Tunhnaiah thalaite zingah Illuminati leh Music Industry-a sulhnu an neih dan chungchang a rawn lar hluai a. Hmanniah ZoSoftNet post atang khan post ve tul tih riauna ka nei a, mahse thil controversial tak anih avangin fimkhur tak leh hriatthiam awl zawngin kan tarlang ang a, Sawikim vek sen anih loh avang leh thil inzawm buaichuar tak anih avangin kimchang tak erawh chuan kan tarlang thei awm lo ve.
Enge Illuminati?: Iluminati te hi an awm tak tak leh tak tak lohah inhnialna a na sa hle a. Ngaihruatna mai mai leh an awm tak tak ring lo tam tak an awm. Chutih laiin history kan thlir chuan Bavarian Illuminati kan hmu a. Luciferian Society nena inzawm tlat he Bavarian Illuminati hi kum zabi 17-na a Enlightenment Era laiin May 1, 1776-a German Philosopher Adam Weishaupt-a’n a ruk tawpkhawka a din pawl pakhat, Europe-a lal rorelna hrang hrang leh sakhaw bik neihte paih thla tura phiarruk hna thawktu pawl a ni. Mahse he Order of Illuminati hi Karl Theodor, Bavaria Elector chuan kum 1784 khan a tih tawp sak ta a ni.
Kum zabi 17-na laia Weishaupt-a Bavaran Illuminati tih tawp sak a nih hnuin mi thiltithei leh thluak tha, hausa tak tak te chuan a ruk tawpkhawka pawl dinin khawvel pum hi rorelna pakhat hnuaia kun tir a, ram hrang hranga sawrkarte tlukchhiat tira Illuminati member ten an awpbeh khawvel thar NEW WORLD ORDER (NWO) siam chu an tum ber a ni. America ramin Independence an hmuh theihna te, Vietnam War etc te a sum lama vurtu investors lian a ruka inzawm Freemasons ho nen pawh a ruk taka inzawmna nei a sawi a ni. He NWO siam tur hian khawvela Bank zawng zawng inthlunzawm tira pawisa inang hman a, zirna in, sumdawnna leh media zawng zawng controll a sakhaw hrang hrang, abik takin Kristian sakhua tlukchhiat tir chu an tum niin sawi a ni a, mi lar tak tak Winston Churchill, The Bush Family, leh The Rothschilds te kha Illuminati member niin sawi an ni thin. Sakawlh te nen pawh an rinzawn hial thin.
Illuminati chungchang hi mi thiam tak tak te pawhin sawichian tur em em an hre thin lo. A ruk taka khawvel awpbet thei tura phiarru a, a ruk thei ang ber a inhmukhawm a che thin niin sawi a ni a, khawvel politics a an inhnamhnawih dan te, chhiatna hrang hrang a an inphumruk dan te chu chipchiarin kan sawi hman lovang. Mahse, tunlai thalaite ngaihven, hlimhlawp thil chinchhuahna bulpui Music Industry-a an sulhnu erawh Kristian thalaite tana a pawimawh avangin kimchang lo takin han bih zuai ila.
Illuminati te hian milar leh zaithiam lar tak tak te chu sum leh pai leh hmingthanna hmanga vurin an member te pawhin Illuminati sign hi a ruk thei ang berin an lantir thin a, tin, an hla thuah te pawh hian Setana fakna thu tam tak an zep ru thin. Heng hi hetia enliam mai chuan kan hmu thiam lova, mahse uluk taka en erawh chuan Illuminati symbol hi music video tam takah hian a lo inphum ru niin sawi a ni.
Illuminati symbol: Illuminati te hian an chhinchhiahna hi mit lawnga hmuh nghal mai theih loh, uluk taka bihchian erawh a hriat theih siin hmun tinrengah an zep ru thiam hle a, zirchiangtu thenkhat phei chuan Illuminati hian kan khawvel nitin nun hi kan hriatloh hlanin min controll a, an symbol pawh hi a ruk takin hmun tam takah a in phum ru niin an sawi.
Illuminati ho symbol chu han sawi fiah dawn ila- Illuminati te symbol-a mit hi Lucifer mit entirna a ni a, hei hian engkim a hmu thei (all seeing) a, Pyramid chhungah dah a ni. Pyramid chu a chhip a zuih a, a hnuailam a arh ang hian rorelna pakhat hnuaiah engkim kun tir tumna a lantir a ni. Tichuan Illuminati symbol chu Pyramid (triangle) chhunga Mit pakhat awm (Eye of Horus), a lem ami ang hi a ni. Hetiang lem hi building design hrang hrang te, company logo-ah te, music video leh fashion designer te kutchhuakah te leh US Dollar-ah ngei pawh hmuh tur a awm a ni. Tin, Illuminati te hian Kristian sakhua tlukchhiat tira anmahni malsawmtu Setana lalram din an tum tel bawk avangin Pyramid chhunga mit lem awm ‘Eye of Horus’ bakah hian Kel luruh ro lem, Pentagram etc te hi a rukin an chhinchhiahna atan an hmang bawk niin sawi a ni.
Illuminati leh MusicIndustry: A chunga kan sawi tak Illuminati pawl te hian kan nitin nunah nasa takin an inrawlh a, an chhinchhiahna hrang hrangte chu a rukin tam tak kawng hrang hrangin hmun hrang hrangah an phumru tel tawh a ni. An lal ram zauhna atana an hmanraw tangkai ber pakhat chu Music Industry leh Hollywood khu niin Illuminati chungchang zirchiangtute chuan an sawi. Illuminati te hian Setana chu Pathian aiin a ropui zawk niin an ngai kan tih tawh kha, chumi avang chuan Music Industry leh a behbawmah pawh hian Illuminati te hian an thuhnuaia an dah tawh zaithiam te music video-ah an chhinchhiahna hrang hrang Illuminati symbol te, kel lu ruh ro te, pentagram te, checker board (a dum leh a var) te, ni pathian lem etc te an lan tir nual hlawm a ni.
Tunlai thalai ten heng zaithiam Jay-Z, Beyonce, Rihanna, Lady Gaga, Katy Perry, Bob Dylan, Eminem etc te hi kan ngainain an hla pawh kan ngaithla tam hle mai. Heng zaithiam te hi Illuminati pawl nena inzawmna nei a sawi lar ber an ni. Illuminati Agent te hian zaithiam chu hmun nuam takah inhmuh falna hun an siam pui a, chutah chuan sum leh pai, nula hmeltha, larna leh hlawhtlinna etc hmangin zaithiam te chu an pawla lut turin an thlem thin niin an sawi a. Chutianga an pawl zawm tate chuan a ruk takin Setana an bia a, Setana pawhin Illuminati pawl kaltlangin nasa takin mal a sawm thin ni a sawi a ni. Setana hian a malsawmna chu ruah ang maiin a sur tir ni a heng zaithiam te hian an hriat avangin an hla thu tam takah malsawmna ruah anga sur tirtu Setana chu ‘Rain Man’ tiin an hla thu tam takah an tarlang a, pawisa ruah ang maia a sur vel pawh engmah hrethiam chiang lovin music video tam takah kan en liam mai thin awm e. Heng hian awmzia a nei a ni.
Rapper lar Jay Z hi Illuminati nena sawi zawm lar ber a ni a, a thawmhnaw siamchhuah (clothing line) Rockafella hi Illuminati nena inzawm Freemansons member mi hausa tawntaw Rockfeller Family hming sawina niin an sawi a, he clothing line logo pawh hi Illuminati sign (All seeing Eye-Engkim hmuthei Mit) ang kha a ni. Tin a thawmhnaw design dang Rocawear sign-ah pawh hian mit lem (Eye of Horus) chei danglam a hmang a ni. Jay Z hi Illuminati member ni a sawi a nih angin chumi tichiang tur chuan Alicia Keys nen an hla lar tak ‘Empire State of Mind’ ah pawh khan “Jesus can’t save you, life starts when the church ends” (Isua’n a chhandam thei lo che, Nunna chu kohhran tawp hunah a in tan chiah dawn) tiin a lo chham zuah zuah tawh a, amah malsawmtu Rain Man hming hi Rihanna nen an hla lar tak ‘Umbrella’ leh hla dangah te pawh a lo chham tel tawh a ni.
Chutiang bawkin Beyonce Knowles pawh hi Illuminati member ni a sawi a ni a, tunhnaiaa album hming ‘I am Sasha Fierce’-a ‘Sasha Fierce pawh hi ramhuaiin a awpbeh hnua a hming niin sawi a ni. Tin, tunhnai maiah pawh Illuminati te symbol ‘Kel luruh ro’ lemchuanga cheiranin thla a lak bakah Kel luruh ro (Baphomet) zungbun a bun lai thla tihlananih chei chuai bawk kha. Tin, tunlai Pop music-a lar em em Lady Gaga pawh hi Illuminati nena inzawm nia sawi a ni bawk. Ani pawh hian Kristian sakhua tibawrhbang zawngin music video a siam fo a, tin a video thenkhatah Kel luruh ro a khum lai te, ki lem vuaha a inchei te, ‘All Seeing Eye’ awmna kawr a hak te tam tak hmun tur a awm a ni.
Tin, Eminem pawh hian a hla thu tam takah Setana fakna leh amah chenchilhtu a chhungrilah a awm tih a chham chhuak a, ‘Rain Man’ chungchang pawh hi a hla thuah hmuh tur tam tak a awm. Hetiang deuh bawk hian zaithiam lar tam tak chuan lar leh hmingthanna, sum leh pai um avangin anmahni Setana hnena an inhralh thu hi zep lovin an lo puang chhuak tawh thin a. Naupan laia Pathian hla chauh sa thin, Katy Perry pawh hian TEN LIVE channel-in amah an interview tumin, “Kum 15 ka nih lai a music ka luhchilh tirh chuan Gospel Singer Amy Grant ang nih ka tum thin a, mahse ka hlawhchham avangin ‘ramhuai hnenah ka nun ka hralh ta a ni” tiin a sawi phawng mai a.
Tin rapper Kanye West, Bob Dylan, Jay Z etc te pawhin hetiang hian thu an lo chhakchhuah tawh bakah anmahni awp bettu ramhuai a awm thu leh an hla phuah thenkhat te pawh heng ramhuai ho pek hi niin an sawi hial a ni. Hetiang deuh hian zaithiam tam tak te chuan an hlaah Setana nena an inlaichinna hrang hrang an tarlang a, a thenin fiah takin sawi mahse a then chuan love story leh an nun buaina behchhanin thukru ang reng takin an ti lang thung thin.
Hetianga Setana malsawmna dawnga an thil tumte tihhlawhtling tura Illuminati hovin zaithiam te an awpbeh hnu hian talchhuah an harsat a, an nunah buaina nasa tak a thleng zui thin niin sawi a ni. Zirchiangtute chuan rapper lar Tupac Shakur, King of Pop Michael Jackson, popstar Alliyah, guitar legend Jimi Hendrix etc te thihdan pawh kha Illuminati te thah niin an sawi a. Illuminati pawla lo awm tawh mi lar tak tak te’n he pawl atanga talchhuah an tum chuan Illuminati te remruatnain hmingchhiatna mak pui puiin a bawm a, a hnuah chhan hrang hrang i.e OD, kahhlum, inawkhlum, accident etc vangtein an thi zui thin niin an sawi.
Awle, Illuminati chungchang hi inhnialna chawkchhuak thei (controversial) tak anih avangin Illuminati te hi an awm tak tak leh tak tak lohah thu kan titlu chiang dawn lo va, mahse Setana chhinchhiahna leh Setana fakmawina hla thu tam tak te hian kan nitin nun, kan computer, mp3 player, kan mobile phone etc min luahchilh reng tawh a ni tih erawh hi chu controversial mai nilovin a chiang em em a ni. Kristian thalai ten eng hla nge kan ngaihthlak thin a, eng music video nge kan en thin? Kan thawmhnaw hak thleng hian Kristian thalai te hian Setana chhinchhiahna kan lo pu vu vu em? Heng thil lakah hian kan inthiar fihlim thiam a pawimawh takzet a, Pathian no leh Ramhuai no kan dawm kawp thei lo tih kan hriat nawn leh a va tul em.
www.gilbertrenthlei.blogspot.com
Similar Posts:
- Illuminati Story
- McDonald’s BigMac
- Rupee symbol Unicode Standard zinga telh a ni e!
- Mami Varte a la chungnung ber
- Lal Pian Champha Thilpêk
January 27th, 2012 at 5:43 pm
Post thra tak an1
January 27th, 2012 at 5:43 pm
Nibiru inti tunah iluminati chu in atchilh leh ta hlawm ami a? Inti hre deuh in pathianthu hril ho khan an sermon pui leh pap pa ang chu 😀
January 27th, 2012 at 5:46 pm
nia….
January 27th, 2012 at 5:52 pm
ka awih lo lo 😀
January 27th, 2012 at 6:01 pm
A bengvarthlak e. Chhiar a nuam zaih mai.
January 27th, 2012 at 6:03 pm
Bible a Sakawlh a sawi kha a ni ta tlats a hriat na ka nei. One Government, One Money, etc, etc.
Mithiam tam tak, zaithiam tam tak hian an hre miah si lo lo a.
Khawvel an thuhnuai ah an dah ang nga…..
Unique Identification, etc etc, Khawvel hi a hmawr tawh a nia. Video hrang hrang documentary and research ho kha en ve rawh u.
Tun hnai mai pawh ni lo, kum tam tak kal ta atang a an hma lak na hi.
An thiltum tam tak an hlen tawh tlat.
January 27th, 2012 at 6:05 pm
Kan thawmhnaw hakah an chhinchhiahna lo awm pawh nise kan hriat loh miau chuan an thuhnuaiah kan kun tihna a ni chuang lo a, chunglam paw’n sualah a ngai dawn em ni?
Tin, mit lem apiang hi ‘all seeing eye’ tihna a ni kher dawn mawnle?
January 27th, 2012 at 6:07 pm
Kan thawmhnaw hakah an chhinchhiahna lo awm pawh nise kan hriat loh miau chuan an thuhnuaiah kan kun tihna a ni chuang lo a, chunglam paw’n sualah a ngai dawn em ni?
January 27th, 2012 at 6:17 pm
Good Post!
January 27th, 2012 at 6:27 pm
8
century child Says:
January 27th, 2012 at 6:07 pm
Kan thawmhnaw hakah an chhinchhiahna lo awm pawh nise kan hriat loh miau chuan an thuhnuaiah kan kun tihna a ni chuang lo a, chunglam paw’n sualah a ngai dawn em ni?
(Y) (Y) (Y) (Y) (Y) (Y) (Y)
January 27th, 2012 at 6:31 pm
A bengvar thlak e (Y) (Y)
January 27th, 2012 at 6:31 pm
Setana hian hun anei tlem tawh tih hriain, nasa takin a tang a ni ber e. Lo do a sawt lo khawp ang. Tel ve loh leh inthiar fihlim san erawh a finthlak thung ang.
January 27th, 2012 at 6:32 pm
Hetiang lam hi ka hriatloh zawng tak, ka tui pui lo bawka.
January 27th, 2012 at 6:33 pm
pink floyd album cover ho te poh hi han en chiang ula.. pyramid shape sign an hmang tam khop mai
January 27th, 2012 at 6:33 pm
Ngaihnawm hle mai. Mahse hetiang ang hi chu a hmanlai tawh angreng ka ti. Setana bia tih angreng hi chuan ram ropui an dai vak lovang, an sualna hi a class a hniam tlat 😀 chung ai chuan kan tunlai khawvela hlauhawm leh hnawksak chu Chinghne beram vun sin kan tih ang chi, mirethei chan ai rawk ching te, ṭha ang taka lang mi bum hreh miah lo te, mifing tak leh thiamna ril tak nei Pathian engahmaha ngai lo leh finna chapo pui tlat te, miten an ngaihsan em em leh nun ngil tak nisi Pathian hre hauh lo te, adt hengte hi an hnawksak daihhhhhhh…..zawk 😉
Celebrity tih angreng ho hi chu mifing tak an awm vak lova, an hlauhawm hran lo ka ti, bakah keini mizo in kan hmuh san ang hian ram thenkhat ah chuan an hre ve mang lo….
January 27th, 2012 at 6:43 pm
bob dylan hi ka ngaithla nasa khawp mai a. hetiangin member ani ang tih ka lo ngaihtuah ngai miahlo.
January 27th, 2012 at 6:45 pm
Han hlau viau phawt mai ila 😀
January 27th, 2012 at 7:05 pm
Bob Dylan leh Pink Floyd hi chu ka la ngaithla zel dawn. Illuminati-ah erawh enrolment ka la submit ve dawn lau bak. Dan Brown a sarhu pawh a va reh ta ve… (I)
January 27th, 2012 at 7:13 pm
he pa, i post hi hun rei toh fu atanga ka helhkam a ni fo tawh thin. Ka awih a, ka ring bawk. Ka phak tawkin ka chhui ve fu tawh bawk. Engahmah ngailo mahila, min la rawn banphak tho2 turah ka ngai. Beware!!!!!
January 27th, 2012 at 7:18 pm
Illuminati tih velah lo buailo hram rawh u. Thawnthu (fiction) lama tuimi emaw innih chuan chutiang chuan chhiarin ngaithla mai ula…
Khatiang lama intui anih chuan an mahni nilovin an hriat loh, zeldin thu (conspiracy theory) ang chi chu, Google search emaw ah khan “Free Masons/Illuminati” tiin emaw han zawng ula, ngaihnawm intih tur a tam ang hairehai 🙂
http://i39.tinypic.com/wasfti.jpg
January 27th, 2012 at 7:20 pm
heihi ni ve mai. 😛
http://www.youtube.com/watch?v=dxUQ-LjcrdQ&feature=related
January 27th, 2012 at 7:34 pm
Me hian ka awih lo
January 27th, 2012 at 7:40 pm
Mihring finna or intih finna or intih hriatna hian min chhandam lovang tih ka chiang.
January 27th, 2012 at 7:44 pm
littlerascal #22 an ziahte chanchin hi an mahni bakin tuman an hrelo. Zeldin thu mai mai anih vangin i awihlo chu a finthlak e.
Vawihlo vawih a inpuh ai pawhin a ho zawk 😛
January 27th, 2012 at 7:49 pm
A controversial hleee mai.. 😛 😉
January 27th, 2012 at 7:51 pm
ka phone a hla awmte:-
1. I her dun ang- Pachhunga
2. Mangtha- Mami varte
3. Ponyo
4. Mualzapui- Pantei
illuminati kutchhucak chu tel em lovang chu maw? 😉
January 27th, 2012 at 7:54 pm
Mi’n ‘Ramhuai hnenah ka thlarau ka hralh’ ti na na na a, awih lo bur chi a ni nang.
Hei hi a chhiar tlak fu..
http://www.benabraham.com/html/illuminati_-_666.html
http://www.jesus-is-savior.com/False Religions/Illuminati/illuminati.htm
January 27th, 2012 at 7:56 pm
Dan Brown Novel-ah khan a awihawm thin mawle! Chhiar nawn leh ngat a ngai a ni.
January 27th, 2012 at 8:03 pm
S.T.A hian kan mit hi min tihdelsak hi a tum mawle; comment thenkhat en atang hian.
January 27th, 2012 at 8:04 pm
Zaithiam (milarte) hian dotu leh ertu an nei vek ang; Dawtin an puh fova, awih chin neih a tha. Zaithiam lar nazawng hian Illuminati an ti lo; an puhna erawh a awm vek maithei. Tin, hetianga lar khawp ho te hian talent an nei tha a, an bihchiantlak thawkhat vek. An chanchinah hlawhtling tura an beihna leh entawntlak tak tak a awm deuh tlangpui.
January 27th, 2012 at 8:12 pm
Kristian nu leh pa atanga piang, Kristian zirtirna a enkawl chhoh, ka fanu Janis pawh Kristian nundan phak tawk a zirtir mek ka ni.
Ka rawn sawi chhan hi a hnuai ami in chhiar chuan in hrethiam ang:
http://henryvangchhia.blogspot.com/2011/12/ka-pawl-zawm-thenkhat.html
January 27th, 2012 at 8:15 pm
☝..khitiang vela confi tur hi..:pilbo nghal nal nal:
January 27th, 2012 at 8:18 pm
Oho raw….Pu HVa telna pawl kha niin ka hre deuh reng a ni 😀
January 27th, 2012 at 8:21 pm
#33..kan nuih huk chu.. thil ka hrechhuak.. Pu Pkfanai pawh ka hrechhuak tel..inkhawm daih ang.
January 27th, 2012 at 8:30 pm
OT,, Thlahrang\ramhuai ka bula lo tir thei chu cheng tam ka pe angg….ka addreessss ka hrilh angaaa lo tir keuh teh seeee…… ka oi lo aaa
January 27th, 2012 at 8:35 pm
Lady Gaga hi chu Illuminati a ni mahna; “Born This Way” video ah kha chuan. (Mahsela 2011 MTV’s Best Music Video With A Message an dawntir kha!)
Katy Perry hi chu sakhaw mi tak, nu leh pa thuawih, Sundaya Biak Ina zai thin a ni. Pastor fanu a ni a, a ban rekah pawh JESUS tih a chhu ngat. “I sell my soul to the devil” tih interview na a a sawi kha fake a nih an ring tlangpui. Youtube site-ah pawh dislike tu an tam zawk fe kha. Tin, metonymy in a sawi pawh a ni thei; devil hi secular sawina atana hmangin. A hla hit em em ‘E.T.’ music video atang khan Illuminati nen an sawi zawm lehzual a, mahsela a video hi art hrethiam vak lo ho lo sawi mai mai anih hmel.
Eminem, Jay Z, Beyonce, phei chu ka awih lo…
January 27th, 2012 at 8:40 pm
Conspiracy theory mai mai hi kan lo thutak hlatak bawl leh chiam thrin hi a fuhlo. Pulpit thleng thlenga insawithraih deuh roh nana hman phei hi chu a fuhlo lehzual.
Zep lovah chuan, Angels & Demons ~ Dan Brown a novel ka chhiar hnu chauha ka hriat an ni.TV documentary leh websites tam takah tarlan ni mahse, chiang taka finfiahna an awm lemlo. A bik takin khawvel pum an thuhnuaiah dah an tum tih phei hi chu zeldin thu bawl deuh roh a ni.
Satanic music tak tak te chu inphumru lovin a takah an tam a lawm.
Norwegian black metal ho hi ngaithla ula, anni hi satanist dik tak an ni hlawm.
Sam Dunn a documentary ~ Metal, a headbanger’s journey kha in en ve tawh hlawm em? Metal artist thenkhat a interview te khan satanist an nih an pha nasa hlawm khawp mai. A lar zualte chu, Tony Iommi(Black SAbbath) Ronnie James Dio, Tom Araya(Slayer) Bruce Dickinson, Cannibal Corpse etc.
Black Metal band ho erawh an satanic tak tak e…
viz Mayhem, Darkthrone, Immortal, Emperor etc
January 27th, 2012 at 8:42 pm
Chutianga sap hla eng eng emaw, rawn lar chhuah pui tu a piang illuminatia in puh dawn chuan.. khawnge kan rap ve teh ang…”Isua chauh hi kawng leh thu tak..amah chauh hi kan in nghahchhan lungpui…yayayay….waywaywaywa..kawng leh thu tak, kawng leh thu tak..kross kawng ngei chu kan zawh tur yaiyaiyai.. huhuhuhu …”.. a tul dan a zirin kan la rap zel ang..Heng zirtirna lawilo thehdarh tumtu te hi chu..an mahni ang leka ho taka chhuah zel tur. Bible in ” Keimah hi kawng leh thutak leh nunna chu ka ni, Keimaha kal lo chu tumah pa hnen an thleng lovang” tihah hian in nghat ila buaina a awm lo ani mai.
January 27th, 2012 at 8:49 pm
Ka chung ami pawh hi zir sang in ti ah chuan mawl pawl tak niin ka hria 😀 a fiamthu bungrua ah hian a class a hriat theih eee…. :noi
January 27th, 2012 at 8:51 pm
As… 😛
January 27th, 2012 at 8:53 pm
Bob Dylan hla hi ka inspirations lakna a ni. Amah lo in illuminate mahse ka in illuminate vel peih bak lau… bleeeh bleeeh bleeeh…
January 27th, 2012 at 9:02 pm
#37 nell maiden – HAHA keipawn i documentary sawi khi ka lo en tawh a. A hmuhnawm khawp mai. Norwegian black metal band te chuan Biak In te an hal tawp zel. Mihring sacrifice tak tak te pawh an nei thin. Nia, Metal band ah pawh setanic tak tak leh fans chawk phur nan a in ti setanic vel mai mai hi an awm a, kan lo hriat tam tak death metal bands te pawh hi a tak takah chuan an setanic lo ropui. An Kris e ka tihna chu a ni chuanglova.
January 27th, 2012 at 9:03 pm
Kan hre thar ve tan a,kan buai vul leh chuk dawn a ni maw..huihams… Setana hian a hmanrua atana i pek apiang chu a hmang zel ang, symbol leh sign, music..engpawh..Pathian tan kan la let zel zawk tur a ni dawn lawm ni???
January 27th, 2012 at 9:04 pm
Hetiang hi chu Thawnthu ngaihnawm deuh chhiar in chhiar ila a tawk viau a ni 🙂
January 27th, 2012 at 9:06 pm
Hriat teuh pawh hi hahthlak mai mai nih hi…
Routmawi chauh ngai thla tawh ang 😀
January 27th, 2012 at 9:11 pm
#24 pu hv rinna chak lo deuh leh naupang lam tan phei chuan a confusing duh ngawt ang, a hrelo in hrilh hriat kher chi pawh a niin ka hre lemlo, boruak hip a in an loh chuan tu te emaw khawchhak lunglum hlau leh india chhiarpui hlau ho anga rinna ah thlabar nan an lo hmang dah ang e.
Tianga setana through a hausakna hi awm tak tak se chuan a bikin Pathian pawh ringllemlo sap ho hian an theihtawpin an hausak/ lar phah dawn chuan zui/ biak an in chuh nasa ngawt ang haha
January 27th, 2012 at 9:13 pm
Thu belhchian dawllo leh thu va ek mai mai khuk pui ruai peih hi an tlem lem lo a nih hi maw. Ho mai mai thin ngawt mai. Illuminati, Free Masons, Secret Society tih vel mai mai lo buaipui ve em em…bum theih hi kan tam a ni. A va mawl theih haih haih em. Mahse, thutak pai lo hi chuan belhchian a dawl rei ngai chuang lo. Google chawp zut zut a, hre ber ni awm taka sawi ve zul thei na zawng hian thutak an pai ber lem lo (N)
January 27th, 2012 at 9:14 pm
Thu lawilo ah buai buai loh tur. Hetiang a vanga in rinna a der thawn phah anih phei chuang tawngtai tam i mamawh tihna anih kha. Nangmah leh Pathian inkar kha a fel em tih ngaihtuah hmasa la, a fel phawt chuan a dang zirtirna lawilo tih vel hi chu khawvek awm chhungin a awm reng dawn. A pawimawh ber chu Keimah leh Pathian inkar hi a ni tih hre chiang ila a tawk mai. Camping ngawl vel mizo te rinna tider thawng tawk lek lek thu fahrah te te hi in chhuah peih hlawm ngawt mai 😉
January 27th, 2012 at 9:16 pm
47 Selthuama, ka ngaihdan chiah..thulawi lo, thu fahrah te te hi an sawi peih hlawm ania. Rinna der thawng de daw hlawm lutuk mai tiro
January 27th, 2012 at 9:16 pm
righto sandy..
Slayer Tom Araya phei kha chuan, fans te hian satanist turin min duh/min ngai tih ang deuh khan a sawi nghe nghe kha mawle.
Speaking of documentary.. Kha documentary kha vol 2 ka la en lo a, download tur zong nghal teh ang. Flight 666 pawh kha aman a direct.. a hmuhnawm khawp mai.
inla over-conservative ho in an han ti tak tak hi chu satanic lo pawh hi a lo awm hleinem mawle.. hehe.. hman a ta tawh, backmasking an ti emawni.. hla thra pangai deuh pawh a letling zawnga play chuan chuti khati etc a tam mai.
Hotel California te pawh kha setana fakna a inphumru an ti emni kha?
Stairway to Heaven kha chai hmasak pawl chu a ni ngeiin ka hre bawk.
Post a artist a rawn tarlan te erawh khi chu.. an satanic emaw satanic lo emaw ka ngaihsan zawng leh duhzawng pakhat mah an nilo bawk a.. lo satanic se a pawilo ka ti zok hialin ka ring.. haha