Aw Lalpa

January 30th, 2012 11:30 am by ahooma_

Nun awmzia ka hriat hmaa nunna min pein

Kawng a awm tih ka hriat hmain min hruai a

Hmangaihna awmzia ka hriat hma leh ka hriat loh lai pawha min hmangaihin

Ka bo tih inhrelo khawpa ka bo laiin min zawng thin.

Ka rin loh lai che pawhin ka ring leh ang che tih i ring tlat a

Ka chau a ni tih inhrelo khawpa ka zawi hnuin thahrui min pe a

Ka khawhar zia hrelo khawpa ka nun a ruah laiin nangin min kan thin.

Kawng dik lo ah chaktakin ka tlan a ni tih ka hriatloh lai pawhin

Aw LALPA, nangin i kutchaka min chelhdingin

Ka hriat ngailoh kawngtha min zawhtir zawk si

Thim hnuaia ka awm laiin eng min pe a

Hlauhnain min chim laiin min muan thin

Buaina leh mangannain min chim laiin ngaihtuahna thar min pe a

Kawngdika ka kal theih na’n ka ke i ni a

Thil tha ka tih theih na’n ka kut i ni si

Aw LALPA, nanglo chu tunge ka belh ang?

14 Responses to “Aw Lalpa”

1
century child Says:
January 30th, 2012 at 11:34 am
Chhiar ila.
2
^-||R@lT€||-^ Says:
January 30th, 2012 at 11:41 am
Tawngtaina tha tak a ni.

“I thu hi ka ke atânte hian khawnvar a ni a, Ka kawng atân eng a ni. ~Sam 119:105
3
PKfanai Says:
January 30th, 2012 at 11:50 am
A tha ka va ti em. Atheist ho hriat leh chan ve phak loh Lawmna leh thlamuanna hi, hrilh ngial mah ila, an hrethiam phak dawn tak si lo va. Ka save e.
4
Kawnga Says:
January 30th, 2012 at 12:05 pm
SAM Bu-a telh ve tlak a nih hi le! Lal Davida tawngtaina niawm tak a ni.
5
Dr Mahminga Sailo Says:
January 30th, 2012 at 12:27 pm
A tha hle mai… Thu i thiam thlawt e
6
shylo Says:
January 30th, 2012 at 1:02 pm
Psalm 151 na tan ka propose e.

“Lungngaihna kara lawmna mittui,
Harsatna kara hlimna mittui,
Buaina kara lungawina mittui,
Min neihtirtu chu nang hi i lo ni-
AW LALPA.
Belh ve satliah chak tlat, Post tupa min hrethiam la.
7
Chhuaklinga Says:
January 30th, 2012 at 1:36 pm

tren tren.
8
Tete-i Says:
January 30th, 2012 at 2:06 pm
Post tha tak a ni:-D
9
saint sammoo Says:
January 30th, 2012 at 3:01 pm
Hman ve chiah, hetiang post hian tunge ka nih min hriat nawn tir thin.
10
lr hlonchhing Says:
January 30th, 2012 at 3:53 pm
Tha khawp mai
11
TuaiSialA Says:
January 30th, 2012 at 6:58 pm
A va tha tak em! Thu ropui deuh deuh rawn post zel rawh.
12
thachianga Says:
January 30th, 2012 at 8:43 pm
A tha e. Han sawi belh tur tehchiam pawh a awm tawh lo.
13
Asteric™ Says:
January 30th, 2012 at 10:39 pm
Aw LALPA, nangin ngun takin mi en chhuak a, mi hre ta. tih thu te pawh kha min hriat chhuah tir a lawm le, ropui hle mai.
14
Awmtea Khiangte Says:
January 31st, 2012 at 8:58 am
Ka va duh tak em!