Archive for the ‘Information’ Category

MIZO TLANGVAL CHHUANAWM KAN NEI LEH TA. (Misual regular member lehnghal)

Monday, April 22nd, 2013

Misual regular member doc_lib chuan Gynae Specialist (Obstetrics & Gyneacology) zir zovin, All India ah Top 3 ah a lang a, North-east atanga Exam zing ah chuan topper niin, Mizo hnam lang pha khawpin result a nei a. Lawmpui awm in a chhuanawm tak zet a. Amah hi nikum kumtawp lam khan ( a final neih dawn hnaih ah) a ban dinglam a titliak a. December thla kha a tliahna ngai ah a ti Na leh a. Tichung chuan a Examna result ah tha tak a a ti thei hi a lawmpuiawm lehzual a. Mizo zing a Mithiam hetiang kan nei hi Chawimawi an phu hle thin in ka hria. Amah hi RIMS, Manipur chhuak a ni e.

(Chuan, Mizoram a lo hawn hunah Lengpui Airport ah zuk hmuak ang u hmiang, a lo thlawh luh ni tur comment lam ah lo sawi se, ngaihdan sawi khawm ang u, Inthlahrung miah lovin ka rawn rawt ve tawp mai,)

Posted in Information, Mizoram, News, The UnWeekly | 54 Comments »

Transparency in governance (Rorelna langtlang kan tih thin chu!)

Sunday, April 21st, 2013

Department of Personnel and Training (DoPT) in guidelines a chhuah ah chuan Public Private Partnership (PPP) Model kalpui zawng te public authorities ten inremna thuthlung, thawhpui tur thlan dan engkim a detail in mipui hmuh theih/ website ah phochhuak turin a ti ta (voluntarily).

(Thuhma: He mi in a nghawng chu tun a Mizoram a political parties te inchirhthehna ber, Health Care Scheme a ni emaw, Call Center chungchang a ni emaw, e-governance chungchang a ni emaw ldt. mipui ten zawh chawp ngai lo in a nihna dik tak full disclosure website/ internet ah an dah a nih chuan dawt puarpawleng a awm lo ang a. Thudik mipuiten kan hre zung zung tawh mai dawn ani. Kan ram hruaitu te hian an implement ngam ang em?)
(more…)

Posted in Corruption, Information, More than words, Politics | 5 Comments »

MBSE HSLC 2013 Result

Friday, April 19th, 2013
HIGH SCHOOL LEAVING CERTIFICATE EXAMINATION, 2013 MERIT LIST


1. Lalfakzuala, St. Paul’s Higher Secondary School, Aizawl
2. B Lallianmawia, St. Paul’s Higher Secondary School, Aizawl
     Monojit Konar,  St. Paul’s Higher Secondary School, Aizawl
3. Lalhruaizela, St. John’s Higher Secondary School, Kolasib
4. Rebecca Lalruatkimi, Rosebud School, Aizawl
5.  Robert Singh, St. Paul’s Higher Secondary School, Aizawl
      J.Vanlalramthanga, Baptist Higher Secondary School, Lunglei
6. P.C. Lalhruaitluangi, Baptist Higher Secondary School, Lunglei
7. R L Rohlupuii, St. Paul’s Higher Secondary School, Aizawl
     Elizabeth Lallawmzuali, Govt. Democratic High School, Khumtung
8. Veronica Laldintluangi, St. John’s Higher Secondary School, Kolasib
9. Lalhlimpuii FanaiMount, Carmel School, Aizawl
     Christina Lalawmpuii, B.C. Lalthlamuana Eng. Academy, Champhai
10. Lalnunhlua, St. Paul’s Higher Secondary School, Aizawl
       Vanlalramthari Ralte, Radiant Heart High School, Thingsulthliah
       Lalawmpuia Chawngthu, Helen Lowry Higher Secondary School, Aizawl

Posted in Education, Information | 17 Comments »

Hlawhchham hi Hlawhtlinna {Failure is Success}

Wednesday, April 17th, 2013

1. J.K. Rowling – Novelist (Harry Potter) 
Harry Potter thawnthu ziaktu Joanne “Jo” J.K. Rowling hi tunhma chuan waitress hna thawk țhin a ni. A lehkhabu hi Publishers 10 chuang ten an hnawl sak hnu-in, a kal tawpna-a an CEO fanu kum 8 mi chuan a pa a ngen tlat avangin an chhuahsak hrâm a. Khawvela thawnthu ziak hralh tam ber (best-selling book series in history) a lo ni a, Kum 5 chhung lekin, Multi-Millionaire a nih phah! Kum 2008 ah khan United Kingdom-a hmeichhe hausa-ber 12-na a ni phak hial!

2. Ludwig Van Beethoven – Composer & Pianist
A violin tum thiam lo lutuk chu a Zirtirtu chuan beidawnthlâk a ti lutuk a, “Music lam leh hlaphuah kawnga beisei-bo a ni” a ti tawp. Chutih nâk alaiin, Beethoven chuan a ri hriatna a hloh zel a, a beng a ngawng hlen ta hial! Mahse, a kut-chhuak zinga ropui ber 4 te chu a Beng a ngawn hlen (completely deaf) hnu-a a siam (composed) an ni tlat!

3. Colonel Harland Sanders – Founder of KFC
Sanders chuan Kum 65 mi a nih-in a “Chicken Recipe, Kentucky Fried Chicken” siam hralh turin hmun hrang hrang 1000 chuangah a kal a, a hlawhchham. Kum engemaw zat a vahvaih-pui hnu, kum 75 mi a nih-in, a company din “Kentucky Fried Chicken” chu Dollar million 15-in an lei sak a, ram 120 ah dawr 18,000 chuang a nei tawh!

(more…)

Posted in Advice, Books, Career, Information, Lifestyle, More than words, Movies and Videos, Music and lyrics | 15 Comments »

Thusawi mite fimkhur zawk na’n

Saturday, April 13th, 2013

Thusawi thiam takin thu an sawi hi chuan a ngaihnawm a, an thusawi mil zet maia tehkhin thu an han hman ngat phei hi chuan an thusawi te hi a chiang lehzual thin. Chutih laiin kan thusawi tichiang tura milar chungchang kan sawi thinte hi finfiah hmasak awm lova khawi emaw atanga kan hriat kan sawichhuah mai hi chuan thu diklo hi kan lo thutak sawi ve chiam thei hi a lo ni a. Kan lo hriat ve atan chutianga kan sawi uar tak thudik chanve leh diklo muhlum thenkhat lo tarlang ila.

1. Khawvela hmelthat lara lar Marilyn Monroe (1926 – 1962) kha a thih hma deuh khan Billy Graham nen inhmu in Billy Graham-a’n Pathian thu hrilh a tum a, Marilyn Monroe chuan duh lovin “In Pathian chanchin hi ka hre peih love”, tiin a chhang a. A hnu lawkah a thi zui ta niin an sawi thin. Hei hi thu belhchian dawl lo a ni a, Billy Graham Evangelistic Association ngeiin Marilyn Monroe leh Billy Graham te hian hetianga inkawmna hun hi an neih loh thu an lo sawi tawh a ni.
(more…)

Posted in Advice, Information, More than words | 22 Comments »

Hringnun a pawimawh pasarihte:

Saturday, April 13th, 2013

1. I hun liam tawh ngaihtuah run lo la, I tun hun I hmang ṭha thei zual sauh ang.
2. Miin an ngaihdan cheah buai suh, I thu a ni lo.
3. Hun hian engkim deuhthaw a liampui thei. Hun pe fo rawh!
4. I nun leh midang nun khaikhin ngai suh la, an nunah ngaihdan nei bawk hek suh. Eng thil chiah nge an paltlang I hre lo.
5. Nun kalphung chhut buai lutuk suh, hriat loh kha a pawi hrih lo thei. A hun takah ṭul chu I hre tho ang.
6. I hlimna kawng daltu leh siamtu chu nangmah chiah I ni.
7. Han nui seih mai teh khai, khawvel a harsatna I ta vek a ni lo tlat!

Heite mai hi nise. Dr.John ngenna vang a rawn tihchhuah a ni e hairehai :)

Bonus: Kan chenna leh kawngpui inkar a Tlaizawng par:

Posted in Information, Opinion | 16 Comments »

Think globally, act locally!

Wednesday, April 10th, 2013

Holland Border
A chunga thlalak hi Belgium ram leh Netherland (Holland) in ri na (border) a ni a. Cafe (thingpuidawr) awmna lam zawk hi Dutch province North Brabant khaw pakhat Baarle-Nassau a ni a. Lehlam pang hi Belgium a Antwerp Province a khua Baarle-Hertog a ni thung a. Thlalak a kan hmuh ang hian border vengtu kulh leh ralthuam keng pawh an awm lem lo a. A him em em tho nia!

An ram ri hi a chian loh em avangin in leh restaurant thenkhat phei chu a lai ah ramri hi a kal tlang a. Belgian leh Dutch law a in an loh avangin harsatna te nau erawh a thleng ve neuh neuh thin. Dutch lamin restaurant khar hma an tih leh dawrtu te lam in dawr thutna an thlak mai a. Dutch lam in halmawi neuh neuh an sitrik deuh avangin Belgian side lamah an va lei mai bawk a. Hei bak a border tha a awm dawn em ni? Ke lehlam Belgium, leh lam Netherlands ah :)

Hei hi international Border a ni a. Mizoram ah chuan thenawm te nen a kan border pawh kan ching fel hlei thei lo a, kan in hung pawn siak thul, public land/ road kan encroach thul…. khawvel thlir chhungin kan ram zimte hi i ngaihtuah ve thin ang u!

Posted in Information, More than words, Pictures | 16 Comments »

Trinamool Party hmangin zoram thar i siam ang u

Monday, April 8th, 2013

I dawn ve ngai em?
Hmelhriat I neih that ve loh avangin nangmah aia thiam lo zawk a I ngaih paw’n I chan tur ni ngeia I hriat hna a hmuh chang a awm thin a. I rilru a hnual a, tih theih dang a awm chuang si lo. Sawrkar laipui atanga sum rawn lut zat I hria a, a hmanna tur nen lam I lo chhut pui ve thin a, mahse mipui sum chu mimal kutah a kal ral mai mai thin tih I hmu reng thin. Ram hruaitute dawn thui loh avangin zoram chhungah hnamdang an huangtau a, nakin lawkah chuan kan pi leh puten luchhum ban chum huama min lo sah zauh sak kan zoram hi phel tet ala ni dawn tih I hmu lawk thiam a, I rilru ana thin.

Ram hruaitute thil tih I hmu a, an dinhmuna ding ni la chu an thil tih dik loh lai te siam tha a, zoram thar din tumna rilru I nei bawk. Mahse mi naran tana ram hruaitu anih ngawt theih loh ani tih I hriat chian em avangin vawi tam tak I beidawng a, I dikna leh chanvo I chan theihna tur anih chuan tiin a chang chuan tharum thawh hial pawh pawisat lohna thinlung I pu thin. Zangkhua ala bungbu ang tiin hman ata tawh ila nghak fan fan thin anih kha.

Kan dinhmun hi..
Party kan neih tawh sa (Congress, MNF, ZNP, MPC) te hi en vang vang la, beisei tur I nei tam lo, an hruaitute hi hmanlaia mi vek te kha an ni a, ram an hmangaih loh e chu an tih ngam bik loh mahse tuna kan zoram hruai tur chuan an thiamna leh finna hian a pha tawh hlawl lo ani! Heng ho hian kan ram an hruai chhung chu zoram hian hma a sawn vakin a rinawm loh. Party awmsate hi siam that theih tawh loh tluk an ni a, chuvang chuan Party thar hlak kan mamawh. (more…)

Posted in Information, Invitation, Politics | 11 Comments »

March 2013, Mizo(ram) Diary

Monday, April 8th, 2013

1st. Friday: Chief Minister Pu Lal Thanhawla chuan Mumbai-a Tata Memorial Centre bulah Mizoram House tur lungphum a phum. He house thar tur hi damlote tan leh thalai zirlaite tana ruahman aniin damlote ngaihpawimawh an ni dawn a ni. He house hmun hi a man thuah chuan Rs. 200 Crore (cheng vaibelchhe 200) man a ni a, amaherawhchu, kum 2000 chho laia Maharashtra Governor S.C. Jamira puihna leh a hmalakna avangin a thlawnin kan neih theih phah a ni.

2nd. Saturday: Kaladan Multi Modal Transit Transport Project kawng, km 100-a thui sial mek chu Road Transport and Highway Ministry-a Regional Officer, Pu Sudip Chaudhury-a’n a tlawh. He kawng hi Lawngtlai atanga intanin Zochachhuaha Border Trade Point, Composite Land Custom Station siamna hmun tur thleng laih mek a ni a, tunah hian km 52.15-a thui laih zawh tawh a ni. Regional Officer, Pu Sudip Chaudhury hian Bungtlang South atangin Lawngtlai thlengin he kawng hi a zawh a ni.

3rd. Sunday: KTP Rorel Inkhawm, Lunglei Chanmari Presbyterian Kohhran Biak Ina 1st. Friday a tan tak chu a tiak ta. He inkhawmpuiah hian bial leh branch aiawh pakhat theuh leh ex-oficio dangten ro hi an rel a ni. Kum 2015 KTP Rorel Inkhawm chu Mission Veng Kohhran Biak Inah nghah a ni a, kum 2016 General Conference chu Champhai-ah an nghat bawk. Nakkuma General Conference, chu nikum General Conference khan Khawzawl-a neih turin a lo tifel tawh a ni. Central KTP-ah hian Mizoram Synod hnuaia Mizoram chhung leh Mizoram pawna Pastor Bial 169 atangin Branch 793 a awm a, member 1,31,085 an awm a ni.

4th. Monday: 8-Chalfilh Assembly Constituency atanga bye-election-a Member of Legislative Assembly (MLA) tura thlan tlin, Indian National Congress party candidate, Dr. Ngurdingliana chu Assembly Speaker Pu R. Romawia chuan rinawmna thu tiamtirin, MLA-ah a lal lut. He hun hi Assembly Annexe Conference hall-a inkhawm buatsaihah Mizoram Legislative Assembly Secretary Pu Ngurthanzuala chuan Returning Officer Pu A. Biaklawma’n MLA atana Dr. Ngurdingliana thlantlin a nih ziaka a nemnghehna a chhiarchhuak a; hemi hnu hian Speaker Pu R. Romawia chuan rinawmna thu a tiamtir a ni. He inkhawmah hian Minister leh Parliamentary Secretary te, Deputy Speaker, Pu John Rotluangliana leh rorel lai pawl leh eptu lam MLA-te bakah chanchinbumite an tel a ni. Dr.Ngurdingliana hi Assembly Speaker hlui leh Minister hlui, Dr. H. Thansanga leh Pi Saihlupuii te fapa a ni a, kum 1966, September ni 21-ah lo piangin, zirna lamah Ph.D a ni a, Pachhungah University College-ah zirtirtu hna, engemaw chen a thawh hnuah he hna hi bansanin politics-ah a lut a, Congress Party zawmin Mizoramah NSUI President a ni tawh a, Congress Thalai Pawl, MPYCC Secretary leh General Secretary te, MPCC Secretary te leh North East Coordination Committee General Secretary te a lo ni tawh a ni. Ani nen hian Mizoram Assembly ding laiah rorel lai, Congress chuan member 32 an nei leh ta a ni .

(more…)

Posted in Information, Mizoram | 5 Comments »

LAL ISUA THLAN NIA SAWI HRANG HRANG TE

Wednesday, April 3rd, 2013

LAL ISUA THLAN NI A SAWI HRANG HRANG TE:

********************************************

Tun tum chu a la hre lo te kan awm takin kan Lal Isua thlan ni a an sawi hrang hrang te chanchin hi a tlangpui ka’n rawn sawi ve thung dawn anga. Lal Isua thlan hi hmun hrang hrangah ah ‘hei hi a ni e’ an tih hi a awm nual tlat mai a. Hun rei tak kal tawh ami anih avangin a ni ber pawh hriat a har tawh khawp mai a, hmun hrang hranga a ‘hei hi Lal Isua thlan a ni’ an tih te zingah hian khawvel ah panga lar zual deuh deuh an awm a chungte chu:

 

1.CHURCH OF THE HOLY SEPULCHRE: Hei hi Lal Isua thlan awmna ni a an sawi te zinga a lar ber chu a ni a, Jerusalem khawpui hlui Old City an tih  a Muristan an tih bul lawk a awm a ni. Church Of The Holy Sepulchre hi Basilica Of The Holy Sepulchre tih pawh in an sawi ve bawk thin a, Golgotha an tih, Kalvari tlang Lal Isua an khenbehna hmun a awm kha a ni in Lal Isua an phumna ‘Sepulchre’ chu he hmunah hian a awm ni in an sawi. He hmun hi Kristian te hmun pawimawh ber pakhat a ni a kum zabi 4 na atang phei kha chuan tlawh tu pawh kumtin mi nuaih tel fe an awm thin a ni. Tin helai hmun hi Lal Isua thlan ata a thawhlehna hmun ngei kha ni in an sawi. The Greek Orthodox Patriarch of Jerusalem an tih ho hmunpui a nih lai in a building thunehna tak hi chu Kristian kohhran hrang hrang in an intawm thung a. Heng Eastern Orthodoxy, Oriental Orthodoxy te Roman Catholicism, Anglican, Nontrinitarian leh  Protestant Christians te hian hmunpui ber a an neih a ni bawk.

 

(more…)

Posted in Information, Religion | 5 Comments »

« Older Entries
Newer Entries »