Tunlai chu kan office kalkawng leh Karnataka leh Tamil Nadu inkal pawhna kawng siam mek a nia, hmuhnawm thei khawp mai . Zingtian atanga zankhua in hna an thawk a, awl lai reng an neilo, an thawk mawlh mawlh mai ani.
He kawng Project hi a ropui kher asin ! Ngaihtuah pawh a ti thui khawp mai. A original road ah chuan motor pali kal lam leh hawng lam lane hnih nei a nia, chuan tunah hian an han zauh belh ta a. A tir phei chuan engtin nge he kawng hi an siam tum le ti in mak ti tak in an construction hi ka lo thlir leh vung vung thin, thian te hnen a han zawh lah kha zah ah ka,n la ve khanglang bawk nen!
Source: The Hindu
A tir ber chuan over bridge an siam phawt a. An siam tirh phei chuan kan bo mai mai khawp a, kawng vang zawng kal tlang khan cement in lei an han siam phawt a, feet 100 emaw vel a sang ni ngei tur ani. Tah chuan le tripper tam tawk tak mai in nitin zantin lei vung an han chhung ta a, hemi bridge zawl tur a lei han chhun chu hun a va han duh rei dawn em ka lo tih rilruk nak lai in thla khat em pawh a ral hma in an chhung zo der nia ! Khawi a lei zo zai nge an lak khawm tih hriat a chak awm khawp mai.
Chuan le, a kawng sir leh lam ve ve chu an han rut zawl kual leh ta a. A kawng kam ve ve te chu mi ram te pawh a lo ni ve ngei chuan ka ring. Tin hmun thenkhat te phei chu rual remlo lutuk kawr thuk tak te a lo ni a. Eng eng emaw chu tih chhiat a ngai ngei mai. Mahse eng thil mah hian he an kawng siam hi an dal zo lo. A mam phei tawp tawp mai a ni ber. Kawr ah te chuan cement in kawng an siam chawp a, kawng pangngai nen a rual rem tur in an siam hmiah mai. He an kawng siam hi a lo ber ah pawh km 8 lai a sei a nia.
Tin an lei siam pawh hi Madiwala atang a Electronic City thleng tur a dawh a ni bawk. Kan hriat ve mai mai tur chu Electronic City hi khawvel company lian a bik in software co. US, UK, Japan etc a mi te ho bu khuar na a ni bawk a Karnataka sorkar pawh hian a duat hleuh hleuh hlawm teh a nia. Chuvang tak reng chuan a hmun hi tlem a khaw pawn deuh a awm a nih vang in leh mi sing tel chuang teh meuh mai hna thawhna a ni bawk a traffic a jam nasa thei in he problem solve na tur reng a he bridge leh kawng pawh hi extend an nia.
Sorkar in Private CO. 2 a ruai a, eng thil ah mah an inrawlh ve lo. Kan ram chu han ni na se chuan aw ! A eng a mah hma in compensation ah kan han buai nghal phawt anga, Tuirial Hydel Project ang deuh khan a eng a mah hma in kan kawng siamna budget za a sawmnga vel chu an ral leh nghal phawt a nga, a thei fa leh thuneitu be thiam ten a ruk in an lo in compensate ve emaw a ni bawk a nga, a lei ringawt pawh kan dawh zo hian ka ring mawlhlo !. Tuirial atang hian a lang chiang em mai. MNF in alkatra an neilo tih fiamthu te ka lo hrethawi deuh a, an alkatra te chu a diak pur thin a ni awm e, ropui ngei mai !
He project hi kum 4 chhung a zawh hman tur a tih a nia, tun a alan dan ah chuan kum li hma ngei in an zo hman ka ring khawp mai. An lei dawh tur hi km 8 a sei kan tih tawh kha, sei tak a ni. Heng Co 2 te hian a tha thei ang ber in hna an thawk mek a, sum um a hnathawk chu an ni ve na meuh mai. Mahse kan Mizoram overbridge te ang a chim ve mai thei tur ang chi chuan hna an thawklo khawp mai. Kan kawng hi in en ve hlawm teh ang. Ngun tak a I ngaihtuah chuan kan kawngpui neih ve te pan zia leh rualrem loh zia te I hre thei ngei ang.
Kan ram pumpui han en pawh hian kawng tha han tih tur kan neihloh zia te hi, Tuirial panna kawng hi Mizoram a kawng kan neih that ve ber a ni kan ti thei awm e. A mawi tawk hian kum tawp lam pang ah kan sorkar te ho hian kan kawng neih thenkhat te an han siam thar ve ziah thin a, fur khat em pawh a daihzo ngai der si lo. Tuihawk lian lemlo tak in a a tihchhiat theih mai mai te an ni si.
A chhan dik tak in hre duh em ? In han sawi dawn teh ang . Kawng km khat lek siam tur hian cheng sing chuang sen a ngai a sin ! A dan diktak ah chuan kawng alkatra a an luan hma hian border lung chilnawi phah phawt tur a nia, chumi hnu ah chauh alkatra in luan tur a ni. A chhah lam pawh inchi thum ai in a chhah tur ni awm tak a ni bawk. Chu chu kan engineer rual ho hian an hre kar a, kawng an siam reng reng in a pan thei ang ber in an han siam a, an rilru ah thil dang reng a leng tawhlo.
Engzat nge SE, EE, SDO, JE te hian an ei ruk te pawh hi ! Ka hriat ruk dan chuan EE in 10% a chan chuan SDO in 7%, JE 5% an chang thin ni awm tak ani. Contract reng reng ah hian khitiang khian kan sorkar hnathawk te hian an lo eiru thin tih hi lo hre tawh teh ang che u. I va sawi huai ve min ti inlo awm a nih pawn chhete mah in ka zaklo tih in lo hre bawk dawn nia.
Kan sawkar first class officer te basic hi cheng 8000 atang a sing chuang hlek te an ni awn e. Hmanni lawk khan JE pakhat hi a nupui nen an fanu heta awm rawn tlawh in an lo kal a. A tir ah chuan zankhat a cheng 350 chawina hotel ah an han thleng phawt a. A tuk leh atang chuan hmundang hotel pakhat zankhat a cheng 3000 chawi ngaihna ah an in sawn hmiah mai!
Thei tak an ni. Ka hlawh lak pawh ( chapona ni lo se ) a la phalo tih ka hre ve kur sia, income dang an neih awm ka hre bawk silo nen, eng tin nge tiang a an khawsak theih ? Eiruk ngawt mail oh chuan tih ngaihna a awmlo. SDO pakhat pawh nupui pakhat leh fa 2 nei an awm a.
Kum sawm em pawh a la thawklo ang a tih tur ni mahse an inchhung han en chuan pui tak a ni. Thil tunlai ber ber an nei vek a, computer, sofa, TV, CD player chang kang ber ber nen an khawsa a chu mai bak ah chhiahhlawh pahnih an la ruai zui a, inhmun nuai chuang fe man an nei zui bawk. Khawi a mi zozai in nge tiang hi an neih theih ? Bangalore sorkar ang te hi han nei ve ngat ila chuan jail a thawnliam tur kan officer te zing ah hian an tam dawn khawp in ka ring. Hmanni lawk ah pawh Pu Rotea ( IPS ) Addl DGP( tun a Mizoram a DGP thar ) ho in JE in pakhat an va thawng thut a.
A hlawh leh a thil neih a in mil thlawt loh vang in an va thawng ta chu a thil neih zawng zawng chhut chuan Millionaire ni awm tak a ni, a khawsak leh nun dan han en chuan. Minister, MLA te an inrawlh ve ngailo kan ram ang in, an man hmiah mai a ni. Tin hmanni deuh khan Bangalore mi langsar leh thil ti thei tak fapa pakhat chuan Pub a an kal na ah haw a hun tawh hnu pawh a an la haw loh avang in night patrolling ho nen an in nang ching a, an man hmiah mai a ni. A nu leh pa te pawn han chhan ngial han tum mahse an chhan thei chuanglo, dan kha a bawhchhe miau si a, kan ram chu ni se la chuan a man tum tu ho zawk khan an hna ah an tuar phah letling zawk hial mai thei ani.
Hei vang hian kan ram hi han changkang tak tak thei chi kan ni lullo a ni. Karnataka Sorkar ang a huaisen, dikna leh felna a rorel ngam, thudik leh ram tan a tha a nih phawt chuan term leh ah tling dawnlo mahse hma la ngam neih ve a va han chakawm tak em. Hmanni deuh khan ka office kal ka ID ka ken theihnghilh palh avang in Security ho hnen ah temporary ID ka va la a tah chuan rin loh deuh mai hian kan security lu ber kawrnel retire tawh hian min rawn bia a, Mizo a mi I nih min tia , aw ka han tih chuan phur deuh hian min titi pui ta hrep a.
Pu Rajiv a te leh Pu Laldeng a ten 1986 a inremna treaty an neih lai khan sipai hotu ni in Durtlang ah a lo awm ve thu te min han hrilh bawrh bawrh a. Tah chuan ti hian thu mi han zawt ta a. Nanglo hi Mizo dang engzat nge thawk ve tih min zawh chuan kan tam vak lo a ni awm e ka tia, mak a ti kher mai. Mizoram a awm hunlai ang kha maw a la ti ni tur a ni, Mizo te chu lehkhathiam thei lutuk in nia eng vang in nge in rawn chhuk hum hum loh min ti chu chhan a har khawp mai. A nihna diktak ni a ka hriat in ka chhang ta a., chu chu ni e a hming chuan lehkhathiam chu kan tam lutuk, mahse hna han thawk tak tak tur in kan quality a hniam em a ni tiin ka chhang ta a.
A awih tha duh derlo mai, Mizo naupang chu in thiam thei em tiin mi ti ta a. Nia tlem a zawng hi chu ka ziak ve tawh a, mahse keimah ber hi eng mah ka nih loh avang in ka inthlahrung deuh a lawm le ti a kan chhan chuan buaina I nei a nih phawt chuan ka hming sawi la engtik lai pawn ka pui reng thei ang che min han tih zui pah a mizotawng ngei a mangtha a han ti kha chu a ruk hian a nuam ve veng veng a sin !
Thil diklo a ti tu chuan eng mah an sawi ngamlo chuvang chuan thil zep hnia hnia chung a thil tha ti ve ho te hian e in nihna in pawm ngam a ngai tawh a ni ber mai. Mipui te pawh in than harh a hun lutuk tawh, in tlai lam mah mah tawh zawk ti hria in in dikna chanvo vawng him tur hian in theihtawp chhuah mawlh teh u, a nih loh chuan in bet tial tial ang nga nakin lawk ah phei chuan in ral vek mai ang. Karnataka Sorkar ang hi ka va han it tak em !
LALREMLIANA PACHUAU
INFOSYS CAMPUS, ELECTRONIC CITY
BANGALORE, KARNATAKA.
December 16th, 2011 at 12:21 am
Ka va hre ngailo hlom cheu ve..in tlangnel hmel hlom phian bok si, tute nge in nih? Lo ti vel ila 😀