Tuikual South Branch YMA hmalakna kal zelah Fund Raising Committee buatsaihin December 19 leh 20 hian AR Ground-ah Youth Icon Live Concert ropui tak buatsaih turin hmalak mek a ni a, hemi rual vek hi an Mizoram State Transport Booking Office kawtah Christmas Carnival buatsaih a tum mek bawk.
Ruahman ang chuan he concert-ah hian Youth Icon top ten te chuan zaiin mipui an awi dawn a, Youth Icon neih zawh taka rimawi tumtute zawng zawng leh zei taka host tu Mali nen kim takin programme hlimawm hmang turin hmalak mek a ni.
Zofest hman zawh taka MZP in dawhsan an siam chu chhawm nghal a ni dawn a, Ticket pawh Rs. 50, Rs. 100 leh Rs. 300 man siam a ni. YMA in hetiang LIve concert puitham a buatsaih nachhan chu vengchhung mi harsa leh tanpui ngaite tanpuina atan a ni. Ticket te hi Khaia & Sons Vaivakawn, D. Light Enterprise Dawrpui te leh dawr hrang hrangah lei tur a awm e. Youth Icon Top Ten 2006 Live Concert “Mi harsa tanpui nan” Organised by Tuikual South Branch YMA Venue: A.R.Ground Time: 19th DEC 200(TUE) 7:00pm Ticket: Rs.300/ Rs.100/ Rs.50
