihlen theih avang hian, amah intehpui apiangte chu a tiatpui teh theih deuh vek a tih theih. Michak piang danglam bik angin an ngai thin a, Nakruh hi pakhat chauh a nei niin an sawi thin. Falam Doctor ten an han en chiang a, nakruh pakhat chauh chu a lo nei bik hauh lo. A nakruh leh a vun inkarah hian duar kan tih ang hi mipangai aia tam fe a nei a, a chhah bik hle bawk. Chu chu kuta han dap hian a sakin a tlep purh ringawt mai a, a nakruh a inzawm vek bik emaw an ti thin a ni.

Chu bakah, an han X-ray chuan a awm ruh inzawmna lai(breast bone), thinhnun chung taka ruh no chawr thla hi a taksa phu tawkah mi dangte ai chuan a lo lian zawk daih bawk a, a changin a khawng hle bawk a, chu chuan a thil tihna kawngah a lo tanpui thei hle a lo ni a. Eng vanga danglam bik nge tih erawh hriat a ni chiah lo.

Tunah chuan, Thuamchaka tih hming a putna chhan lo thlur bing dawn ta I la.

(more…)

Posted in Copy Paste, Event, Lifestyle | 29 Comments »

Thuamchaka

Wednesday, October 17th, 2012

Zofate zinga mi chak chhuanvawr leh hming pu zo tak, Thuamchaka hming pum chu Thuamzalal Sitkil a ni a. Zo hnahthlak zinga Thahdo hnam peng khat ‘Singsit’ thlah a ni. Mizorama Phuaibuang khuaa piang ni a hriat a ni a, A pian kum hi 1909 ni a hriat ani bawk. A naupan lai 1914 ah Manipur-ah an pem ta a ni.

Tum khat chu, naupang kum kaw mi vel a nih laiin, a Lawi chal ngainat em em mai hi Meiteiho hian an ruk bosak daih mai a, a rutute chu an in chhungah luh a thiang si lo va, beidawng takin a haw leh ta ngawt mai a ni. A thinur hle mai a, heta tang hian, “Ka tlangval hun chuan heti ang thil hi a awm leh ngai a nih chuan, Meitei in chhung chu kawngkhar inkalh khum tlat mahse ka lut lui tho ang,” tiin a ngaihtuah a. Hemi atang hian chak leh thiltithei nih a chak lehzual ta a, a rilru a siam sauh sauh a, a dam chhunga a nun bul intanna pawimawh tak a lo ni ta a ni.

A unauten lehkha an zir laiin, ani chu ran enkawlin Lawite a enkawl thin a, Lawi chung chuan a thiam hle a, “Lawi chunga chuan theih lohna a nei lo,” an ti hial thin. Thu chung leh ding chung te hian lawi ngum takah hian a chuang a, chak tak tak hian a tlantir thin a, a tla ve zen zen lo. Tla palh pawh ni se, inthazo leh zuanzang tak a ni a, a tho leh vat mai zel a ni. Ran zawnga ramhnuaia a vahnaah te hian, patling tan pawha ulhtliah zawh loh tur thingtuai te hi, a ulh tliak rem rum mai thin a. A sulhnu hmutute chuan, “Hei chu Thuamchaka nunchan zirna a nih hi,” an ti mai thin. (more…)

Posted in Copy Paste, Mizo Society & Culture | 19 Comments »

Lehkhathawn kum 2070 a ziah

Sunday, October 14th, 2012

- APJ Abdul Kalam
11th President of India

Kumin hi kum 2070 a ni a. Kei pawh kum 50 ka tlin kum chiah a ni; mahse ka lan danah chuan kum 85 hmel ang ka pu si. Tui in tam tawk loh avangin kal natna khirhkhan tak tuarin ka awm mek a. Dam nan hun tam ka neih ka ring tawh lo. Tunah hian kan khawtlangah chuan a upa ber zing a mi ka ni tawh a ni.

Naupang kum 5 mi lek ka nih lai kha ka hrereng thin. Tunlai hun nen chuan engkim mai hi a lo danglam zo ta. Chung hunlai chuan vantlang lenvahna Park-ah te chuan thing a awm khup mai a, in te chuan huan mawi tak a nei thin a, chungah te chuan tui herhhaw phingphisiau karah darkar chanve te hun hlimawm tak ka hmang thin a ni. Tunah lah chuan tui awm loh avangin inbual aiah inhrukpuan leh mineral hriak chu taksa tihfai nankan hmang ta mai mai a. Tunhma chuan hmeichhiate chuan sam sei mawi tak an nei thin a. Tunah chuan lu sukna tur tui a awm tawh loh avangin mi zawng zawngin kan lu ziah kawlh vek a lo tul ta a ni.

Khang hunlai khan ka pa chuan pipe atanga tui khawhchhuah tirin a car a phuhfai thin a, tunah chuan chutiang mai maia tuia car silfai chu ka fapa hian a ring thei thlawt lo a ni. Chung hun laia ka la hriat reng chuTui vawnghim rawh tih thuziak lian tak taka intar te, Radio leh T.V-ah te tui humhalh a tul thu an chhuah thin kha a ni, a tukhawkha khan kan bengkhawn chuang hlawh si lo. Tui hi ral thei lo; kumkhaw daih turah kan ngai tlat mai a ni. Tunah chuan Lui leh Dil te, Tuikhuah leh lei chhung tui zawng zawngte a kangchah loh pawhin tihbawlhhlawhin an awm zo ta si.

(more…)

Posted in Copy Paste, Education, Luangliam | 25 Comments »

Pu H.Vanthuama, B.Sc. Agri. hmasa ber chanchin !

Sunday, October 14th, 2012

By Pu Rochungnunga, Chanmari.

 [Source : MUP Tlangau October 2009, adt.]

 Pu H.Vanthuama hi Pu Darhulha leh Pi Darkungi Khiangte te fa 8 zinga a parukna niin, 7th October, 1919 khan Theiriat khua, Lunglei District-ah a lo piang a. A pa Pu Darhulha hi Mizoram chhim biala Primary Sikul zirtirtu hmasa ber dawttu a ni a. A nu Pi Darkungi Khiangte hi Zawlnei Darphawka fanu naupang ber a ni a. Chhim biala Kristian hmasate zinga mi an ni.

Zirna lamah chuan kum 1933 khan Lower Primary (Lawr) a pass a. Chhungkaw harsatna avangin kum 1936 khan Middle Sikul a zirzawm thei ta chauh a. Kum 1938 khan Middle English (M.E) a paased a. Chumi zawhah Serkawn Mission Bookroom-ah thlakhata Rs. 5/- hlawhin a thawk phawt a. Chumi hnuah Jorhat Kristian High School-ah a remchan ang anga inhlawh chawpin a zirzawm a.

A harsat dan hriatpuiin Missionary Doctor pakhat, Dr.O.W.Hasselblad-an school fee te pawh a lo pek sak thin a. Kum 1944-ah matric a pass a, kum 1944 leh 45 khan St. Anthony’s College, Shillong-ah I.Sc. a zir leh a, mahse India ram politics lo sosangah khan politics-ah a zuan luhsan ta a.

(more…)

Posted in Copy Paste, Information, Mizo Society & Culture | 13 Comments »

Mizo Technical Graduate te (Agri. lam)

Friday, October 12th, 2012

Sl. No        Name                            Batch                                         Working in      

1.     H.Vanthuama  B.Sc. Agri. 1953 Assam Agriculture University, Jorhat     Agri. Dept. GOM.

2.     R.C.Lalkunga  B.Sc. Agri. 1958  Assam Agriculture University, Jorhat     Agri. Dept. GOM.

3.     Thanghuta      B.Sc. Agri. 1960  Assam Agriculture University, Jorhat     Agri. Dept. GOM.

4.     Heili T. Azyu  B.Sc. Agri. 1961   Assam Agriculture University, Jorhat     Agri. Dept. GOM.

5.     Z.Dengngura  B.Sc. Agri. 1962  Assam Agriculture University, Jorhat     Agri. Dept. GOM.

6.    C.Lalngaizuala  B.Sc. Agri. 1964  Assam Agriculture University, Jorhat     Agri. Dept. GOM.

 

7.     R.Thansanga   B.Sc. Agri. 1964  Assam Agriculture University, Jorhat     Agri. Dept. GOM.

8.     Lianngura Sailo  B.Sc. Agri. 1965  Assam Agriculture University, Jorhat     Agri. Dept. GOM.

9.     H.Lalluaia       B.Sc. Agri. 1969  Assam Agriculture University, Jorhat     Agri. Dept. GOM.

10.    Jerome Rokima  B.Sc. Agri. 1975  Agriculture University, Pusa Bihar     Agri. Dept. GOM.

11.     V.P.Vuana        B.Sc. Agri.  1976  Assam Agriculture University, Jorhat     Agri. Dept. GOM.

12.    T.Lalhmingthanga  B.Sc. Agri. 1976 Assam Agriculture University, Jorhat  Agri. Dept.GOM.

13.    Lalthanliana  B.Sc. Agri.Engineering 1978  Orrisa University, Agri. Tech, Bubhaneswar   Agri. Dept. GOM.

 

14.   Saithanthianga  B.Sc. Agri. 1978 Allahabad Agriculture Institute, Allahabad  Agri. Dept.GOM.

15. Samuel Rosanglura B.Sc. Agri. 1979 Khulbhaskar Ashram Agriculture College, Allahabad  Agri. Dept.GOM.

16. V.Lalhmangaiha B.Sc. Agri. 1979 Assam Agriculture University, Jorhat  Agri. Dept.GOM.

17.  C.Lalniliana B.Sc. Agri. 1979  Punjab Agriculture University, Ludhiana  Agri. Dept.GOM.

(more…)

Posted in Copy Paste, Mizoram, Whatever | 47 Comments »

Lo chhiar ve ru

Tuesday, October 9th, 2012

Hei hi hmanniah khan ka chhiar a, ngaihnawm ka tih em avangin misual ho la chhiar lo in awm takin in chhiar ve ah ka it a, post tumin ka copy a, mahse phone atanga lut ka nih avangin ka han paste khan a  inrem dan a fuh thei lo a, siam tha leh hman tawh si loin ka awm ta reng a, tlai khaw hnuah ka la rawn  ti lui ve leh hram a ni.

Prime minister’s speech:
My dear brothers and sisters,I am speaking to you tonight to explain the reasons for some important economic policy decisions the government has recently taken. Some political parties have opposed them. You have a right to know the truth about why we have taken these decisions.

No government likes to impose burdens on the common man. Our Government has been voted to office twice to protect the interests of the aam admi. At the same time, it is the responsibility of the government to defend the national interest, and protect the long term future of our people. This means that we must ensure that the economy grows rapidly, and that this generates enough productive jobs for the youth of our country. Rapid growth is also necessary to raise the revenues we need to finance our programmes in education, health care, housing and rural employment.
(more…)

Posted in Copy Paste, Economics | 13 Comments »

Zokhaw mite tana First Aid hriat turte

Tuesday, October 9th, 2012

(Source: Hriselna Mag. Feb.2012)
Kan thupui, ‘Zokhaw mite tana First Aid hriat turte’ tih hian a huam zau hle mai a, kimchang taka sawi a har viau dawn a ni. A theih chin chinah Zokhaw mite tana ṭangkai tur nia ngaih te tarlan lo tum ila a ṭha ang e.

First Aid awmzia chu rikrum thila hliam tuar emaw taksaa harsatna tawkte ṭan-puina pek tiin a sawi fiah theih awm e. Miin hliam a lo tuarin damdawi ina enkawl a lo ṭul a, mahse thawkleh khatah damdawi in emaw, damdawi lam thiam te emaw panpui mai a remchang lo fo ṭhin a. Chuti ang huna theih ang anga damlo hliam tuar lo sawngbawla lo enkawl hi First Aid chu a ni ber a. Mi pakhat aia tam hnena ṭum khata First Aid pek a ngaih chang a awm ṭhin a, entir nan Motor chetsualna hmunah te. Heti ang nikhuaah hian hliam tuar zinga han en a na ber nia lang kha buaipui hmasak ber tur a ni, Enkawl hmasak ber tur hriat loh avanga khawtlai palh a awm theih avangin a hliam na ber nia lang kha buaipui nghal vat tur a ni.

Hliam tuar kan buaipui dawn hian rilru chiai loh hram hram a ṭha a. Pawng-paw chiai luat avanga hliam tuarte’n an chhiatphah hi pumpelh hram hram ṭhin tur a ni. First Aid kan pek dawn hian a hming ang ngei hian a ṭul zual chauh tih ṭhin tur a ni a, mahni hriat phak baka kalpui hi a fel lo thei hle tih hriatreng tur a ni. First Aid hmanrua dahna bik First Aid Box kan neih chuan uluk taka vawn tur a ni a, a chhunga hmanrua leh damdawi chi hrang hrang te chu a hmanna kan hre chiang tur a ni a, mahni rinthuin hman tur a ni lo. Mizoram hmun tinah damdawi thiam pan hi First Aid zingah chhiar tel theih ni tih hriatreng a pawimawh hle a ni.
(more…)

Posted in Copy Paste, Health, Information | 12 Comments »

Eye in the sky: Helix nebula

Friday, October 5th, 2012

The Guardian

Mizo tawngin ka let buang bar ta lo mai. Misualho chuan in hriat thiam vek tho kha… :-)

helix

This image of the Helix nebula combines ultraviolet images from Nasa’s Galex telescope with infrared views from its Spitzer Space Telescope. Photograph: Nasa/AP

This ethereal eye in the dead of space is the remains of a star that once resembled our sun in the constellation of Aquarius, 650m light years from Earth. The blue regions are intense waves of ultraviolet light that pour out of the dying star and heat up the outer layers of dust and gas, making them glow red, yellow and green in this image.

Known as the Helix nebula, the fading star belongs to a class of celestial objects named “planetary nebulae” in the 18th century, after their likeness to gas giants, such as Jupiter. At the heart of the image, red and blue regions combine to produce a vibrant pink core.

The death of a star is as certain as the end of life, and comes when its hydrogen and helium has burned away, to leave only a hot, dense white dwarf no bigger than Earth. Though tiny by comparison, the white dwarf has almost the same mass as the parent star, a teaspoon full weighing as much as several elephants, according to Nasa. Our sun will suffer the same fate in around 5bn years.

Le le leee le… In sawi zui ve hun :-D

Posted in Copy Paste, News | 9 Comments »

Tlaizawng par !

Friday, October 5th, 2012

 

Lal pian hun champha a lo ni a,
Chawrin a lo par tan leh ta e;
Sik ni eng leh zan daifim chawmin,
Tuk chhuakin mawiten a vul chiai e.
Tleitir sakhmel ianga Tlaizawng par,
Vulmawi ka ti ang che hming leman;
Theih chang se kumtluangin vul reng la,
An sawi chuai lo par  ni mai teh la.

Thlir teh u kan vangkhaw dai a mawi,
A zarah vahkhuai phengpheleng nen;
Sirva nungcha par lawrin chhunrawl,
Chawl kai lo ningzu dawn nilen e.
Uai lo ten vul reng la chim loh par,
Siamtu chawi reng par i lo ni e;
Sikni eng thlang tlai a liam chhung hian,
Riahrun an lum che’m ni Khuavangten.
(more…)

Posted in Copy Paste, Mizo Society & Culture, Music and lyrics | 23 Comments »

« Older Entries
Newer Entries »