– written by Ghostly Sphinx
“Khawnge kei val hi”, tiin han sang mar leh teh ang aw!. Hotupa articles ziah hlir, a ninom toh e!, (ka nui!). Tak tak a, thuziah hi keini mizote, thiam nei deuh duah thiam bik nei leh silo te hian chuti em em in kan harsat lo. Mahse, kei, term exam a mizo subject a a khat mawi tawk a lo fail ve tawh thin tan chuan zahlohtheihna hmatheh a ngai si thin anih hi, hemi vang tak hian alom keimah leh keimah ka in ‘sit’ a, ka ziah hreh thin ni. Ni te chu lo sa in, ruah te pawh lo sur in,arsi te leh thla te ngei poh lo eng mahse, ziak ve leh suah mai ang aw!.
Mihring rilru puthmang hi alo va inang lo thei ngai ve le. Mipa thenkhat hmeichhe nih an chak tlat laia, hmeichhe thenkhat mipa nih chak tlat te an awm. Engpoh chu ni rawhse,chhungkaw in enkawlna te a in anglo a,chubakah piansualna chikhat angah kei chu ka lo ngai ve tawp mai asin!. Mizoramah ngei poh mahni mipat-hmeichhiat pui innei ta sawi tur kutzungtang thliah mai poh tawk tawh lova chhiar tur an kat ta nuk mai. Kohhran inrawlh a hun ta hle mai. Lawks, kei hmeichhia ka lo nilo hi chu ka vannei ngawt hian ka hre thin,hmelin ‘puak’ ati lemlo tih chu thuhran nise!. In-chhung sekrek khawih velah hian hmeichhiate hi an fakawm thin ngawt mai. Hmanni ka rawngbawl ve te kha, mittui leh hnaptui tla pur chunga purun chan chu hrehawm ve duh tak a ni, chutah ka thil chhuan alo so baw tep mai bok si nen , ka nu lahin inleng thingpui lum turin min lo tur ve sek bawk si. Thinrim tawh nak alaiin, gas-lighter ka talhna lamah min la man zui ka kiu a tek chhuai a, ring mang khengin, inlengte poh zah zo tawh lovin hmeichhe kawng hnuailam a pawimawh ber mai ka`n auchhuah pui tak thuai kha!.
E! kan thupui ber a ka luh hma in ka`n lo ziah kur ve tuarh hman chule. La khek hrih teh ang, a romantic tlats, ka ui hrih, nge a thriller zawk, uiii thozz! Ka hrethiamlo ani e ka u. Mihring rilru puthmang hi inang vek theilo mahse,a tha lam zawng a rilru puthmang thlak hi a theih ka ring tlat thin,a theih reng bawk a ni. Mihringte hian famkimlohna lai kan nei theuh a, mahse chu kan piantirh atanga kan famkimlohna chu mahni thiam inchantirna mai mai ah kan chantir thin ang tih ka hlau, a sap tawng takin “we shall not take it as a granted for our NAKED-SIN!” (han ti ve leh thuai mai teh ang, inzir na zel an tih kha!). Chutiang anga kan famkimlohna lai chhuanlama kan neih fova, mahni insiamthat nachang kan hriat leh siloh chuan hmasawnna kan hringnunah hian a thleng mawh khawp ang le. He khawvel anchhe dawnga kan chen chhung hi chuan nitin a inzir zela hmasawn zel tur kan ni lawmni? Inhmuhsit vang leh thil a that phahna tur nisi lova kamchhe tleuh nan taka insawisel hi chu sim a tha khawp mai.
a thui deuh a, chhiar zawm duh tan click
