Information | mi(sual).com

Archive for the ‘Information’ Category

A dam chhuak!

Thursday, December 5th, 2013

Nigerian tugboat (Lawng chak tak, a aia lawnglian hnuk thei) chu a pil hlauh mai a, a chhung a chuang mi 12 te chu an thi vek niin an ngai a ni. Chu tugboat Jascon-4 an tih chu Nigeria khawmual atang a km 30 vel a hlaah oil tanker a buaipuina lam a pil a ni a, feet 100 vel a thukah a pil a ni. A chuang 12 zingah ruang 10 chu lak chhuah an ni tawh a, pakhat erawh an hmu zo talo a ni.

Chutia ni 2 chhung ruang zawng a tuichhung lutmite an buai mek lai chuan tui nawi leh nu tak (murky) karah chuan kut an hmu a, chu kut chu an han khawih chuan alo la che thei tih an hre ta. Mak an ti kher mai. Ani kut neitu, Harrison Okene, kum 29 mi, chumi tugboat a chawchhum chu air pocket ( lawng chhung a air bubble awm) ringin alo la dam hram hram chu a lo ni a, a vannei ngei mai. A video, divers ho camera hmang a lak hi in lo en ve dawn nia:

He’s alive
Chhiar belh duh tan

Posted in Information, More than words, Movies and Videos | 11 Comments »

Exit Poll a a lan danin Chhatisgarh, Delhi leh Mizoramah rorelna siam thei an awm dawn lo – Times of India

Wednesday, December 4th, 2013

Kumin India ram state thenkhat inthlan a India TV-CVoter in Exit Poll projection a neih danah chuan Chhatisgarh, Delhi leh Mizoram te chuan Hung Assembly (rorelna siam thei party mal awm lo) an neih hmel a. Source in a tarlan zel danah chuan Mizoram bikah hian seat 40 atangin rorel lai Congress in seat 19, MDA (MNF leh MPC tangkawp) chuan seat 14 leh ZNP in seat 5 bakah a dang (tih hian independent turah ka ngai a) 2 niin a predict a.

Exit Poll projection hi dik ta se, Mizoram hian hung assembly nei ta i la, mid-term poll neih ngai ta se kan economy hian a tuar viau ang em? Stable government kan thlang ang em? tih hi misual ten kan ngaihdan i thawhkhawm teh ang u. India TV-CVoter Exit Poll Projections hi dik ni ta se, ZNP hi khawi lamah nge an bei kan rin? tih te thlengin i sawi ho teh ang u.

Backflow Prevention.

Wednesday, December 4th, 2013

Kan naupan lai, tlangval kan hriat hnu thleng pawhin tuikhur tui kan chawi ṭhin kha a ni a, thal nawi kan hlau viau ṭhin bawk. Tunah erawh hahdam thlak takin sawrkar tuikhuah emaw, khawtlang khuah ringin emaw in tam tak chuan mahni in-ah kan herhchhuak heuh heuh tawh mai a nih hi. Nunphung ati danglam nasa ta hle mai.

Mizoram khawpui, Aizawl angah-te chuan PHE tuizem lian aṭangin, point te zawkah chhungluh leh an ni a, chutiang aṭang chuan a vel a in-ah tui dawt thlun luh an ni tawh mai ṭhin awm e. Duhthalin hman tur awm fo lo mahse, tuikang nghak a zan rei tak tak men ngaite, taksa sil ṭhem ṭhum a tui kawh leh chhipchhuan erawh a tlem phah chiang ngei mai. Duhthal a tui tlan tur la nei thei chiahlo mah ila, kan tih theih tur ni ngei a ka hriat, kan la tih si loh nia ka hriat chu ‘backflow preventor‘ hman a ni. Hei hi a pawimawh takzetin ka hria.

Backflow preventor chu khawl thil hote, mahse a hnathawh ṭangkai em em mai a ni lawi si. A thawh ber a chu tui ṭhalo luang kir tur emaw luang lut tur emaw dangtu a ni. Entirnan, tui pipe chu khawiah emaw chhumin emaw pawp ta sela, khami khan ‘backflow’ a siam thei a, chumi chuan bawlhhlawh tam tak a keng kir thei a ni. Chhak lam a pipe chhiat vangin kan tui tlan turah pawh kan hriat lovin bawlhhawlh an lut vak thei a ni. Mizoram angah hian kan la hmang chiahin ka hre lova hman ve ngei a ṭha ngawtin ka ring. Backflow preventor hi air gap hmang pawhin a siam theih a ni. Air gap chu dishwasher tuichhe dawt(pipe) aṭang a thlengsilna (sink) bul a lo pir chho verh ang hi a ni a, mahse Mizoramah chuan kan la hmanglo pawh a ni maithei.

In sak tharah hi chuan dah fo thei tawh ila ka ti ngawt mai!

Backflow preventor ṭhenkhat:

(more…)

Posted in Health, Information, Opinion | 8 Comments »

Grammar kan sawi a nih pawhin…

Monday, December 2nd, 2013

Ziaktu: funny

hairehai

Grammar kan sawi anih pawhin grammar tak tak sawi ila, heti hian, tih vel ringawt nilovin, kan grammar copy na english grammar thlengin chiang takin sawi law law i la, hrechiang lova in ngainep ringawt lovin… Tapchhak zawla in tih hriat ringawt hi a tawk tawhlo tih te hi hrechiang i la. A lo chhuahna english grammar thlengin sawi ho ila mawle. Pu JF-a dan takah, sap pachal angin grammar tehi sawi ho teh ang u.

Kum 2013 ah, “ngaihdan a in anglo” la tih pawh hi tlem chuan kan changkanlohna ti lang tu a ni, (kan pawm duhlo anih pawhin a ni miau sia.). Kan grammar lakna saptawng( lehkhabu hlui ho a an ziah dan), (Ok, Sap tawng ti mai ang a tunlai deuh ve bawka, sentence pakhata bracket pahnih awm hi in hmu tawh ngai em? Grammar takin a dik em? Noun ah hian word 2 a nih pawhin a bul tan nan Capital kan hman thin laiin, “Mizo tawng” tih ah pawh Capital kan hmang chuanglo.), hi kan mi hmasa te khan an lo thiam vak biklo a grammar mumal lo deuh min hnutchhiah tih hi kan pawm duhlo anih pawhin tuilo deuha kan pawm mai loh chuan kan tawn mek a ni tlat sia… Mahni dinhmun pawh hrelova inla changkang leh keini aia changkang vai ho pawh pawng ngaihsanloh ngawt ching tan chuan lem a har anih pawhin kan nihna theihngilh thaka inla chngkang lo hian kan nihna tehi hrechiangin pawm ngam hi a tha.

Chu chu keini mizo, mi changkang bera in ngai, khawvel ngaiha hnam hnuaihnung leh TRIBAL ni si hian kan la theilo anih hi 2013 hnu ah pawh…

Grammar kan sawi a nih ro ro chuan dik takin sawi ho law law i la, “Chuti khati,” Ti mai mai lovin…. (more…)

Posted in HAHAHA, Information, Luangliam, Opinion | 8 Comments »

October 2013, Mizo(ram) Diary

Tuesday, November 5th, 2013

1st. Tuesday: National Voluntary Blood Donation Day a ni a, Mizoram ah chuan Aizawl leh Serchhip leh Chhiahtlangah te hman ve a ni. Mizoramah kohhran ṭhalaite leh tlawmngai pawlte’n thisen pek kan uar tial tial maia; a lawmawm khawp mai.

2nd. Wednesday: Bairabi North branch YMA kumpuan duty-te chuan police pali leh hmeichhe pakhat chuanna motor (alto lx MZ 01 9024) aṭangin sap zu um 129 an man.Motor hi duty ho te chuan Bairabi rail crossing-ah ding turin an ti a, an din duh loh avanga umzui in an man ta a ni. Motor-ah hian PHQ a duty Lalremruata (ASI), L Vohbik-a (ASI), Lalsanglura (ASI), Lalnunfela (Havilder) leh Mawii inti an chuanga a, Mawii hi chu police a ni ve lo. Bairabi N YMA chuan motor-a chuangte hi an ngaidam a, an zu erawh an pe let lo.

3rd. Thursday: Kanan leh Chawnpui inkar a Dr. R. Lalthangliana MLA In bulah Sumo, MZ 05 5812 chu a chesual a, a khalhtu, R. Lalrinpuia, kum 28, Pu R. Lalsangliana fapa, Bualpui ‘V’ tuna Kanan Veng, Aizawla awm chu a hmunah a boral. He Sumo hi Metre 40 vel a lum a, a chetsualna-ah hian R15 bike leh Scooty pakhat a hnawl tel a ni. He Sumo hi mi garage kawta dah a ni a, a siam rem tur chu a chesual ta mai a ni. Vanduaina tawka boral ta, R. Lalrinpuia hi a driver pangngai a ni lo a, Govt. T. Romana College-a 3rd yr BA zirlai a ni a, he Sumo driver hi a u a ni.
(more…)

Posted in Information, Mizoram | 5 Comments »

September 2013, Mizo(ram) Diary

Wednesday, October 16th, 2013

1st. Sunday: Border Security Force (BSF) 42nd. battalion chuan Airfield Venga an battalion headquarters-ah an dincham vawi 48-na an lawm a, DM&R minister Nihar Kanti Chakma-in a hmanpui. BSF-te hi ram tana hnathawktu ropui, a bikin ramri bula an thawhrim avanga India ram hi him a ni. Mizoram pawh Bangladesh leh Myanmar nena inri a nih avangin BSF-te’n ram venhim hna an thawk nasa hle bawk. BSF kum 48-na lawmnaah hian deputy accountant general Hatinlal Suantak bakah, BSF hotute leh CRPF hotute pawh an tel. 42 Bn. BSF hi September 1, 1965-ah Jalandhar, Punjab-a din a ni.

2nd. Monday: Synod Committee Room-ah Central YMA hruaitute leh Mizoram Kohhran Hruaitu Committee (MKHC) hruaitute an inkâwm a, tunlaia YMA-in Phunchawng, Rangvamual, Airfield, Tuirial leh Tuikhurhlu-a ruihhlo an do chungchang an sawiho. Inkawmhona hi CYMA hruaitute rawtna anga neih a ni a; MKHC hruaitute chuan, YMA-in ruihhlo an do chu ṭha an ti a, ṭawingṭainaah pawh an dilsak ṭhin thu an sawi a, ruihhlo do kawngah tha thlah loin YMA chu kal zel se an duh a, fimkhur taka kal turin an chah a ni. Central YMA hruaitute hi president T.Sangkunga’n a ho a, MKHC lam chu an chairman, Rev. Lalramliana Pachuau, Synod Moderator-in a ho a ni.

3rd. Tuesday: Ṭawipui North khuaa pitar pakhat, Lianengi (70) leh a fapa Vanlalbela (46) leh a tupa Chhakchhuakthanga (12)-te chu an inah thi hmuh an ni. Lianengi te inah hian zing dar 7 vel khan mi kal an tum a, tukverh inhawng aṭangin an bih a, ruang an hmu a ni. He thil thleng hi an hriat velah Lunglei Police Station an hriattirin, Lunglei police-te chu endik turin Addl. SP, Stephen Lalrinawma leh OC, Zonghinga te an kal nghal a ni. Vanlalbela hian Hmawngbu khuaah nupui neiin an khawsa a, tun hnai khan a fapa nen a nute hi an tlawh a ni. He thil thleng rapthlak tak hi Lianengi chenpui a fapa, Lalramzauva nupui neih ngiat thiltih a ni a; a u Vanlalbela hian rem a tih theih loh avangin an inkar boruak a chhe hle a; Lalramzaua hian remchang zawngin a riakchhuak a; zanlaiah hetiang thil hi a ti ta mai a ni. A tum dan tak chuan a u chauh hi kutthlak tum a ni a, midangin thawm an lo neih ve si avang leh an sawi chhuak ngei dawna a hriat avangin midang hi a that tel ve ta a ni. (more…)

Posted in Information, Mizoram | 10 Comments »

Inthlan chungchanga Mizoram Presbyterian Kohhran Thuchah 2013

Friday, October 11th, 2013

Mizoram Presbyterian Kohhran Synod chuan inthlan dawnin Inthlan chungchanga Kohhran thuchahleh ngenna a chhuah thin a. Synod thu chhuahte hi Mizoram mipuite’n kan ngaih pawimawh thin avangin lawmthu kan sawi e.Tunah hian kan ram hruaitu tur M.L.A thlan kan lo hmabak leh ta a; inthlan chungchanga Kohhranthuchah kan han chhuah leh a, hei hi lo ngai pawimawh leh theuh turin mi zawng zawng kan ngen a che u.Biak Inah a tam thei ang ber chhiar chhuah ni se. Chhungkaw tinah leh a remchanna hmun apiangah a zauthei ang bera thehdarha inzirtir ngun lehzual turin kan inchah a ni.

1.Thlan tur (candidate) chungchang :

Ram hruaitu tha kan neih theih nan Political Party tinin candidate an siam laiin a hnuaia sawi ang mitehi an candidate atan ruat thei ngei sela a lawmawm ngawt ang.
a)Mi hmingtha, mize nghet leh rilru puitling.b)Mi taima leh rinawm.c)Dik lo leh kut tling lova sum leh thil dang hmuh tum lo mi.d)Ruih theih thil laka fihlim mi.e)Mipat hmeichhiatna kawnga dem kai lo.f)Ram leh hnam dan pawisa mi leh dikna ngaisang mi.g)Khawtlang leh mihringpuite thatna tur duha chumi atana inhmang peih mi.h)Mahni sakhua, Kohhran leh pawla mi rinawm. (more…)

Posted in Copy Paste, Information, Politics, Religion | 10 Comments »

Chin fo a tan a ṭha

Wednesday, October 9th, 2013

Hnamtinte hian an culture leh tradition hi an chawisang thiamin, theih ang ang a tih nun chhoh zel an tum fo ṭhin. Mizote pawhin kan phak ang tawk tawk chuan kan tum chho ve zel niin a lang a, a lawmawm em em. Hawrawpui a MAHSE tih a ngai niin mimal ngaihdan ka nei a, hotuten han inbihchian nan hmang thei sela ka ti viau mai. Entirna atan Native American (Red Indian) te hmangin tlem kan sawi ang e!

Native American, Mizo ten Red Indian kan tih mai te hian inhmuhkhawm an nei ṭhin a, chutiang chu Powwow an ti a ni. Chikhat powwow te, hnam pum huap a powwow (National Powwow) te an nei ṭhin. National powwow-ah chuan Native American huam chhung a mite zawng zawng, United States, Canada, Mexico leh South America a mite an kalkhawm ṭhin a, Mizo ten kutpui kan hmang ang mai hian an lam mup mup mai ṭhin a ni. Ka chhim ve zeuh zeuh tawh a, a nuamin ngaihtuah a ti thui duh phian mai.

Awle, chutiang an inhmuhkhawm (powwow) naah chuan, an hnam thil chin ṭhin, an pi leh pute aṭanga an chhawm thlak zel chi hrang hrang an phochhuak ṭhin a, lam (dance) ah te pawh inelna an nei ve bawk thin a ni. Mahse, an pi leh pute thil chin mawilo (ti mai ang) hnamdang hmuh a mawilo tur chi (keini khawvel kilkhawr pawh a kan hriat ve ang ie; mihring lu vun hih) engmah an pholangin a chanchin an tarchhuah ngai ka hre lova, ka hmu ngai hek lo. A hresate chuan an hria a ni mai ang a, chhui peihin an chhui thiang ang a, mahse an maniin an pi leh pute tih ṭhin, tunlai khawvel a mawilo leh zahthlak tur chi an tarchhuak ngailo a niin ka hria, ka hmu ve ngai hauh lo. (more…)

Posted in Information, Lifestyle, Mizo Society & Culture, Mizoram, Opinion | 14 Comments »

HMANLAI KRISTIAN MARTAR MITHIANGHLIM A PUAN TAK THENKHATTE:

Sunday, October 6th, 2013

HMANLAI KRISTIAN MARTAR MITHIANGHLIM A PUAN TAK THENKHATTE:

Sunday pual in…

Martar tih tawngkam hi chu kan hre theuh anga. A nihna takah chuan Kristiante hian ‘martar’ tih hi kan inti tatu viau na a, eng sakhua pawh eng rinna pawh, an rinna avanga an nunna chan phah, an nunna hlan te hi martar te chu an ni mai a, a sawi zau deuh phei chuan ram tan a nun hlan te pawh hi martar an ni tho e an ti thin. Helama a huam chin tih vel hi chu rawn sawi ka tum a ni lem lova.

Kristian sakhua a martar hmasa ber te kha chu Apostol ho leh Lal Isua Zirtir 12 te ho kha an ni a. Anni ho khan an rinna kha an martar pui thak thak hlawm a, chumi hnuah mi dang dang in Lal Isua an rinna an rawn martar pui chho ve ta zel a. Tunlai hun thleng hian Lal Isua avanga martar hi an la awm chho ta zel a, kan ramah ngei, kan Mizo pui ngei pawh martar kan nei ve ta nual mai a nih hi. Tun tumah hi chuan khawvel ram dang ami, hmanlai hun a Lal Isua hminga an nunna lo hlan ta, tun hnu a mithianghlima an puan tak langsar zual 10 te hi an chanchin tlangpui tawi te te nen ka’n sawi chho ve thung ange.

St. STEPHEN (d. 34-35 AD): Kan hriat theuh angin Kristian martar hmasa ber ni a sawi thin chu Stephan-a kha a nih kha. Ani hi a chanchin pawh Tirhkohte thiltih lamah kan hmuh nual kha. Kristian sakhaw aiawhtu hmasa ber te zing a mi a ni in amah hi Kristian hmasa te zingah khan a hming a lar in mi hriat a hlawh hle mai a synagogue a an puipa te ho nien a zirtirna chugchangah an thu a in hmu fuh thei ta lova, Mosia leh Pathian sawichha a puh a ni ta a. Heihian Jewish puithiam hotute a ti thinur ta tlat mai a, tichuan man a ni in Jewish tribunal ho rorelna hma ah din tir a ni ta a.

(more…)

Posted in Information | 12 Comments »