Phuahtu:Zira Hnamte
Zanin chung chhawrthlapui eng ruai khi,
Awmkhawhar tizualtu maw lo ni;
Mualzapui dana leng ka ngai nunhlui te nen.
I tiamthu di zawngte lairilah a cham reng,
Kumtluangin aw mangthra dar ang tawn leh hma zawng.
A rem em chhemdam thli chhem kiang rawh,
Nghilhloh di hliahtu vanrang chhum saw;
A zing riai hmatiangah kianni awm ve tak ang maw.
Inthrenin mual chu liam mah ila,
Biahthu di hlan zel ang aw nang nen;
Englai paw’n ka nghilh long kawpte’n kan lenna.
Riahrun ka bel ngam lo hmatiangah,
Chhawrthlapui a lo eng leh ta e;
En ve rawh rauvi thla tah tal khian leng hmun se.
He hla hi Zira Hnamte-in 1972 kuma Shillong-a a lehkhazir laia a phuah a ni. AIR Shillong- ah a phuahtu hian Radio hming hmasa Jerry Zirkunga leh a pawlte tih hmingin an sa a, hnu-ah hian Lalsangzuali Sailo-in AIR Aizawl-ah a record veleh a. 1973 – ’75 bawr vel khan Mizoram hla lar berte zingah telin Radio-ah No.1 hun rei tak a rawn ni chho a ni. H Lalchawimawi in run takin a rawn sa ve leh bawk a. Tin, C Lalrinmawia album thar ‘Ngaihzuali’ tihah pawh khan thiam takin a rawn sa lar leh bawk. He hla hi a tlar chhukthla zar zar i chhiar chuan awmzia a nei.
“Thla eng hnuaia lunglen ve zawng2 te tan ka tlang e”(Zuibawihtea lolxx).
Similar Posts:
- Zan Thla Eng, Mizo Hla leh Kei
- Hei zawng zingah
- Capt. L Z Sailo hriatreng nan
- Buonglienkung a boral
- Kumsul liam hnu
August 13th, 2006 at 11:33 am
Zuibawihtea hehe… Zuibawihtea hming hriat lohna pawh rei tawh lom le. A lar vet vet nen.
Report this comment
August 13th, 2006 at 5:10 pm
Chabeta hi chu I lung a len hmel thei ngawuh ngawih e,
Report this comment
August 13th, 2006 at 9:55 pm
Lung a va ti leng ve ooo, hla phuah thiam tak tak an lo awm hi chu lawmawm ngawt mai..
Report this comment