Nun awmzia ka hriat hmaa nunna min pein
Kawng a awm tih ka hriat hmain min hruai a
Hmangaihna awmzia ka hriat hma leh ka hriat loh lai pawha min hmangaihin
Ka bo tih inhrelo khawpa ka bo laiin min zawng thin.
Ka rin loh lai che pawhin ka ring leh ang che tih i ring tlat a
Ka chau a ni tih inhrelo khawpa ka zawi hnuin thahrui min pe a
Ka khawhar zia hrelo khawpa ka nun a ruah laiin nangin min kan thin.
(more…)
Thuhma- A end rhyme tih mawi ka tum luat ah in duhthu a sam ta lovang aw..
Kan tawnah khua a nuar,
Harsatna tinreng kan tuar.
Tlang hri lengin min bawm,
Natna tinreng a fawm.
Nu ber a na, pa ber a na,
Fanu a na, fapa a na.
Damdawi kan ti,
Tualchhuak kan ti.
Neihsum kan sem zo,
A la tawk lo fo.
(more…)
KOHHRANAH NLUP!
Awmtea Khiangte
Origin and Growth: NLUP hi kum 1984-85 atang daih tawha tan kha a ni a, kum 1990-91 atanga 1997-98 khân Mizoram Congress Party policy pawimawh leh an hlawhtlinpui ber a ni e pawh ti ila dâwt sawia seol kotlâng min hruai thlengtu a ni kher âwm lo ve. Amaherawhchu, an chil per an ûm phâk lo mang e tih tûr khawpin an hlawh chhampui a. Tûnah sual thupha chawi chungin an au hla pangngai bawk lamtualah an rawn tulpui ta nghawng nghawng mai a, a Zoram pum nghînin a nghîng chu a nih ber mai hi! ‘Tichuan, NLUP hlawhtlinna kan hmu tan a, a dawng tûrte hnênah Rs. 1,00,000 theuhin an sem dâwn a, nimin mai pawh khân auto-rickshaw 40 lai chu a thlangtute hnênah an pêk kha! A hlawhtling zêl tûrah ngai ila, NLUP hi kan thatpui ngeiin a rinawm.
Chhandamna han tih hian a awmzia tak chu, thil hlauhawm atanga chhanchhuahna tihna ani a. A Greek tawng chuan(han ti ve khanglang I la) ‘soteria’ tih a ni a, chu chu chhanchhuahna tihna a ni. Venghim tih leh hlauhawm pumpelh emaw, hlauhawm atanga him tihna emaw ani bawk. Kan Thlarau nunah chuan, Chhandamna kan han tih chuan mi tuemaw Sual bawih a atanna atanga Pathianin a chhuah zalenna tihna a ni.
Anih leh Eng atanga chhandam nge kan nih?
1. Kan Sualte lak a atangin:
Ani chuan a mite an thiltih Sual lakah a chhandam dawn si a. (Matthaia 1:21)
2. Pathian thinurna lak atangin:
Pathian thinurna lak ata chu chhandamin kan awm ngei ang. (Rom 5:9)
3. Diabola thang atangin:
Diabola thang lak ata an chhuak thei mahna. (II Timothea 2:26)
4. Thlarau thihna atangin:
Thihna lak a amah chhandam theitu hnenah chuan…(Hebrai 5:7)
5. Tunlai Khawvel Sual lakah:
Ani chuan kan Pathian leh kan Pa remtihzawngin tun lai khawvel sual tak lakah hian min chhanchhuah theih nan kan sualte aiah amah a inpe ta. (Galatia 1:4)
6. Chatuan Hremhmun atangin:
Thenkhat mei ata la chhuak thuai ula, chhandam rawh u. (Juda 23)
7. Dan Anchhe lak atangin:
Tunah erawh…Dan ata thlahin kan awm ta. (Rom 7:6)
Tunhnaiah thalaite zingah Illuminati leh Music Industry-a sulhnu an neih dan chungchang a rawn lar hluai a. Hmanniah ZoSoftNet post atang khan post ve tul tih riauna ka nei a, mahse thil controversial tak anih avangin fimkhur tak leh hriatthiam awl zawngin kan tarlang ang a, Sawikim vek sen anih loh avang leh thil inzawm buaichuar tak anih avangin kimchang tak erawh chuan kan tarlang thei awm lo ve.
Enge Illuminati?: Iluminati te hi an awm tak tak leh tak tak lohah inhnialna a na sa hle a. Ngaihruatna mai mai leh an awm tak tak ring lo tam tak an awm. Chutih laiin history kan thlir chuan Bavarian Illuminati kan hmu a. Luciferian Society nena inzawm tlat he Bavarian Illuminati hi kum zabi 17-na a Enlightenment Era laiin May 1, 1776-a German Philosopher Adam Weishaupt-a’n a ruk tawpkhawka a din pawl pakhat, Europe-a lal rorelna hrang hrang leh sakhaw bik neihte paih thla tura phiarruk hna thawktu pawl a ni. Mahse he Order of Illuminati hi Karl Theodor, Bavaria Elector chuan kum 1784 khan a tih tawp sak ta a ni.
Post hmasa lamah kan sawiho hrep tawh tih chu hre reng mah ila chiang zawk a ziah nawn leh ka duh avangin post thar pawh siam hman loin ka bur char char a. A hmasa zawk ami tihfiah nan Bible reference tam zawk nen ka rawn dah leh e. Dan pawnah min hnawtchhuak ta rau rau a nihna tawl tawl sawi mai hi a tha zawk tlat, chianglo ruai a thlarau leh taksa/tisa ngaihpawlh avangin piangthar da leh an tam zia ka hre ve kur mai si a. Thlarau bo lah an tam narawh e! Meidila lo kan tir tawk lah bo lo. Rilru hah tak chung leh duhthawh tak siin ka rawn hungchhuak e.
PATHIANIN MIHRING A SIAM DAN LEH A TIHNUN DAN
(more…)
Johana 6:12,13. Tin, an kham hnuin, a zirtite hnênah chuan, “Eng mah bo lo tûrin a bang nawite chhar rawh u,” a ti a. Chutichuan, an chhar a, Barli chhangpêr panga eitute ei bâng nawite chuanin bâwmrâng sâwm leh pahnih an tikhat a.
__________________________________________________________________________________
Chhung tintena kan zir tur chu inren thiam hi a ni. Kan sum lak luh mila ei leh in leh silh leh fen lamah pawh khawsak thiam a pawimawh hle. Duhzawng aiin mamawh lamah sum hman ṭhin a ṭha.
Thuamhnaw ṭet a tira ṭhui nghal mai chîn te, kea kal phak mainaah kal hram hram chîn te, ei leh in tur siam chungchangah pawh a zat hre hmasaa siam chîn te, êng kan hman loh laia chhit loh te, telephone titina leh inkawm nâna hman loh te, bank leh dak ina pawisa dah chîn te, puar leh fânna tak tak ni lo, dangrala inhman tam loh te hi kan tum a pawimawh.
Mipui 5000 Lal Isuan a hrai ṭuma an ei bâng nawi a ruhtir leh khan Pathian malsawmna kan dawnte ho mai maia tiral tur kan nih lohzia leh kan zui Lal Isua pawh hi mi inren thiam tak a nihzia min zirtir a ni.
Thu lakna: Chhung Inkhawm Bu, Pawlkut Thla (January) ni 21.
Mi fel ber ang ziazanga Sunday Pual ka’n Post ve tur hi ka inthiam lo hnuhnawh. Kan tleirawl chhuah tantirh Mizoram awm lai te kha chu ni se kei ka ni tia Bible a bul atanga a tawp deuh thaw hre ve thin kha ka nia. Kum 10 chuang meuh han keu mumal tawh loh chuan a lo bo theih ngei mai, ka bung leh chang duh lai pawh ka hre tawh lo chu ani ber e.
Engpawh chu nise, tlema vantlang in a a sual kan tih ang chi an thih emaw hian mi tam zawk ngaihdan ah hi chuan hremhmun tla tur ah te hian kan ngai thin lo maw aw, tih rilru ah a awm a. Kan thih hnu a kan thlarau kal na tur hi sawi thei kan awm lo khawp in ka hria.
Lal Saula chanchin kan hre vek awm e. A sual em em a, a kawchhung ah ramhuai an lut a, a tharau pawh hremhmun kal ngei tur a ngaih ani. Chutih laiin Zawlnei Samuela chu vanram a kal tur in kan ngai thei ang. Amaherawh chu Lal Saula chuan aienthiam a ruai a, Puithiam Samuela mithi tawh chu a koh chhuah tira, ani chuan Saula hnen ah ‘Naktuk ah ka hnen ah i lo awm ang’ a ti a. Tichuan a tuk ah chuan a thi ta a. Chutiang a nih chuan Samuela leh Saula chu an kal na a inang tih na ani. (1 Samuel 28:19 -The LORD will deliver both Israel and you into the hands of the Philistines, and tomorrow you and your sons will be with me. The LORD will also give the army of Israel into the hands of the Philistines) ah kan hmu a.
(more…)
Engkim chunga thu neitu leh siamtu chuan Bible a kan hmuh ang in, tui leh khawmual, chhun leh zan, Ni leh thla leh arsi te an awm dan tur ang theuh in a then hrangin a awm tir a ni. Tin, chutiang ang zelin, khawmual hrang hrang te, ram hrang hrang te, ram pakhat chhungah pawh chuan state te, district te in kan in then hrang leh zel a. Hnam hrang, tawng hrang te in kan lo awm zel bawk a, tih dan in ang te chu a huho in kan awm ta zel a ni.
Keini MIZO te pawh hi Hnam angin Pathian in leilungah min lo dah chhuak ve a, a lawmawm tak zet a ni. Khawvel hmun zau zawk kan thlir erawh chuan Pathian in keini ho min duan dan hi a lungawi tlak lo emaw chu aw a tihtheih hial awm e. Mahse, Pathian ropui zia leh thiltìhtheih zia tih lanna kan ni tlatna hi a ropui ka titawp thei lo a ni.
Hei Leilunga min dahna hmun, lei thatna leh tui thatna hmun chu ni lo mahse, lei thatna hmuna tla te dinhmun nen angkhat deuhin min awm tir tlat a ni. Intohdelh lo tur hi kan intohdelh em em a nih hi!!
Misual zinga a nawi pawl ni anga kan ngaihte pawh hi, FB group hrang hrangah han hmuh hian, puitling tak tak vek hi kan lo nia. Chuvangin buhhawp ringawt ring tawh lovin, tlema chawrum deuh hlek inbarh han tum tan ta ila. Vawiin atan chuan Thlarau lam Indona(Spiritual Warfare) lam zirho i han tum ta teh ang. Keima ngaihdan sawihluah lovin, Bible chang hrang hrang mithiam ten an lo lakkhawm sa ka han tarlang mai ang e.
Khawvel Chanchinthar han ngaithla ila, Indo leh Indo thuthang hriat tur a tam khawp mai. Amaherawhchu, Thlarau lam Indona chu he khawvel Indona ang hi ani ve lo va, Kan Hmelma ber pawh Mihring ni lovin, mita kan hmuh theih loh Setana, Pathian hawisan tur leh thilsual tih hi nawm leh that hmel taka lantir a, min thlem heuh heuh thintu hi a ni. Chuvang chuan Thlarau lam Ralthuam kan chelek a ngai a, kan hria emaw hrelo emaw, Ringtute hi englai pawhin He Thlarau lam Indonaah hian kan tel reng thin a ni.
Enge ni Thlarau lam Indona chu? (more…)
You can unsubscribe anytime!
