mi(sual).com

Kum 1960 khan Porter Wagoner chuan Television show ropui tak ‘Porter Wagoner Show’ tih chu a buatsaih tan a, he TV Show hian a hunlai chuan mipui hlut a hlawh hle a ni. A tir chuan Porter Wagoner Show ah hian nula hmeltha tak mai Pretty Miss Norma Jean an ti chu hman a ni a. kum engemaw chen chhung chu Norma Jean leh Porter Wagoner hian he show hi ropui taka an kalpui hnuah Kum 1967 khan Norma Jean chuan pasal a neih dawn tak avangin he show hi a chawlhsan a tul dawn ta a. Chu veleh a thlaktu turin rang takin Dolly Parton chu thlan nghal a ni a. Dolly pawh hian he TV Show hi ropui tak leh hlawhtling takin Porter Wagoner nen chuan an kal pui ta zel a ni.

He mi chhung hian hun hlimawm tak takte leh hun harsatak te paltlangin Dolly Parton leh Porter Wagoner te hian hun an hmang a, hemi chhung hian hla tha leh ropui tak tak US Top chart ah pawh nihna hauh pha hial; engemaw zah an pahnih hian an siam hman ani. Chutia kum sarih (1967 – 1974) chhung Dolly-i he Porter Wagoner Show-a a in lan hnu chuan a chhuahsan alo tul ve leh ta, kum 1974 khan a chhuahsan ve a tul dawn ta a. Dolly chhuah tur thu Porter Wagoner-a’n a hriat chuan a lungngai em em mai a. Chu veleh hun nuam leh hrehawm tak a tawhna kara a thian rinawm em em mai Porter Wagoner tan liau liau “I Will Always Love You’ tih chu a rawn siam a. Love song history a hla ropuiber pawla ngaih a ni nghe nghe.

He hla mawi leh nalh hi ti ropui leh zual turin kum 1992 khan The Bodyguard tih film ah chuan an hla pui atan hetih hunlaia zaithiam filawr hemi film a changtunu ni bawk, Whitney Houston chuan a rawn sa thar leh a. Khawvel a rawn dengchhuak leh a ni kha. A hla hi a mawi bawk a ni ang, a phuahtu Dolly Parton ngei pawh hian tum khat chu car-a a chuan laiin a radio ngaihthlak ah chuan Whitney Houston sak chu an rawn play a, chu ve leh ” “If I should stay.” And it took me like a few seconds, and I thought, what is that? That’s so familiar. And then when she went into, you know, like the “I will always love you,” I just about had a heart attack and died. I just about wrecked. It was a great feeling, though. What a great record she did on that” ti hial khawpin ama hla phuah chu Larry King Live interview naah pawh alo sawichhuak hial tawh ani.

Ni e, ‘I Will Always Love You’ tih hla hi chu hla mawi leh ngaihthlak nuam em em a ni a, sap ho chauh pawh nilo keini Mizo te paw’n nalh kan tih ve em em hla a ni reng a ni. Chu hla mawi leh nalh chu tawngkamin a mawina te, a thatna te, a nalhna te sawichhuak thiam ve lo mah ila, rilru hian he hla mawizia chu a haider phal bik lo zawng a nih hi. I Will Always Love You tih hla ti ‘I Will Always Love You’ tu ber mai chu, he amah Dolly Parton ngei maiin USA hmun pakhata a kal dawn tuma Airport-a a thut lai chuan, Nu pakhat hian hun cheptak karah Dolly chu rawn hmuin chu hun hlu tak chu bawhpelh hlau tak chungin ‘i will always love you’ tih hla a phuah avanga a pa chu thlamuang taka an thlah tak thu chu mittui tla zawih zawih chungin lawmthu a rawn hrilh ta a, chu chanchin chu a ni he hla ti hlu tu chu ni.

Chhungkaw pa chu Cancer natna in hun reitak chhung a tlakbuak tawh a, a dam leh theihna tur atana beiseina engmah an neih tawhloh thu chu tlang taka amah han hrilh chu thil chakawm a ni lo, mahse hrilh a tul tawh si a ni. Taksa chau tawh tak leh enkawl ngai a nih chu atan chuan chhungte laka inthlahrung awm tak pawh a ni ngei ang. Mahse chutianga Doctor thiam tak tak, mite rin em em mai te ti beidawng tu nih chu atan chuan zahthlak pawh a ni ngei ang. Mahse chu chu a chunga thil thleng anih avangin a tawrh a tul a, tunah chuan engmah tihtheih a nei ta lo. A hmaah chuan Thihna kut vawt tak chuan rinawm takin a nghak reng a, chu chu hrelo reng an chhungkua ah chuan an awmlo. A hun hnuhnunga hun tha tlem ala neih chu um in, a kalsan tur a nupui leh a fate a HMANGAIH zia chu lantir leh a duh a, mahse chu hmangaihna chu thiltih a lantir theih a ni ta lo. A nupui a hmangaih em em mai leh an rila rah a fate a duat em em mai chu a kokhawm a, chutah nu ber chu a thingrem chhunga a cassettee dahthat Dolly Parton album chu la chhuak turin an hrilh a. Chhungkaw kim in awm mahse he hun hi zawng an tan chuan hun lungngaih thlak a ni tho a ni, nuber in a cassettee lak chu a khum bula a Player ah chuan harsa ti tak chungin a zaitir a. Chu thihna kut vawt in a hnuhliam mai tur chuan, a nupui fanau te chu a hmangaih zia hrilh a duh a, hrilh turin chakna erawh a nei tawh mawlh silo, mahse he hla. ‘Keimah ngei hi la awm thei dawn ila’ng chuan, in zinga awm reng hi ka thlang fo tur, mahse ka hma a min hmuaktu thihna chu ka pan atul ta si, ka kal pawhin kawng tluanin ka rawn nghilh mawlh lo’ng che u. Kei chuan ka hmangaih reng fovang che u.’ “If I should stay, i would only be in your way, so i’ll go, but i know, i’ll think of you each step of the way And I will always love you’ tiin chu hla hmang chuan a hmangaih a chhungte chu a thlah a, ‘Kan chhungkua in hun hlimawm tak takte leh hun hrehawm tak kan hmante kha kei chuan vawng reng chungin hmalam panin ka kal tawh dawn si, mahse khawngaih in kei min ngaih vang chuan tap lul suh ang che u, in tan tangkaina ka nei ta lo, Kei chuan mangtha chungin ka hmangaih reng fovang che u.’ “Bittersweet memories, that’s all I am taking with me, Good-bye, please don’t cry, we both know that i’m not what you need.” ‘He khawvel a in damchhung ni chhiar dan chu lo tha sela, in beiseina te leh in duhthusam te chu tih hlawhtlin lo ni mawlh rawh se, ka awmloh hnuah pawh hun hlimawm tak leh nuam tak in neih chu ka duhthusam a ni a. Mahse, chung zawng aiin HMANGAIHNA chuan lo awmpui che u rawh se, Kei chuan ka hmangaih reng fovang che u.’ “I hope life will treat you kind, and I hope that you have all, that you ever dreamed of and i wish you joy and happiness, but above all of this, i wish you love. And I will always love you.”.

He hla “I Will Always Love You” an chhungkua in an ngaihthlak atanga hun reilote ah chuan cancer awm tawh lohna rama an thlahliam tum pawhin an ui em em mai, an pa chu thlanmual ah pawh he hla bawk hi amah thlahnan chuan an play leh a. Kumkhua a inhmu leh tawh ngai reng reng lo turin an hmangaih chu an thlah liam ta a ni. He hla ropui hmang a chhungte thlah hi a ropui a. Tawngkam in la thlah thei dawn pawh ni teh reng se, he hla thu in a sawi bak aia hmangaihna thu a awm chuang awm love. “And I will always love you.”

Similar Posts:

• What is Love? What does it mean to me?
• For love or money
• Hmangaih Di Bawihte
• First Love Never Dies
• I Love Osama

Recent Posts:

• mi(sual).com hi!
• KA MITTUI A TLA!
• ȚAHNA NUNHLUI
• March 2017, Mizo(ram) Diary
• NUN THÂMRAL

This entry was posted on Wednesday, February 7th, 2007 at 6:46 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.