Rit an in chawi siak
Eastern India Weightlifting Championship, Ganesh Mandir Indoor Stadium, Khanapara-a neih mekah Mizoram chuan Bronze pakhat kan la ve va va tawh a.58 kg-ah PCV Puii chuan Bronze medal lain kan thenawm Manipur State an la titha filawr hle a ni.
He championship-ah hian State 10 lai telin a thlengtu Assam bakah West Bengal, Tripura, Jharkhand, Manipur, Meghalaya, Mizoram, Arunachal Pradesh, Nagaland leh Orissa te an tel a, nimin result hetiang hi a ni- (Women) 45 kg-1st L Ibeyai Devi (Manipur), 2nd Binaru Golmei (Meghalaya), 3rd Kalyani Das (Tripura). 53 kg 1st Kakoli Biswas (West Bengal), 2nd Soni Bala Devi (Asom), 3rd L Lasbi Devi (Manipur). 58 kg 1st W khomdowbi (Manipur), 2nd A Piyaimu Chanu (Asom), 3rd PCV Puii (Mizoram).
Shillong-ah Mizo Best Player
Shillong-a Mizo lehkhazira awm hi engzat tak awm ang maw? Khulaia hun engemawchen lo awm tawh leh “ kan College hlui a nih khu” tia inti neitu em em pawh kan awm nual ngei ang Aizawl khawpuiah hian. Mizoramin a hrana University kan neih hnuah hian hmana NEHU kha a la awm reng a, tunah hian Zone Inter-College Sports nei mekin inrinni khan Shillong College chuan St Anthony’s College chu Basketball(men)-ah 63-56 points a hnehin Shillong College player Ialambha M Kharbhih chuan point a score hnem ber a, point 22 a score a ni. Hetihlai hian St Edmund’s College a kal mek Lalfakawma chu Inter College-ah hian best player-a thlan a ni thung.
Santosh-ah Mizoram chak lo tluang zel
Gurgaon & Faridabad, Haryana-a khelh 61st Santosh Trophy khela kal Mizoram team an la chak lo tluang zel a, Meghalaya 0-1 a an hneh loh hnuah Uttar Pradesh lakah 3-1 in an tlawm leh ta.Mizoram tan hian Lalsangliana chuan goal hmasa ber thunin Amit Singh, Pralad Singh Rawat leh Jatin Singh Bisht ten UP tan an thun zui a ni.
Lucknow-ah Mizo Chetha thung
National Junior Judo Championship UP khawpui Lucknow-a khelh mekah Mizoram chuan hriat theih chinah Gold 2, Silver 2 leh Bronze 4 an la tawh a. Chanchin buatsaih lai hian Mizoram team atangin khel tur 6 an la awm bawk.
MFA League
Vawiinah match 3 a awmleh dawn a, Dinthar FC Vs College Veng, Veteran Combine( N-E Vs. S-W), FC Kulikawn Vs. 1st Bn MAP. Inrinni result : Kulikawn 1-0 College Veng, 1st Bn MAP 1-0 Luangmual FC, Dinthar FC 0-5 3rd Bn.MAP
Bawngkawn an Champion
2nd Aizawl District Women’s Hockey Tournament chu Mizo HSS Field, Babu tlangah khelh zawh a ni ta a, final-ah Bawngkawn chuan Chaltlang 2-0 a hnehin an champion a, Bethlehem Vengthlang chuan Ropuiliani WHC chu 2-1 a hnehin pathumna an ni bawk. He tournament-ah hian team 7 an lut a, Bawngkawn hian kan hma lawka Mizoram pum huap District tin inelna Hockey Tournament lo awm turah Aizawl District ai an awh ang.
India Youth Football Team Shillongah Training Mek
All India Football Federation chuan nakkuma Canada rama World Youth Football Championship-a tel tur India Youth Team ten coaching camp hnuhnung (final) neih nan Shillong chu hmun thlanawm ber (most preferred place) a ni a ti a, Coaching camp hi Shillong-ah hian neih mek a ni a, thlaleh ni 10 thleng an nei ang.
Similar Posts:
- Arm Wrestling Championship ah Mizo che tha
- Taekwondo Championship wrap-up
- U-13 squad
- 63rd Santosh Trophy a Mizoram aiawh tur te
- Mizoram football team an champion
September 19th, 2006 at 9:23 am
captcha test
Report this comment
September 19th, 2006 at 9:24 am
captcha test again
Report this comment
September 19th, 2006 at 9:30 am
and again
Report this comment