KOHHRANAH NLUP!
Awmtea Khiangte
Origin and Growth: NLUP hi kum 1984-85 atang daih tawha tan kha a ni a, kum 1990-91 atanga 1997-98 khân Mizoram Congress Party policy pawimawh leh an hlawhtlinpui ber a ni e pawh ti ila dâwt sawia seol kotlâng min hruai thlengtu a ni kher âwm lo ve. Amaherawhchu, an chil per an ûm phâk lo mang e tih tûr khawpin an hlawh chhampui a. Tûnah sual thupha chawi chungin an au hla pangngai bawk lamtualah an rawn tulpui ta nghawng nghawng mai a, a Zoram pum nghînin a nghîng chu a nih ber mai hi! ‘Tichuan, NLUP hlawhtlinna kan hmu tan a, a dawng tûrte hnênah Rs. 1,00,000 theuhin an sem dâwn a, nimin mai pawh khân auto-rickshaw 40 lai chu a thlangtute hnênah an pêk kha! A hlawhtling zêl tûrah ngai ila, NLUP hi kan thatpui ngeiin a rinawm.
True Concept and Meaning: Hetiang khawpa Congress sawrkârin NLUP an hlawhtlinpui theih chuan Kohhrante hian kan hlawhtlinpui ve thei dâwn lo’m ni? Ama’rawhchu, kan NLUP concept leh meaning erawh a dang thung! Kohhrana NLUP awmzia dik tak chu ‘NULA UPA PÂWL’ tih hi a ni daih mai, dah mai a! Kohhran tinah hian nula senior, TKP, KTP, SAY, PYD, adt.-a inhmang regu’ tawh vak lo, nuho pâwla awm tum bawk si lo (awm dâwn pawh ni se nula an la ni tlat a, a zahthlak ve det ang), fel leh fing, thil uluk peih, mahni inchâwm zo tak mai bâkah thawhchhuah ei sêng lote pawh an ni fur hlawm âwm e. Châwm tûr nei bawk si lo, pasal tûr lah duh tui ve tawh laklawh bawk si, râwlthar deuhte han melh ve ngial thin mah se, ‘i pian a tlai, kei ka hma si’ tih a tûl leh thin. An laklawh zo va, an se bo hawi vel mai mai ni hian ka hre thin. An tha a za tawh lova, thalai thiltihnaah an tel tam peih vak tawh bawk si lo. Mahse an rilru erawh a la thalai ang lawi si. Hetiang NuLa Upa Pawl hi Kohhran tinah hian an kat nukin ka ring. Keini Kohhranah pawh an awm nual asin!
Merits: Nikum (2011) December thlaa Gan Sabra (Zonuam, Aizawl) naupangte tanpuina kan zuk pêk khân, kan hma chiahah Châltlâng(?) NLUP hoin Rs. 5,000 lai an lo pe ve a. Hetianga nula senior deuh deuhte an han inhawr khâwm a, hmalâkna hrang hrang an neih ve hian an tân a that mai bâkah midangte tân pawh hlâwkna a ni ang a, Kohhran programme-te pawh a tihlungtu an ni thei dâwn tlatin ka hria. Sawi tâk ang khân, sum lamah chuan an intodelh tîn tên duh viau a, (châwm tûr nei hek lo le!) an duh tak tak phei chuan thil an tithei zêkin ka ring tlat. Inthurual takin pawl hmingte pawh an invuah ve ang a, Kohhran tân pawh an tangkai phian maithei.
Demerits: A that lohna lam han sawi ve ila, nula senior awm khâwm an nih dâwn avangin an thu a inmil har viau maithei. Mahni thu duh, sawisêl peih tak, duh ang zêla mite tihtir tum mi leh tihtauh chîng tak an ni thei. ‘Bâkah, inei lo fê fê an awm leh ngei ang a, anmahni inkârah inrêl sep sep a tam viau thei bawk. ‘Chûng avang chuan hma an la hlei thei lo a nih pawhin an demawm lutuk lo ve. An inêr-ûr nasa lutuk hian Kohhran boruak thlengin a nghawng thei a, midangte bulah an memberpuite an rêl siam siam thei bawk. Chutiang a nih chuan Kohhran NLUP chu a hlawhchham tihna a ni ang.
Conclusion: Kohhran tinah hetiang nula senior, hla zirnaah pawh duha kal, duha kal lo, duh hun huna zung tûra chhuak ngam chin, zaipawl uniform sawi rîk hlek tawh chuan an thu ngai chang rân lo chuan thutlukna siam ngam loh. An pawi sawi hlauhawm tak, lam tang atân erawh duhthusam, Upa leh rawngbawltute pawh nuihpui bâwk bâwk pha chin, thalaite ‘Nî’ hi an tam âwm mang e. In la young ve tho si, mahse sakhmêlah dâr zâm hlawl si lo (zâm tâwk pawh inrêl phâr khawp zawng an awm ngei ang); fing kur bawk si, duhnaah chuan zahna hian ‘ka u’ a tihtûr khawpa nasa hi an ther fupin ka ring tlat a ni. Inlungrual takin inhuikhawm thei se zawng, an tangkai dâwn mang e, tiin duhthu ka han sâm ve a nih chu! 
Similar Posts:
- January 14 atangin NLUP tanpuina sem tan
- NLUP zar in zo ve em?
- NLUP bawk!
- Mumang mai mai…
- Mizoram leh new land use policy(NLUP)
(Y)
January 29th, 2012 at 9:00 am
.
Report this comment
January 29th, 2012 at 9:18 am
zualko : Benjamin rtz-a nau Lalringzuala tukin khan lungphuchawl in aboral.
Report this comment
January 29th, 2012 at 9:18 am
Good post & good idea. A ngaihnawm khwp mai. Ngaihdan tha tak a ni.
Nula upa lam te kha.. Kohhranah in puala pawl din hi eng nge in ngaihdan le.. In hming lam thlap thlap a ngai dawn em?
Report this comment
January 29th, 2012 at 9:32 am
Lalringzuala RIP
Report this comment
January 29th, 2012 at 9:48 am
Kohhranah NLUP .. Hit reuh lutuk. Kohhran NLUP member te hi an cute hlawm a ngem le?
Report this comment
January 29th, 2012 at 10:17 am
Ka disagree….in veng ah an awm vang a niang, kan veng ah thung chuan, mi in ngaitlawm, mi tanpui peh leh mi hmangchang hria, khitiang i sawi opposite chiah an ni.
Report this comment
January 29th, 2012 at 10:18 am
”hetianga congress pawhin NLUP an hlawhtlinpui theih chuan..” i ti ngawt a, an hlawhtlinpui leh pui loh i sawi thei ami? Mipuiin thil ‘free’ an bawh hum2 kha hlawhtling i lo ti ve ringot aniang…? Harsa taka technical line lam zira heng lama ron chhuk te hi stipend pek a tum toh lo ami le, mizoram sorkar hian? Khonge stipend sum tur ho hi a kal vek? Eeee…kan off-topic don ltutk hahahaha
mmm…sunday post tha tak a ni.
Report this comment
January 29th, 2012 at 10:26 am
#7 Stipen an hrek a maw? Ava mak awm ve…!!!!!!!!
Report this comment
January 29th, 2012 at 10:27 am
Post chu va uang leh si eee..haha, nuih a za
Report this comment
January 29th, 2012 at 10:30 am
Kohhran hi Pathian ta(I Korinth 1:2, 11:22, II Korinth 1:1) a ni a, A chenna atana Ama din a ni.
Tin, Krista taksa( Kol 1:24) leh Krista mo( II korinth 11:2) duhtak a ni bawk. Pathian chhung hnai lutuk engmahina then lo tura a duh kha a ni, kohhran hi. Chutia NuLa Upa Pawl inlulin nan chuan a pamhmai deuh e. A chhungah chuan NLUP chu nunphung pangngaiin lo awm ve tawh sela, kohhranhote zingah a kila lung pawimawh ber lo ni tawh rawh se! Tin, kan kohhranah chuan NLUP i tih ang chi hi mi tangkai ber berte an ni daih thung!
Report this comment
January 29th, 2012 at 10:34 am
@ruata, ou, a nih hmel, vui zet2 ka hre nual mai. Nikum atangin an hmulo tawh a ni om e.
Report this comment
January 29th, 2012 at 10:50 am
ReMpY℠ Says: ‘Harsa taka technical line lam zira heng lama ron chhuk te hi stipend pek a tum toh lo ami le, mizoram sorkar hian? Khonge stipend sum tur ho hi a kal vek?’
Pre matric special scholarship pawh hi a hlamzuih der a ni awm e
Report this comment
January 29th, 2012 at 11:00 am
A va’n tha mai mai e…
Kei paw’n NLUP member tur ka hre nual mai.. 
Report this comment
January 29th, 2012 at 11:05 am
@ Rempy.. Stipend inla bik na nge? Kan naute pawh an buai khawp mai, internship allowance nen a reh vang vang a ni awm e..
(ka’n OT ve lawk..)
Report this comment
January 29th, 2012 at 11:07 am
Nula senior sawi chuan tlangval senior pawh hi hlamchhiah loh a tha awm e. Dinhmun laklawh taka ding an nih tawh avang leh kawppui pawh an la duh ve tho tlangpui a. Chuvangin, kum bithliah hi pawmlai nei lo tan chuan titawp ila, an duh chen chen, zawnglai an nih chhung chu in hmang se a that ka ring thin. Tun dinhmunah hi chuan thalai upa lam tam tak, an tha leh zungin a la tlin si, thalai pawl tana tangkai tak tak, thalai kut ke ber berte engdang vang pawh ni lo, an kum avanga hreh chung chunga thalai pawl min chhuahsan hian kei ka lunglai a lo na thin.
Kohhran hi kum upat leh naupan, hmelthat leh chhiat, hausak leh retheih, chak leh chak loh lamah a innghat lo, INPEKNA zawk hi a pawimawh ber a ni.
Report this comment
January 29th, 2012 at 11:32 am
Tha reuh lutuk. Misual hmeichhe ho zingah pawh member tur an awm nual mahna. Entirnan…. sawi leh lo mai ang. ‘A mak a na’ post-ah min kawk nasa sawk sawk tawh sia. Ka rin loh lamah a inher chhuak a, ka khi vur2 mai.
Report this comment
January 29th, 2012 at 11:34 am
10 ignatia, ka pawmpui che, kohran NLUP i tih ho hi mi in pe pe, leh mitangkai tak an ni hlawm a sin, ka experiance dan in ka sawi, kan veng ah na na na leh mi veng ah pawh ka hriat chhun a te hi chu, a Post tu sawi opposite chiah an ni..
Report this comment
January 29th, 2012 at 11:41 am
lolz a va han Hit rem2 tak vawiin ka inkhawm ah pawh NLUP ka hmu nual
Report this comment
January 29th, 2012 at 11:48 am
Lalringzuala boral chu a pawi ngawt mai. Benjamin lungngaihna kan tawmpui e. A chantuan hmun pana a kal laiin keini dama la awm hian hriselna um zel ang u. A khat tawkin medical check up, physical exercise, chaw hrisel, adt um char charin motor khlalh emaw kalna hmunah fimkhur taka accident pumpelh tum ranin.
Report this comment
January 29th, 2012 at 11:50 am
I conclusion khii lolz ka nuihpui,,,ngaihnawm e, rawn ziak zel teh
Report this comment
January 29th, 2012 at 12:27 pm
haha.. tlangval senior te ai hian nula senior te hian fiam an tawk nasa a nih hi ka ti ta
Report this comment
January 29th, 2012 at 1:05 pm
Hetiang post te chu. Mi(sual) ah member tur ang an awm lo ang..
Report this comment
January 29th, 2012 at 1:24 pm
min va tihchhan deuh ve he post chu
Report this comment
January 29th, 2012 at 2:49 pm
Post tha khawp mai.I sawi kim viau mai bawk si; sawi belh tur vak pawh ka nei ve lo e.
Report this comment
January 29th, 2012 at 6:40 pm
Inngaihbel tura ka rin pakhatin a inngaihbel hlauh mai. A lawmawm e.
NLUP, hit khawp mai
Report this comment
January 29th, 2012 at 8:24 pm
Lalringzuala RIP
Report this comment
January 29th, 2012 at 11:52 pm
Hahaha category ah chuan awmse ka sawisel hauh lovang…mahse opinion,religion huang ah a awm miau si a,kan sel teh ang. Min bum hrim hrim… I premises te hi an intulo ve hle mai, a hrim hrim in nula senior target na lam chi fiamthu leh ngaihdan hi a small society zia ka ti, chutiang lo hlimpui pawh hi a zahthlak nachen a awm bawk. Mimal kan nel leh kan hriat chiante kan fiam a nih chuan thuhran…
Report this comment
January 30th, 2012 at 12:13 pm
Haha.. A hlimawm mai bakah eng emaw rah tha a chhuah theih ngei beiseiin ka han post ani. Midang hetiang mi ka sawi ang khian tangkai taka hmala ka hmuh vangin ka rilruah a lian ve deuh mai2..
Report this comment