mi(sual).com

Zonet Cable TV Network chuan December 21 zan dar 7:00 hian, Millennium Centre chungah ‘Zonet Nite 2006’ a hmang dawn a, he hunah hian Zonet Award sem a ni ang a, zaithiam langsar tak takte an tel kim hle dawn a, concert-in a chhunzawm nghal dawn a ni.

A tobul: Zonet Cable TV chuan Krismas laia Aizawl Civil Hospital-a dam lo leh mi harsate tanpuina tur, ‘Zonet Krismas Carol’ programme a siam a, mi dangte tanpui duh apiangin pawisa an chhungkhawm a, December 15 thleng khan Rs 43000 chuang a tling khawm tawh. He tanpuina pawisa (nitin an thawh belh zel) hlanna inkhawm buatsaih turah hian, Zonet Award chu mi hmingthate hnena hlan ni se tiin a rel ta a ni.

Tu nge mi hmingtha? : Zonet Award 2006 dawngtu tura thlante hi mahni kalna kawnga mi dangte entawntlakte an ni. Mizo zinga IAS tling hnuhnung ber te, pianphunga rual ban lo chunga lehkhabu tha tak ziak thei te, Mizo thalaite eizawnna kawng dapsaktu chhuanawm, Social worker ropui, infiamna lama sulsutu leh infiammi hlawhtling, Mizoram University Convocation hnuhnung bera Mizo Gold Medallist, midangte tan thisen pe tam bik etc. hnenah hlan an ni ang. Heng mi chhuanawmte hi Mizo thalai leh naupangte tana entawntlak an nih vanga chawimawi an ni.

Zonet Nite Thupui : Zonet Nite hian thupui thlan bik a nei a, “Tho la, ding ta che,” tih a ni a, Pu Vanneihtluanga’n a sawi dawn a, Mizo thalaite fuihna tawngkam hriam tak tak a hmang leh ang em?

Zaithiam an kim ang : He Zonet Nite-ah hian Mizorama zaithiam langsarte chu an kim thawkhat dawn hle a, award sem hunah hian Pathian fakna hla satu lam an che hmasa ang a, chumi zawh lamah chuan Tribal Power, Dreamhunter-te nen ‘rock’ chhunzawm tur a ni. Tin, zaithiam dang pawh an tel kim viau ang le. Mi zawng zawng he Nite-a leng lût tur hian an sawm a, luh man a awm lo a, a duh apiang tan chhim theih a ni.

Programme kimchang chu hetiang hi a ni

Theme : ‘Tho La, Ding Ta Che’
A hmun : Millennium Centre chung
A hun : 21st December 2006, 7:00 PM
HOSTS : HENRY C.LALRAWNKIMA & ZONUNSANGI FANAI

THEN KHATNA:
1. Opening Speech & Intro of hosts : Pu R.K. Lianzuala (5 mins)
2. Solo : Vanlalsailova (Zonunsangi) (5 mins)
3. Award Hlanna : a) Pu Sangthankima, TNT
(Hlantu : Major Lalngaihawmi)
b) Mafeli
(Hlantu : Margaret Ch. Zama) (8 mins)
4. Award Hlanna : a) Lalramthangi b) Lalawmpuia (thisen pe tam)
(Hlantu : Pu B. Daniala) (7 mins)
4. Solo : Nancy Zothanmawii (5 mins)
5. Thusawi : Pu Vanneihtluanga (15 mins)
6. Award Hlanna : a) Pu John Lalkaisanga
b) Pu R. Vanlalduata
c) Nl.Jenny R. Lalremliani
(Hlantu : Lalnghinglova Hmar) (8 mins)
7. Duet : Mami Varte & Henry Varte (5 mins)
8. Award Hlanna : a) Pu R.Ramhmangaiha, Hnam Chhantu
(Hlantu : Pu C. Pahlira)
b) Tv.Franklin Laltinchhawna IAS
(Hlantu : Pu Rual Zakhuma IAS (Retd))
9. Solo : Evelyn Lalremsangi (5 mins)
10. Award Hlanna : 9 MZU Gold Medallists
(Hlantu : Revd. Chuau\huama) (10 mins)
11. Solo : Johan H.Lalmalsawma (5 mins)
12. Carol Thilpek Hlanna : (Hlantu : Jenny R. Lalremliani) (5 mins)
THEN HNIHNA:
13. Band :Tribal Power
14. Duet :Blue Corn
15. Solos : a) Zahminga Fanai b) SP-i
c) RD-i d) Gnat Lalrinchhana
16. Band : Dreamhunter
17. Solos : a) Mami Varte b) Michael M Sailo
18. Band :Tribal Power

Similar Posts:

• ZONET Award 2007 dawngtute chanchin tlangpui
• Lelte Award sem ani ta
• Tribal Power an che ‘Tribal’ leh dawn
• Zonet Hmachhawp A Hrawl!
• V. Thangzama Nite Videos

Recent Posts:

• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?
• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.

This entry was posted on Friday, December 15th, 2006 at 5:08 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.