mi(sual).com

Zanin chu tihtur ka neilo bawk a computer hmaah hian lunglen kan hrithla teh ang tiin ka hla thulkhung te chu kan han hmetchhuak hlawm a, eng hla hian nge ka lung min len a, eng ang chi hi nge ngaihthlak nuam ka tih tih pah chuan ka hla neih ho chu kan hmet zai vel deuh pap pap a. Chutah ‘Darlin’ after you left I got that promotion – Brad Paisley’ kan ngaithla a, mahse hei hi chu tun tuma ka ngaihthlak peih alo nih hauh lo mai a. Willie Nelson – Turn out the light the party is over tih’ ka han zaitir leh a hei pawh hi a la ni chuang lo.

A nih chuan eng hla nge ka ngaihthlak tak ang le, tia kan hmeh kual hmeh kual hnu chuan a mawng lamah hian tunhma atanga ka hla duh ve thin em em mai, ‘Save The Last Dance’ tih Folder ka zuk hmu fuh ta hlauh mai a, chumi Folder kan hawn nakah chuan Save The Last Dance hla ka collect khawm zaithiam hrang hrang Dolly Parton, Emmylou Harris, Michael Buble, Elvis, Arron Neville, Tina Turner, Paul Anka, Sam Cooke, Danniel O Donnel, Paul Anka leh midang dang sak ka lo dahthat ngei mai chu ka zuk hmufuh a. He hla ngei hi alo ni e ka hla duh chu tiin tunhma pawh a midang ho hnena he hla mawi zia leh Emmylou Harris sak hi ka duh ber thin zia ka sawi te kha rilru ah chuan alo thar leh a. Internet atangin a phuahtu chu kan zawng thar tha leh hnuhnawh a, Doc Pomus leh Mort Shuman te phuah a ni tih kan hriatchhuak hnu chuan, he mitepahhnih hma a han ding a chibai buk lawp lawp mai tak ka nap a. Engtianga hetiang hla mawi leh nalh, ngaihthlak nuam leh tiril min fan hla hi lo phuah chhuak ngawt thei nge an nih tihte chu han zawt thei phei ila chuan, ka dilchhut tur zia ka in ngaihtuah hian keimah leh keimah pawh ka in ning nghal tawp. Mahse engpawh chu nise Doc Pomus leh Mort Shuman te phuah anih vang hrim hrim a duh erawh ka nilo a, he hla hi kan kawmthlanga vai mutria ho phuah pawh ni ta tehreng se, ka duh na a bo phah chuang in ka ringlo.

Mizo hla mah nilo se, kei ZO ve tak saptawng pawha tawng ngailo hi, he hla ka ngaihthlak hi chuan a thu hi ka rilru dictionary hian a lo hrilhfiah rang em em hlawm khawp a. JF Laldailova dictionary ka mamawh lova, Oxford leh Webster dictionary ka ngai hek lo. Ka rilrua a lan danah ka rinna ka nghat a, Doc Pomus leh Mort Shuman te rawn lek lovin he hla hi tihhian ka dictionary chuan min hrilh ta a. Hetia chhiar theih tura phochhuah kan tum takah chuan sap hla e tilo chuan ka Mizo trawng zawk chu sapram lama Nula fel (a hming chu la thup hrih phawt) zet mai leh ka duh hun huna ka tirh phar dawr dawr ‘Ka Kid’ ang deuha ka lo en thin chuan min han endik sak bawk a, ani attested hnua chuan huaisen takin ka rawn phawrhchhuak ngam ve ta ani e.

Chhingkhual val’in lam pui tura a rawn mitmei che a.
Nghet taka pawm chung pawn, lo va lampui ta la.
Chhawrthla eng hnuai a, i bana kaitu che hnenah chuan
hlim takin hun pawh lo hmang nang che
Mahse run i rempui tur leh
A tang i belh tur val hi, min rawn nghilh mawlh lo la
kan tan chuan i lam thami kha min lo khek hram ang che

An rimawi thawm ri te pawh chu, wine tha ianga mawi a ni.
Tahchuan nangpawh zaitin vawr a pheilai kai chungin
hun hlimawm tak mai chu va hmang ta la
tunah chuan mualhla in kar min dang rih mahse,
i thinlung chu lengdang tawnah lo hlan suh la
chutah run i rempui tur leh
A tang i belh tur val hi, min rawn nghilh mawlh lovin
kan tan chuan i lam thami kha min lo khek hram ang che

Zankhua alo tlai thleng pawhin
Lam la, hlim takin lam zel ang che
Chutin tin zai rel alo hun a
I lawina run thlenga thlah che a tum chuan ‘AIH’ tiin lo chhang la
tah chuan run in rempui tur leh
A tang i belh tur val hi, min rawn nghilh mawlh lovin
kan tan chuan i lam thami kha min lo khek hram ang che

An rimawi thawm ri te pawh chu, wine tha ianga mawi a ni.
Tahchuan nangpawh zaitin vawr a pheilai kai chungin
hun hlimawm tak mai chu va hmang ta la
tah chuan mualhla in kar min dang rih mahse,
i thinlung chu lengdang tawnah lo hlan suh la
tah chuan run i rempui tur leh
A tang i belh tur val hi, min rawn nghilh mawlh lovin
kan tan chuan i lam thami kha min lo khek hram ang che

————————————————–

You can dance
Every dance with the girl who gives you the eye
Let her hold you tight
You can smile
Every smile for the girl who’d like to treat you right
‘Neath the pale moonlight
But don’t forget who’s takin’ you home
And in who’s arms you’re gonna be
Oh, darlin’ save the last dance for me

Oh I know
That the music’s fine like sparklin’ wine
Go and have your fun
Dance and sing
But while we’re apart don’t give your heart to anyone
And don’t forget who’s takin’ you home
And in who’s arms you’re gonna be
Oh, darlin’, save the last dance for me

You can dance
Go and carry on till the night is gone
And it’s time to go
If she asks
If you’re all alone, can she take you home
You must tell her no
And don’t forget who’s takin’ you home
And in who’s arms you’re gonna be
Oh, darlin’, save the last dance for me

And don’t forget who’s takin’ you home
And in who’s arms you’re gonna be
Oh, darlin’, save the last dance for me

Similar Posts:

• I lam thai hnuhnung ber ka tan
• Them Belly full…..
• Steven Curtis Chapman’s Cinderella
• Hla thu lung kuai !!!
• Mizoram Dance Competition 2006

Recent Posts:

• NGAIHNAWM KAWLEKSAWN – 2 :
• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!

This entry was posted on Saturday, January 20th, 2007 at 10:22 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.