In dem ngawt thei bîk dâwn em ni? In tawn ni ve ta se, thiam in inchan leh tho lo’ng maw? Ka ṭhianpa pakhat chu a hmangaih (First Love) nên eng emaw harsatna avangin an inṭhen hlauh mai a. A hmangaih-i chuan hun eng emaw chen hnu-ah pasal a neihsan ta a. NIMAHSELA, fa pakhat an neih a, an fa pawh kum a tlin tawh hnu-ah a pasal chuan a thihsan ta hlauh mai. Eng thil nge lo thleng ta? Ka ṭhianpa chuan heti hian min hrilh “Ṭhianpa, kan chanchin i hre ve tawh em? ‘First Love can never die’ an tih hi a lo dik hle mai. Mite chuan min dem ang, mahse ka pawisa lo…” tiin.
Ka ṭhianpa chu kohhranah pawh inhmang tak, bial huap pawha nihna nei a ni a. Hna ṭha tak thawk a ni nghe nghe. ‘Hmangaihna’ ti-a kan iakpui ṭhin hi a lo mak mang e. First Love hlutzia leh thih theih lohzia min hriat chhuahtîr uai uai nia. Miten duh tâwka an lo sawpzi tawh, fanau hial chawia lo ṭûlpui tawh pawh iaina awm hauh lova kuangkuah a, “Ka la hmangaih reng che asin” an ti thei hi chu dem thu chêng suh, an awhawm hial zâwk in ti ve lo maw?
He thu ka hriat ruala ka rilrua hla lo awm chu –
“I’ll be there Anytime you need me
By your side To dry away
Any teardrops that you cry
And if he ever leaves you blue,
Just remember – I love you
And I’ll be there
Before the next teardrop falls”
Chutichuan, ka tum ramah ka khalh lût dâwn tawh teh ang. Mihring inhmangaihna leh induhna te hi chu eng emaw harsatna hrang hrang avangin kan thiam loh ni hauh lovah pawh inṭhen thei, nupui/pasal dang nei thei kan ni. Chhûngte avang pawhin kan inṭhen a, kan inkalsan ṭhin. Pathian min hmangaihna erawh a dai ve ngai lo va, keimahni hian kan kalsan a, kan uiresan a, kan phatsan zâwk ṭhin.
Kan hmangaih tak pawh ni se, ṭâng dang bêla duh taka a bei tawh chuan kan iai a. Nupui/pasal an neih a, fa hial an neih tawh phei chuan kan nupui/pasal ni tûrin kan thinhrik hial tawh ang chu. Ka ṭhianpa pawh chu mi ṭhenkhat chuan an dem ngei ang. Pathian erawh chuan vawi tam tak kan uiresan hnu pawhin min la hmangaih reng a, a hnêna kîr tûrin min la sâwm reng a ni. A rilzia leh a thûkzia hi he mihring kâ hian a sawi chhuak thiam mawlh lo. Ka ṭhianpa thil tawn aṭang hian a fiah êm êmin ka hria. Mahniah inchan ta ila, midangin duh tâwka an lo ba-nai tawh kha lungsi takin i lo pawm leh thei ang em? Hmusit miah lo leh iai hauh lovin “Ka hmangaih che” i la ti thei tho ang em? A har a ni ti rawh u? Mahse, Pathian chuan a thei tlat si a ni. Eng anga sualin hur bosan, uiresan leh tawlh hlatsan pawh ni ila, min hmangaihna hi a ngai reng a. Min hmusit ve ngai lova, min iai ve ngai lova, min ten ve ngai bawk hek lo. Chu a chhapah a sâwmin min la sâwm zâwk a ni. A va ropui êm! Pathian hi kan theih tâwpin i hmangaih ve ang u.
Similar Posts:
- What is Love? What does it mean to me?
- Min hmangaihtu vs Kan hmangaih
- Hmangaihna Dik
- Aw! Pastor/Pro. Pastor/Missionary/B.D. zir zo leh zirlai tlangvâl-te u…
- Ka pu Shakespeare-a love story
December 4th, 2012 at 8:31 pm
Pathian in min hmangaihna hi ngaihtuah chian poh leh a hlutna a zual.
molh2 e.
Post ka
Report this comment
December 4th, 2012 at 9:39 pm
Tunlai he run rian theih zia hi
Report this comment
December 4th, 2012 at 10:42 pm
A then lai lai khi tuna ka thil tawn mek a ni. Ni e, Pathian hmangaihna nasat zia hi kan hre liam puat puat tlangpui a, ngaihtuah chian poh leh Amak hial zawk a nih hi.
Report this comment
December 4th, 2012 at 10:54 pm
@Kher Kher chu chanchin i neih ngaihnawm hmel hle mai
Report this comment
December 4th, 2012 at 11:20 pm
In ngaihzawn laia an X te an hre tlat hi lawm in hmangaihna ti buai thin zawk chu
Report this comment
December 5th, 2012 at 1:18 am
Tun lai chu comment ka thatchhe riau mai, mahse ka chhiar vek zel tho thung.
Post tha hle mai
Report this comment
December 5th, 2012 at 2:08 am
Lung a len chuan he hla hi ngaihthlak thin a tha khawpmai. First comment hi Kitty ani bawka.
Soft kitty,
Warm kitty,
Little ball of fur.
Happy kitty,
Sleepy kitty,
Purr Purr Purr…
Report this comment
December 5th, 2012 at 3:05 am
He thil a “first love” hian enge a sawi tum chiah le?
“True love never dies” tih ka pawm vang ani maithei!
♫Si te quire de verdad
Yi te da felicidad
Te deseo lo mas bueno pa’los dos.
Pero si te hace llorar
A mime puedes hablar
Yestare contigo cuando treste estas♫ ♪
Report this comment
December 5th, 2012 at 6:23 am
Tukchhuah nuam vek u le
Report this comment
December 5th, 2012 at 7:09 am
Tukchhuah nuam ule
@Pu HV, “First love never dies. True love bury it alive” te an tia. A awmzia tak pawh ka man lo ve
Report this comment
December 5th, 2012 at 9:24 am
I thianpa tawnhriat ngei tehkhin thua i hmang hi a tak, hriatthiam a awl bawk..
First love ka neih ve hun hun, nupui ka neih hun a niang…
Report this comment
December 5th, 2012 at 9:40 am
Ka thianpa thil tawn atang hian a chiang em emin ka hriat vang a nia
Report this comment
December 5th, 2012 at 10:05 am
Amen!!
Report this comment
December 5th, 2012 at 10:16 am
@redandgreen, Pathian hmangaihna nasatzia hi ka chhut nasat apiangin ka hmangaih let tawk lohzia ka inhre chhuak thin
Report this comment
December 5th, 2012 at 12:45 pm
Post tha khawp kai. I thianpa pawh chu ka dem hran lo e. Mi tha tak a ni ngei ang.
Report this comment
December 5th, 2012 at 1:04 pm
Mi tha tak a niin kei pawhin ka hria. Ka dem hran lo va, a dinhmun ka ngaihtuah a, ka lawmpui letling zawk mah a ni awm e
Report this comment
December 5th, 2012 at 6:01 pm
I thianpa hmangaihna chu a va fakawm ve le..hetiang mi hi an vang viau nia ka rin ni..
Report this comment
December 5th, 2012 at 9:01 pm
Kei pawhin hetiang ang ema a hmangaih hi ka lo ring pha ngai lo
Report this comment